18樓雞煲火鍋專門店

營業中

休息中

入秋，又係時侯搵啲熱辣辣嘅野食落肚search到呢間18樓雞煲，聲稱地表最強，好串佢有三個餐，B餐已經有海鮮，C就多埋靚牛咁我地就食A啦，食落好食下次先試埋BC而家係試業期間，早啲黎打卡有88折!值得一提嘅係佢個環境，係仿香港特色之一嘅舊式大排檔啲燈阿，拉閘阿之類，都叫有心思豉油自己斟，可惜嘅係佢無芫茜亦有好多特製自家飲品自取，我飲咗兩杯冬瓜茶好正，唔會甜到漏又清熱解渴，啱曬邊爐飲自取櫃入面仲有菜，基本上乜菜都有，生菜娃娃菜菜心乜乜乜而家好多餐廳都用QR CODE落單，一黎環保二黎圖文並茂等客知道叫啲野食咩樣我地叫咗小辣雞煲，睇返圖都勁想再去食，擺低就咁聞都超惹味貼心嘅係侍應會埋黎幫你攪兩攪，見唔見到戴手套嗰隻專業的攪煲手雞煲最緊要啲雞，嫩口新鮮配埋佢嘅麻辣調味，好食到唔知點算好外面冰鮮雞味真係呃唔到人，一食就知有咩差別食完隻雞已列入要encore名單好快食完雞就加水打邊爐水外面有得自取就算係選最平嘅A餐，佢嘅選擇都多到有選擇困難羊肉、鮮牛、魚滑、餃子、滑豆腐(大推)同埋鯇魚片都有!!!一定一定要食魚片，好鮮好有驚喜基本上無試過係放題入面食到過好食嘅魚片，所以感動了我湯底打完邊爐熬完咁

星期五晚女朋友沒有約我吃飯，公司同事臨急臨忙考慮上今晚吃雞煲，網上搜尋這一家在荃灣店特別多評論，由於荃灣地段對我不太好所以發現了原來新店開在旺角！ 正因為如此晚上馬上book了七點半，幸好有打電話上去book位否則要在外排隊！由於第一次上來，套餐選擇看了一陣才看明白！有$178, $218, $268... 我們衝著和牛所以點了268套餐，最終結果反映出其實$178已經足夠！$268只是多了扇貝生蠔及和牛，對比過後其實都差不多而且扇貝生蠔並不是那麼好吃所以如果為了吃雞煲和打邊爐其實$178已經令你十分滿足！主力先介紹一下他們的雞煲，我們點了中辣，同事們覺得他們雞煲的醬汁辣汁很不錯很惹味，但作為喜愛辣麻辣的我，似乎這個中辣並不是很到位而且沒有麻辣的味道所以我只能當作為一個非常普通的雞煲！與其他雞煲店一樣吃完雞煲後可以加湯水轉做火鍋，火鍋湯汁亦非常正常沒有太突出的表現，火鍋配料十分基本但值得一提的是丸類產品，他們的黑椒牛丸和胡椒豬肚豬肉丸十分好吃及特別，其餘都十分正常與普通打邊爐無不一樣的分別！如果以最平的套餐價$178來評價我覺得也值得一吃而且要吃到飽，但超過178的套餐我並不建議選取！

秋風起，又係食雞煲同打邊爐嘅最好時候，之前去過荃灣嘅<18樓雞煲火鍋專門店>，多野食之餘仲要勁抵食，朋友發現原來旺角開左分店，咁當然不得不試啦!!~今次雞煲加火鍋放題，我地惠顧了平日晚上時段，都係$17x 一位，已經包左一客雞煲同火鍋任飲任食，食足2小時，二百蚊有找，超抵吖!!~主角雞煲出場，熱辣辣香噴噴，二人份的細雞煲，其實份量一d都吾細，雞煲材料好足，好多雞塊，而且用上自家秘製醬料調製，雞肉入口夠曬嫰滑惹味，味道非常濃郁好食。食完雞煲，就可以order火鍋食物。餐廳是用手機QR code下單的，真係方便又快捷，而且準確度高，我地總共order左三round，都完全冇漏過單，值得一讚嘅係，佢哋上菜速度極快，而且碟碟都乾淨企理又衛生，每碟份量亦按人頭分配，不會過多，甘就可以試多幾款不同既火鍋材料啦!!~火煱材料選擇有好多款，總會簡到心頭好。有雪花肥牛、特級肥牛、新鮮滑牛肉、五香牛腩、牛柏葉、花甲、墨魚丸、醬爆豆卜、自家製響鈴卷、鮮腐竹鮮、冬菇、炸魚皮、台灣一口腸、蟹子墨魚滑、鮮枝竹、花膠、白鱔片、豆腐等等。全部火煱材料都非常豐富，而且夠曬新鮮，水準不錯。雪花肥牛夠鮮嫩，

天氣開始凍 真係日日都想打邊爐之前係荃灣有食過呢間18樓雞煲 平靚正 佢開到尼旺角都依然係18樓 好易記😂平日7點半 上到去lift口已經企滿哂人等位 好誇張 ~每個卡位隔開一格格 食得夠安心 私癮度高同佢個霓虹燈字一樣 呢度真係全院滿座 平日都滿座真係好誇張朋友唔食得辣 所以我地揀左微辣 本身我仲驚微辣會唔夠喉但佢個醬本身已經夠濃又帶少少甜 包住每件雞 加埋少少花椒既麻味雖然微辣但都好好味 唔食得辣既朋友都接受到呢個辣度~而且聞落好香得尼唔攻鼻，唔臭2個人尼講 雞肉份量好夠 件件啖啖肉 無乜碎骨 我開高火滾到熱辣辣雞肉都好嫩滑 好食 不得不提既係d紫洋蔥真係好甜好好味 一定要係加湯之前食哂d洋蔥!其餘火鍋料就用QR code揀野食我地揀最平既A餐 其實已經好多選擇 夠食有餘肥牛方面 特級肥牛正過雪花肥牛 雖然薄 但牛味濃 估佢唔到牛柏葉索湯好正 海中蝦都鮮甜是日海鮮係我最鍾意既蜆！有得任食蜆真係好開心重點係完全無沙 有d都幾大粒 飽滿鮮甜 好滿足~飲品方面除左任飲汽水之外 仲有冬瓜茶 冷泡茶幫助解膩消滯 咁就可以任食再食多d~呢間雞煲真係算好抵食 最欣賞佢收碟同上菜速度好快朋友都話下

本身已經聽過佢個大名見到旺角開左就緊係book黎食下啦一到門口店員就問雞煲要咩辣由於同行有人唔食辣所以就叫左個唔辣既入座等左一陣就上左個雞煲佢個醬好惹味雞既份量都好足夠食到就落湯打邊爐啦呢到用qr code落單夠曬方便啲餸好快就上曬打邊爐啲料同一般火鍋店差唔多野飲方面都好多款揀最鍾意佢個冬瓜茶清熱得黎又唔係好甜岩曬打邊爐個陣飲試業期間like fb 仲有88折埋單都唔使$200一個人抵食

要係咁催先黎肥牛，我地足足等等左成半個鐘。而且每次黎都上好少，好似吾捨得比人食咁。叫其他野食又係，明明叫左幾份，但又上得黎一份，我地一桌有成6個人，比得一份點夠食。

收工約朋友行下信和，先發覺天氣已經涼浸浸，真係一年容易又一年，眨下眼又到適合食雞煲嘅季節。見到創興有新開雞煲+邊爐，基本套餐先係176，梗係試下順便暖胃。八點都仲好多人等位，可以順便打個卡有88折。裝修幾特別，似一些懷舊港式茶餐廳。但點菜已經用上新式的QR code電子點菜，不但環保而且不怕漏單，很欣賞。雞煲係即叫即炒，姐姐話要10分鐘度，咁就飲住嘢先。自家沖泡嘅特式杯裝茶，（亦有其他飲品），烏龍味香，桂花較淡，但很清爽。再調校埋個醬油，雞煲就到了。食雞煲有店員幫手撈呢個過程特別有親切感。雞件全部都好好肉，選了小辣的醬汁真的就是很均勻的小辣，不會有某些位置特別辣。醬汁有很香的花椒味，雞肉也很滑和多汁，不錯。上湯是自助添加，一壺的份量剛好。既有足夠空間淥配料，亦可以保留雞煲醬汁的味道。A餐雖然基本，火鍋配料選擇也很多，豬潤、豬紅和大腸這些較少在任食火鍋出現的也有。配料的容器是特別訂做可以層層疊起，方便上菜不會佔到太多空間。趣緻的響鈴，不沾湯絕對爽脆、索湯後也不會太快淋。有沙爽脆入味的靚豬潤，厚一點就更perfect。新鮮蔬菜不用下單，在飲品櫃旁邊自助拿。每次打邊爐都會食油麥菜因為夠索湯。

我本身對雞煲冇咩太大感覺通常都係一大班fd要出去食飯難搵餐廳容納到咁多人 先至逼不得已會食可能因為以往食親既雞煲啲雞件都偏向多骨多皮又少肉對於中意啖啖肉既懶人如我尼講實在較難enjoy到大快朵頤既滿足感今次久違地再戰雞煲 都係因為朋友極力推薦餐廳位於旺角一座餐廳滿佈既商廈既18樓聽講係荃灣之外新開分店裝修好有心思 有好多老香港懷舊霓虹招牌一入門口 reception就會問你雞煲既辣度然後比qr code 你自助落單我唔太食得辣 於是order左bb辣岩岩坐底冇耐 侍應就端上熱騰騰既雞煲花椒八角既香氣四溢 聞到都流曬口水更驚喜既係入面既雞件都係多肉少骨岩曬食肉獸既我職員提醒我地食完雞煲後只要倒煲身三分一既湯 就可以直接邊爐放題我地急不及待開餐 雞件好像嫩滑 叫左bb辣既關係雞件比較重麻味 但又唔會麻得太過火雞件既分量適中 唔會太多以致食完打唔到邊爐佐以洋蔥香蒜花椒八角 超級香口雞件本身厚肉 仲好juicy唔乾 更唔會有雪味令我超驚喜 食唔停口！一件接一件 光速清空曬啲雞件之後我地就超雀躍開始打邊爐邊爐既選擇都算多 但每次上枱都係細細碟零星幾件可能費時大家食唔曬會浪費但我反而覺得咁樣幾好可

18樓雞煲不嬲高人氣，見係旺角新鋪開張，天氣又開始涼爽，所以特登嚟食返餐勁嘅 (間餐廳真係搵18樓嘅鋪位開鋪 XD) ! 我地係食A餐，應該都好夠食~鍋雞都好大份，好足料，店員係我地面對即場加洋蔥炒左幾下，好惹味啊，我地係食微辣，食到佢有少少麻辣，好香口，雞肉好嫩口，食完雞肉都飽咗一半lu。加左湯之後，就開始打邊爐啦!食物係電子落單，一落單，d食物都好快到。餐牌有好多選擇，應有盡有，仲有d係出面平時好少食geh丸添。食物嚟到，肥牛唔會太肥，海鮮好新鮮，佢個是日海鮮今次係蜆，烚一烚真係會開殼添! 最impressive係有花膠! 而且塊花腸都好大塊，又可以不斷嗌，感覺好抵食!順帶一提，湯底個味好香 唔洗加豉油都好味。有飲品有甜品，個Yougurt好好食，食飽好滿足~雞煲同邊爐開季~~

夜晚喺旺角上完囉行過見到呢間雞煲晚上有特價就黎試吓啦我哋夜晚10點入座叫咗套餐A $158一位再加一 音色兩小時呢個價錢算好抵佢仲有個雪糕位可以任枝雪糕🍦我呢一日係雲呢拿味 佢啲配料可以重自由斟有梛果棉花糖朱古力脆脆店內裝修成80年代嘅懷舊風格打卡一流有feel我哋首先買咗個小辣嘅麻辣雞煲入面有大大嚿洋蔥同好多配料，啲雞肉冇乜骨啱晒我呢啲懶人，雖然份量唔多大約有半隻雞，不過岩岩好可以留肚之後打邊爐。食完嗰啲煲之後就可以打邊爐啦～菜式選擇都幾多我哋嗌左個娃娃菜云爾冬菇菜秀珍菇海鮮菇肥牛午餐肉等等 而是日海鮮係蜆 夠晒新鮮啖啖肉，火鍋配料份量都因應人數俾你，所以如果好想食就要一次過叫多幾碟。餐牌係電子版夠晒環保♻️

-好耐好耐好耐都冇食過雞煲誤打誤撞嚟咗旺角嘅創興廣場 - 18樓雞煲(試業中)8:45左右到達 大約等左半個鐘就入座揀咗中等價位嘅B餐雞煲叫左小辣 比食過既小辣再辣啲 數一數有8條乾辣椒🌶️雞肉好滑溜 好有驚喜系成份雞煲食落有陣陣既甜味😋幾特別可惜雞無得refill 問左店員如果想refill雞就要 $48 (2人份量)我地諗住打邊爐就無再叫refill了B餐 除咗普通牛肉之外 仲可以叫美國特選安格斯肩胛牛頸脊我哋當然無限refill牛頸脊啦😂 唔好蝕呀嘛 每碟都只有細細地4片肉仔🤪唯有無限追加啦蝦 扇貝 好新鮮 爽口彈牙蜆 每隻都肥嘟嘟好飽滿 最緊要要無沙其他打邊爐配料都好多唔同嘅選擇 同一般嘅差不多唔一一提及啦🤩不得不提店舖入邊嘅裝潢 好特別 好懷舊 好吸晴戲院主題 旺鋪招租 上海理髮店 舊式士多 菜欄 牛肉檔 醬料區用霓虹燈嘅方式呈現 呢間雞煲用嚟打卡 都一流♥

秋風起涼涼地，食個雞煲打邊爐就岩晒😚。上星期同朋友食左呢間十八樓雞煲，係唔錯既！而且用OpenRice 訂枱有88折十分抵食丫呢間十八樓係荃灣扎根已有一斷日子，最近係旺角開新店。一坐落揀左雞堡就可以等食，雞煲有原味同芝士，我地揀左原味小辣，上菜都幾快，十分鐘左右就黎到。雞煲香氣十足，雞肉juice 醬汁野味。唔錯唔錯食完雞煲火鍋料可以掃QR Code手機落單，基本料有豬雞牛，海鮮有蝦有蜆、脆鯇、鱔片、花膠。。蔬菜同飲品出面自取。🦐蝦肉新鮮彈牙有驚喜喎～要食多幾隻！飲品除左汽水重有自製冬瓜茶同冷泡茶～甜品重有軟雪糕，不過已經飽到食唔落🙈🤣可能太耐無食任食，今次實在大滿足丫，上菜快，兩小時可以慢慢食。火鍋料新鮮～用OpenRice 訂位折，埋單人均二百有找超值丫!

一向係荃灣18樓雞煲既粉絲，見到佢係旺角再開好開心，又多個地方可以食。平日7點半左右黎到唔駛一陣就有位，2家新開張like fb仲有88折 Tim!裏面既裝修都幾有心思，用霓虹燈分左唔同既區域。店內既空間感都幾大。旺角分店既雞煲比較多汁，而雞既味道同荃灣分店一樣都咁好食😋 雞件既份量都幾多，食雞都食到六七成飽。 小辣都幾易入口，食辣既朋友可以挑戰下中辣～食曬啲雞之後就可以用原先留落既汁打邊爐啦。 邊爐既食物種類都幾多，而且可以每樣叫少少😝我今次食A餐就有兩款牛：雪花肥牛、特級肥牛。兩隻牛既肉質都ok , 而且薄切冇咁易食濟。食飽仲有雲呢拿雪糕/ 乳酪做甜品😝

天氣轉涼又係時候食雞煲啦~見到旺角新開左間性價比超高既18樓雞煲就黎試下啦 呢到食完雞煲可以任食火鍋配料 最便既套餐埋單都唔洗二百蚊 而家旺家分店新開張兩人或以上黎食仲有88折！雞煲味道非常之惹味 醬汁偏甜 雞件份量都唔少 我地揀左少辣但一d都唔辣 建議食得辣既朋友可以試下大辣食完雞煲之後我地就加湯打邊爐 不得不說呢到既任食火鍋係我食過最高質既火鍋 最欣賞呢到每碟既份量都好mini 可以試到唔同款式野食 又唔洗驚食唔曬值得一讚係呢到既白鱔同鯇魚 魚肉十分新鮮 白鱔細嫩肥美 脆肉鯇爽口脆身 估唔到任食邊爐都可以食到咁高質既魚 另外呢到既肥牛都相當不俗 尤其係特級肥牛超有油脂味除左魚肉同牛肉 其他火鍋配料都相當高質而且野食野飲選擇都非常多 有芝士豆腐 豬紅 牛腩 窩筍等等 十分推介佢呢到既自家冷泡烏龍茶 回甘味超重 好適合解膩 整體黎講性價比真係超高 平時出邊打邊爐叫兩碟肉都已經差唔多兩百蚊 下次會想再黎試下貴d既套餐！

第一次來幫襯18樓雞煲， 不單會再來， 也會介紹給朋友。雞煲的味道夠專業， 又香又夠味， 色香味俱全火鍋配料的確是有質素又有誠意， 特別是牛肉的選擇有驚喜！ 她們的炸魚皮好好味， 還有自助式的菜杯， 整潔又新鮮。 飲品款式多， 仲要有凍茶系列， 吃了雞煲火鍋再配茶， 感覺不會太邪惡！餐廳環境整潔， 地方歡堂。服務員也非常殷勤， 常常來看客人的用餐需要。 配料上菜等也很快， 不用等很長時間。 三兩知己，三五成群分枱坐也可以歡度美好時光。