101手工涮涮鍋 (金朝陽中心二期 - Midtown)

營業中

休息中

I’m the kinda person that likes eating hotpot a lot, but one thing that bothers me is you usually eat hotpot with a bunch of people instead of on your own. But this restaurant offers a comfortable environment for people like me who relish in the idea of dining alone while pondering about life!-So I ordered a tomato soup hotpot with beef fillets. Can you see the generous portion of Welsh onions on top? I love onions and any scallions of the sort, and they taste particularly delicious after absorb

朋友介紹手工涮涮鍋，環境非常好。靚景打邊爐。特色手工丸類。無限時任食。酒精飲品任飲🍻🥂🍸🍹湯底揀咗鴛鴦。蟲草花同三杯雞。好香好濃。牛肉幾重牛肉味。任食嚟講算好高質。響玲大件又脆口，鹹蛋魚皮又係好好味。特色手打丸拼盤。都幾多種類。不過唔可以煮煮得太耐。會有小小咸。盆栽珍珠奶茶。好大杯。奶味幾香。珍珠幾煙韌。仲可以任飲。算幾高質。呢到最大賣點其實係出邊有個靚露台。 服務態度好好。 空間感非常好。唔會感覺好侷促。建議大家要一早book定位。因為呢到都好full下。

朋友介紹手工涮涮鍋，環境十分好。lunch時間上去，都好多人，有時要等一陣，不過可以寫定紙，入座立即落單，算幾方便快捷。超大鑊🙈🙈蕃茄湯好好味，慢慢滾下啲湯仲濃，最後啲麵吸晒啲汁，超好食！反而壽喜燒就甜左少少。飲品就超大杯，特飲都唔洗加錢👍🏼

適逢朋友生日，大家又諗咗好耐都諗唔到食乜嘢，限聚令又放寬到去到八個人，不如去食火鍋啦.餐廳主要行高級、優質食材路線，所以同平時一般嘅火鍋店係有啲分別。餐廳位處於銅鑼灣心臟地帶金朝陽上面，可以望到維港景色景觀開揚，方點方便. 我哋叫咗四碟牛肉，肥瘦均勻，肉味偏重。而且餐廳d丸係手工丸，親自處理，所以好彈牙。而且間餐廳有好多種唔同嘅酒類可以提供，並非一般嘅啤酒，可以一路食一路飲酒仲有靚景，人生一大樂事☺️☺️

星期一至四連醬油加一約470.- 一位, 4位就大約2000.- . 海鮮要加錢. 牛肉豬肉亦只有一次, 再叫亦要加錢. 任食任飲有點取巧. 食物質素普通, 洗手間亦頗不清潔. 好處沒有時限, 位置舒服, 服務態度不錯. 不過以這個價錢, 很多其他選擇.

中午喺銅鑼灣朋友帶我嚟食原來呢個係簡單嘅一人邊爐，午市$56，包三個餸一個麵一杯野飲。好少餐廳有包嘢飲係包台式飲品，所以感覺好開心，我個杯係盆栽芋頭珍珠奶茶，盆栽其實係Oreo加cream，整體來講都幾好飲，但係珍珠偏硬，唔係幾好食，自己叫咗少甜，感覺甜度剛剛好。湯底係三杯雞湯底小辣，我叫嘅菜係牛，雞同埋金菇，唔知係咪比較多肉嘅關係，要煮嘅時間比較長湯底亦都濃縮到比較咸。雞有點雞臭味，其他不俗。麵底友人推介台灣拉麵，不錯，但叫了少麵都吃不完，很飽。我哋差唔多2:30先入去食，但3點3左右趕我哋走了，因為佢哋要落場😑我嘢飲都未飲完

想搵靚景打邊爐？仲有特色手工丸類同酒精飲品任飲🥰————總評分（以5分為滿分）———價錢：💰💰💰美味指數：😋😋😋😋😋性價比：👅👅👅👅👅..101手工涮涮鍋位於銅鑼灣，如果早啲黎/食佢午市，仲會見到少少海景🥰，望住靚景打邊爐，真係人生一大享受🤤-今次黎左晚市試佢嘅套餐，一個價錢已包—特色台式湯底、貴價肉類、特色手打丸拼盤、咸蛋魚皮同響鈴、海鮮拼盤（每位另加$58）、甜品...最大賣點係—酒精飲品任飲😍😍（紅白酒，draft beer, cocktails..) 😍仲要無限時任食指定食品同酒～～～平時同朋友打完邊爐仲要下場？呢度可以一次這滿足你打邊爐同Bar兩個願望❤️-

疫情緩和，食肆也見生氣。銅鑼灣Midtown 的101 Hotpot，晚市滿坐了。有預約，二人坐六人梳化窗口枱，意想不到的安排，比之兩年前，坐在密密的中央，今趟很爽。任點任叫無時限，選了$438一位的涮涮鍋套餐。有很多款湯底，㸃了藥膳蟲草花桃膠養生湯底，套餐每位送上指定肉類，可選黑毛豬或牛脊頸肥牛片，另附上指定七款特選手工火鍋拼盤包括咸蛋黃墨魚丸、安格斯麻辣牛丸、鮮製蝦丸等。除以上類別，可以無限追加一貫火鍋食材如疏菜肉丸鮮魚之類。飲品亦是任叫，有倒插砂冰花茶冰飲酒類，各式各類，應有盡有。食物豐富，味道方面並沒有因太多食材而忽略水準。湯底很濃，湯料也豐盛，肥牛片很軟滑、墨魚丸很爽軟、嚮鈴卷及咸蛋黃魚皮很脆口，其餘食物也很新鮮。餐價或許貴了一點，但在無時限的放鬆下，可以食得自在一些，這就是代價。

今日慶祝朋友生日，二个人想吃多點款式和不限時，靈機一觸，在網上看過101手工涮涮鍋。訂了位，疫情関系，人不多，可以坐窗口卡座，食肆位於29樓，奈何今天比較大霧，看不到外面景色。餐牌奉上來，原來主食是不能任點，有很多如海鮮要另外加錢，肉類追加也要另外加差不多200元一碟，當然不會考慮，只吃不用另外付款的食物鍋底椰子雞涮涮鍋好甜，是比起，平時啲椰子雞窩偏甜很多.個人不太喜歡牛頸脊肥牛片雪花片分佈均勻，紋理清晰，有咬口，不錯手工響鈴和鹹蛋魚皮響鈴非常大.脆脆的.如果放在鍋裏灼兩三秒已可吃，吸收了湯汁，很甜。魚皮也很香脆。墨魚鳥結糖煙煙韌韌，不過個人不習慣。芝士鮮蝦丸梅菜豬肉丸，其它丸類手工打制，鮮蝦丸蝦Q彈里面的芝士也香噴噴，其他還可以。菜類可以掃二維碼點。任吃我們點了鯇魚頭跟沙爹牛肉值得一贊的這裏是紅白酒啤酒果汁任飲。如果喜歡慢慢飲下紅酒，慢慢吃的比較合适總括來說，選擇不多，奉上的很多都是丸類，連加一差不多500一位，性價比低

同事推薦左呢間火鍋店比我地，話平靚正，所以我哋就決定lunchtime去試吓啦一人一鍋夠衛生～ 呢個係中辣麻辣湯底，要左滑雞件、沙茶滑牛肉同埋油麥菜 湯底有麻辣味，帶少少鹹味，火鍋湯底來講幾唔錯雞件同牛肉都好滑，菜就正正常常啦～ 仲配個拉麵底～ 味道幾好，整體配料都幾多，多到我一個人會食唔晒！抵食仲送杯野飲，我揀左盆栽珍珠奶茶～ 個樣好得意呀，又好大杯，又飲唔晒 奶同茶比例幾好，奶味夠香 珍珠幾煙韌，但唔係膠個種～ 但係當然唔係珍珠奶茶店嗰種啦，不過餐飲來講合格有突，算高質加埋一都係$65左右，超級抵食～ 同埋環境好，又坐得舒服，一定會再幫襯

非一般的吃到飽火鍋，火鍋配料選擇多，食材經過嚴選，不馬虎。雖然每2位只配一份牛肉或豬肉（不屬於任點配料），但份量足，有水準。另外，有2款火鍋拼盤選擇（也是每2位配一款，不屬於任點配料），都是精心搭配。飲料也是隨便點，有很多台式選擇，酒精類還有多款雞尾酒，必有適合口味。紅白酒以tabe wine來講，實屬不錯。小心喝到吐。4人光顧，點餐如下：5-6成人火鍋 x4鴛鴦鍋（無限）4人份量配料醬料錢Blue OceanScrewdriverSangriaWhite Wine加一後，合共HK$2,090。

平時食呢間鋪頭都要預先book枱，不過因為呢排冇乜人返工餐廳都唔算多人。店員安排左我哋坐較入嘅位置，估唔到個景觀仲靚呀，加上天氣好好！同事仲記得個餐牌加咗$3 價，而且多咗一個新湯底就係壽喜燒啦。飲品飲到一半先記得影相，除咗有好多選擇之外，冷熱飲品都唔需要加錢，而且好大杯！雖然而家冇咗吉記可以食，但都阻止唔到我對一人邊爐嘅熱愛🤦🏻‍♀️💕雞肉係雞脾肉，大大嚿之餘又好嫩。不過同事話個壽喜燒湯底有啲太甜，我就覺得OK。總括嚟講都算大抵又好味！

晚餐，打邊爐。喺銅鑼灣來講冇限時任食任飲仲有酒精，呢間算高質素！簡左牛肉set,配合制都夠哂食！響玲又大件又脆口，仲有鹹蛋魚皮又係好味！任食配料蔬菜都好新鮮，選擇都算夠食，仲有台灣嘅鴨血出邊好少有！牛肉都非常之好味！但啲丸可能煮得太耐有啲咸！但總括嚟講呢間我已經係食第二次次次都冇令人失望！當然最大賣點佢出邊有個靚露台，同埋仲有酒精，紅酒白酒任飲啦。飲多幾杯都回本啦！服務仲好好，有人幫手隔下油，收野落單黎野都好快手！空間感十足唔會好迫！6點半當日即場book完即上樓，晏左其實都好full！建議要一早book枱！

想要約朋友係銅鑼灣食lunch食得耐，又平價打邊爐，呢間係我絕對推介。每人一鍋打邊爐，可以選三個餸，自選麵同湯底，仲有一杯飲品。我揀既係番茄湯，仲有番茄蓉，幾濃。D餸既質素幾正常，係出面放題個種。飲品選擇好特別，係出面飲特飲既level。絕對推介大家食，過下打邊爐癮🙈

今日放假打算去銅鑼灣睇戲，咁啱有朋友約我食lunch，佢話知道銅鑼灣有間午餐食打邊爐好抵，我話食完去時代睇戲啱啱好所以就一齊上了去食，一入餐廳侍應問有沒有訂位（心諗食lunch打邊爐應該唔會有太多人食啦！唔使訂位嘛！）當然沒有啦！不過都有位✌️我和她分別點了一個清湯及一個沙嗲湯底，自選三個餸及一款粉麵飯，飲品我就叫了一個特濃朱古力珍珠盆栽，她就叫了一個倒插忌廉沙冰。呢度個午餐係包一杯不含酒精飲品，其實平時出街叫佢嗰杯飲品都要成四、五十蚊，在銅鑼灣地區現在我只需六十幾蚊有得食又有得飲，真係覺得抵到不得了，而且個一人鍋的份量都唔係普通料，一個正常成年人一定夠飽。惟一要注意，餐廳有限時一小時離坐的要求，不過食晏時間其實大家都是滾水淥腳咁食，佢就算唔限時間，非常放假，如果唔係大家都唔會慢慢食。