101台式休閒餐廳 (青衣城2)

營業中

休息中

今日我同左女朋友去咗食101，我哋可能撞正食飯時間，所以都等左一段時間位先至能夠入座。我哋好肚餓好快就已經嗌嘢食，啲食物都好快送到。我哋兩個人都嗌咗一人鐵板燒，我自己就嗌咗個香茅豬扒鐵板燒，我女朋友就嗌咗板燒雞樓加章魚餅鐵板燒。首先講下我嗰個香茅豬扒鐵板燒先，塊豬扒好大塊，再加埋佢個肉操飯，我一個男人食就啱啱好，再加埋個小食就有八成飽。我女朋友嗰個板燒雞樓加章魚餅鐵板燒，可能因為佢係配薯菜嘅關係，所以就比較熱氣，佢自己就食咗一半，留番一半比我清埋佢，食埋佢個份真係十成飽啦已經。不過佢淨係食我啲小食，我就叫咗香草芝士咋玉子豆腐，佢就帶咗麻辣芝麻醬手撕雞做小食。個餐我哋就叫咗兩杯野飲，而兩杯都係特濃朱古力盆栽，我哋兩個都好滿載而歸咁返屋企，因為我哋都食到可以捧住大肚腩回家。其實佢價錢非常相宜，可能只係貴普通快餐店少少，但已經食到台灣野，相當唔錯。