影片
港鐵佐敦站 D 出口, 步行約6分鐘
繼續閱讀
開飯介紹
裝潢獨特且融合日式元素，其日式鐵板燒採用新鮮高質食材，廚師發辦設有不同價位，豐儉由人，是約會及與好友聚餐慶祝之選。
繼續閱讀
營業時間
今日營業
12:00 - 15:00
18:00 - 02:00
星期一至日
12:00 - 15:00
18:00 - 02:00
以上資料只供參考, 請與餐廳確認詳情
有關獎賞計劃
間中同屋企人對會去食下鐵板燒, 今次去咗依間新開張既鐵板燒店食豪華和風海鮮鐵板燒, 每道菜都精緻得黎充滿驚喜, 預早訂左位, 店員安排左吧枱座比我地, 可以近距離望住師傅為我地烹調美食咁啱餐廳做緊清酒祭, 我地叫左支月桂冠濁米酒, 第一啖飲落個米漿味道純得黎又濃郁, 飲得陣陣米味, 好清香, 之後再續第二杯個酒香慢慢滲出, 店員的確無介紹錯我地叫左鵝肝龍蝦1++韓牛(十四品)套餐, 先黎左個煙燻挪威三文魚有機沙律菜卷, 三文魚煙燻香氣幾突出，卷住新鮮沙律菜，食落輕盈得黎啱啱好開左個胃 前菜三品包括有醬油漬三文魚頭軟骨海草昆布, 店員解說係三文魚頭既上顎位置, 入口爽脆有嚼勁, 加上海草昆布同柚子酸汁, 鹹鮮帶酸非常開胃另外一款係熟成挪威三文魚牛油果他他, 三文魚打成溶變醬, 食落味道更濃郁, 配埋口感滑溜牛油果, 層次豐富而最後一款前菜係醋漬日本三色蔥, 食落酸甜清爽, 係唔錯既開胃前菜時令極品刺身刺身兩品分別叫左鯛魚刺身配時令生蠔, 鯛魚鮮甜爽口, 生蠔面頭加左蝶豆花海鹽, 店員話將檸檬汁加上蝶豆花泡泡上, 會由藍色變做粉紅色, 帶淡淡花香配上生蠔又幾得意, 蠔味濃郁又唔會太勁海水味, 仲食到肥美生蠔原有既鮮甜味, 另外配左海膽配時令生蠔, 海膽鮮甜得黎帶甘香, 好滿足白松露魚子醬蘭王溫泉蛋用左日本蘭王做左個溫泉蛋, 流心蛋汁加埋白松露同魚子醬咁拌勻黎食, 奢華得黎香氣撲鼻. 簡直係味覺同嗅覺既享受 之後就到依個邪惡到不得了既蛋白菠蘿Mousse鵝肝多士, 鵝肝煎得外層帶微脆, 熟度剛剛好, 多士煎得酥脆可口, 先搽上檸檬忌廉再加上滿滿既菠蘿醬，然後再放上鵝肝, 檸檬忌廉同菠蘿醬酸甜恰度得好好, 配埋鵝肝咁食中和返個油膩感, 解左一下膩口, 整體口感超豐富, 呢個組合真係好驚艷同絕配!鐵板海鮮兩品分別叫左慢煮鮑魚配虎蝦, 鮑魚面頭撒左蒜粒, 慢煮到超軟嫩又帶煙刃既口感, 而虎蝦煎得啱啱好, 夠哂彈牙鮮甜, 鐵板香氣惹味十足 另外一份叫左日本元貝配白鰻, 元貝以香煎形式, 食落大粒厚肉, 底部係意大利南瓜, 增添左份甜香味, 而白鰻煎得外皮微脆, 肉質細膩仲有少少汁 師傅用左最高級韓國1++韓牛黎做左個薄燒 , 我地叫左7成熟, 牛肉油花均勻, 牛味突出又濃郁, 中間夾雜左香蔥蒜粒, 肉香四溢, 蘸少少鹽同芥末已經足夠帶出韓牛原有味道既精髓鰹魚花膠味噌湯估唔到幾有驚喜, 湯底用鰹魚同味噌熬製, 濃郁得黎唔會過份鹹, 花膠厚身膠質滿滿, 暖胃又滋補養顏, 唔覺唔覺飲哂成碗鐵板黑松露海鮮炒飯真係食出驚喜同師傅既功架, 師傅以斬刀形式黎炒個飯, 加左蔥花, 紅蘿蔔絲, 雞旦一齊炒, 鑊氣十足, 之後再加黑松露醬以快炒形式令每粒飯都沾上黑松露香氣, 另外再加左小元貝作點襯, 最後再係炒飯面鋪滿蟹籽同加左三文魚籽作點綴, 拌勻後飯粒真係食落粒粒分明, 乾身得黎有嚼勁, 三文魚籽令個炒飯更提鮮, 重口味人士必愛, 簡直係完美! 最後食埋個甜品脆爆紅豆柚子雪葩, 粒粒脆爆紅豆口感得意, 柚子雪葩清新解膩一流, 酸甜平衡返整體黎講依餐無論係食材、擺盤定味道都係高級水準, 由其係海鮮部分, 完全展現到師傅功力, 加上師傅會問返我地對於菜式上意見, 同接受評語及改善之處, 價錢都幾合理, 係某平台仲要做緊優惠, 見到隔離枱客人都係黎食慶生飯, 仲送生日甜品煙花, 食得非常高興, 絕對值得一試
繼續閱讀
上星期終於去左龍亭食鐵板燒 呢間鐵板燒有幾出名唔使多講!! Bookmark左好耐而我今次去嘅係尖沙咀新店 位於山林道銀座 18樓 如果坐窗邊位有好靚嘅夜景睇而我今次選擇坐Bar枱 因為可以欣賞到鐵板燒師傅嘅手勢 而且可以交流一下～坐低之後師傅都會好細心問有冇啲咩係唔食既然後就可以揀鐵板燒嘅海鮮主食我哋揀咗龍蝦🦞帶子 鮑魚 白鰻肉類方面就係1++韓牛薄燒😋.首先先黎3款前菜 分別係三文魚牛油果他他 葫蘆酸瓜同埋三文魚頭軟骨配昆布酸酸地特別開胃🤤三文魚頭軟骨非常好食 而且從來未食過👍🏻大推 好爽口.🥗跟住係招牌沙律配黑松露煙三文魚新鮮蔬菜用三文魚包住再點埋碟邊嘅黑醋汁同柚子芥末 非常開胃🫶🏻.到刺身同生蠔🦪 生蠔上面嘅蝶豆花泡泡 加咗檸檬汁之後仲會變色! 連埋生蠔一齊食好綿密 提升生蠔既鮮味 海膽都好肥好鮮甜👍🏻入口即溶.跟住有白松露魚子醬蘭王蛋🥚做間場 超滑身 蛋汁香濃.到海鮮時間!! 🦞龍蝦 白鰻 帶子 鮑魚 全部嘅調味都唔會太濃 唔會蓋過本身海鮮嘅鮮味鮑魚爽口彈牙 白鰻肉質結實 點埋旁邊嘅泡泡可以令到海鮮嘅鮮味提升😆.鵝肝多士🍞係店家既心機之作🤩多士上面加上檸檬忌廉同菠蘿蓉 再將鵝肝擺上去 一啖咬晒咁多層次既感覺真係太好了🤤而且一啲都唔膩 .🐂1++韓牛薄燒包住炸蒜同葱粒點左5成熟 剛好 肉質軟腍得來入面係脆脆的!配上店家自己炸嘅炸蒜 竹炭鹽 簡簡單單點嚟食已經好好味如果覺得太膩嘅可以食旁邊嘅白蘿蔔 可以解膩㗎🤤.最後當然唔少得黑松露海鮮炒飯 炒飯粒粒分明而且入味✅炒呢個飯真係要好好工夫加上大量蟹籽同三文魚籽!! 多到好似唔使錢咁😂好正 師傅令到成場嘅氣氛推到最高點👍🏻呢個炒飯幾飽都要食晒佢!😍.食埋師傅專登整俾我食嘅芝士年糕 配紅豆爆珠柚子雪葩 完美嘅一餐💕下次一定會再嚟!!
繼續閱讀
位於山林道美食之塔🐉8月新開張。我未去過佢其他分店，但大廚話呢度闊落好多。望天文台及St. Andrew教堂樹林景🌳亦有少少海景🌃今晚試咗中價$8️⃣9️⃣8️⃣ 十四品餐單，餐廳亦有不同價位套餐選擇，由$488起，豐儉由人。前菜🟧煙燻挪威三文魚有機沙律菜卷🥗配意式黑醋及日式青醬。三小碟有熟成挪威三文魚牛油果他他🥑、🐟醬油漬三文魚頭軟骨海草昆布，呢個好好味，等如三文魚面珠墩，部位罕有，口感爽脆，醋汁都好開胃。最後食水葫蘆。上菜次序未必跟菜單寫嘅，主要根據大廚嘅安排，由淡到濃。之後上🥚白松露魚子醬蘭王溫泉蛋。緊隨其後係自選刺身二品，🟡海膽超級鮮甜，必食之選。（唔知下次去可唔可二品都選海膽呢？😅）🐟鯛魚都好爽身彈牙。🦪生蠔配碟豆花海鹽泡沫，新鮮。另外亦可選三文魚或醬油漬鮮魷魚。之後係鐵板海鮮二品，有慢煮鮑魚，而🦐虎蝦就配咗龍蝦煮成嘅醬帶子但最最最好味都係呢個招牌🪱白鰻，極厚身，魚肉結實爽彈（唔知下次去可唔可二品都選白鰻呢？😅）再之後係最高級🇰🇷韓國1️⃣➕➕韓牛薄燒，油潤感十足之後上🥣花膠麵豉湯再之後係鐵板黑松露海鮮炒飯，又名幸福炒飯，有一隻蝦🦐、🟠海量三文魚子及飛魚籽同⚫黑松露最後甜品前先上🍋檸檬蛋白🍍菠蘿mousse🪿鵝肝多士，用果香去解膩。是日甜品係菠蘿雪芭🍧配爆珠北海道十勝紅豆🫘嘆埋梅酒🥃
繼續閱讀
講真！食過咁多間鐵板燒🍳，呢間真係有驚喜✨！喺山林道銀座38嘅18樓🏙️，望住個景🌉食飯已經贏咗一半💯，加上師傅手勢了得👨🍳，成個體驗正到爆💥！ 「 鵝肝龍蝦加韓牛」套餐🥗前菜🐟三文魚頭軟骨：大點鹹香，送酒一流🍶 🥑熟成挪威三文魚牛油果他他：個texture好smooth，配搭好特別😋 🌿醋汁日本三色蔥：個黑醋汁好醒胃，食完想encore🙌 🐟煙燻挪威三文魚有機沙律菜卷：配意大利黑醋汁及青草蓉，好大片煙三文魚呀😁🍢創意小食🦢蛋白菠蘿mousse鵝肝多士：以蛋白菠蘿蓉中和鵝肝油膩，解膩效果💯 🦪是令極品刺身兩品：鯛魚、生蠔、海膽、醬油漬先魷魚配蝶豆花海鹽泡泡，同三文魚子，鮮味十足🌊 🥚白松露魚子醬蘭王溫泉蛋：每啖蛋黃都帶住魚子醬嘅味道，黑白交融🔥鐵板燒海鮮兩品🐚慢煮鮑魚、燒白鰻、虎蝦、龍蝦，配以七味粉、蒜片、海鹽泡泡，鮮香濃郁，師傅火候控制得剛剛好👅 花膠燉湯：以味噌海帶湯為湯底，結合中日風味，滋補又不失清爽🥩最高級韓牛薄燒：配蔥花炸蒜及櫻桃蘿蔔，油香中帶清新，細節見心思🍚鐵板黑松露海鮮炒飯：黑松露味勁香💨，仲要加埋三文魚子，豪華到呢💰 🍨甜品❄️雪葩+💥爆珠紅豆：食完咁多嘢，呢個清爽解膩，紅豆煙韌🌟食材高質🎯，師傅有heart❤️，擺盤亦極具美感，環境又靚🌠，配搭清酒更是畫龍點睛，提升整體層次。絕對值得再encore🔄！
繼續閱讀
今日嚟到尖沙咀一間新開環境優雅、氣氛超好嘅餐廳，呢度嘅菜式唔單止精緻，仲充滿創意，特別適合慶祝特別日子！服務人員都好有禮貌，令人感覺好舒服。近排仲做緊優惠，$898就食到鵝肝龍蝦1++韓牛（十四品）套餐，性價比超高🥰🥰.🦑 醬油漬三文魚頭軟骨海草昆布呢道菜嘅三文魚頭同軟骨醃得啱啱好，搭配海草同昆布，口感鮮美，海味十足，真係好味到唔想停！.🍣 熟成挪威三文魚牛油果他他熟成嘅挪威三文魚配上滑嫩嘅牛油果，味道濃郁，微辣嘅醬汁更係提升咗整體層次，食完真係好滿足！.🥗 醋漬日本三色蔥呢道小菜清新可口，醋漬嘅三色蔥帶出酸甜味，為整頓餐點增添咗開胃感，真係好好味。.🐟 時令極品刺身兩品（日本生蠔，鯛魚）新鮮嘅生蠔同鯛魚刺身，生蠔伴蝶豆花泡泡🫧肉質鮮嫩，搭配檸檬同醬油，真係感受到海洋嘅鮮味，刺身愛好者一定唔可以錯過！.🍳 白松露魚子醬蘭王溫泉蛋呢道溫泉蛋滑得無得輸，搭配白松露同魚子醬，香氣四溢，食完真係令人回味無窮。.🍤 鐵板海鮮兩品（白燒鰻魚/日本元貝/虎蝦/慢煮鮑魚）鐵板煮嘅海鮮，外焦內嫩，特別係虎蝦，肉質彈牙，搭配慢煮嘅鮑魚，口感豐富，真係好驚喜！白鰻魚原來肉質係好爽口，鰻魚皮燒到脆身，好惹味.🍰 蛋白菠蘿mousse鵝肝多士呢道甜品嘅蛋白菠蘿慕斯輕盈可口，搭配鵝肝多士，味道獨特，食完真係好開心.🥩 韓牛薄燒薄切嘅韓牛，燒到外焦內嫩，肉質鮮美，韓牛肉味特別出，肉食愛好者一定會鍾意.🍚 鐵板黑松露海鮮炒飯炒飯香氣四溢，黑松露嘅獨特味道令整道菜更加升華，真係好好味！.🍲 花膠燉湯滋補又美味，花膠滑嫩，鍾意飲湯嘅唔好錯過.🍧 柚子雪芭作為完美嘅結尾，柚子雪芭清新爽口，仲有好得意嘅紅豆爆爆珠.🤤 未飽啊指數：9/10👍🏻 餐廳性價比：8.5/10.龍亭 (尖沙咀)地址: 香港尖沙咀山林道38號銀座38 18樓.
繼續閱讀
您可能會有興趣的...