龍鳳號 (已結業)

和太太二人世界 ，係觀塘找下野食！！無意中找到這店，見店內坐滿9成人客，我和太太便馬上入去坐最後一張桌，只是過了數分鐘就似電影一樣，門外出現一堆人等位。 我再查看openrice...才知 ！！這是一間 名店！真幸運！！餐廳食物有好多！前菜，主食，甜品也叫了。【以下是我們叫的產品！】1.佛跳牆湯$782.肉燥飯$263.祖傳米粉湯$384.滷水大腸$385.砂鍋三杯雞$886.翡翠愛玉冰$387. 龍鳳荳花（熱）$42+芋圓$6【以下用數字，代表食品】1.好多料，有4-5碗湯的份量，但味道淡。2.分量正常，但肉得好小，不夠餸飯3.分量好大，湯頭好清4.份量算多，味好咸，但腸的質感好怪，肉質有d梅。5. 不是好辣，多肉6. 分量大，偏甜，沒有天然的檸檬味7.荳花好滑！！好多豆！和芋圓！！員工有禮，上菜收碟收錢也很快。我給70分

觀塘都不少台灣菜，近駿業里的一方，除了《哈豆》外，原來有間《龍鳳號》在《譚仔》樓上。上班日中午十二時半，還好等一兩張枱便能進內用餐門外寫明「絕不添加味精」，應該是真的。午市套餐選擇不多，大概有九款左右，價格介乎$52-128，總有一款合大家心意小弟最後經苦思後，點了炸秘制大雞腿配惹味肉燥乾拌麵，包例湯、小菜、飲品，共$77。飲品是凍黑糖冬瓜茶，似是自家制的。黑糖味夠濃，但缺冬瓜茶味，似飲黑糖水不過味道可接受的。一見這餐盤就心動特別是那酥炸的大雞腿！左上角的西洋菜煲陳腎湯，滿是西洋菜的清香，果真的沒味精製作碗中滿滿都是肉燥，醬汁香濃經輕輕拌過後，肉燥配上爽口彈牙的麵條，一流！指定小菜：炒萵筍，應是用蒜蓉清炒的熱辣辣的，爽脆且蒜味甚香，值得一讚。主角當時是大雞腿，食都有排食金黃色的酥炸皮，香料味加上脆口到不行，內裡肉質夠滑，又鬆軟到不得了，長長的雞腿骨旁大量雞肉，對食肉獸而言，確是滿足的一餐個人認為比X大大雞X更好食，但兩者都多油。本人建議食完跑多兩圈才回家，減低罪惡感。

呢間鋪裝潢幾有特色，外表似係食中國菜既餐廳，點知原來係食台灣野。唔想食得咁熱氣，決定試下呢間。一行4人，叫左魯肉飯、肉燥飯、肉燥拌米粉、鹽酥菇、滷水拼盤、醬燒茄子、麻薯地瓜棒。魯肉飯同肉燥飯相比，我地都鍾意肉燥飯多啲，肉燥飯比較無咁多肥肉，而魯肉飯上面啲肉粒就硬啲。肉燥拌米粉啲米粉好幼，如果多啲肉燥就更好。麻薯地瓜棒要趁熱食，甜甜地咁，外面好脆，裡面好煙韌，但唔係好食到地瓜味。好鍾意呢碟醬燒茄子，茄子偏硬身，加埋茄子上面啲醬好match 👍🏻 滷水拼盤就麻麻地，滷水蛋都正常，滷水豆腐口感比較硬同乾，仲有啲苦澀味，滷水豬耳太大舊，滷水味唔夠入味。鹽酥菇都唔錯，只係食到底嗰幾粒好多油。佢有好多唔同飲料，我叫左熱四季春，好大杯。之後叫左2個甜品share食，翡翠愛玉冰同埋綠豆湯。翡翠愛玉冰加左一小片青檸，少少酸加上愛玉既甜同埋冰碎，好消暑。綠豆湯入面有埋芋圓、地瓜圓，如果少啲甜就更好。4個人食，total $515，每人都係百零蚊，仲食埋台式甜品添，幾抵食。呢間餐廳大部分野食都唔錯，下次可以試多啲其他野食，值得encore!

滷肉飯和肉燥飯 味道鹹 ，炸豬扒和炸雞髀外皮鬆化，但味道很重。 其實只有外皮的味道本身雞髀和豬肉都冇味。飲品好多選擇。今天假期所以不用排隊。 整體食物不合標準， 有可能只是我不喜歡吃濃味的東西，餐後有口渴。

其實今次唔係第一次去龍鳳號，上一次嚟到都係因為朋友介紹。試過覺得好味所以帶朋友嚟再食！今次兩個人我哋分別叫咗阿姐涼麵同埋一個乾拌肉操板麵。特別值得一讚就係嗰個板麵，非常之有咬口，味道亦都好濃郁。 不得不提嘅就係佢一個蜂蜜啤酒，真係一試難忘！

有日唔覺意盪左過黎見到門面裝修幾靚就入黎試下黑白切佢話係每日新鮮豬什，有豬脷豬腸豬心果d, 係好食既。黑白意思係白切加醬汁但其他真係普普通通。記得仲有個台式佛跳牆，其實係燉湯。有瘦肉栗子冬菇咁，都無乜(好)印象。而個湯好淡口，我真係分唔出係煲定燉

收工返觀塘試台灣菜，呢間裝修幾靚，有古代茶檔feel。今次一黎到就有位，坐見Menu都幾多選擇，因為好肚餓，第一時間叫咗個滷肉飯同埋滷水拼盤。朋友嚟到叫埋醬油茄子，麻油雞煲，手工麵線，涼拌秋葵。個滷肉飯啲肥肉比較多，食落覺得有啲肥膩。滷水拼盤呢個價錢又好似細咗啲喎，不過都叫多選擇，有滷蛋、豬耳、等等。秋葵涼涼地超好食。茄子本來以為係凍嘅，一擺落口辣親條利添。呢度九點左右就催人埋單，同埋只可以比現金。如果帶唔夠錢都幾大獲。最後埋單每人$150 ，都算幾貴嘅一餐。不過呢度嘅午餐同下午茶就平好多啦，可惜唔係觀塘做嘢啦。

呢間係之前ig見到介紹，中意食台灣野既我就黎左食下喇，叫左個大雞腿lunch set,有個小菜，湯，肉燥飯同大雞腿，冇佢講到咁好食，個雞腿真係好大，但有d油唔係台灣食個種炸雞，個飯就唔算好特出，另外叫左個刈包+大腸麵線，呢個冇set，但個刈包好好食，最好食係個包，但個麵線又唔夠味，所以呢間野可以淨係叫個刈包食下算喇

位於觀塘新翻新既大廈入面，門面都幾光鮮！裝修都好靚，好乾淨！坐得幾舒服！招牌魯肉飯，上台時熱辣辣！食落唔太多肥肉，醬汁香濃，有台灣味道！甜甜地，又多料，值得推薦！大腸米線🍜係我在香港食過最貼近台灣味道的一間！加埋胡椒粉、芫茜一齊食，味道更古早！大腸冇蘇味，又腍，正呀 ！！！香酥豬扒，大大塊上台，加埋佢地既秘製辣醬，真係好過癮！！！！蒜片台灣腸，當小食 好惹味！夾埋蒜片一齊食，非常之夾！甜品食仙草凍，仙草滑溜，唔會過甜，甜度較得非常好 👍🏻加埋芋圓、地瓜圓，都好煙刃，味道好好！！！呢間小店好值得推薦！

一杯清茶都欠奉，要就顧客需花錢買支裝水，吃油膩的台灣菜，有一杯熱水熱茶，吃起來的感覺差很遠，並非人人可接受凍飲。真小氣！食物價錢配合其小氣份量，只可以說唔平！38蚊一碗普通飯碗鹵肉飯，即是一碗白飯上面少少鹵肉加汁，鹵蛋半隻都冇，青菜兩條都冇。我覺得38蚊多付點錢，我在外大把上好選擇。甚麼煎菜肉包，味道不差，但細得像吃煎餃子，跟所收價錢沒有成正比。麻油雞煲的氣味不夠濃，雞件淡而無味及嚡口。幸好鹵肉飯，拌粉條食起來，味不錯。咁算ok 啦！

之前因為朋友介紹呢間台灣餐廳話唔錯，而我一直好鍾意試新既台灣菜所以有一日得閒終於去左一試。主要係叫咗：排骨+鹵肉飯：正常，唔算特別出色同滷肉都幾多肥膏划包： 都有台灣風味嘅配料，唔錯紅豆芋圓豆花： 都幾多料，同芋圓食得出到唔同口味 燒茄子：偏鹹同唔係燒好淋,食食下都唔想再食好壞參半，但不是食完會想再試既台灣餐廳

觀塘工廠區一向都好多美食，今次就同屋企人去食朋友介紹既一間台灣料理龍鳳號。同其他台灣食店一樣，一行到入門口就聽到台灣歌手既歌曲，有如置身於台灣一樣。比起其他台灣菜，佢價錢比較貴，但選擇都算多。我地一行三人最後揀左滷肉飯，新竹湯膽仔米線，炸秘製大雞腿🍗，滷肉拼盤，花枝蝦餅。另外飲品方面就揀左黑糖薑母茶用黑糖冬瓜茶。滷肉飯份量十足，滷肉入口即融，再加上珍珠米簡直係絕配。 至於膽仔米線方面，湯底味道比較淡，但如果配上其他小食味道就啱啱好。 小食方面，炸秘製大雞腿真係有驚喜。首先份量已經比一般雞腿大，加上去唔似其他炸雞腿一樣有層厚厚既粉，雞腿皮薄而脆，食落去唔會覺得好油膩，連平時唔食皮既我都忍唔住食曬。 除左個皮之外，裡面既肉都嫩而多汁，絕對值得推介。滷肉拼盤入面有豆腐，豬耳同大腸，而各種材料都好入味。 花枝蝦餅既皮同雞腿皮一樣，薄得黎好脆，裡面既花枝味道甜甜地，食多幾舊都唔會覺得好油膩。 飲品方面，黑糖薑母茶有驚喜，裡面放左不少既新鮮薑片，飲第一淡已經覺得全個人暖曬，冬天既時候飲尤其有保暖效果。 至於黑糖冬瓜茶，黑糖味濃，甜度都適中。總括而言，值得推介既有魯肉飯，炸秘製大雞腿，花枝蝦餅同黑糖

觀塘平價台灣菜 賣相已完勝茶木台車擔仔麵 麵條爽口彈牙very nice😋古早味肉燥飯、🐯咬🐷、滷水拼盤均是餐廳得意之作！goodrestaurant & happyeating

古早味肉燥飯 $36係台灣嘅味道啊哩個肉燥飯😭😭本身以為好細碗會唔夠飽叫佐好多嘢食🤔點知上到台先發現個份量都唔少🙈仲要好多肉燥!!!!啱啱好撈曬成碗飯😍真係好想好想再食多碗🤤🤤🤤朋友食魯肉飯都話好好味🥰澎湖花椒蝦餅 $68個蝦餅啖啖蝦肉😀同之前係fuhn食嘅蝦餅比較哩個雖然蝦肉冇咁多🤭不過好想花椒味同埋啱曬鍾意食炸嘢嘅朋友💓最抵讚嘅係油分唔重🙆🏻‍♀️上到檯之後仲好熱😂😂😂牛奶刨冰手工芋圓 $50寶寶一直都好鍾意食芋圓 所以係唔會放過所有有芋圓嘅甜品咖🤤🤤🤤哩個牛奶底要加$8 有黑糖醬🤗份量好多😻建議兩個人食👯‍♀️我哋嗌佐一人一個都食唔曬😭😭芋圓好煙韌 牛奶味仲好濃郁🙆🏻‍♀️ -

台灣料理係香港開到成行成市，有好多選擇，呢間嘅買點我相信係搶眼，有特色嘅裝修同埋黑毛豬肉。因為店內指明所有豬肉為黑毛豬。係咪真就食唔出，不過d食物係真係幾高質嘅！我哋叫左一個古早味肉燥飯，一個惹味肉燥湯新竹米粉。两個甜品:桂花酒釀小丸子加芝麻湯丸同燒仙草加紅豆。古早味肉燥飯($36)份量唔算多，男仔未必會飽。肉燥鋪滿飯面，幾豐富，肉燥好香，味道係經典嘅肉燥飯味，都幾好食。惹味肉燥湯新竹米粉($38)米粉嘅肉燥同肉燥飯係同一款肉燥，d米粉好幼細，有米味，好吸湯。惟一不足係食到中段，米粉會變淋。份量都係唔太大。桂花酒釀小丸子加芝麻湯丸($36+$12)好好食！原本以為會好濃嘅酒味，但係又冇乜。鍾意有酒果嘅就未必啱。但係佢有好濃嘅桂花味，好香，好多桂花，唔太甜。小丸子比較淋身。湯丸係細粒嘅湯圓，都幾多芝麻餡。燒仙草加紅豆($38+$6)燒仙草同係台灣食嘅味道差唔多，有好香嘅仙草味。芋圓同埋蕃薯圓都好夠味同彈牙，食落唔錯。两個人用左252,都值得一試