100米台式餐廳 (已結業)

大尾篤踩完單車出返市中心，就巴士站旁邊有熟食中心，價錢都幾抵一於食咗先至講。下午茶時間過咗咁唯有食晚餐啦！一人晚市套餐大約$60至＄70都幾抵食。小食我揀咗鹽酥雞柳，真係唔掂！只不過係一舊炸粉，完完全全談不上是鹽酥雞全部都係一粒粒嘅，五講我只不過係以為食緊雞軟骨。冇乜味道好硬好乾。鯛魚肉燥飯，似係中日台混合鯛魚汁甜甜地，入口感覺有啲似日式鰻魚。肉燥飯又係甜嘅真係得意，入口仲知道好多係肥豬肉粒，所以口感好滑。不過同我喺台灣食到嘅就完全兩種風味。