龍鳳號 (已結業)

佢既位置係一間比較up dup既大廈🙃附近都有好幾間餐廳既～但係哩棟大廈內既餐廳就相對失色🤔不過我同男友係平日去；可能因為哩個原因比較少人～哩間餐廳最大既特點就係有個霓虹燈，大大隻寫住龍鳳號，都幾有霸氣而且餐廳周圍都係木既設計，有小小古代啲客棧feel咁，幾特別我地嗌jor滷肉飯、燙青菜等例牌台灣野食不過價錢就真係好貴啦😖我地仲嗌jor佢既飲品，飲品就一支支裝，相信係每日新鮮製造，味道都非常唔錯，不過份量少啊😅

上兩層的台灣野.味道幾好但價錢不是台灣本土價錢.份量台灣風格.即係份量少.碗面HKD38. 很细.支野飲HKD28.幾好飲.但過貴吧.(無水無茶好似要自己搞)老水并盤HKD68.有豆腐.豬耳.豬大x.最出名黑白配没叫.3條友食HKD300 唔飽呢個價錢係唔包纸巾纸巾3蚊包學足大陸去一次enjoy 到香港價錢大陸service台灣份量一次過滿足你3個願望.PS. 個人認為快D去試.因為未必做得長

在網上見到觀塘有這間餐廳，被芋圓吸引了，晚上就來到這間吃。點餐紙特別設計不同長度，容易明白找自己想點的食物。(1)古早味魯肉飯份量比想像中少，大約是屋企食的一碗飯多少少，飯面上的魯肉好好食，因為有肥肉才好食！(2)祖傳米粉湯原來是一碗清湯米粉，如果叫了小食的人可選擇這款。(3)豬耳最後我們特意留肚食甜品，一心食最愛的芋圓類，立刻點了以下兩款試試(4)龍鳳荳花（熱）豆腐花配有紅豆、綠豆、地瓜圓、芋圓，芋圓和地瓜圓都比較淡味，但口感不錯，食得出手工製造，如果多幾粒更好(5)燒仙草（熱）燒仙草即係熱版的仙草凍，黑黑的熱仙草入面有地瓜圓、芋圓，味道口感好似唔苦版的龜零膏，非常熱，配埋芋圓就不太單調，不錯！飲品係麥冬桂圓雪梨茶，清清的不太甜。

12點半 觀塘的Lunch time 周圍都好多人見呢間無咩人排隊比佢個秘制大雞脾吸引左個樣又唔錯 就試下佢叫左2份午餐秘制炸雞脾同埋香酥排骨雞脾餐：佢一份餐跟埋餐湯同前菜個湯係花生雞腳湯都okay 淡淡地應該無咩味精（因真係幾淡）但個麵夠咸所以夾到配一小碟涼拌蓮藕片蓮藕片夠爽，不過味道就一般唔夠酸又唔夠咸炸大雞脾真係好大隻， 炸得幾好塊雞皮夠脆又唔油，肉都唔會太熟但係隻脾除左塊皮之外 入面係無味的！！！原來呢個叫板條麵好似河粉但再闊啲撈埋佢個肉燥 麵幾好味不過佢太吸水好快乾哂香酥排骨餐： 一樣有湯有蓮藕配左乾拌麵香酥排骨塊肉好薄，呢個炸得比雞脾油但係就夠味啲乾拌麵少少似拉麵🍜但係就好味啲，因為無咁乾同埋麵幼身啲可以沾到多點肉燥同醬油食落無咁淡

在觀塘工廈區內一直開有好幾間專賣台菜的地方。人氣最旺最鼎盛的自必是"阿元"，其次有另外兩三所，自己也有試過。其中的一間，就是這一個叫"龍鳳號"的....跟上趟去"阿元"時一樣，都係自己一個人來，可點可吃的數目自然亦有限，所以只能精選一兩款東西。就算好吃，也不易將肚皮撐壞掉....少不免要叫我的至愛鹵肉飯。鹵汁還算香濃量足的最好用來送飯；肉連皮帶肉切成細細粒，是標準的規格。不過整體感覺上沒"阿元"做得那麼好，肉質沒那麼滑溜入口亦少了那種應具備的膠質與黏嘴感；飯粒是一粒粒分明的，和鹵汁拌勻後也不見太濕太爛....許多人說炸大雞腿好吃，也就有樣學樣又叫一只....件頭蠻大隻。看上去頗覺油淋淋的，入口亦然，對此有點失望；不過在味道上倒是調得頗合我口味，有蠻濃的五香味，肉質也不太嚡有夠JUICY，皮有微微的酥脆....吃了太多肉，總是要有點菜來調劑一下....台式嘢就是這樣，說是燙青菜，臨上菜前都要淋上一勺肉燥才心息的。本想吃清一點的我，還是未能償素願....論味道，這兒的東西是可以的，不過似乎仍是及不上大阿哥"阿元"....

一直都好中意台灣嘅古早味道，呢間龍鳳號啱哂我！環境裝修望落幾有style，不過張枱對於生得高嘅人黎講比較辛苦，去過嘅人就會知。食物選擇都算幾多，今次我就揀左份黄金炸排骨配湯板條，由於我好奇湯板條係咩黎，因為未聽過又未試過，一於就試試佢。嘢食一黎到，我即刻碌大左隻眼心諗一定又食唔哂喇，因為份量真係好大，而且我食個個Lunch set 包埋一碟蓮藕，一碗話明冇味精嘅湯。如果兩個女仔share就啱啱好。口味都好啱我，又唔太咸，排骨炸得又唔油膩，原來湯板條就好似好厚身同冇咁滑嘅河粉咁，都幾好口感。食到一半，已經好飽。原來呢間重有得食芋圓，留待下一次試試先！

又到lunch時間， 知道中海日升中心開咗好多餐廳， 好多都未試過😂 今次就搭扶手電梯上兩層， 除咗美容院， 仲發現咗一間餐廳個名叫龍鳳號😎😎😎 令我諗起龍鳳鬥😋 今次就是佢啦🤣裝飾好中國風， 原來食台灣嘢。門口附近仲有好多飲食雜誌介紹😍等我試下沙鍋麻油雞再加個檸檬冬瓜茶😎外賣丫😋😋砂鍋麻油雞麵 😊 除咗雞髀仲有兩隻雞翼，仲有一嚿好大嚿嘅雞脾肉😎 一打開麻油雞個蓋， 啲麻油味湧曬出嚟😄仲有少少酒香。最值得一讚就係個檸檬冬瓜茶😍原來冬瓜茶加檸檬汁，酸酸地好好味😋😋下次再黎先。真係要試下其他野😎肉燥飯😎

近幾年喺香港有唔少嘅台式店開張，佢哋主打嘅都係一啲台灣小食，滷肉飯呀蛋餅呀🤪話說我都係個台灣控，係觀塘開咗一間新嘅台灣店我梗係要去幫襯下啦，咁啱好朋友就嚟要離開香港返去澳洲囉，就帶去試吓啲新嘢啦。開咗喺樓上嘅龍鳳號其實都唔難搵嘅，聽聞呢間鋪頭好多人去食，所以我就一早黎左，諗住要排隊啦，點知出奇地快等左10分鐘就有位啦！黎到梗係要食返碗滷肉飯啦，我同朋友分別叫咗一碗滷肉飯，一碗肉燥新竹米粉，皮蛋豆腐，涼拌秋葵，同埋一杯熱薑母茶同埋檸檬薑。滷肉飯整體感覺好台灣味道，如果大碗啲就好啦！至於個新竹米粉配肉操好好食呀！因為我真係好鍾意食新竹米粉既。台式松花皮蛋豆腐同涼拌秋葵都同樣好有水準，係台灣嘅家常小食。最後配埋杯熱嘅薑母茶，我覺得自己去咗台灣呀

三五知己o係觀塘覓食～決定食台灣菜～ 搵到依間龍鳳號～晚飯時間都真係算幾多人排隊～好彩唔算等左好耐～餐廳入面裝修好有特色自己填紙落單～我地5個人叫左9樣食物～唔逐樣逐樣評價lu ～加上唔係碟碟都有影相自己比較鍾意食ge 係魯肉飯～ 好惹味，有咬口～唔錯整體食物份量比較少，但係食物味道算唔錯價錢除返開都幾抵食，唔會食得過飽性價比正常～ 古早味魯肉飯古早味楊桃汁古早味烏梅汁台式擔仔麵黃金香酥炸排骨燙青菜醬漬蜆仔

觀塘食店真係多羅羅！！不同菜色！！不同風格嘅食店越嚟越多！！近期又多左間以古早味魯肉飯出名嘅店舖~龍鳳號！！坊間嘅魯肉飯好多時都係俾D碎肉碎做食材就叫魯肉飯！！不過龍鳳號就貨真價實用魯用做食材做魯肉飯！！所以嚟到龍鳳號！！緊要叫個魯肉飯試試！！鲁肉好夠肥美！！而且炆得好淋！好入味！！不過個魯肉同汁份量太少！！不太夠食！！只好再加個經典小食~台式烤香腸！！份量夠多！！大大舊！！都幾好味！！最驚喜係叫左個滋補湯品~大骨蘿蔔湯！非常濃郁好飲！！正呀！！超補咁！！

突然心思思想食台灣菜，上網search下觀塘有邊間台灣餐廳，發現中海日升中心有一間新開的餐廳，餐廳位於2樓，去到日升樓下另一間餐廳有好多人排隊，但上到2樓唔算多人，即刻有位坐，應該係餐廳較隱蔽，唔容易發現一入餐廳就見到牆上的餐廳名，還有龍和鳳的雕刻，幾特別食物種䫶唔算多，最後要左一碗魯肉飯，一碗擔仔麵，再一個砂鍋麻油雞，魯肉飯細細碗，魯肉鋪滿面，甜甜地幾開胃，另外擔仔麵都係一樣細細碗砂鍋麻油雞，一上枱就聞到好香麻油味，鍋入面有好多料，有雞，貢丸，豬紅，血糕和菜係鍋底，雞已經煮得好腍，又入晒味，除左食到好香麻油，仲有少少酒味，砂鍋夠保溫，食到尾入面的料仍然係熱，可以繼續保持食物的味道👍不過唯一不足係食物份量較少，對於比較大食的人，應該唔夠飽

早前係大台見到有介紹台灣菜，又見到有我最愛既魯肉飯食，所以係唔係太就腳既觀塘區，都去試一試....當日收工後(平日)，約左老婆去撐枱腳，大約七点左右到達，但打過去冇得Book 枱,所以Walk-in 去到，竟然要等枱不過等左五到十分鐘就已安排到入坐～裝修：乾淨企理，坐位都唔會好迫，但坐椅冇得靠背，有小小扣分當天分别点左我最愛既魯肉飯，同肉挫飯，同幾款台菜必試魯肉飯賣相同味道不錯！同點了一些熱飲桂圓雪梨菜烏龍茶，係即泡的食完飯見到店內仲有甜品，仲見到刨冰，但二個人食得太飽已經冇力再戰，要留返下一次了總結，食物係有心做既,味道很台灣

日昇中心有好多食肆，可能位置唔方便 都比較冷清，上去二樓試了龍鳳號 。 魯肉飯香 肥瘦適中，米飯的口感好好。燒仙草熱的比冷的好吃 ，芋丸煙韌少少甜。 下次會再試下 小食 和 沙鍋類

聽說公司附近開左間食台灣野既店鋪就約埋兩個同事黎試下，入到去坐底見魯肉飯$38好似唔算太貴咁就叫左3碗，點知一黎到見到未食已經大失所望，係佢既份量極細碗，你可能會去過台灣食正宗魯肉飯都係咁上下細碗，但係台灣賣緊港幣十幾蚊左右，呢度$38，我諗要飽肚起碼要食2-3碗，味道不過不失，魯日飯不算太過好但本身都係開胃食物黎都算好食，但價錢實在太貴我地叫左3個魯肉飯2個小食3杯野飲都食$300幾，仲要食完唔飽。可以一試，但對於日日附近返工黎講太貴唔會想成日食。

駿業街樓上食肆不少，這小店卻能在隱蔽的商廈內客似雲來，想必有其過人之處。沒法訂座，先頭部隊只好１２點先行來到點餐。我們４人分別選了不同配搭，套餐有無味精湯水，若要飲品，需另附＄９＋。在等待期間細看裝修，走進紅色大木門，一眼全是木傢俬，正好配上其古式名字「龍鳳號」，窗框是仿古設計，大牆身畫了一個女士吃東西的大壁畫，細看下發現其身上的髮膚盡是不同食物，既有豐豚，也有洋蔥，別有風味。是日湯水是眉豆素湯，味道清淡，中和濃味的主菜。配菜是醋炒薯絲，我們都覺味道酸怪，吃了兩口均放棄了。主菜是龍（豚）鳳（雞）對決－　龍的代表有香酥排骨及紅趜鹵豬手，前者份量巨型但略嫌肉汁鎖得不足，有點乾口；後者卻是驚喜處處，味道香濃而豬手肉不算嚡口。鳳的代表是炸秘製大雞腿，肉汁鎖得算是不錯，但味道卻算不上突出，只屬中庸之選。龍鳳之爭，龍憑一腳定天下