龍鳳號 (已結業)

聽說公司附近開左間食台灣野既店鋪就約埋兩個同事黎試下，入到去坐底見魯肉飯$38好似唔算太貴咁就叫左3碗，點知一黎到見到未食已經大失所望，係佢既份量極細碗，你可能會去過台灣食正宗魯肉飯都係咁上下細碗，但係台灣賣緊港幣十幾蚊左右，呢度$38，我諗要飽肚起碼要食2-3碗，味道不過不失，魯日飯不算太過好但本身都係開胃食物黎都算好食，但價錢實在太貴我地叫左3個魯肉飯2個小食3杯野飲都食$300幾，仲要食完唔飽。可以一試，但對於日日附近返工黎講太貴唔會想成日食。