2
2
1
以上資料只供參考, 請與餐廳確認詳情
五月中旬‧炎熱下午要找個地方工作，原本去的茶記吃個下午茶都要三十元，轉了來這裡。這裡的皇牌下午茶是菠蘿油，連一杯飲品都只是十五元，夠便宜，所以一到下午店主就會做定一埋菠蘿油出來。菠蘿油夠熱，鮮牛油夠厚夠凍就一定好吃。熱咖啡奶太多，下次來，要少奶。
繼續閱讀
星期日, 又來到老銅. 今次目的係行Sogo. 買下自己野. 從馬鞍山慢慢坐680到來. 一落車, 就是加路連山道站; 一落車, 便看見丹麥餅店人氣急升. 排哂人隊. 而我亦早有目標. 就是轉了彎的一家小小茶餐廳. 好lucky的名字, 叫128. 中午飯, 又是我一個人食, 齋妹一於地獄式減肥, 午餐只要杯檸茶算. 我就來一個燒臘飯套餐. 燒肉紅腸加半隻咸蛋. 首先, 給了我一碗老老火湯, 煲得耐, 肥肉的精華煲哂出黎, 所以有油渣係面. 但是湯, 過甜. 唔飲好過飲....這個所謂的燒臘飯, 好就好在, 料多肉多, 唔好的, 就係凍冰冰. 而且連飯都唔夠熱. 燒肉皮未夠脆, 紅腸凍, 咸蛋凍. 聽電視節目說, 燒味凍不緊要, 最重要是飯夠熱, 坐返熱D燒肉叉燒, 才是丕路, 可是, 佢做唔到. 另外, 食燒肉紅腸, 俾蔥油???? 奶茶就可以叫好的. 不過, 食物方面, 雖是平, 但.....味道, 有少許不行........來時, 是一個空城計......吸引其他客人來的, 應該是因為外面既人看到我們正在用餐.....心裡覺得有人食播.....應該OK吧......咁就做左人地既生招牌了.
繼續閱讀
很久沒有來過這邊了，還記得因為某些原因，之前有段時期常在這附近找吃的，是日走過，竟見到有間滄海遺珠的茶記，門面小小的，推門而入，內的食客全都是佬級人馬，加埋我，間舖真的如蝗蟲兄話齋，好麻甩。由於食客不多，一人坐進四人卡位，加上冷氣開得夠大，都算坐得幾舒服的，點吃就要了個下午茶餐，下午茶餐選擇都很多，最豐富的是有豬扒麵及西多士半件，可是本人之前都吃得幾飽，也不想浪費食物了，就只要了很肥但又很味美的西多士，喝的當然要熱奶茶吧。先來的是西多士，是由一位女仕即打蛋漿，將麵包沾了蛋漿炸成的，即炸的西多士，雖然不是煎的西多士，但即炸至少就是夠熱騰騰，塗了點牛油及糖膠就吃了，西多士的包身鬆軟，而且可能油溫夠，西多士的外層是脆而不油膩，但如果蛋香可以多一點更好，多士內藏有花生醬餡，花生醬夠多夠香，甜度不太高但又夠滑，配合牛油及糖膠吃，很不錯呢。這杯奶茶都是由那位女仕沖的，一般茶水吧都是清一式男人，這杯茶用上厚身瓷杯盛着，茶身非常夠熱，之後慣常的用鼻子嗅一嗅，都有不錯的奶香，可是茶香就不太覺，呷了一口，茶味入口都還算可以感到其存在，而奶的味道不錯，但就未至於有陣太過突出的奶羶香，感覺都還算平衡，嚐真一點也沒酸味，不過茶身就不夠細滑及挺身，明顯的是奶的份量不夠多，不知是否正正因為奶下得不多，所以茶味跟奶味才平衡呢？似乎這杯奶茶的奶跟茶的濃度都應該再高一點，才真算得上是杯好茶。小小的西多士，但都吃得都幾滿足，放下二十塊錢走人。
繼續閱讀
20-12-2009落堂後餓得快胃痛, 等不及朋友開飯了, 閃了入嚟食個三文治早餐頂頂肚. 叫了熱奶茶 ($10), 加份餐蛋治烘底 ($13).熱奶茶用厚瓷杯 serve, 見色水咁「奶」, 正想暗罵之際, 飲落奶味茶味約 6:4, 無澀味, 茶味一般香, 但質地滑喉, 諗起九龍城「百好」(http://www.openrice.com/restaurant/commentdetail.htm?commentid=1978331), 又不錯喎 餐蛋治就份量十足, d 蛋炒到「蛋白分明」, 食落一般香, 但厚厚的又有蛋汁流出, 還不錯; 餐肉面帶點脆, 都煎得 ok; 麵包輕輕烘過, 不過唔夠鬆脆...小店門面低調, 入面就夠晒麻甩又帶點「舊式」, 感覺同附近的 Burgeroom (http://www.openrice.com/restaurant/commentdetail.htm?commentid=2015200), Mackie Kitchen (http://www.openrice.com/restaurant/commentdetail.htm?commentid=1878166), 勝手 etc 形成強烈對比, 相信呢度都經營咗好多年?放低 $23, 不錯的蛇竇, 有機會試試沙爹牛都好.
繼續閱讀
上次在此食, 係一早食早餐, 同朋友到石澳游泳;估不到, 今日竟係佢結婚的早上來此食早餐!!!一早來到, 星期日的關係, 其他人都係街坊裝, 有幾個年青人著到去踢波咁, 只得我一個西裝友,怪型怪相的.叫了個普通的 "b4" 餐, 即腿麵+ 吞那魚治.一個好港式的早餐, 兩分鐘內有得食, 冇什麼drama 的一餐.如要挑剔, 只是腿麵的湯底係滾水, 冇味的.治卻要一讚, 吞那幾多, 去到塊麵包的最邊邊, 冇呃細路!食飽, 便要出發, 人生大事呢~
繼續閱讀