龍點心 (Eastcore)

營業中

休息中

今晚同朋友Happy Friday，去咗飲夜茶，並非去一般酒樓，而係去咗「龍點心」！位於觀塘Eastcore1樓嘅「龍點心」，同一般點心店略有不同，餐廳採用色彩繽紛鮮艷色調，門口仲有一對龍公仔擺設，一隻叫點點，另一隻係龍師傅！而且突破傳統框架，有唔同嘅Fusion點心供應，可以係度感受到不一樣的粵式風味！✨一龍大滿足一籠入面有齊6款招牌燒賣餃子，色彩好繽紛，非常有賣相！包括有蟹粉菠菜香蝦餃、酸菜魚鳳眼餃、筍尖蝦餃王、松露野菌晶瑩、鹹蛋黃墨魚燒賣及豌豆桃子。蝦餃皇皮薄蝦餡料，而松露野菌晶瑩餃又係一個出色之作，忍唔住要另外叫多一籠！✨松露野菌晶瑩餃紫色嘅松露野菌餃，外觀非常特別，意想不到食入口有好香嘅松露味道，仲有好多野菌係入面！好味！✨芝士鮮蝦腐皮卷新鮮炸至金黃色，非常香脆！
入面包含咗意大利馬蘇里拉芝士，熱食充滿奶香同芝士味道！✨鳳尾蝦多士以蝦為餡料嘅炸多士，新鮮炸起，蝦肉新鮮又彈牙，多士又香脆。✨紅油抄手辣椒油好香，而且辣得好過癮，非常惹味！令人食完一口，再接一口！✨紅豆沙奶蓋紅豆沙配上少少帶甜嘅奶蓋，每一啖都帶有清香嘅奶香味，而且整體唔太甜。✨豆腐布丁粒粒草莓脆脆係豆腐布丁上面，布

今次揀左呢間比較新式一點，唔係平時會食到既。點左1)脆脆富貴紅米腸粉2) 一龍大滿足3）花旗參石斛雞湯4）黃椒醬排骨（辣)5）龍餃子6）龍燒賣7）一口鹹水角8) 拉絲菠蘿包各一籠但個人覺得比較推薦一籠大滿足，因為佢包括了幾款菜式，拍照都好適合，色彩豐富，又滿足每款菜都想試下既朋友。紅米腸粉裏面好脆，配上各種醬汁有多種味道體驗。雞湯唔係味精或好咸既湯，用料十足，得閑飲啲湯水養下生。鹹水角外皮亦炸得熱辣辣卜卜脆，五顏六色，食起身幾過癮。排骨味道有點淡，亦都唔夠辣，但對於不食芋頭的人黎講非常友好，下面係菇類，終於令我揾到可以清盤既排骨點心，開心。其他黎講味道比較普通，驚喜唔大，可以點其他菜式黎試。

觀塘的「龍點心」主打新派手工點心，中午超級多人，口碑好似都唔錯，今日特意來朝聖一下。環境具特色，充滿懷舊情懷。酸菜魚鳳眼餃 ，口感紮實，充滿酸菜魚的味道。大澳蝦醬鮮魷卷：濃郁的蝦醬，配上魷魚，加上外層米紙，鍾意蝦醬的一定試。脆脆富貴紅米腸粉：紅色的外皮，包住鮮嫩的蝦肉，口感鬆脆。早上還有超值孖寶。松露野菌晶瑩餃，藍紫色的外皮，包着野菌和黑松露，口味清新，黑松露味道不是太濃。龍蝦汁墨魚燒賣，墨魚味濃，唔錯。總括來說，點心品質不錯，有多款選擇，外型好獨特，賣相吸引，仲可以手機下單。價錢比起傳統酒樓來說，不算便宜。而且中午用餐時間只有1小時。但在觀塘眾多食肆中，算是另外一個特別的選擇。

💔𝐑𝐚𝐭𝐢𝐧𝐠:𝟑/𝟏𝟎**呢間點心店係做fusion新派嘅點心 我要聲明一下我係受餐廳贊助邀請去試食但係下面所述真係「真食評」！！絕無大話•龍蝦汁墨魚燒賣口感同食墨魚丸無分別 一口咬落去有爆汁 但係真心覺得唔夾 好怪☹️•一口鹹水角非常之普通 •肥牛腸粉係成枱味道wise比較上好嘅點心 但同普通酒樓食到嘅一樣 性價比唔高•拉絲芝士菠蘿包可以拉到絲 但食得出只係得mozzarella 一種cheese 完全沒芝士味同層次 但係芝士同菠蘿包真係唔夾😫

自從上次食過新式點心，我哋開始搵下唔同既創意又新式既點心介紹比大家💁‍♀️ 我哋一早就去到，朝早人流唔算多，諗住坐個靚位影相，但因為我哋想坐嗰個位冇咩冷氣😢 但整體依一間點心店環境裝修得唔錯👍==============================🎠龍點心📍觀塘觀塘道398-402號Eastcore1樓4號舖 🥚脆脆富貴紅米腸粉 💲42好似炸兩既進化版😂 腸粉幾滑，做到內脆外軟👍👍 入面仲包住滿滿既蝦膠👍 蝦膠都幾彈牙😬 口感超豐富😍😍 醬料另上，鐘意落咩醬🧂自己話事🤭 🍡一口鹹水角 💲32造型幾特別🧐好似日式丸子🍡咁🤣雖然有唔同顏色，但食落既味道係一樣的🤔 🥢龍燒賣💲38一龍有4️⃣款唔同既燒賣😍 可以一次過試曬唔同味🤤 而且賣相幾靚🤩🤩 燒賣食落好有咬口😬 1️⃣懷舊燒賣: 最傳統個隻味，普普通通，冇咩特別🤏  2️⃣麻辣牛肉燒賣:麻辣味幾香濃👍 3️⃣龍蝦汁墨魚燒賣: 似食緊墨魚滑🤣🤣 龍蝦汁味唔太濃🤏🧐 4️⃣滷水鵪鶉蛋燒賣: 用上原隻鵪鶉蛋🤤 咬落好有層次感 🥟龍餃子 💲42一龍都係有4️⃣款唔同既蝦餃😍 可以一次過試曬唔同味🤤 而且賣相幾吸晴🤩 1️⃣筍尖蝦餃皇: 蝦餃皮唔算好厚👌蝦既大小正常👌而且

🔹觀塘// 龍點心🔹人均約$150🔹▫️鹹蛋黃燒賣 $42鹹蛋黃味唔係好重！但係食落去係有少少流沙口感幾特別😌▪️馬拉小籠包 4隻 $36佢呢隻小籠包係唔需要點紅醋，成個小籠包係啡色😝食落去入面係肉骨茶湯汁，我覺得皮同埋湯味道都唔係好濃😂食落去普普通通🥹▫️羊肚菌瑤柱雞湯 $52幾好飲，好重雞味！食中菜好鍾意飲湯，味道都好濃郁唔錯唔錯🤣🤣▪️黑金流沙包 3隻 $32好食好食！姐係流沙奶皇包！食落去唔算好流可以食多一個☺️☺️🤣▫️龍餃子 $42好特別有四隻味！分別係：筍尖蝦餃皇，蟹粉菠菜香蝦餃，酸菜魚鳳眼餃，松露野菌晶瑩餃🥟菠菜餃子面頭有三文魚籽好好味😋酸菜魚餃唔係好食到酸菜魚味，但係有少少香辣味🌶！▪️龍燒賣 $38都係有四種味分別係：懷舊燒賣，麻辣牛肉燒賣，蕃茄海鮮燒賣，龍蝦汁墨魚燒賣😛麻辣牛肉燒賣好似大陸嗰啲麻辣湯味🤣🤣墨魚燒賣正正常常給有咬口😗😗▫️厚切叉燒腸粉 $42叉燒好食！腸粉皮好薄🥹🥹呢個好推薦！做點心腸粉好重要🤣🤣▪️一口豆腐 $48份量幾多！係平時食大排檔嗰種質素！幾好食咬落去面脆入面林😻🔹好飽評語整體嚟講大部份都幾好食，同埋覺得唔算好貴🙈始終食fusion嘢普遍上都比較貴🐒環境方面比

🍽今次叫咗：🐯懷舊燒賣 $36經典豬肉燒賣，都幾大粒～🐯蟹粉菠菜香蝦餃 $56價錢有啲進取🤔最貴係佢，最少又係佢😂普通蝦餃加左三文魚籽有啲唔係好夾，冇蟹粉味。🐯一口鹹水角 $32外型一粒粒桔仔咁幾精緻🍊略嫌外皮有啲厚身同稔。🐯脆脆富貴紅米腸粉 $42呢款好食！軟滑嘅腸粉包住香脆網皮同彈牙嘅蝦肉，一啖落去層次分明😋仲有豉油、泰式辣醬、沙律醬作配搭～🐯一口豆腐 $48份量唔錯！即整豆腐熱辣辣，一啖接一啖食唔停～🐯拉絲菠蘿包 $36加左芝士嘅菠蘿包，芝士味唔太濃，拉絲效果亦冇話好勁😂🐯紅油抄手 $42一份5粒抄手，辣椒油好香！食完都忍唔住用佢個辣椒油點其他點心食😂星期日去到都幾爆場，奈何人多導致成個場都幾嘈下，相對坐得冇咁舒服。下午茶同晚市都有折扣～想有下次指數(5粒⭐️為最高)：⭐️⭐️⭐️想睇更多分享歡迎follow我哋嘅IG🥰 @tigeatallday

無意中發現呢個中式點心餐廳, 竟然好有驚喜.今次一行三人, 餐廳點心就岩岩好, 佢幾款點心都係3 件為主. 今次試左龍蝦汁墨魚燒賣, 金錢肚腸粉, 一口鹹水角, 羊肚菌燉雞湯, 炒芥蘭, 醬汁鳳爪, 黑金流沙包, 鳳尾蝦多士, 大澳蝦醬鮮魷卷, 紅米腸粉, 拉絲菠蘿包.我個人最推介有幾款, 第一個切點是大澳蝦醬鮮魷卷, 呢個出面好少見有呢個點心, 酥炸春卷皮加上鮮魷, 係點心版椒鹽鮮魷, 但配上大澳蝦醬真係好香.第二款要推介係龍蝦汁墨魚燒賣, 燒賣好鮮嫩滑口, 一咬落去係好多龍蝦汁滴出黎, 超級鮮甜, 亦都係必叫點心之一.之後要推介佢個羊肚菌燉雞湯, 好足料之餘唔會好鹹, 而且好濃既燉雞湯味, 係好味既燉盅.最後佢既紅米腸粉都係餐廳招牌菜, 呢個點心都好有特色. 出面腸粉滑潤, 入面包全脆口既腐皮, 腐皮入面再包上蝦肉, 成個點心層次感十足, 係好有驚喜既點心.佢價錢亦親民, 點菜係手機落單, 非常方便. 座位也舒服, 裝修行新派路線, 好岩約朋友聚會談天.

同朋友睇到呢間特色餐廳，打算試下。見營業至晚上10點，因為放工夜、免得太遲點餐，阻人收工，先打電話詢問最後落單時間，職員回覆晚上9:15。當同朋友晚上9:00到達餐廳門口時，餐廳內仍有客人，職員卻表示餐廳已不接待客人。當我們表示已查過餐廳營業至晚上10點，同日下午亦詢問過最後落單時間。職員一副愛理不理嘅散漫態度回答無辦法、營業時間改了～😡😡😡😡如果大家想試下呢間餐廳，要做好餐廳職員會隨時更改營業時間嘅心理準備～

餐廳定位為新潮手工點心店 每款點心都各具特色😝裝修走港式舊情懷風格 但採用色彩繽紛鮮艷色調 用馬賽克磚同霓虹招牌作裝飾 門口的一對龍公仔擺設亦好可愛😜嚟飲茶但一啲都唔老土而飲茶嘅特色佢地亦有保留 即係入座時問我地飲咩茶同食嘢前先洗筷子碗杯🤣個人覺得可以俾我繼續體驗飲茶嘅習俗幾好另外落單時係以 QRcode落 幾方便!⭐️⭐️一龍大滿足 HKD$58⭐️⭐️一籠入面有6件唔同嘅精緻點心每款都係少見嘅fusion配搭😎🔸筍尖蝦餃皇 蝦肉餡料飽滿 鮮甜彈牙🔸酸菜魚鳯眼餃 有一小片魚塊放在鳯眼餃上 入面有酸菜蝦肉餡 因為有少許花椒味 味道微辣又開胃🔸松露野菌晶瑩餃 黑松露味香濃突岀 以粒粒野菌作餡料 有咬口不錯🔸蟹粉菠菜香蝦餃 賣相特別 綠色菠菜餃皮包裹蝦餃同蟹粉 上面放上三文魚籽 頗juicy 配搭夠創新🔸糯米燒賣 感覺將臘腸糯米飯變為一口臘腸糯米燒賣 食到粒粒臘腸 油香四溢不過略嫌糯米飯硬咗少少🔸豌豆桃子 好似迷你壽桃包 賣相可愛 餡料的也好吃味道：🌕🌕🌕🌖🌑⭐️⭐️一口鹹水角 HKD$32⭐️⭐️有別於傳統鹹水角形狀 化身為圓形鹹水角串串 外層微脆 內層餡料同平時差不多味道：🌕🌕🌕🌗🌑⭐️⭐️肉鬆馬拉糕

今次同埋媽媽去飲茶～室內裝潢好有特色～呢間龍點心好有特色～當日同朋友黎到都有唔少西裝友入黎用餐～一龍大滿足 $58一龍有6款唔同嘅招牌餃，色彩繽紛好靚！碗豆桃子裡面有綠色餡料都幾好味～筍尖蝦餃皇皮薄蝦餡料滿～蟹粉菠菜香蝦餃、酸菜魚鳳眼餃、松露野菌晶瑩餃、筍尖蝦餃皇、碗豆桃子、臘味糯米燒賣龍燒賣 $38有4款唔同既燒賣，當中麻辣牛肉燒賣都幾出色，因為都幾辣下～龍蝦汁墨魚燒賣咬入口幾彈牙～懷舊燒賣、麻辣牛肉燒賣、滷水鵪鶉蛋燒賣、龍蝦汁墨魚燒賣脆脆富貴紅米腸粉 $426條紅米腸粉，裡面好似炸兩皮咁脆脆再包住蝦肉，附有3個醬汁，分別為沙律醬、泰式辣醬同埋豉油，我同朋友一致應為紅米腸粉沾沾豉油最好食櫻花果凍天鵝酥 $48天鵝酥勁靚！岩哂女仔打卡用！外層超脆裡面包坐紅豆餡～都幾好味，中間既係櫻花果凍配焦糖醬。焦糖醬味道偏甜，如果配黑糖醬會更加好吧～羊肚菌瑤柱雞湯 $52健康既湯品～飲一飲湯清一清口腔都幾舒服～茶位 $8@1

我間唔中都鍾意去飲茶，不過有時候傳統點心真係食到有D悶，所以最近就去左 【龍點心】試下。【龍點心】 本身裝修就超可爱同卡通復古，而食物就非常創新。一龍大滿足：有六款特色蒸餃包括筍尖蝦餃皇、酸菜魚鳳眼餃、松露野菌晶瑩餃、蟹粉菠菜香蝦餃、糯米燒賣、豌豆桃子。完全可以滿足選擇困難症，因爲一次過可以試曬。個人比較推薦松露野菌晶瑩餃、糯米燒賣同豌豆桃子。松露野菌晶瑩餃松露味滿滿、糯米燒賣軟軟糯糯、豌豆桃子有D似斑斕味奶黃包，又幾好食。一口鹹水角：一口一個，新鮮炸起，皮又唔係好厚拉絲菠蘿包：好少見係芝士餡，甜甜既菠蘿外皮再加鹹香芝士，好特別。脆脆富貴紅米腸：腸粉包住左蝦春卷，外面軟、裹面脆。不過食得多有D膩。櫻花果凍天鵝酥：櫻花果凍本身無味但加左黑糖。而天鵝酥入面係紅豆餡，打卡一流。

平時返工比較少飲茶，到放工有時想飲茶，現可以選擇飲夜茶，之前在觀塘道等巴士時見到龍點心，一於來個飲茶作晚餐，熱辣辣點心加飲杯茶，特別暖胃。晚巿有八折優惠，每個蒸籠都有個龍字配埋金色茶壺，好吸精。 一龍大滿足，價錢$58，外觀很精緻，一口一啖，籠內有六款不同的點心，有蝦餃、牛肉、仲有不同顏色外觀的餃款和桃形包。黑金流沙包、價錢$32，黑色包皮內含熱辣辣香滑流沙，流沙包香甜，正!鰻魚荷葉飯，價錢$78，荷葉飯味香噴噴，鰻魚放在飯面，鰻魚味香濃且口感彈牙，份量亦剛剛好。 鳳尾蝦多士，價錢$48，蝦多士熱滕滕炸得金黃，一碟三件，配上醬點多士，停不了的好吃，推介!紅油抄手，價錢$42，特別喜歡其醬汁，不太辣但又野味。

🔖特色精緻點心，以為多數好睇唔好食，點知出奇地好吃！各式各樣唔同嘅特色點心都有！茶價$8/位。🍽一籠大滿足$58兩個人叫呢個就岩哂！咩都試下！一籠6款點心，全部都各有特色，除左個包同糯米燒賣一般，其他都幾好食㗎！真·唔喺度度試到！🍽大澳蝦醬鮮魷卷$48一黎到勁濃既蝦醬味！！入口非常酥脆，餡料非常香，啖啖都食到魷魚，鍾意蝦醬嘅必點！味道會較濃。🍽龍蝦汁墨魚燒賣三隻$42咬落去，原來會爆汁⋯燙死人🫢龍蝦汁味唔算重，但口感唔錯，幾好食。🍽黑椒汁金錢肚蒸腸$38金錢肚每舊都好大舊，濃烈嘅黑椒味，底下就係全部腸粉，腸粉就無乜特別。🍽普通擔擔麵（辣）$48呢個名幾好笑😂係咪相比其他咁有特色既點心，所以佢係好普通？？但我覺得都好食，呢個擔擔麵係比較偏辣既擔擔麵，味道夠濃！🍽豆腐布丁$22🌟🌟🌟🌟🌟嘩！呢個好食啊！！！有驚喜！！中間一粒粒既草莓乾酸酸地加上少少熱情果汁配上豆腐布丁，中和左味道，食落更開胃！布丁質感細滑，食丁明顯既豆腐味！好食！

今次第二次食呢間，絕對唔係得個樣比人打卡，唔單只點心精緻，味道亦有驚喜😍外賣都keep到水準！✨醬汁鳳爪醬汁濃郁，鳳爪軟硬適中，厚肉🤤個底唔係平時既花生，係大大粒既紅腰豆，都幾夾👍🏻✨黑椒汁金錢肚蒸腸粉金錢肚夠淋，最驚好似橡筋咁🙈黑椒味都夠，少少嘅辣，好入味～墊底既腸粉又係一個驚喜！索晒醬汁味，好正！😍✨黃椒醬排骨第一次聽黃椒醬，有微微既辣，有黃椒既香，幾特別！排骨都夠滑，份量亦足夠～✨芝士鮮蝦腐皮卷呢個十分香口，蝦又足料，大大粒好爽口，芝士係入面又幾夾，唔會太漏，味道都唔錯，推介！！🍽 龍點心觀塘道398-402號Eastcore1樓4號舖