100米台式餐廳 (已結業)

態度極差既午市收銀姐姐我黎買外賣要個午市餐茄子冬菇肉燥飯，飲野本來要蜂蜜綠茶，件事就由呢杯飲品引起。阿姐話冇呢個飲品，我心唸cut左唔做？但唔係，佢話一直冇呢個飲品，仲問我你係咪記錯，樓下個間先有。我話佢知我近日叫左幾次一模一樣都有，呢位收銀阿姐係呢刻好不耐煩攞個餐牌出黎，同我講你睇清楚先啦，何來有呢，算蜂蜜水凍既我都飲。等外賣期間我就攞起平時厚厚的餐牌睇番飲品類「蜂蜜綠茶」大大隻字寫住！收銀阿姐你話我知冇！！我呢一刻嬲到爆，態度極差同我爭辯。佢靜靜地問佢一位男同事，係咪可以改飲蜂蜜綠茶，同電腦點入單，之後個阿姐再黎撐多次，你個個可以轉要加$8蚊。阿姐你由頭到尾先話我知無呢個野飲，宜家我係你餐牌上拍你知有，你無野好講，用加$8蚊黎話我！ 我從來冇話唔加，你再話我要同你講我要加$8蚊個隻。差到爆！！我唔會再食！我會同身邊既朋友講唔洗再去，簡直不知所謂😡😡😡😡😡😡😡😡

話說今晚放工夜左，農曆七月又唔想去夜街，決定上街市平台食個快飯。$60 一個晚餐中等價錢。我今晚想食下肉燥飯，法國今晚個飯口味唔同咗，比較鹹，連肉都少咗白米飯已經唔係熱，只不過係和喛，所以食落冇咁好味。我揀咗滷水三寶，滷水蛋偏鹹，兩隻雞中翼就淡味，豆腐就一般啦！只不過係成個 look 都比較 hea而我感覺十分不滿嘅就係小食鹽酥雞柳，份量少唔係重點，重點係我淨係食到炸粉，仲要係炸得好乾，入口有啲硬，肉真係好少

午餐黎左呢間100米食，試下呢個台灣菜。咁個午餐餐牌都好多選擇，咁價錢全都大約$40。最後我地揀左鹽酥雞柳肉臊飯同埋豬頸肉肉臊飯。呢個鹽酥雞肉臊飯賣相唔差。不過，d 鹽酥雞真係好唔掂，大部分雞都粉多過雞，一d 都唔好食囉，d 雞咁整係完全浪費左d 雞。至於個肉臊飯就太多肥肉，比較油d。而呢個豬頸肉就好食好多，唔單止大大塊，仲要有好多件。而且肉味都好足夠，送飯一流。凍檸檬蜂蜜蜜糖味唔夠，比較淡。蘋果汁就普普通通。

星期6下午見好耐冇來食下。一入來嘈到拆天，嘈既來源唔係食客，係廚房播出來既歌，強度同k房級無異。侍應安排我既位置仲要係出菜位，嘈上加嘈。唔知以為去左大排檔d街邊檔食野咁款。叫左碗麵要多蔥，來到得一粒蔥咁大吧。我叫侍應加番畀我，於是個侍應拎住碗麵去問個經理，個經理竟然大大聲話個粒係咩。最後加都係比多3粒蔥。算。。。我唸我都唔會再來其實平貴唔係問題，既然無心去經營，點解要搵客來受罪!?平民餐廳都可以舒舒服服食一餐，但環境攪到仲差過去大排檔同茶記咁，又有幾多回頭客留得住?

今日成30度去咗大埔工業邨見客，真係熱到成個水人咁，見完客突然間話就快掛8號波天文台唔係玩嘢啊！搭返的士出市中心，見仲有時間，食碗麵先肚餓到死。每次入嚟大埔我都會來大元邨街市食，真係好抵食而且坐得好舒服。40幾蚊碗米線超大碗。炸雞扒好味到好似炸髀咁，一啖啖肉。仲要啲雞皮炸到超好味。我要小辣，佢旁邊好似有啲鹹酸菜咁，啲辣醬好正。米線就好一般啦！一啲都唔彈啊⋯牛腩因為浸左湯所以冇晒味，同埋有啲 un 水餃就浸到啲皮爛咗，都係麻麻地。凍啡唔夠奶。

返完教會例牌上大元邨街市食個lunch先，食過附近好幾間，今日想食肉燥飯，所以就揀100米。其實見到個買相就覺得越來越 hea, 肉燥我鍾意佢好甜同埋好多肥豬糕，入口夠晒滑。唔好諗肥唔肥啦！因為份量得好少，都唔肥得去邊。半隻滷水蛋就喊得好誇張，真係要來送飯食就啱晒好後悔叫咗吉列魚柳，魚肉好似紙咁薄，炸漿粉就好鬼厚。仲要切開都係得四件，我見食雞排嘅就大快啲，下次記得嘅話都係叫雞扒。朋友杯凍鴛鴦就麻麻哋。我叫左杯珍珠奶茶，好似都係加＄10，反而幾好飲，因為自己加糖水可以control, 所以唔會甜到飛起

揀呢度食早餐， 係因為佢嘅裝修清新 。牆上掛咗幾個大竹筲箕 ，仲有窗邊好多小盆栽 ，好有田園feel仲有鍾意佢嗰啲台式早餐 ，唔係平時一般連鎖店嗰啲火腿腸仔蛋，我今日揀咗魚片頭米線，蒜蓉多士， 同熱檸蜜。 其實食物水準真係一般 ，湯底好行貨，得少少咸味，不過勝在夠熱辣辣， 唔似有啲食店個湯底唔熱唔凍唔知佢想點。 蒜蓉多士烘得香脆 ，有兩件 ，都抵食 。熱檸蜜我就嫌甜咗少少， 落多咗蜜糖呀， 下次要叫小蜜糖。 但係$27有咁嘅環境，都ok㗎。

大元街市樓上有一系列的餐廳，今日特登試左依間，因為平時經過都多人食，假日都有套餐...拉都一般般，湯底比較淡酒精味好濃但食落不太有酒白味，雞件也算滑炸醬、酸菜𤏪埋一齊，酸酸地，都幾開胃豬扒有少少似香茅既味道這間餐廳並沒有加一，凍飲加$3，所以總共$88埋單，以這個價錢的質數也ok既。

一年一次到教會朋友屋企拜年，麻雀耍樂在所難免，以往我們會叫Pizza外賣，但近年外賣質素越嚟越差，同埋等得越來越耐，我們決定快手落街食朋友帶我地去好抵食嘅大元邨街市，確實我好少行過嚟呢邊食。原來價錢平過大埔廣場同大埔中心咁多印象中$40幾蚊一碗大米線，可以揀三樣餸，我要左小辣都幾惹味。小小芽菜韭菜冇咁悶。水餃細細粒有三粒，味道清淡。仲有幾件牛腩，味都幾濃，咬下去口感腍身。炸雞扒啲皮夠晒脆，but 唔夠厚肉。餐飲要左杯熱奶茶，入口都夠香滑。

住大埔的時候經常與家人到海寶花園的100米用餐，記得食物便宜又好吃，尤其喜歡吃該店的葱油雞飯呢! 現在該店已結業了，所以我們來到大元平台的分店，其實都開了2, 3年，不過今次還是初訪. 於大埔墟吃過雞旦仔後，不太餓的我們只想吃點輕食，順道休息一下，就選了湯粉麵下午茶餐作為Late lunch~ 熱檸檬蜜 餐飲選了熱檸檬，酸酸甜甜又足滋潤，冬天飲就最適合了. 冬菇鹵豆腐新竹米粉 ($26) 冬菇豆腐與新竹米粉是分上的，這樣都幾好喎. 因為個人不太喜歡吃太鹹的食物，也絕少沾汁吃，所以清湯底的米粉就更好. 米粉份量都幾多，還配上幾條白菜，米粉幾有韌度，個人幾喜歡. 至於冬菇& 豆腐都幾入味，值得推介. 茄子鹵豆腐米線 ($25) 家人則要了茄子鹵豆腐米線，可惜茄子既厚且韌，再加上過淋的米線，還是有咬口的新竹米粉好吃多了. 由於下午茶實在超值，所以搭枱也是難以避免的，不過我們剛好坐到2人枱，也算幸運呢! 大埔大元街市平台美食廣場12號舖 2638 5933

大尾篤踩完單車出返市中心，就巴士站旁邊有熟食中心，價錢都幾抵一於食咗先至講。下午茶時間過咗咁唯有食晚餐啦！一人晚市套餐大約$60至＄70都幾抵食。小食我揀咗鹽酥雞柳，真係唔掂！只不過係一舊炸粉，完完全全談不上是鹽酥雞全部都係一粒粒嘅，五講我只不過係以為食緊雞軟骨。冇乜味道好硬好乾。鯛魚肉燥飯，似係中日台混合鯛魚汁甜甜地，入口感覺有啲似日式鰻魚。肉燥飯又係甜嘅真係得意，入口仲知道好多係肥豬肉粒，所以口感好滑。不過同我喺台灣食到嘅就完全兩種風味。

環境一般，食物質素一般，服務更加一半。街市平台價錢實惠，當然一分錢一分貨，我仍然會支持小店，太貴真係食唔起。星期五晚特別多人，但估唔到一碗米線要等半個鐘價錢可能貴過三哥小小，但我覺得夠晒大碗食得飽。我最想講係啲配菜，如果七點幾鐘，係會有芽菜韭菜。試過有次放工九點食，乜都冇晒，咁就唔抵啦！豬扒新鮮炸，但肯定唔夠一塊。紅燒牛腩炆得幾好味，不過又係得三粒少咗啲囉！雞扒炸得好香，但又係得兩件，雞扒都皮脆肉嫩。加左大概＄10有杯珍珠奶茶珍珠唔錯呀。有茶味又唔會太甜。

返完教會之後大家食餐飯再傾下計美食平台價錢優惠＄60已經有一個晚餐今晚想食飯叫咗個鹽酥雞扒肉操飯肉操飯嘅賣相感覺好 hea至於汁嘅味道就好甜好肥美小食方面我叫左火箭蝦真係有兩隻蝦食鹽酥雞扒凍左唔好食杯熱奶茶冇以前咁好飲

加班放工返到大埔已經九點上街市搵食最近扶手電梯就係呢間唔使諗一於坐低極速食個米線起碼坐得好過譚仔但我想話四十幾蚊一碗米線宜家呢個物價來講都係幾抵米線口感普通啖湯就清清地雞扒細細件水餃應該係自己包嘅細細粒嘅菜肉餃反而唔錯牛腩相比以前反而冇咁好味但成碗米線比我嘅感覺好 hea加錢杯珍珠奶茶都變得好求其

大埔大元邨上蓋都有幾多間茶餐廳架，今次就同友人試下最前面嘅一間台式餐廳室內主要用落地玻璃透光，令到好想食完係度休息其實揀呢間餐廳都係望落靚d好多小擺設望翻住出面大元邨上蓋嘅奇怪天台本身想叫呢個，望到啲圖都流口水不過見到格離枱嗰碟係細碟得可憐就冇叫啦朋友就叫左下午茶餐 平平地廿零蚊一餸一麵我就叫左咸蛋節瓜湯飯雞扒拉麵湯底一啲都唔好味，仲要有啲啖。食落似係平時係屋企開嘅壽桃牌湯咁，啲雞扒過可以喇，不過都係好韌而節瓜咸蛋湯飯都係麻麻地，啲湯好似有味精咁總結報告: 適合搵個地方慢慢坐，不過想食好野就去第二度