100米台式餐廳 (已結業)

揀呢度食早餐， 係因為佢嘅裝修清新 。牆上掛咗幾個大竹筲箕 ，仲有窗邊好多小盆栽 ，好有田園feel仲有鍾意佢嗰啲台式早餐 ，唔係平時一般連鎖店嗰啲火腿腸仔蛋，我今日揀咗魚片頭米線，蒜蓉多士， 同熱檸蜜。 其實食物水準真係一般 ，湯底好行貨，得少少咸味，不過勝在夠熱辣辣， 唔似有啲食店個湯底唔熱唔凍唔知佢想點。 蒜蓉多士烘得香脆 ，有兩件 ，都抵食 。熱檸蜜我就嫌甜咗少少， 落多咗蜜糖呀， 下次要叫小蜜糖。 但係$27有咁嘅環境，都ok㗎。