101台式休閒餐廳 (青衣城2)

營業中

休息中

此店算係新開係青衣城2期，由於晚餐唔算多人等所以試下！餐牌當中有好多唔同既台式食物 ，魯肉飯/魯肉面/花枝丸/鹽酥雞....都幾多選擇！見到有一人火鍋所以試下，火鍋＋粉絲＋凍飲＝＄72！火鍋入面都有好多材料，包台灣腸，鴨，鴨血，玉子豆腐，肥牛，豆卜，墨丸以及大量椰菜！呢個份量女仔一個人食應該好夠餓！材料方面就正正常常，但個人認為湯底偏淡，如果可以濃味d會令粉絲更加入味！另外叫左一個紅燒牛肉魯肉飯，魯肉同紅燒牛肉都相當入味，而且唔會太難咬，好味！飯量如果可以多少少就更加好（可能男朋友比較大食haha)！朱古力珍珠奶茶非常濃郁，男朋友話好好飲，下次可以encore！！

自從青衣城開左二期後都好少去食飯今日難得可以同媽咪撐枱腳，決定一齊去二期試下新餐廳！鐘意食台灣野既我地行左一圈後都係決定去等台式101我之前係旺角試過，最鐘意食既都係佢地既三杯雞火鍋！一人餐都只係$71，飲品要加$7-$10不等湯底可以選小辣或豬骨濃湯。我建議食三杯雞一定要揀辣先夠過癮😛食物份量一如以往地多，有肥牛、三杯雞肉、大量菜、墨丸、魚餅！最近新加了鴨血，更加台灣風味！一個火鍋可以滿足你多個願望😂

大家都有食過101嫁la😆不過聽朋友話101有火鍋🤭我就決定要去食下睇下好唔好味🤣叫咗兩人火鍋～$228都有好多野食下，有個沙律🥗味道好好😚好快我就食完。仲有一個小食我就要咗芝士炸豆腐，食落都有好濃的芝士味，係玉子豆腐黎.仲可以一個要一個食物，我地要咗肉操飯和芝士撈烏冬，兩個食落都好滿足🤣重點就係火鍋了，我食三味雞火鍋🐔入面仲有好多配料🐢好入味，真係冇介紹錯。兩個人食超級飽仲有兩杯野飲。

話說我覺得晚餐其實幾抵，七十幾蚊有食飲品同小食，有時我都會買完外賣就回家食，之前試過一次叫紅燒牛肉麵，點知回到家一舊牛肉都冇比我，但由於我同店都有一段距離，所以諗住一不小心漏左都冇再理。今次我又再叫外賣，我回到家一開發現本身叫個涼拌麵變成墨魚丸雞扒肉操飯，睇張單明明冇錯，個下真係嬲又執錯😡😡😡下次都係即刻檢查下先再拎。太差喇咁都成日搞錯😡😡😡😡😡😡😡😡😡😡😡😡😡😡

睇戲前搵野食，喺門口見到有一人火鍋好似好正，就入左黎試下。佢有個二人火鍋餐，但計過各有各叫仲抵，所以都係分開叫。我叫左七味雞翼肉燥新竹米粉餐，個雞翼都煎得幾好味，雖然食唔出有七味，但叫做算係咁，不過個米粉就有啲失望，唔夠幼滑，個湯又非常普通，越食越漲，最後食唔哂。跟餐有芝士玉子豆腐，佢係炸左粒玉子豆腐再淋滿芝士醬，炸得好好味，同芝士都好夾！同埋揀左水蜜桃紅茶，好甜，飲少少之後再加水就啱啱好。男友人就叫左古早牛肉一人火鍋，個湯底似腩汁，肥牛部分得好少，好多古早牛肉，如果多啲肥牛會更好。另外加左麻醬手撕雞，男友人相當滿意。

這十數年甚多港人喜歡到台灣旅行，因其價廉物美，食物亦别具特色及適合港人口味，故香港亦愈來愈多台湾食店，令喜愛台湾食品的食家不用搭飛機亦可一嘗台灣美食。是次食評的食店已新開張了兩三個月，而我亦曾到此進食兩次。該店外觀尚算明亮開揚。除少數卡位外，大多數坐位頗擠迫，無私隐可言，純食無問題，談情或密計則不宜。有些座位太貼膝頭，開櫃筒取食具亦有困難。縱觀餐牌所列，該店的食品及飲品有頗多選擇。這個鷄扒肉燥飯頗具水準，熱度夠，鹹度適中，用料亦具台湾特色，賣相及味道亦佳。這個辣味薯角徒具虚名，吃入口完全感覺不到丁點辣味，但純以薯角來說，則頗具嚼頭，口感不錯。這個鮮茄濃湯粟米通粉，湯算不上濃，見湯不見粉，鲜茄雖得一兩小塊，但湯底仍嘗到鮮茄味。這個花生醬煉乳厚吐司一拿上枱，即覺有點不妥，原因乃餐刀太隨意放在吐司上，致令部份刀柄接觸到花生醬及煉奶，衛生角度稍赚不足，但味度則尚可，花生醬具香味，煉奶份量亦適中。這杯熱珍珠奶茶味道尚可，但熱度完全未夠，失掉熱珍珠奶茶應具之特色。至於該店之服務水平則頗參差，部份則非常好客有禮，但個别看似較初級的員工則完全未符水準，事緣曾叫站在餐枱旁的員工要杯水，他完全沒有反應，正

青衣城 2 期張開以黎, 一直都好想去呢間試下, 今日終於都可以喇 !! 星期五放工時間去, 已經開始要等位｡ 餐廳有 4 個大電視 show 餐牌, 方便等位嘅客人先睇睇食咩好｡ 食物款式都比較多, 除左一般嘅台式粉麵飯之外, 居然仲有 Shabu Shabu 食｡ 最後我叫左個 Deluxe 一人 Set, 有主食 + 小食 + 飲品｡台灣古早牛肉麵份量十足, 除左有大大舊嘅牛肉, 仲有兩大件蘿白｡ 湯底比較濃味, 少少微辣, 味道不錯｡麻辣麻醬手撕雞雖然比較細份, 但麻辣加麻醬混埋之後嘅味道真係令人好開胃｡珍珠奶茶絕對係敗筆, 珍珠奶茶完全冇茶味, 感覺好似飲緊奶水咁｡ 估唔到連最普通嘅台式飲品居然可以整到咁難飲 

聽講青衣城開左二期，而且以食肆為主，今晚一于去睇個究竟。幾層商鋪有好多精品小店，好岩食飯經過行個圈。行到底層時，見到101台式休閒餐廳，聽到好似大陸高鐵站檢票廣播的叫號語音🤣拎左份餐牌來望下，哇...份餐牌好重取張號碼紙先第一次食，所以覺得餐牌好新鮮，拎左號，邊睇餐牌邊等。餐廳的牆上整左電子餐牌，將餐牌放左上去，好多人圍住看，感覺似曾相識，哈哈，台式大家樂。都營造左大眾親和力的感覺。等左一陣，我地被安排在單邊沙發位，入到黎既感覺更加似大家樂，不同既系佢有設計卡位。同埋要加一服務費。睇左本厚厚既餐牌好耐，可以總結為：1)食鐵板套餐2）食火鍋套餐3）食定食套餐全部跟野飲，加錢可轉特飲，仲可以轉圖片上好靚仔既盆栽系列。所謂盆栽系列，即系用大大雪糕杯裝住既特飲，老實講，圖同實物都ok靚仔既。我地第一個餐就加左5蚊轉香芋珍珠奶茶，大大的杯，造型又真系同盆栽有幾分相似，面就鋪住一層OREO朱古力碎碎粒,用薄荷葉點綴，好似食緊一盆植物，芋頭奶昔ok有芋頭味，珍珠幾Q,配搭起來幾有層次。有新意思，賣相好，味道不錯，都值得試下。第二個餐餐飲，我地加左10蚊，轉左香芋冰沙。芋頭味出到來，有幾粒芋圓，最頂果

青衣城新開左一間台灣餐廳，裝修都幾好，但係食物價格就幾高，我同女朋友去食午餐，唔飽架！每人消費都要＄60 !雖然我哋兩個都叫牛肉麵，但味道就非常唔同，因為我哋叫咗兩款唔同類型牛肉麵！首先我女朋友叫咗麻辣牛肉麵，佢話太麻，搶晒啲味道，但係麵質都唔錯！身份我嘅香辣牛肉麵，就好食好多，牛肉都幾足料，快餐店形式來講都算唔錯！我哋發現單點同叫套餐個價錢都差幾遠，大家去叫嘅時候望清楚個餐牌！比較下先啦！順帶一提，佢嘅飲品唔錯，我叫芒果特飲好正！

週末在外吃飯，等位也是意料中事。等的時間不算太久，只是餐廳門外正好是一排風口，無論站在哪裡都會被吹到，等了一會就吹到有點頭痛。（不過這應該是商場本來的設計吧？🤷🏻‍♀️）餐廳裡面頗開揚光猛，樓底也算高，坐滿人也不會很焗促。無論是落單、上菜還是收餐具的店員都很有禮貌，值得一讚！↑我自己的特盛玉子豆腐肉燥飯，玉子豆腐炸得剛剛好，粉漿夠薄而上菜時夠脆，好食！肉燥也不錯，只是稍嫌份量不多，不夠撈飯。↑朋友點的古早牛肉麵，看著也不錯！↑鹽酥雞稍微太深色，賣相一般總括來說，在地鐵站商場可以$4x 元吃到一個飯（不是套餐喇），也算可以了！

青衣城開左2期, 呢晚黎趁熱鬧睇下有咩鋪頭, 上層都係細型既小店, 最下層有幾間食肆, 價錢都係較大眾化, 所以晚市時間好多人.好想飲珍珠奶茶, 所以入左呢間台式餐廳, 有一般既台式飯餐, 仲有火鍋餐, 都係68蚊, 所以要左古早牛肉火鍋, 仲可以配米粉, 公仔麵, 肉燥飯等等.黎到個個鍋都幾足料, 材料款式都好多, 雖然料多, 但GAS爐滾得好快好熱, 唔洗等.古早牛肉肉質夠腍, 所以滾起入口更加香口, 而且入味, 肉味香.肥牛唔會太肥, 夠軟嫩, 最正連鴨血都有, 夠滑溜入味, 其他仲有台灣腸, 章魚餅, 新鮮無雪藏味.滾起之後個汁好濃, 但唔會太咸, 滾到樣樣都入晒味, 一人鍋唔錯.驚唔夠飽要埋肉燥飯, 肉燥好香, 唔會太濕, 撈埋白飯已經好好味.跟餐要珍珠奶茶, 唔會太甜, 珍珠夠腍有嚼口.

第一次試呢間 叫左個一人套餐三杯雞肉燥飯 轉新竹米粉雞肉浸左湯 預左會淡味少少肉燥同豆卜都夠味 整體黎講ok小食滷水豬腸豬腸夠入味 好食凍特濃朱古力都ok 夠味食物講完 講下 d 服務 (以下內容純粹本人單次用餐經驗) 點餐嗰陣轉左新竹米粉 但出左個飯 我同侍應甲講佢一黎就遞張廚房單俾我睇，話：「呀小姐，呢度寫得好清楚係飯架喎!」跟手仲指住我張機單話：「呢度都係寫飯」我：「唔係喎，我落單時話要米線」點餐時問過米線同米粉既問題，一時口快自己都講錯左但佢已經去出餐口同廚房講改米線我叫唔到侍應甲，同路過既侍應乙講其實我係要米粉侍應乙幫我傳達左之後，侍應甲好大聲咁話：「下!? 又米粉!?」我睇返落單張手寫單，寫住個「米」字 (見相)呢個位我真係忍唔住，同侍應甲講：「我落單嗰陣已經話要米線，唔係『又』架!」我講錯左自己都唔好意思，但係「下又米粉」呢句，我認為無必要俾個客聽到知張機單寫得好清楚係飯，咁手寫單個「米」字係咩?米粉？米線？我認為係飯既機會甚微如果我落單時講錯無得好賴，但如果係入錯機，一開始話我知我可能都會要，咪食飯下次先食米粉囉，雖然最後都轉返新竹米粉，食物味道亦唔差，但咁既服務態度，

下班攰攰地，本來想去食樓上個間越南野，點知朋友一早拿左飛，我去到的時候已經七點幾都重要等八張飛😱餓到肚都扁晒喇。唯有再落一層搵食🏃🏻‍♀️見到成個basement 都係美心集團，唯獨里間台式野獨樹一幟跟餐點左杯珍珠奶茶☕️不過不失行入去的時候，見到好多桌都叫左個牛肉麵，一於點黎試下。因為實在太肚餓，一黎到那上食食食，唔記影相🙈不過真係唔影都擺，個麵上桌係微溫，我接受唔到湯麵🍜唔係熱嫁🤯連啲肉都唔熱囉❌麵質又過淋❌不建議好彩另外點左個一人火鍋🍲先可以挽回我小小信心😤一人火鍋只有兩個口味1️⃣辣的- 三杯雞2️⃣唔辣- 古早味牛腩唔想食辣，所以選擇牛腩🖐🏻配料算挺多，有鴨血🦆/肥牛🐮/牛腩🐮/台式腸腸🐷/椰菜🥦/玉子豆腐個牛腩麵啲肉因為唔熱，我放埋落去煮返熱先食🔥食到最後加埋個公仔麵，飽飽，大滿足加左十幾廿蚊，轉左里杯特色飲品Oreo 朱古力盆栽🎍好好飲哦啲Oreo 重係脆嫁不過下次要少冰

今日我同左女朋友去咗食101，我哋可能撞正食飯時間，所以都等左一段時間位先至能夠入座。我哋好肚餓好快就已經嗌嘢食，啲食物都好快送到。我哋兩個人都嗌咗一人鐵板燒，我自己就嗌咗個香茅豬扒鐵板燒，我女朋友就嗌咗板燒雞樓加章魚餅鐵板燒。首先講下我嗰個香茅豬扒鐵板燒先，塊豬扒好大塊，再加埋佢個肉操飯，我一個男人食就啱啱好，再加埋個小食就有八成飽。我女朋友嗰個板燒雞樓加章魚餅鐵板燒，可能因為佢係配薯菜嘅關係，所以就比較熱氣，佢自己就食咗一半，留番一半比我清埋佢，食埋佢個份真係十成飽啦已經。不過佢淨係食我啲小食，我就叫咗香草芝士咋玉子豆腐，佢就帶咗麻辣芝麻醬手撕雞做小食。個餐我哋就叫咗兩杯野飲，而兩杯都係特濃朱古力盆栽，我哋兩個都好滿載而歸咁返屋企，因為我哋都食到可以捧住大肚腩回家。其實佢價錢非常相宜，可能只係貴普通快餐店少少，但已經食到台灣野，相當唔錯。

今日好凍啊⋯⋯好彩我醒目一早睇咗天氣報告，天文台話今晚得八度，所以呢我就約咗屋企人去食火鍋。今次我哋就揀咗喺東涌新開嘅101台式休閑餐廳試吓，因為之前見佢有好多人排隊，應該係正嘢所以就諗住試吓。我仲以為我哋早去唔使點等位，點知都係等左好耐位。環境闊落，冇諗過會咁光猛，不過啱啱坐正風口位，好夠冷氣勁大風。所以就即刻叫咗個火鍋嚟食，就係無骨三杯雞唰唰鍋，唔係講笑，一個鍋只係賣＄68但係就已經有10款唔同食材喺個火鍋裏面，我真係覺得佢非常之抵！因為佢個火鍋啲料都好多，我自己就食唔到咁多，所以就叫左另外一個鐵板，我叫左紅燒牛肉嘅鐵板餐，佢啲紅燒牛肉非常有台灣風味，蚊得好入味，肉質都非常林，好容易入口，佢仲會有啲辣，好惹味，嗰份量仲要好多，唔係一個女仔食到，所以好抵食！差啲唔記得講，佢仲要有個小食係包嘅，我叫左兩隻雞翼，最後都係食唔晒，太飽太飽！我哋仲叫咗兩杯野飲，兩杯都係一樣㗎，因為我哋之前試過好好飲，所以都一直叫朱古力盆栽，佢裏面仲有啲珍珠，賣相吸引又好飲，所以我次次都叫咁滯！