龍鳳號 (已結業)

朋友約左去觀塘食飯，揀左呢間個名好中式既台灣菜，入到去睇完menu，愛食內臟既朋友提議叫一碟綜合，有齊豬脆管、嘴邊肉、豬舌、豬蝴蝶腩同生腸。一黎到個份量細到我😧呆左一下，收$168細碟到咁⋯⋯勁唔抵！重要唔好食，個醬汁唔係好夾。其實都唔係好想叫，因為另一個朋友淨係食蝴蝶腩，我就只係食蝴蝶腩同豬脆管。重叫左滷生腸、肉燥飯、肉燥湯新竹米粉同醬燒茄子，全部$38一份。因為不嬲唔食生腸，所以無試滷生腸。肉燥飯同肉燥湯新竹燥粉極之細碗，味道無驚喜，以為$38會好高質，實在係平平無奇。全晚叫做最好食係個茄子，得個8舊仔好少。最嬲係之後叫甜品，其實我都唔太想食，因為我自己學識整豆腐花同芋圓都無出街食，而呢個價錢夠我整到十幾廿碗！如果唔係朋友想食都廢事嗌！個黑糖薑汁豆花加仙草、小丸子同芋圓，個啲芋圓係生！！！離晒譜！！！一咬落係成口粉，完全未熟，lur到lur唔切！同個呀姐講完，佢話換過份，但換完都唔見好食，完全唔煙韌，唔知食緊乜，重要收$46囉！我地試完一粒就無再食，真係未食過啲難食既芋圓🤮🤮🤮🤮🤮🤮每人重要成舊水食埋啲咁既野，去食西餐重好過！

食物：台灣食物而言，我覺得這一家是做得不錯的，可是同時也是有一點小貴。對一般打工仔說，七十塊錢的LUNCH有點太貴，不過質素肯定是不錯的。我叫了一份排骨魯肉飯。排骨完全不乾，有肉汁，而且很香。魯肉也很正宗，就是如果魯肉多一點就更好了，吃到最後肉有點不夠吃。附送的湯很家常，不是味精湯，這一點很難得，對得起價錢，也很健康。旁邊的小菜我很喜歡，涼涼的很開胃。環境：店面其實一點都不小，只是人真的太多了，很擠。等待時間也長一點，十分鐘少不了。

好早之前已經留意到龍鳳號見到午餐套餐好抵食...但周一至五絕少係觀塘區難得今日有機會就立即叫龍鳳號試下用外賣APPS預訂13:15... 最後要到13:45先收到我個午餐🤡送到黎個下真心滾動。個飯仲係熱架~個排骨就因為有倒汗水所以有少少淋左唔緊要!~ 用焗爐焗番熱佢先當日個例湯係花生眉豆, 好清甜!小菜係鹹酸菜..配落魯肉飯到出奇地配搭酸菜撇除左肥豬肉嘅油膩魯肉飯好香香料味帶甜再加埋台灣米好好食啊!!!!!!!!🤩焗番熱嘅排骨, 外脆內依然軟唔會乾哂仲要啖啖肉!好正啊 個檸檬冬瓜茶好香但唔會太甜夠哂酸! 如果嗜甜朋友可能唔太喜歡但我就係鐘意佢夠酸XDD有機會會去餐廳試試🥳

聽人講龍鳳號嘅台灣料理好好味而且經常都大排長龍今日係星期日所以特登早啲出嚟就係為咗試一試係咪真係咁好食未到12點我哋已經到咗啦門面同店內嘅裝修都幾特別對於食台灣料理嘅餐廳來講環境算得上唔錯由於今日係星期日所以冇午市套餐選擇所有嘢都要分開叫古早味魯肉飯 $38飯嘅份量非常少魯肉飯嘅味道的確唔錯不過味道就偏鹹咗少少肥肉佔咗成個飯三份一嘅份量總括黎講呢個飯質素屬於中等呢個份量都要$38的確有啲貴台南擔仔麵 $38呢個擔仔麵普通到冇得再普通份量亦都係非常之少只係一個面加咗啲肉燥上去而肉燥嘅味道亦都同魯肉嘅味道一樣完全係魯肉飯嘅肉碎版令人非常失望黃金香酥排骨 $46我會形容為一塊炸得唔錯嘅炸豬扒不過就算一塊豬扒炸得幾好都好我都唔認為需要比$46去食呢個價錢差唔多可以食多一餐飯而且成塊豬扒嘅味道來原都只不過係豬扒上面加左好多調味粉所以其實鹹到不得了家鄉紅麴老豬手 $68先唔講個份量有幾少但係我真係好接受唔到豬手上面竟然仲有豬毛的確嘅影響到胃口豬手炆得幾夠淋不過味道反而比較淡只係勉強食到淡淡紅麴味真係淡到我唔知點樣形容最後因為食魯肉飯擔仔麵同埋炸豬扒已經鹹到不得了所以想問佢攞杯水嚟飲下但估唔到連飲杯

🔹#秘制炸大雞腿 +古早味魯肉飯$68炸大雞腿厚肉 但過油 😶當然同三多有分別啦😢😢魯肉飯選用連皮五花肉 脂肪比例較高 醬汁濃味 好甜 配飯ok 的小菜無味道 只有幾塊鹽水木耳青瓜😐🔹#家鄉紅趜滷豬手+古早味肉燥乾面$72豬手普通而且油膩😭😭 仲係好硬 皮軟但肉就ummm拌面條還可以 有青瓜清爽d-Jeng lv:🐔🐔🐔/5————————————————💡龍鳳號觀塘駿業街56號中海日升中心2樓2B號舖————————————————

出名的台灣菜都偏貴，例如阿元來了，CP值就不太高。但這間在觀塘商場二樓仲要轉角的舖，魯肉飯就做得很不錯。鹽酥雞扒 + 古早味魯肉飯 |午市套餐有除了本身的雞扒和魯肉飯，還附送了湯和菜脯，非常豐富～每啖飯都充滿著魯肉的油香，而且脂肪分佈平均，汁都帶點甜味，醬料不會超級「漿住」，所以撈勻全個飯吃就是幸福的感覺！雞扒最好盡快吃，因為放久了炸皮會吸油和變軟，肉質都不太「鞋」。但鹽味偏重，所以比較重口味。滷豬手 + 肉燥飯 |豬手每個都很大而且有好幾個，滷水汁非常入味，而且肉的部份腍，亦有不少骨膠原，推介！但肉燥飯就沒有魯肉飯那麼出色，因為肉比較瘦，所以吃下去沒魯肉飯那麼香和滑。但怕吃肥膏的朋友就可以叫這個了～

今晚去開觀塘搵一個朋友佢介紹一間台灣野俾我哋食地點都算易搵而且係喺一個新嘅商業大廈嘅下面見到佢裝修都幾有古典味道嘢食就自己用筆落單就得首先我哋嗌咗個滷蛋同埋雞髀滷蛋味道香濃食起上嚟有啲似茶葉蛋至於炸雞脾唔算太油炸粉亦都唔算好多佢上面仲沈左少少椒鹽令到成隻雞脾都好惹味呢個係類似小籠包但係煎左嘅版本一食落去即時爆汁好正啊最欣賞佢哋喺面度耍左啲蔥花夾埋d 汁真係好食!本身我諗住嗌佢哋嘅招牌飯但好難得見到有台灣鋪頭有麵線食其實佢個面質地可以 個湯汁亦都夠濃稠但調味略嫌唔係太夠搞到成碗麵線都冇乜味道大腸嘅份量亦都唔多所以失色呢個大腸嘅滷水汁我真係好欣賞要比好高好高好高嘅分數第一成碟大腸份量超級多第二係佢每一舊都有濃濃嘅滷水汁味相信佢每一晚要準備好多功夫亦都要煮好耐先會有咁出色嘅食品

今日同朋友去咗觀塘做嘢朋友話想食台灣嘢上網一搵就搵到呢間地道台灣料理見幾近就去咗食呢間龍鳳號裝修都好懷舊台灣風🐷🍚古早味魯肉飯 $38平時成日都食肉燥飯 今次就試下魯肉飯先😎 望落有少少肥 不過食落都唔會太膩 魯肉汁好濃郁香甜 撈飯食真係一流😋🍧牛奶刨冰 (紅豆 小丸子) $50台式刨冰比較粗身 紅豆同小丸子份量都幾多 🍡小丸子好彈牙 🍼牛奶味濃郁仲有啲黑糖味 唔會溶得好快🙆🏻🙆🏻

觀塘區呢幾年多咗好多嘢食終於去開呢區可以揾吓好西食🤓阿元來了就食過 今次試吓觀塘另一間出名台灣料理唔算好近地鐵站不過專登去先知原來好多人喺呢間附近食嘢可能要上二樓嘅關係 星期日一點半去到都係等一張枱兩個人一人一個飯麵再share一個甜品🥰古早味飯有招牌嘅魯肉同肉燥揀魯肉飯上鋪滿五花肉 肉同肥膏比例幾平均魯肉好入味又煮到好淋🤤肥膏好邪惡 但唔夠肥膏唔夠香 呢個正🤩飯底係類似珍珠米 都算啱啱好 無過淋粒粒分明入到室內有啲熱 諗住食個涼麵降下温但有啲失望 整體麻麻🤥份量都還可以 好多青瓜絲但麵嘅質地唔太彈牙 涼麵鍾意有咬口一點比較好食個麻醬又淡咗啲 唔夠濃味🤧少見嘅台灣甜品🤓幾期待呢個食完飯麵有啲口渴 接住食呢個喉嚨舒服晒好多青檸味愛玉 個汁都係青檸味🥰不過甜味重過青檸味 所以唔會太酸🤪好清新好消膩🥰🥰🥰配料每款+$6 我地加咗手工地瓜圓 總共$44好好食 好煙韌♥️♥️♥️又食到幾重地瓜味♥️仲有好多麵食同好多款小食台灣菜好多細份土嘅嘢唔係太肚餓咁去食都ok可以嗌多幾碟share試多啲都得🤩

見食評介绍不錯，又好耐未食台菜，今日前往試下有否介绍錯。入去第一印象好差，坐低要求比杯水，但只能提供收费的瓶装水，大家樂快餐店都免费提供白開水啦，其意圖就要客人消费包括所有飲料，若果我只能飲水，其它飲料不適合，但强要我用5蚊買瓶水，這樣不親民的店，不去也罷。食物方面味道一般，没有驚喜，没有食评中所描写得那麽出色，加上份量少，價錢单上不贵，但是整體就是性價比低。最后點了甜品，小小份量收38元，比一般專門甜品店還要贵。结論是今次中伏了。唯一是其不用加一收费，以其基本没有服务而言，還算合理，若然还要加一收费，那就無良了。

Lunch同朋友黎試新野，門面十分吸引，龍鳳號。暫時黎講唔算太多人，好快就有位。地方唔算太大。Lunch set 包左個主食，前菜同湯，可以加錢配台式飲品。今次試左個黃金香酥排骨配肉燥湯板條，朋友就配乾拌板條。排骨都算大塊，果然夠香脆，啖啖肉。肉燥湯板條，其實都係粗身d既麵條，口感唔錯，配合個肉燥，有d咸香味另一個朋友叫左個紅趜滷豬手配肉燥飯，豬手都夠多，夠爽，係有d偏咸。今次前菜係佛手瓜，湯係蘿白湯，覺得都偏向重味道，但整體不錯。下次可以試埋個秘製大雞腿，見到都好多人叫，大大份好吸引。價錢黎講，台灣菜lunch都差唔多依個價位。

在餐廳用膳就像身處中式的老舊大宅， 餐牌上主要是台灣小菜、湯品、古早味粉麵、黑白切、特色飲品及台式甜品。古早魯肉飯（$38）珍珠米淋上濃味的魯肉， 醬汁滲透白飯， 半肥瘦豬肉入口即溶，很惹味。 滷大腸（$38）很軟腍， 份量多。 家鄉紅麴滷豬手（$68），是有肉那種豬手， 滷至入味， 上枱時還熱呼呼。

好耐冇去觀塘行街，於是決定放工之後到APM行行，睇下有冇點變。行完街餓就緊係搵地方食晚餐啦，行行下就發覺呢個地方好多食肆，睇過之後就決定試呢間台灣野啦。肉燥飯呢個肉燥飯好正!!首先肉燥夠多，味道岩岩好，好濃郁，完全拍得住台灣GE級數!! 再加上佢地GE米飯煮得好好，好香，完全唔係茶記質素，10個LIKE呀=]鹽酥雞脾呢隻雞脾又係極正，大大隻!!雖然佢未係話好滑，但係就一D都唔鞋口，都唔錯。鹽酥GE味道適中，唔會話多到好咸。涼麵呢個就做得比較差。第一唔夠醬，第二醬無乜味，第三個麵太多水!! 雖然未至於難食，但呢三個樣加埋一齊，就唔會比到高分!! 性價比黎講係低GE。鹽酥菇味道一流，好入味!!D菇炸完介保留到D水份，係略嫌油多左D，無台灣果D做到咁乾身。綠豆湯呢個就完全唔得，千其唔好叫!! 佢成碗湯係過甜，甜到飲唔哂，而且綠豆又唔係煮到咁鬆化，芋圓都好一般，唔好食。龍鳳荳花呢個同另外一個糖水差天共地，可能因為豆花中和左個甜，個味道係唔錯GE而且好幾足料。總結!! 野食環境都唔錯，但係價錢比較貴，性價比相對就係算低DD，不過我都會再去踩場食多次GE。

小編同朋友食晚飯，朋友就介紹左喺佢公司附近嘅呢間食台灣野嘅餐廳。小編唔抗拒食台灣野，一試無妨。呢度個滷水豬手幾出名，所以叫左黎食。唔算貴同埋都幾大份。唔會好鹹，皮肉骨個比例都好平均。呢個滷味拼盤都好正，每款個份量都幾多。個豆腐係最好味，就算冇比較之下都好好食。個豬腸就有啲怪味，可能係小編少食豬腸，唔知應該係咩味😂 個豬耳就好好食，好有咬口。擔仔麵就比較普通，個湯冇咩味，啲麵都比較硬。朋友叫左個肉躁飯，好大碗。唔會好咸，幾好食。另外想推介佢個黑糖薑母茶，非常濃味，唔會太甜，飲落口口都好辣。飲到底仲見到幾片大塊嘅薑😂

龍鳳號 (觀塘)環境好復古，裝潢好古典，連餐桌都以木枱凳為主.⚜️台式烤香腸⚜️好惹味嘅香腸，仲配有蒜片，好食!!.⚜️大腸麵線⚜️呢度嘅嘢食份量全部都細細份，唔會怕油膩，麵線同台灣嘅味道有少少唔同，可以一試.⚜️姐姐涼麵⚜️涼麵好好食，就算冬天食都唔會得凍冰冰，配上佢獨有嘅醬汁同青瓜絲.⚜️青檸百香果⚜️酸酸甜甜，係支裝嘅飲品，飲唔晒都可以外賣帶走！而飲品充滿着百香果嘅種子，咬落脆卜卜，好飲！—————————————————————-環境：⭐️⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️.📌龍鳳號 (觀塘)觀塘駿業街56號中海日升中心2樓2B號舖