龍鳳號 (已結業)

上網見到有人介紹衣間新開台灣菜就膽粗粗一個人黎試下裝修主要懷舊為主又加入一啲現代嘅元素有一盞好大嘅龍鳳號 霓虹燈 相當吸睛仲有幅好大的碧畫 雖然吾知有意思 但都想影一影😂叫左一個擔仔麵 一個嘴邊肉 一枝檸檬冬瓜茶問左個員工 原來嘴邊肉 係豬的面豬（燈）又話用咩新鮮黑毛豬整講到咁勁 就即管try try等左15mins就來了個麵吾淋吾硬 湯底一般 但吃得出應該沒有味精 因為吃完冇話好囗喝👍🏻嘴邊肉💓好有咬口 醬汁不會蓋過肉的鮮味同埋係出面真係未食過下次來要試一個綜合版😋檸檬冬瓜茶酸酸甜甜 是我喜歡的味道佢仲有好多自家制台灣飲品 可惜今次自己來試不到那麼多

上網見港生活介紹得好正咁，又有魯肉飯所以黎試一試。魯肉飯，台灣野最平民化既食物，但非常失望，味道太咸，唔香。烤香腸係切片上菜，配有蒜片，一條平時食台灣腸既份量，但賣$32，唔成正比。最離譜係香酥排骨，出碟一夾，表面炸果層粉同肉即刻分離，唔知係咪煮左塊排骨再沾粉去炸🤨，咬落雪藏味即刻出曬黎，口感仲差過煲完湯既瘦肉。成餐唯一可接受係擔仔麵，麵有口感，但味道偏淡。成餐飯伏味濃，環境係好，服務係正常，雖然價錢望落正常，但份量偏小，裝修靚但完全做唔到台灣最基本既食物質素，肯定唔會再黎，非常之失望，仲以為呢間係似樣既台灣野可以光顧，但不可一，不可再。☹️☹️

第一次来吃。抱住试下噶心态 估唔到震惊左我 非常适合年轻人的口味。还有装修都好有特色。吃货推荐朋友们。得闲放假可以带你地朋友上去试一试 同事聚餐都唔错好有feel 赞一个

之前喺啲報道見過己經想試，假日經過，樓下有人派傳單，張傳單又幾靚仔，咁就試下啦。首先，門口有lunch set 餐單，點知入到去問話假日無。明白好多餐廳都係咁，但唔該更新下門口個餐牌成間舖得3枱客，大部份枱都無人，按店員指示坐低喺出菜位附近，點知兩個阿姐一直喺我隔離吹水，完全嘈住我地㨂野食好多台式餐廳都會用點餐紙，但呢間按類別分咗四張紙，落一次單要浪費幾張紙。就算人少，想口頭落單慳返張紙都唔得，姐姐點都要你填紙，唔環保魯肉飯少餸多飯，肉算少肥，可能改良來迎合港人口味肉燥飯偏甜，飯唔煙靱紅豆湯既芋圓太粉，無芋頭味，但紅豆完整大粒呢個價錢/味道/服務唔會回頭

是日假期 傻蛋話好想食魯肉飯睇左輪 決定去呢間餐廳點知真係好失望個魯肉飯$38 好普通 算正常但覺得啲魯肉好瘦 味道不過不失之後叫左碗仙草凍$38 真心好失望失望到傻蛋叫我一定要寫上嚟呢碗野其實真係唔叫仙草 佢擺明係個啲超級市場有賣既罐頭味涼粉 真心覺得$38食碗咁既野係勁失望 仲有啲芋圓硬到未熟咁定唔知係擺左好耐先會硬成咁 勁失望地瓜圓就無乜味好普通 只係無芋圓咁硬 但已經唔會想再嚟呢間野。。。。至於衛生方面 想講講 台面其實唔係太乾淨 會有啲水咁 唔知係咪毛巾水定咩 濕濕地 但店員會將我地既食具就咁放係台面連紙或紙巾都無。。唯有讚一讚服務好好 幫我地拎埋餐具（餐具係櫃桶）

唔知大家同唔同意，我覺得臺菜基本上係一個幾中大伏嘅菜系。然而，現實往往可以出人意表，令你大跌眼鏡⋯🤧🤧睇到雜誌同飲食平台嘅帖文，嚟咗觀塘呢間臺灣嘢🇹🇼，位置喺駿業街，主要客路應該係附近廠廈同商場嘅上班族👯‍♂️。去幫襯嘅時間係午市嘅初段，入咗座嘅檯唔夠一半，應該可以試到店家嘅正常水準☝🏼上菜出奇的快🏃🏻，但個別項目明顯同店員表示嘅即叫即做有好大出入😅先試佢個台南擔仔麵，係就係成層油喺面，但嗰小勺肉燥、乾蔥油，加埋芫茜同粗身芽菜，又係幾香㗎噃☺️可惜，敗筆就係啲麵腍到咩咁，冇牙都食到咁滯🤐仲要一啲都沾染唔到啲味道，唔通要就咁淨飲啲油湯咩🤷🏻‍♂️？其實出LCX食某間有名嘅擔仔麵，廿幾蚊一細碗我都少少肉赤，呢度位偏遠啲、賣貴10蚊、仲要cut埋我隻蝦🦐，我表示喊出嚟😢點知佢個古早味魯肉飯都幾啱口味喎衰鬼😋，亦都係呢一餐入面最正常嘅一款食物🙃。粒粒魯肉入晒味，油份夠而唔肥膩，係可以嘅👌🏼，但係話晒都賣幾十蚊碗，我會想魯肉🐷落返多少少啦🙄畢竟食魯肉飯嘅人都唔想食到一半得返白飯吖🍚係咪？原來秘制炸大雞腿呢個先係大伏😓，說好了嘅即炸唔使3分鐘就上枱係詭異嘅🤔，但其實我唔追求點整，只要好食就好。冷不防佢肉

在公司附近、觀塘呢間新開的台灣食店「龍鳳號」好旺場，之前三次晚市去都好多人排隊，呢次在午市非繁忙時段去到終於有位，可以一探其虛實。吃了其招牌魯肉飯的午市套餐，唔錯。雖然沒有我喜歡的台北「金峰魯肉飯」般的級數，但此店的汁都幾夠濃郁，肉粒唔會一點肥肉都冇（魯肉飯同肉燥飯是不同的），整體來說以香港水平來說算很好了，就同區來說已比「阿元來了」的同類出品勝一籌。另外，套餐的雞肶炸得幾香，沒有用炸漿，感覺唔會太滯口。而這天套餐附送的小菜--蓮藕也不俗，夠爽口。唯一唔多掂係個湯鹹左D，味精落左不少。由於選魯肉飯要加5蚊，最後埋單都要七十幾蚊，算貴左少少。

我同同事係見FB佢賣廣告，台灣野我至愛，所以今日走黎試。唔知係米大家都係FB見到後走黎試，都幾多人等。終於入左去，價錢都唔算平，不過一個餐望落去都有湯、菜、飯或麵同肉，好似幾多野咁～我叫左個肉燥飯，配香酥排骨，青豆角，菜干排骨湯。肉燥飯都幾咸，香酥排骨個炸漿唔太脆。菜干排骨湯都有點咸...同事揀左炸雞腿米粉，原來米粉係似銀針粉既粉。雞腿既調味都幾香，似「豪xx」個d調味，不過食落去無咁熱氣。但就有陣油酥味，我個人都幾怕個陣酥味...同事就嫌青豆角唔夠林。另外，有點失望依度無我鐘意飲野珍珠奶茶！當我食完返到公司突然肚痛，唔知係米油得滯😢不過同事無事。

想在觀塘吃到台式食物,隨口也可以說到一間,不過今次就同朋友試試呢間新開不算太耐的台式料理.門口的裝潢也有點古早味的感覺裡頭不算很大,位與位之間也有點逼,如果想好氣氛就不要選這嚕但想說一下服務員態度是意外地有禮貌的先點了隻炸秘製大雞腿 ，賣相及胡椒香味相當吸引,炸粉不厚並肉質十分鮮嫩只是價錢蠻貴的然後台式烤香腸也到了,味道質感不錯配上蒜片恰到好處,只可惜有點油油的來到這當然也試試大部人說好吃的肉燥飯吧, 味道偏咸，要來送飯吃一流真的有點真的像台灣的味道來到我很期待的甜品啦！燒仙草比我想像中好點,仙草味道夠香,暖暖的入口 挺滑身而入面的芋圓煙煙韌韌只是地瓜圓比較硬身無味而已其實價錢方面都係整體是中上價,跟阿元來了、小時光的也差不多吧！可以一試但再來就要考慮一下了！

事緣係咁嘅，前幾日食左肉燥飯，就想食台菜，於是就有以下嘅經歷。・・・・・・・・・・・・・ 魯肉飯是不錯的，幾十蚊細細碗咁囉， 男仕唔夠可能要再添多一碗。・・・・・・・・・・・・・再來是炸雞腿，落單時店員特地講話要等耐啲，因為係即炸嘅，我就滿心歡喜咁等啦，點知唔洗2分鐘就上菜，雞腿炸得又乾又黑，吃下去更有一陣燶味，仲要索價＄46，哩個價錢可以係同區名店食到兩隻咖啦。・・・・・・・・・・・・・擔仔麵個湯都幾香蔥油味，但麵底係類似冷麵嘅質地，煮過之後淋晒，但又吸唔到啲湯汁，非常麻麻。・・・・・・・・・・・・・甜品就叫左紅豆小丸子黑糖刨冰，小丸子夠晒軟綿綿，紅豆就一般大路嘢，但啲冰叠到好硬，我心諗係咪要用冰鑿先食到，個冰仲要擺到歪歪斜斜。・・・・・・・・・・・・・燒仙草好似係用微波爐叮過的涼粉，另外芋圓質地有點硬。・・・・・・・・・・・・・個人嚟講，係去一次唔會再去的店，但大家如果要去的話，就要識嗌魯肉飯，唔好炸雞腿，記住呀！！！

第一次食這間台灣食店，裝修環境很有特色，服務員態度亦非常有禮貌。而我地3人各選一款不同的食物及飲品。(1) 黃金香酥排骨肉燥飯 + 熱黑糖薑母菜香酥排骨炸粉不厚，味道算唔錯，拌飯就肉燥唔夠多。黑糖薑母茶夠薑味，非常好飲。(2) 秘制炸大雞腿拌新竹米粉 + 古早味楊桃汁大雞脾炸得好脆好好味，而拌新竹米粉尚算ok，但本人覺得拌米粉都係觀塘另1間台灣食店DoctorBean比較好食啲。楊桃汁鹹鹹地，應該係用古法加左少少鹽。(3) 滷豬手肉燥乾拌麵 + 熱桂圓紅棗菜滷豬手唔夠林，太有口，味道就夠入味，拌麵就似擔擔麵質感，可以接受。桂圓紅棗茶有好多桂圓及紅棗在內，而且又不太甜，好好飲。

小妹是台菜粉絲,可是香港具質素的台菜餐廳不多,所以每次一有台灣餐廳開張,小妹都會倍加留意。這晚,便約了友人一試這家在網上得到不錯評價的新餐廳。點餐紙分為四類,小菜、飯麵湯品、飲品和甜品炸秘製大雞腿 肉燥新竹米粉雞腿頗乾而略為鞋口，皮的脆度尚可但有點油膩新竹米粉爽口,上面的肉燥帶蒜香,很惹味古早味肉燥飯滷水味香不會太咸,飯不會因為燥肉醬汁而變淋。不過以$36一碗只是淋上肉燥的白飯來說,份量真的太少了吧仙草凍由於我們仨都是芋圓控，來之前已一心試試這裡的芋圓，仙草凍也是小小碗的，有芋圓、地瓜圓,可是兩者同樣是久缺味道而偏硬,口感不自然，平常可以吃很多顆芋圓的我們也很快宣告棄權了希望店家不要只恃人氣，多下功夫於食物質素才是留住顧客的方法呢

係網上睇到間台灣鋪頭係觀塘開左，就同fd走左去試下，去到見到鋪頭都幾有懷舊feel,叫左呢幾樣野試，係香港多數係烤既秋葵，第一次食涼拌，感覺幾新鮮，又爽脆，至於佢既乾拌米粉都幾好食分量都吾算少，米粉吾會成個麵餅咁又硬又乾，又吾會太淋岩岩好。問左先知原來佢既飲品係新鮮整保質期得三日，所以叫左楊桃汁試，飲起黎有陣梅味，仲以為係比錯，之後問左先知原來台灣的傳統楊桃汁是這樣，最後以紅豆湯做終結，芋圓好有咬口，小丸子好似湯圓質地個人幾中意，而且甜度適中，係好吾錯既選擇。

得喎哩間台灣嘢！台灣餐廳响香港好多人會覺得貴，因為台灣當地物價平啲，同埋香港食唔到同樣嘅味道，不過今日哩間得喎炸雞脾先上枱，皮脆肉嫩多汁，灑上少少淡椒鹽。跟住碗魯肉飯一放底，好香，台灣嘅味道呀！飯同魯肉都煮得好食。肉燥粉條，蒜香有趙口，同樣美味餐廳嘅蒜片唔知點解異常特別好食，配埋惹味香腸，嚟多幾碟都無問題。豬手非常入味，當然調味亦都好味，個汁都可以撈兩碗飯。皮煮得軟淋煙韌，肉嘅部分仍然保留口感，好豬腳！哩味呀婆鴨舌我就麻麻，味道好似想係酸菜咸菜，但又同鴨舌唔係好夾，同埋未夠入味嚟得試就食埋甜品啦，紅豆湯本身不太甜，香香紅豆味不錯，紅豆帶苦澀。兩款芋圓同地瓜圓，都煙煙韌韌且味道好出

睇完 雜誌 去試試呢間話有幾好味嘅台灣古祖味食店! 觀塘區工廠中心區。唔太難揾. 由地鐵站行過去呢應該大概係七,八分鐘到! 去到啱啱唔使排隊 食物種類比較多 有主食, 甜品 同飲品 。 種類都很好多 我哋兩個坐得又點咗凍食嘅蜆 滷肉飯, 青菜 豬手同大腸但保 所有食物都偏咸!如果台灣古祖係咁! 我唔會再去! 我明香港做生意好難, 但請有点良心! 太咸, 太油膩會影響健康! 想迫客人叫飲品唔係咁! 細水都八蚊支!係！佢唔係唔俾免费水, 但係好細杯囉!