101台式休閒餐廳 (青衣城2)

營業中

休息中

今日好凍啊⋯⋯好彩我醒目一早睇咗天氣報告，天文台話今晚得八度，所以呢我就約咗屋企人去食火鍋。今次我哋就揀咗喺東涌新開嘅101台式休閑餐廳試吓，因為之前見佢有好多人排隊，應該係正嘢所以就諗住試吓。我仲以為我哋早去唔使點等位，點知都係等左好耐位。環境闊落，冇諗過會咁光猛，不過啱啱坐正風口位，好夠冷氣勁大風。所以就即刻叫咗個火鍋嚟食，就係無骨三杯雞唰唰鍋，唔係講笑，一個鍋只係賣＄68但係就已經有10款唔同食材喺個火鍋裏面，我真係覺得佢非常之抵！因為佢個火鍋啲料都好多，我自己就食唔到咁多，所以就叫左另外一個鐵板，我叫左紅燒牛肉嘅鐵板餐，佢啲紅燒牛肉非常有台灣風味，蚊得好入味，肉質都非常林，好容易入口，佢仲會有啲辣，好惹味，嗰份量仲要好多，唔係一個女仔食到，所以好抵食！差啲唔記得講，佢仲要有個小食係包嘅，我叫左兩隻雞翼，最後都係食唔晒，太飽太飽！我哋仲叫咗兩杯野飲，兩杯都係一樣㗎，因為我哋之前試過好好飲，所以都一直叫朱古力盆栽，佢裏面仲有啲珍珠，賣相吸引又好飲，所以我次次都叫咁滯！