18樓雞煲火鍋專門店

營業中

休息中

在禁晚市堂食前一天，我們決定食餐勁嘅。所以選擇了旺角18樓雞煲，食到好飽。我哋決定五點幾就去到，因為驚夜啲會好多人。落單10分方便，因為不用自己出去拿食物，掃一掃QR code就可以點餐，咁就可以減低疫情期間直接出去拿食物。佢會因應你的人數提供食物，咁就唔浪費。雞煲分量超多，食完雞煲已經很飽。自助櫃有熱水供應，可以用隨便拿去洗洗碗碟。來的二人份量就是這樣，例如芝士丸兩粒水餃兩粒。有打邊爐必飲的忌廉溝鮮奶，同埋消化的解茶。菜洗得很乾淨。給你一個小貼士，如果覺得太濃味咁，可以先將雞煲的醬汁倒出來，然後再加火鍋湯底，咁就變咗清湯底，再可以叫啲秋葵，白蘿蔔，蕃茄做湯底。亦都要試試他的冬瓜茶，清熱。大概差不多兩小時，侍應就會遞張單來，只要拎呢張單出去買單就OK。如果仲未飽，可以食埋甜品。

18樓雞煲火鍋專門店❤️🔄💕之前都主要係荃灣食雞煲，發現原來18樓喺旺角都開左啦，一樣係18樓哈，🌈不過唔係大鴻輝係創興啦！入面裝修真心靚好多，又好有🇭🇰香港特色風格。今次我地坐窗口卡位超級舒服，🧏‍♀️建議book位/用gulu 訂位先。💰7點半前離座/9點半後入座有88折優惠💡設有加一服務費💰星期五六日，假期及假期前夕+$10⏰2小時用餐時間📲手機QR code下單🌶雞煲：大辣🔥火鍋：極上和牛套餐C💰18:30入座：$268🐔大辣雞煲係咩感想？👍“其實我唔係食得好辣既人 但我好中意食辣 呢個大辣真心食到我個口好攰咁流哂鼻水咁""雞件份量好多果雞冇令我失望 唔係淨係得個辣字 都有好多配料好惹味"💡入座前已經要講雞煲要幾辣🥩任食極上澳洲和牛火鍋👍"辣完一輪就打邊爐啦 三款牛都係任點嫁 超有牛味 我最中意就係美國安格斯牛肩脊""另外值得一讚係佢地既丸類 墨魚丸貢丸同胡椒豬肚丸都好出色"🍻飲品都係任嗌㗎👍"除左有汽水檸檬茶基本野之外 竟然有苿莉綠茶 食完辣野飲都幾爽 可樂就有埋coke plus""另外一邊有雪糕同乳酪食添！"

18樓雞煲係荃灣都相當出名，最近發現係旺角開左新分店，梗係要去試下喇😋店裡面格局好靚好新淨，以舊式香港作為主題，處處都是打卡既好地方～坐底之後，店員就會上雞煲，唔係好食辣既我地簡左雞煲唔辣本身覺得唔辣既雞煲應該都普普通通，點知！雞煲整得十分滋味，雞肉嫩滑，多肉少骨，加上秘製醬汁，將雞煲既味道昇華左另一層次，完全停唔到口，好味道！下次要試下加辣，相信會更加惹味🤤食到咁上下，就要開始 轉戰 打！邊！爐！加左清湯底後就可以打邊爐lu, 用qr code 落單任點，方便快捷當中有幾樣野食係好值得點～海蝦我地都點左2 round, 因為蝦肉好鮮甜，一啲都唔會梅，非常之新鮮魷魚都好爽口彈牙，好有口感呢度既響鈴同出面唔同，自家製獨有既毛巾形狀點落湯底大概幾十秒，脆得黎又食到湯底既味，食落去好有層次，飽腹感好高滑牛都值得一試，平時食開既滑牛都好韌，所以我一直都麻麻地，但係呢度既滑牛就唔會，加上滑牛切得唔太薄所以好有口感😋野飲有好多選擇，除左一般既汽水，罐裝飲品，呢間鋪頭仲有自制既飲品，例如台式冬瓜茶同埋冷泡茶，消滯一流，好有心思食到好飽好飽既時候，唔好唔記得試下佢既frozen yogurt! 好多配

係人都知創興大廈有好多打邊爐、放題今日黎到呢間18樓雞煲打個邊爐食個雞煲一入到去餐廳算係幾有特色 好有舊香港茶檔色彩🤩餐廳以掃QR code用手機形式落單雞煲一上枱翻一翻熱就食得唔洗再等佢慢慢煮，岩哂心急既朋友仔雞煲好香，雖然我地柯打左中辣不過唔算好辣，雞既份量都算多，而且啖啖肉，兩個人食一定夠😍食完雞煲就落單打邊爐，清湯、調味料就出面自己搞，而火鍋料就應有盡有牛雞羊豬海鮮 瓜菜 雲吞水餃樣樣有都有幾十款食物比你慢慢打我自己就幾鍾意食佢D響鈴 蜆同埋肉類響鈴大大舊 滾佢幾秒吸下D湯汁已經好入味、又脆口講完食就講埋飲品😎除左汽水之外重有唔同類型既冷泡茶唔洗飲到成肚氣又可以解肥膩最後重可以自己出去拎雪糕做甜品

疫情下難得同朋友食飯，終於食到期待已久嘅雞煲啦~講講環境先，乾淨寬敞，而且有花心思設計喎，有打卡位唔錯👍🏻。飲品除左一般既汽水之外，仲提供左冷泡茶都值得一試呀。一黎就會按人數上雞煲先，第一次食當然試咗小辣先啦，佢哋嘅辣度偏甜，食唔到辣嘅都唔會有問題！雞就啖啖肉，差唔多食完仲可以加湯打邊爐一舉兩得，而且打邊爐嘅料仲係任食嘅，唔會驚食唔飽啦，魚皮同肥牛推呀👍🏻～最後加個薯粉簡直滿足哂啦！仲有甜品雪糕或者乳酪食😋

雞煲夠味 我同男朋友今次叫既係中辣🌶雞肉都好入味 不過芫荽好少 大家可以叫佢哋加多啲🤤溫馨提示：如果覺得唔夠辣 可以問店員拎雞煲醬汁 重有大 中 小 辣 服務態度都好好 店員都好有禮貌🙆🏻‍♀️ 食完雞煲之後打邊爐 湯底唔會變得冇味 火鍋材料都有好多選擇❤️❤️ 除咗食物不錯之外 18樓自製既冬瓜茶大家都可以試吓 冬瓜茶好啱我口味 唔會好似台灣太甜 甜度剛剛好🥤🥤餐廳環境好特別 好有香港特色 坐位我自己覺得舒服過荃灣分店 好開心本店新開張在旺角 方便左好多❤️ 唔洗去荃灣個間Lu~ 大家一齊快啲去食🐔🐔

今日同朋友係旺角shopping完就去左美食塔創興度覓食，竟然發現前排係大鴻輝食過嘅雞煲而家開到黎旺角，咁岩又想食雞煲，緊係上去18樓重溫下啦！因為朋友唔食得辣，雞煲我地叫左小辣，辣度小小出岩岩好。醬料香辛之餘夠濃郁，雞件好快入味，一滾起好快就俾我地清哂～放題任食又點少得野飲呢～同其他店唔同，唔單止有罐裝飲品，18樓有幾款自家制嘅飲品，味道都相當獨特。我最推薦冷泡茉莉綠茶，香滑清新又解膩，不過手快有手慢冇，好快俾人清哂～食完雞件就係時候加湯了～濃厚白色嘅上湯將稠密嘅醬汁化成香氣十足嘅湯底，仲越煲越有風味添。理所當然地，之後輪到各種火鍋配料進場！響鈴同山根索左湯汁香味相當好味，炸物配濃味火鍋湯底認真過癮～芝士魚餅同芝士丸好香芝士味，一路食住一路拉絲夠哂邪惡之餘，濃湯滾過嘅丸身都非常入味，口水都停唔到！粟米甘甜同鹹味湯汁有形成對比，而鹹中帶甜嘅味道不但冇互相抵銷，風味仲濃郁左，道理就好似少少糖能帶出中式菜鮮味一樣。金菇嘅感覺就相對唔同D，爽口口感加上鹹香嘅湯汁，咬落索索聲，好食到叫人停唔到口～肉類都相當唔錯，尤其肥牛，雪花均勻油香夠，叫完一碟又一碟～野食種類都好廣，唔止蔬菜同肉類，好似蝦同

雞煲同打邊爐季節開始!! 18樓雞煲係創興開左分店, 原本得荃灣有, 近左咁多梗係要去食啦! 依度有ABC餐, 今次就食個最平既A餐, 只係$178人頭。依度裝潢好有懷舊港味, 而且光猛整潔, 第一感覺很不錯! 坐低後好快就上雞煲, 店員會幫手炒多幾炒, 好快食得! 食完雞煲可加湯打邊爐, 點菜用QR code, 環保衛生又唔怕漏單。而上湯, 醬料, 飲品都係自助區, 幾中意佢準備好一樽樽湯底, 唔洗下下等店員加湯, 又可以自己逐D逐D加。麻辣雞煲 (小辣)雞煲醬汁係靈魂! 花椒8角帶出既麻辣味非常香, 辣度亦足夠, 而且中意佢濃味得黎唔會過咸, 超惹味! 雞件肉多骨少, 而且肉質夠嫩, 啖啖肉超開心!雖然係食最平既A餐, 但係任食既選擇都好多, 個人認為十分足夠。叫左2-3 ROUND火鍋料, 基本上全部野都好靚仔, 連D菜都係切頭切尾好整齊咁放好, 放題店黎講比較少有, 讚!特別推介依度既海鮮, 海蝦新鮮彈牙, 蜆(是日海鮮)鮮味JUICY, 白膳片魚味香, 食足3 ROUND都唔浪費個胃既QUOTA! 響鈴又係必叫, 大大卷而且帶微脆, 拖1拖索哂D湯, 正!今晚成餐基本上真係冇

旺角雞煲火鍋不錯吃一個個卡位在疫情下亦可以食得安心完全擁有私人空間唔使同人逼環境乾淨，光線充足食物選擇多用手機點材每碟份量唔多，唔驚做大晒鬼雞煲分左三個套餐唔係好記得有咩分別好似係一個有海鮮一個無雞煲方面因為朋友唔係好食得辣所以擇左少辣麻香味十足，雞的size 偏細隻，份量大概巾一隻雞左右，不是太大隻，可以叫多啲火鍋配料食完雞之後加湯打邊爐套餐可以叫安格斯牛肩肉份量少少一碟，但可以不停叫😆😆牛肉新鮮香口不錯另外叫了扇貝同生蠔生蠔不錯吃說真的，新鮮肥味但扇貝就細左啲，一般般另外火鍋我最喜歡食蝦，佢啲蝦都唔錯新鮮，彈牙，肉算實蝦滑墨魚滑正常，都算彈牙，可以不停叫🤣😆唔知係唔係疫情關係，客人唔多，所以並沒有限時我地由1815左右食到2030左右，2個幾鐘。每人加一後每人$240價錢同質量黎講算唔錯可以回頭再執

之前都聽過十八樓雞煲，但就一直都未有機會食到。咁啱今日去旺角，原來係呢邊新開左分店，梗係去試下啦。去到嘅時候比較早所以冇咩人，入到去都有少少驚喜，空間比想像中大，估唔到仲有懷舊香港元素嘅裝修，如果有外地朋友黎香港可以帶佢地一遊。今次嗌左個小辣雞煲，上得都算快👍辣度合乎我想要嘅小辣，好野味，醬汁濃度都啱啱好，雞肉入味又好嫩。平時食到麻麻地雞煲嘅話通常食幾舊就即刻轉打邊爐，但呢個雞煲真係好啱我口味，食到停唔到好鐘意呢到有冬瓜茶、桂花烏龍呢類選擇，唔甜冇氣啱晒消濟。雞煲食到咁上下就掃QR Code 落單，食物都上得好快。有好多一般雞煲店未必齊嘅menu,滋補花膠、豬肚豬腸、是日海鮮....我真係要讚爆呢到嘅脆鯇骨腩，爽到索索聲，平時自己係街市買一斤都好貴，呢到任食真係不得了啊..呢餐都未食完已經開始諗下次幾時再黎過喇😂食到最後梗係唔少得甜品啦，有一般軟雪糕同乳酪雪糕，呢到嘅乳酪雪糕唔係好綿滑果種，而係有少少沙冰嘅質感，我覺得都唔錯。埋單出去見到有好多人排隊，呢個時勢仲可以有呢個盛況，證明十八樓雞煲嘅質素真係令大家慕名而黎。整體黎講除左食物質素、環境好之外，自助式嘅感受都唔錯，出去食放題最憎就

聽朋友講旺角新開咗一間好好食嘅雞煲！！ 雞煲迷嘅我當然立即衝去 一探究竟！！ 睇返價錢都非常合理，而且新店開張期間仲會有折添！！！入到去見到好多好特別嘅裝修！！非常有趣。落單叫嘢用qr code 自助點單，叫咗啲乜嘢一目了然、清清楚楚、快捷方便！雞煲熱辣辣，既惹味又啖啖肉 ，一直係我嘅至愛！！ 個汁落咗好多唔同嘅香料同重味嘅佐料，例如洋蔥、香菜……等食完雞煲即刻加豬骨湯，變成打邊爐， 肥牛非常新鮮，肉味夠濃， 響鈴都唔係一般市售產品，係自家製嘅！！出面真係食唔到！！飲品都有非常多選擇， 整個雪櫃都係滿滿的。最後嚟到甜品時間 ，係我最鍾意食嘅乳酪味雪糕！！ 酸酸地又凍凍地，絕對可以解膩！！yummy!!

自從疫情爆發之後，都好耐冇食過雞煲，有咩開心得過一班人一齊恰下恰下。不過今次同朋友2個人食，早早去到，唔洗等位。可能因為新開，環境非常乾淨，裝潢幾特別，好光鮮。2個人坐卡位，好闊落，坐得好舒服！今次勁方便，坐正係野飲櫃對面。野飲選擇唔多，不過都夠飲啦。—藍妹唔食得太辣，所以揀左微辣。雞煲兩個人食，淨係食雞真係都好易飽。微辣其實係近乎唔辣，香味十足，超級夠味。雞滑嫩，肉都入味，好滿意。食到咁上下，又係加湯打邊爐既時間啦。佢好似係加雞湯／豬骨湯，但講真真係好淡，加第一次湯已經覺得冇乜味，再加多次直情冇味。我地後尾頂唔順，拎左碗豉油倒哂落去，咁先叫做有返啲味。—藍妹一概冇食魷魚，不過聽朋友講都唔差。藍妹好鐘意食佢既蟹籽墨魚滑，超滑超重墨魚味，加埋蟹籽口感同味道都一流。—我地淨係食左牛肉豬肉，牛肉不過不失，薄薄的，有肉味。我地唔係食肉獸，所以淺嚐就冇再encore啦。—脆魚鯇真係可以好好食，亦可以好難食。呢間既還好，口感爽口既，但煮耐左就好易散哂。—自家製響玲，呢個係藍妹成晚最鐘意既！呢個真係好值得一試！未浸湯之前已經好鬆脆，係鬆脆！唔係又軟又實果啲。浸完湯依然保持到入口化開既感覺，而且吸湯能

呢間總店喺荃灣好多年，都算出名。我之前亦係荃灣食過一次，覺得都唔錯。最近佢哋喺旺角開分店，全單88折，所以都去試一試。我今次揀咗最貴嗰個Set, 88折後平均每人$262.5。雞煲嗌咗少辣，以呢啲任食雞煲火鍋嚟講，佢算幾好味！夠香，啲雞唔會過老。今次呢個餐，包咗廣島蠔。但見到雪得幾誇張，完全未溶過雪。感覺真係麻麻，不過都算幾大隻！牛肩卷睇落幾靚，夠鮮紅又溶晒雪。期望都好大，但點知煮熟咗放落口，一啲牛味都冇，直頭係冇味。少少失望啦🤏🏻炸魚皮同山根值得一讚。炸魚皮夠脆，夠大塊唔似得一般任食會淋晒！山根一啲油益都冇！👍🏻新開張關係，地方都幾整潔！坐得都舒服，唔會太迫。冇漏單情況，服務態度都唔錯。不過佢雞煲之後嘅邊爐湯底冇乜味，好似清水咁！

<在18 樓既18樓雞煲>🐤喺創興18 樓既18 樓雞煲 以前喺荃灣新開時食過一次 今次經開 mk再食佢分店 ,.不得不讚佢揾親鋪都係18 樓😂 178 蚊一位既雞煲 🍴 雞煲 我二人食份量都唔細 應該有半隻雞 洋葱 辣椒 胡椒 🌶️ 調味 醬汁帶 d甜同香濃 中辣既辣度係甜得黎後面帶 d辣 個味調得唔錯 雞肉幾彈牙 厚肉而且夠哂入味 食到甘上下就落湯打邊爐🍴邊爐料 肉食有爽彈用牛 肥美既雪花肥牛 🐮黑豚肉 🐷 羊肉片 等等。 是日海鮮係沙白 好夠新鮮 仲有甜海蝦🦐 炸野十分唔錯 炸魚皮🐟 響玲同印尼蝦片都好夠香脆 自家包既粟米豬肉， 菠菜豬肉都落足料 食落好滿足🥟🍴飲品方面有各式既可樂汽水 茶 仲有自家沖既桂花烏龍同茉莉綠茶 茶味幾香 夠哂誠意 ☕🍴雪糕 有雲尼拿味軟雪糕 仲有乳酸味雪糕 都幾新鮮 加埋棉花糖 椰果 朱古力碎等等 🍦 邊爐完再食正！#打邊爐 #火鍋 #肥牛 #雞煲 #放題 #綠茶 #雪糕 #烏龍茶 #雲尼拿 #海鮮Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&H

天氣一涼就成日心思思想食雞煲，咁啱上網見到呢間好似新開就上咗嚟試吓！一入去已經比裏面嘅裝潢吸引住，有啲霓虹燈、仿鐵閘，成件事非常懷舊香港一入門口員工已經問我地要咩辣度，因為我哋唔係好食得辣 ，所以我地就揀咗大、中、小、微辣入面嘅小辣，坐低冇耐雞煲就好快上！少少辣配少少麻再加埋少少甜味，雞件多肉少骨，入味之餘又非常嫩滑！同朋友好快就已經食晒啲雞😂之後就加咗清湯去打邊爐！初頭以為得出面自助菜吧拎菜🙊點知原來係用QR code落電子菜單，選擇更應有盡有，無論係豬羊牛雞，丸類、內臟類、蔬菜定海鮮類都有齊！我地好快就揀好心水落單，d嘢食都上得幾快👍🏻我哋食完又可以叫其他唔同嘢食，非常抵食！而令我驚喜嘅係出邊自助甜品吧！竟然有frozen yogurt!!😍😍😍雖然雞煲邊爐食到好飽，但係都係忍唔住食咗兩大杯😂！總結來講 ，今餐都幾唔錯👍🏻好食之餘又多選擇，同埋價錢都非常抵，環境闊落得嚟都幾乾淨 ！