101台式休閒餐廳 (青衣城2)

營業中

休息中

一直覺得青衣城是美食沙漠，只有連鎖選擇又常常大排長龍。青衣城二期開幕後多了不少餐廳，對街坊來說是一大喜訊～101顧名思義賣台式食品，選擇有飯有麵有扒有火鍋，十分豐富。值得一讚的是我們晚上九點多才入座，但不會無呢樣無嗰樣，這點比同場其他餐廳優勝。天氣冷特別想吃火鍋，我和先生每人點了一個一人鍋。先上飲品，香芋珍珠奶茶和愛文芒果汁，味道不過不失，其中芒果汁像是溝出來的假芒果汁，普普通通。火鍋的食材大部分已煮熟，其實像把麵和配料分開，配料用鍋上。幸好配料豐富，例如三杯雞鍋除了雞肉還有台灣腸、鴨血、丸等。湯底頗濃帶微辣，但雞肉有點羶味。牛肉鍋有台灣牛肉麵的牛肉和火鍋肥牛，整體稍嫌油膩。粉麵我們選了新竹米粉，吃完飽飽。101的味道不算特別出色，但價錢和份量ok，簡單吃一頓可以一試。

青衣城我經常去睇戲，宜家由嘉禾轉咗做UA，青衣城又多咗二期商場，對我黎講點都係好事。早前買完飛，未開場想去食個tea，去到101門口，有啲奇怪，整咗塊大家樂咁嘅餐牌牆，有一下我以為要係門口點咗餐先。門口有個男仔做接待，我話睇睇先，先睇到原來有下午茶餐餐牌，但未夠鐘，所以之後就遊蕩到二點半先再入去。好欣賞侍應唔會明明大把枱都逼啲客要搭枱或者比啲極細枱。哈哈，比我一個人坐四人枱（唔只我係咁，有好幾枱都係一個），不過出面啲位好似都逼逼地。下午茶都算選擇多，叫咗肉燥雞扒新竹米，可加錢轉台式飲品，好多都吸引，不過我窮呀都係只加兩蚊轉凍愛文芒果汁算。餐具係張枱個櫃桶拎，跟住個芒果汁就到，個米粉都上埋，個樣唔錯，雞扒無切開，但都好易咬開，好味。個湯唔太咸，啲肉燥汁撈埋米粉食啱啱好。芒果汁份量ok，唔會比人小氣嘅感覺。埋單39，個米粉對得住個價錢，間餐廳晚飯時間先要加一。講真宜家四十蚊以下，就算下午茶都好難食到啲似樣啲嘅嘢。另外，要讚下間餐廳啲侍應個個好好，就算忙都會feel到佢想serve你，又啲笑容仲幾好㖭，問咗啲小問題，就算唔識答，個妹妹會問人再走黎答返，唔錯。

 星期日的青衣城食肆逼爆，即使開了二期亦改善不了多少，為免辛苦決定外賣走人，可以吃得舒服一點。101台式休閒餐廳在假日都有提供下午茶套餐看似很多選擇，仔細看其實只是拼搭上的不同，來來去去都差不多既然買得外賣也計較不得，打開已經不熱的香芋珍奶，怎麼撓也找不到珍珠，還加了$7？！想找個熱缐投訴，帳單上並沒印上，氣！食慾已沒，單是飲品是充滿奶油味的香芋珍珠奶茶無珍珠已知食物質素值多少...L4 七味雞翼肉燥飯 (小) 因為是下午茶餐，份量相對少一點，雞翼只有兩隻。雞翼肉質不算嫩，味道正常，但肉燥有點少，不太夠撈飯W9 七味雞翼涼拌麵 用了麻辣油作涼拌(可接受的辣)，麵條爽滑，整個組合味道很搭配，不過吃到底全部是油，邪惡呢~為食加了鹽酥花枝丸 $25才5粒口感就是炸墨魚丸，鹽酥不濃 坐車回家看看帳單，感覺被坑了，外賣加$5？原來逐個盒和杯計錢，不是以餐計或一次性，是逐個計，這也太好賺了。

青衣城二期最近新開張，多左好多食肆進場，有一間台灣食物開左系地下，當然要去試一試啦。午餐有好多選擇，有飯有麵+小食一客+飲品一杯，大約$80 左右咁我就叫左個台灣牛肉麵個麵都幾大碗，個湯夠哂台灣味。啲牛肉就比較硬身+手撕雞個雞啲醬其實幾好味，不過食落啲雞又唔似雞，似啲加工食品加啲。不過個小食又幾大碟。+芒果水果茶一杯 ，水果茶仲要唔駛加錢，仲有支匙比你叉啲生果黎食，不過個杯口比較細，啲生果其實幾難叉上黎食，叫左個芒果但一個芒果都無，不過杯野飲又幾好飲食完呢三樣，一個人其實都夠哂飽，女仔食可能二個人吃都得。順帶一提，可能新開張，有啲食物餐牌有，但其實未有住。希望做多一排，間餐廳可以齊啲野食食。

一星期已經嚟咗兩次，一次晚飯， 一次下午茶。價錢唔算貴，味道又唔差，有返台灣的感覺。食物煮得好夠味，唔濃唔淡，啱啱好不過下午茶試過愛文芒果汁，淡味咗啲，濃味返啲會好一點。侍應態度非常好，有兩個侍應喺我第一晚去，佢哋都有同客人有交流，除咗送餐收餐，仲同客人小朋友傾偈，亦好細心，小心翼翼放好食物，怕會燙傷小朋友。兩日企門口位置的(兩日係唔同人)，都會簡略介紹餐單，主要食乜東東，有咩特別。環境算舒適，乾淨整潔

2018年，當然繼續找尋美食，青衣城新開了第二期，地點方便，鄰近港鐵站，地下新開了一間台式店，剛好下午茶時段，就點了一個醬汁玉子豆腐及肉躁新竹米粉，一杯士多啤梨牛奶雪香。果然有驚喜，玉子外脆內軟，肉躁夠肉汁，而且份量亦好多。野飲好香士多啤梨味，不太甜店務員服務好好，抵食而有質素的台式下午茶

下午茶餐好抵食，雞扒肉燥飯，新竹米粉等有水準，珍珠奶茶也不錯，是午餐好地方。食物份量很足夠，唔知係咪新開張所以大件夾抵食呢。看見別人的牛肉麵也很吸引，下次再試試看。