龍鳳號 (已結業)

得知觀塘近幾個月開咗間新嘅古早味台灣野，唔少媒體報導都幾吸引，今晚就專程去一試。平日8:00pm左右餐廳唔多人，只有3-4枱。叫左一碗擔仔麵、一碗肉燥飯、一份香酥排骨及一枝山楂洛神花茶。台南擔仔麵 $38擔仔麵份量唔多，食落味道亦好淡，冇咩特別。古早味肉燥飯$36飯都幾大碗，面頭鋪滿肉燥，但覺得肉燥可以再多啲就好了。肉燥味道正常，不過不失。山楂洛神花茶$28如果有得揀其實會想叫返台式飲品，如:珍珠奶茶。可惜呢度冇，咁就試下花茶啦! 花茶支裝上，入口清涼。黃金香酥排骨 $46排骨大大塊，賣相唔錯，推介! 排骨皮酥脆，肉質嫩滑亦都好稔但，係一夾起就皮肉分離有少少扣分。佢都幾大份，食完會比較飽滯。想試埋佢嘅甜品，於是再叫多左個仙草凍$38。作為芋圓fans真係有啲失望，佢嘅芋圓少左啲煙靭嘅感覺，反而比較「粉」，唔知係咪煮得唔夠耐…仙草就ok冇大問題。食完呢一餐之後，我諗都唔會再有下次…..

上班日不上班，今天到Apm逛逛，午市時間一到不經意見到台灣味的宣傳單，也就來到了要上手扶梯的龍鳳號台灣小食環境上整齊乾淨，連餐具擺放極具整齊，畫牆的面牆別有特色，有洋蔥有薑和女人😂，燈籠也應是特制的有著龍與鳳的圖騰。因為小女子偏好麵食所以order台南擔仔麵🍲丶祕制炸雞腿🍗台南擔仔麵：豬骨湯底夠濃丶搭上蔥酥丶蒜茸好重口味，真是適合我，真想再加湯再喝一碗，麵條的口感有韌～好好食😋😋😋祕制炸雞腿：金黃酥脆的皮面，雞肉唔會乾好juice啊🤩，值得推介👍👍👍👍👍涼拌土豆絲：爽脆酸鹹適中稍有辣味若再辣點更是完美菜乾豬骨湯：這就比較香港味了，雖然是附餐，但也是ok的冬瓜檸檬茶：喜歡檸檬酸飲的我見檸檬2字就立馬決定是它了。冬瓜茶的甜壓過了檸檬汁的酸，若可以更酸那就100分了。這隨餐加點的飲品只要$9連瓶子都壓印logo，所有飲品的名字都在瓶身上面，極有設計感👍整體服務上普通，員工若更有笑容就更有台灣的熱情度了。

之前某網上飲食雜誌不負責任推介，心諗推介得應該都唔會差得去邊。入到去，都幾多檯客。叫左最多人吃既魯肉飯$38；秘制炸大雞腿$46；台式松花皮蛋豆腐$38。好啦，上菜啦，個魯肉飯不過不失啦。到主菜炸雞腿，一夾，展現完美既「皮肉」分離，雞腿入口好鞋同乾身，仲話係「秘制」，完坐吃唔出有咩味，其中一塊得炸麵分皮！某大大雞排都好味過佢，收甘既價錢，俾甘劣質既食物，唔識整真係建議唔好擺係餐單。😤😤吃到呢度，已經好燥底，再上松花皮蛋豆腐，一夾塊豆腐即散，豆腐無豆腐味，最神奇係皮蛋都可以做到無味，成碟汁可有可無。真係吃到火到黎😡😡吃完同個收銀講返佢既食物質素真係唔得，佢話呢兩樣菜唔使錢，心諗我投訴並唔係要discount, 而係想講唔好掛住個台式既招牌，俾埋呢些劣質食物出來。唔識整，真心建議去趟台灣，去學下師再開鋪啦！第一次食間餐廳，食到甘火，完全物不所值。勸諭各位唔好因為某U或S雜誌介紹就盲目去幫襯！

Openrice終於推介好野之前見到openrice個飲食誌介紹左衣間野終於得閒黎試我打算問下係米自己剔野食落單時有個冇著制服既靚女 就過黎介紹d野食比我原來衣間野d野食主打冇味精 飲品冇色素台灣野玩健康？😂😂佢介紹我地叫左個綜合黑白切 魯肉飯 肉燥飯話用左黑毛豬整 講到好似好勁咁😂個魯味飯同肉燥飯都好香好好味 吾會好油利 個黑白切係一d豬內臟來的肉味同鮮味好重 果然黑毛豬吾同d 豬脆管最正 好爽口 好似食緊軟骨咁_

下午去開呢邊做野，唔想又係食茶記，就走左上去食台餐，佢話古早滷肉飯，個人對食台餐經驗唔多，就試下，仲食左雞髀，飲左冬瓜青檸檬茶，滷肉飯配冬瓜茶一流，滷肉同啲汁都好有水準，再飲冬瓜青檸茶好夾，雞髀都好味，幾鐘意呢度環境，乾淨簡單，有設計，有音樂有環境嘅餐廳，食落係會加分，可能新開，啲店員會好落力解釋啲食品，都幾有禮貌，感覺良好。價錢方面正常，咁當然貴過茶記，咁啲食材食落係就高質過平價餐廳嘅，今日選擇正確。

同朋友三個每人叫一個主食，另外再加多三個小食share，最後仲叫埋甜品。好夠飽仲好實惠👍🏻餓住入去飽住出黎 。 首先環境好好同朋友都覺得啲木柏木凳同埋啲碗碗碟碟都好有古早氣氛特别係龍鳳號個生招牌靚啊✨ 服務員都好有禮貌 上菜都好快(Photo credits to my friend)(Photo credits to my friend)魯肉飯好好味，魯肉汁同飯嘅比例剛剛好好有台灣味🤤朋友叫個麵同埋個茄子都好蒜蓉啱晒我同朋家呢啲臭囗同好者個鴨舌滷得好好味 好方便食（photo credit to my friend)佢地自制嘅古法烏梅汁 酸酸地 好開胃 如果堂食飲品可以用杯上 而唔係膠樽會更好😌💕最後個 燒仙草 啲仙草個味道好似食緊龜苓膏定涼粉咁都唔錯 但係啲芋圓就硬左啲 如果可以Q啲會更好🤔

放假無無聊聊搵好野食都係上網睇到有古早味台灣小吃新店開張一於去試試入到去裝修有特色，仲驚緊會係食裝修既一口氣叫幾樣餸，試下佢個莊有肉燥飯同魯肉飯選擇當然要簡有肥肉既魯肉飯魯肉汁足夠無汁食唔到飯既我認為剛剛好魯肉肥而不膩😛食完其實想叫多一碗不過仲有其他野要食滷大腸唔會太咸秘制大雞腿🍗勁juice 相信如果唔斬件上會更加好！全部都係肉，叫返個醬漬蜆仔有驚喜大大碗蜆份量多粒粒都有肉唔係淨係得殻最緊要無沙值得再去試埋其他菜式

今日老公帶我黎左一間台灣餐廳😀佢係附近返工下午過嚟食飯話ok所以就帶咗我嚟我哋兩個人叫左一碗白飯 乾拌米粉 炸雞髀 燙青菜 紅豆湯價錢比午餐貴 下次都係午餐黎抵食D🤫🤫🤫成餐飯我最鍾意係個炸雞髀同紅豆湯😋😋😋雞皮炸雞到金黃色 同埋好脆 入面d肉 又不會好鞋外面層鹽酥粉 唔會好鹹好配合到隻雞髀紅豆湯啲紅豆又唔會煮到好爛甜度都ok 好味過自己煲d紅豆沙 😂😂😂入面仲有d芋圓地瓜圓小丸子非常足料👍👍👍

之前聽同事講呢度好多人排隊 出名食台灣菜所以帶埋個仔嚟食飯夜晚仔仔話想食雞髀鹵豆腐 所以就叫咗呢兩樣嘢加多兩碗白飯雞髀炸到金黃色仲幫我地斬件非常方便咬落去入面仲有好多肉汁仔仔非常喜歡豆腐我自己食嘢不喜歡太鹹所以我麻麻地但仔仔就覺得 剛剛好 算入味最後唔係好飽就叫多咗個甜品叫做一個叫仙草凍嘅甜品碗甜品黑黑地好似香港啲涼粉咁上面仲有啲紫色同黃色嘅嘢不過食落同香港啲涼粉有啲唔同啲草藥味都 幾重啱曬我呢啲年紀嘅人食仔仔話原來個啲紫色同黃色嘅嘢係芋圓同地瓜圓來的煙煙靭靭都ok

我從來未試過寫食評⋯但呢到個魯肉飯真係忍唔住要讚下，其實平時去台灣我都唔係間間魯肉飯都食，但呢間野真係拍得住係西門町好出名個間！正！另外抵讚既就係（檸檬冬瓜茶）！真係好好飲啊！同出面平時街賣個d真係一d都唔一樣！好重冬瓜味！加埋我最愛既檸檬🍋正仲食左滷豆腐同烤香腸，都ok !不過係座位逼左d,同埋我覺得地點就唔係好方便，我要開Google 搵下先搵到！下次要來試埋其他野同甜品先得！🤪🤪🤪🤪🤪🤪🤪

今日來到觀塘，見到有間吃台灣野鋪頭，當我行入去果一刻感覺好舒服，服務態度非常之好一入門口可以聽到歡迎光臨，然後我叫左個滷肉飯：燙青菜：秘製大雞腿：茄子🍆：滷肉飯好香，好有肉味，唔會太多油食落去啱啱好，加上辣椒醬真係好好食燙青菜好鮮甜有光澤仲好有菜味係OK嘅秘製大雞腿好香，食落去個感覺好脆雞髀裏面好有水份炸到金黃色 真係正到無朋友茄子一出嚟香噴噴蒜蓉味而且切到一粒粒出嚟食得好方便上面林小小醬油咬落去茄子有水份又唔會考得太乾又香蒜蓉味真係好好食最後加左甜品紅豆湯，紅豆夠林身，裏面仲有芋圓．地瓜圓．小丸子 ，一碗紅豆湯裏面咁多料真係好抵食食完之後我覺得我自己去完台灣返嚟香港一樣 呢間台灣餐廳真係唔錯！服務又好！啲嘢又好食

收工諗住搵食 有人比左張傳單我見到古早味台灣菜 即管試一試 比拼下同區d台灣菜🤨🤨😏裝修好懷舊 好有味道 但播住d 潮歌 又幾好feel👍🏻看一看menu 選擇吾算多 揀左香腸 茄子 青菜 魯肉飯😋魯肉飯✨✨✨香氣十足 加埋半肥瘦豬肉 超級惹味！我食過好多間魯肉飯 都是個飯比較失色但衣間個飯 粒粒分明 不會太淋太硬 好夾到個魯肉台式香腸好重口味 岩唒我 加埋d蒜片仲正好似係台灣d味道茄子冇乜特別 就是普通烤茄子總括黎講幾中意衣間野價錢合理 值得再黎👍🏻

不錯的台吃！去左兩次，飲品佢地自家製，試左黑糖薑母茶 同冬瓜茶 好好飲，甜度味道適中，飲得出佢地唔係倒糖水落去嗰種死甜感。食物方面魯肉飯嘅味道上桌時熱辣辣香噴噴，自己本身唔多好飯都忍唔住一啖啖擺入口，忍唔住食哂成碗😂啲鹵肉唔油膩加埋個汁正呀! 另外店員推界我地食佢地嘅招牌黑白切，好有驚喜，黑白切其實係豬雜，我第一次食，其實唔係太識分邊個部位打邊個部位，總之成碟野食落去size 細細舊，易入口得泥爽口彈牙，又入味，再加埋有鹵豆腐墊喺底，仲要唔係得一兩舊加d碎渣流灘，舖得靚靚諗番都有5-6件架，成碟份量啱哂3-4個人share食！我地其實仲試過台式烤香腸，豬手，同埋涼拌系列，食物質素好滿意，店員嘅服務都好好，會再去試埋其他野！✌🏾

本身自己好鐘意食台灣野, 咁岩呢度車友推介(其實係佢朋友開)放工夜晚七點幾到, 入面大把位, 店員態度係友善既就咁望餐廳環境內就好似唔錯但實則坐係黎就好困難無論你係生得高或者矮, 都會覺得佢地張枱底空間係份外窄, 好難放到對腳落枱底, 甚至乎係要叉開對腳坐今晚先試左佢個魯肉飯, 係好食, 不過太細碗, 仲要收三十幾蚊......一般食開台式餐廳除左個飯外都會有跟其他配菜, 呢度無, 全部單點, 可能係夜市卦....叫左個炸雞, 點知黎左既係炸脾, 切開幾舊, 皮係脆既但肉一般想叫杯珍珠奶茶....無......你要單點其他飲品, 無套餐價........SHIT見佢有芋圓既涼粉就叫黎試下丫........都可以既總結: 你未試過, 你可以黎試下, 但記住一定坐得唔舒服, 要將就下唔好諗住平食.........

哩間野係新開架 放工去食晚市 佢既menu係都有4張 有小菜甜品 野飲等等佢既份量都細細碗 但已經可以食飽你！叫左個魯肉飯 佢既肉吾係肥豬肉 所以無咁油膩 最推介佢既香腸！佢連埋生蒜一齊食！感覺同平時食既台灣小香腸好吾同！ 佢仲有午餐套餐！ 但要成$70 對比同區價錢真係貴！但食物黎講真係好好味🤙🏻🤙🏻