龍驤 (已結業)

今日同細妹行科學園，行完夠鐘食lunch, 就去左附近一間高級日本餐廳，雖然係高級日本野，仲有師傅係前面即點即整壽食好fancy 咁，但其實lunch set 相當抵食！！！服務都好有日本feel, waiter 有禮仲不時見空杯會主動refill水我要左一份龍 - Omakase, 有8件壽司同一碗烏冬，所有壽司都係即整😍，而且我落單隨口問左句有冇鰻魚，waiter即係話可以同師傅講加番入去每份lunch 都會送茶碗蒸一份，蒸蛋好完美💯仲勁多料，令人食得滿足👍🏻不是最最最驚艷係omakase set!!! 擺盤勁藝術勁靚，成個藝術品，仲有花花點綴，咁既價錢真係超抵食！仲要唔係得個樣，入口即溶，最中意海膽壽司💯好鮮甜，waiter 上菜既時候有遂樣介紹壽司，有油甘魚,帶子，希靈魚等，全部都好高質，口感滿份☺️細妹唔食生野，要左一份安格斯牛扒定食，佢大讚牛肉燒得岩岩好，唔會太熟太鞋口, 反而香口嫩滑，而鋪底既椰菜因為有燒汁都變得好食

今日慶祝紀念日，特登揀左呢間食日式廚師發辦。入到去環境好靚。好似去左日本咁，過下日本癮！餐廳都算大，可以坐係日式師傅前面，睇住佢現場整omakase。好有feel。叫左龍omakase。食前仲有個日式茶碗蒸。好足料嘅茶碗蒸。第一個菜已經有驚喜，入邊鮮甜嘅蟹肉，好足料，真係好好味。之後黎左個重點！壽司，有我最鍾意嘅海鮮。燒左口魚，拖羅，海膽，三文魚子等等。全部都好新鮮，好好味！拖羅嘅脂肪分佈好肥美。食完真係好似去左日本咁！好好味！海膽好新鮮，無出水，材料真係贏左。慢慢品嚐完壽司，之後有個烏冬。湯底有柚子香味，味道幾特別。烏冬彈牙口感好。食完感覺啱啱好！叫多左個蒲燒鰻魚飯。成個set咁樣黎，十足十同我日本食嘅一樣！鰻魚有燒過個陣燒味，好好味。唔洗落好多汁，齋咁樣食鰻魚都好好味。可以睇得出間餐廳做得幾有心思。值得再黎！

香港地食日本嘢有平有貴，質素都同樣參差，今次竟然俾我發現係尖東舊商場入邊有間高質又抵食嘅日式鐵板燒，真係多得我男朋友要搵廁所同我走咗上嚟呢個商場🤣經過見到日系木外牆，去到門口睇吓餐牌，見到omakase lunch 都只係三百幾蚊，價錢又唔貴喎，仲平過我喺元朗食，但上OpenRice睇，食評唔多，似係新餐廳，就決定做勇者試一次啦入到去，可能今日星期六，12:30都未有人嚟食lunch，但係座位都唔多，除咗兩張卡位，就只有我地坐嘅鐵板燒bar枱位，同對面好似係串燒嘅bar枱位午餐餐牌除咗普通嘅lunch set之外，仲有兩款Omakase set 同埋三款鐵板燒set，除咗和牛嗰個set之外，價錢都係由百幾蚊至到三百幾蚊，尖沙咀來講又唔算貴喎我同男朋友分別叫咗一款omakase set 同埋海鮮嘅鐵板燒set兩個餐都有跟茶碗蒸，鐵板燒嗰個餐就仲多一份沙律，首先嚟到嘅茶碗蒸，打開熱辣辣，蒸蛋夠滑，入邊有魚板同蟹肉餐廳見我哋一齊share食，首先幫我哋上咗omakase 嘅壽司，食完之後先再食鐵板燒先嚟咗九件壽司，店員會逐件壽司同我哋介紹魚生同埋整法，再建議我哋又白身魚開始食，最後先食tor

龍驤係尖東新開嘅日式餐廳，有齊壽司、鐵板燒同埋串燒，推介大家來試佢嘅午市套餐或者book場開party 🥳我嚟嘅時候係星期五公眾假期晏晝12點，由於唔係返工日子，唔多人，可以任意坐鐵板燒或者壽司吧枱，我揀咗坐鐵板燒枱，可以睇住師傅煮同傾吓計更加滋味開心😋選擇左omakase驤餐（$328）同埋鐵板燒水餐（$238）首先送左個蒸蛋同日式麻醬沙律重頭戲登場 — 壽司同手卷🍣 首先要讚下服務態度，所有侍應同師傅都十分之有禮貌友善，詳細介紹每一款壽司款式同埋食嘅次序，並且十分留意食客嘅需要，令到整個用餐過程都好開心 👍壽司拼盤有齊吞拿魚、海膽、帶子、左口魚等款式，魚生新鮮，口感豐富，令人10分滿足。以$328 價錢加上這個服務，我覺得抵食 🌻其實我同朋友兩個女仔食完一個壽司套餐已經幾飽 🤣之後上鐵板燒套餐，好多野食 😂 鐵板燒套餐有鵝肝同埋豬肉、炒椰菜、炒飯同埋味噌湯唔知道大家從圖片睇唔睇得出，個鵝肝係好大舊，同豬差唔多大細🤤🤤師傅不加過多調味料去醃或烹調，等我哋可以食到食材嘅原味最後嘅炒飯都好食😋特別感謝Carol鐵板燒師傅，好好傾又友善，大家記得去搵佢！

話說上個月頭同朋友嚟尖東嘅時候見到呢間Omakase，我哋就約咗月尾出糧嘅話一定要嚟食餐好嘅，補返之前咁耐無得食堂食餐好！係門口等朋友嘅時候見到餐廳嘅高級感已經有好期待嘅感覺。我哋係午市嚟，有得揀Omakase、鐵板燒同百零蚊度嘅定食都有。雖然樣樣都想食，不過最尾就決定叫一個Omakase嘅「驤」同鐵板燒嘅「水」，本身想叫「花」，但因為朋友唔食牛，所以就轉咗。我身後有一個酒櫃，職員有介紹返啲酒，同話如果多啲人都可以下次叫嚟飲。第一樣嚟就係跟鐵板燒嘅沙津。茶碗蒸，好多飛魚子係上面，成個都好鮮甜。跟住就嚟Omakase嘅壽司啦，先上咗八款先，有左口魚、池魚、銀雪魚、有口魚、帶子、拖攞等，全部都好新鮮，果然高質，而我入面最鐘意就係個銀雪魚，可能因為第一次試佢嘅壽司好新奇，同佢食落去都有入口即溶嘅感覺。食完呢個，就有鐵板燒餐嘅鵝肝到，餐廳好貼心地自動分咗一人一半俾我哋食，我同朋友都非常鐘意呢個鵝肝，味道好強烈，又唔會太油。食完呢個，Omakase仲有嘅四件都嚟埋，分別係海膽、三文魚子、炙燒拖羅同拖羅蓉手卷，我自己最鐘意海膽，非常鮮甜入口，同飯嘅比例其本上係一半半，啱啱好。跟住就係「赤豬梅肉」，

今日無野做，老婆突然好鬼想食日本野，又想食爐端又想食鐵板，又可唔可以樣樣都有d，問朋友介紹呢間乜都有，就走去試下先去到經理安排我地一行座底爐端燒，問下經理介紹下有咩好食，突然有個好似老闆戴帽既人叫我地試下廚師拍板，心唸廚師拍板好貴架，那個哥哥仔拍心口保証物超所值收我（＄1500）包抽加一，咁就由佢發板，同平時d餐牌係唔同（我就叫老闆拍板），是但啦今日贏左錢就同兩老加老婆食返好d1)先黎三款刺身，驚喜呀，d拖羅完全無根，新鮮而且賣相好靚睇得出壽司師傅好用心整2)四款壽司，海膽飯（超好食呀）3）鐵板大蝦，鮑魚，帶子，鵝肝（師傅講佢地唔係用酒店那些鴨肝，貨真價實係鵝肝）4）燒雞皮蝦（招牌菜），燒黑豚肉，燒雞頸肉，燒日本北寄貝（老實講佢地d爐端燒比中環那間要book幾星期好食好多）5）蒜香煙肉蝦乾炒飯6）甜品雪糕

今日來試朋友介紹的一間在新文華中心新開的日本料理小店， 門面不浮誇， 重點推介是食材新鮮，用心製作👍🏻👍🏻， 價錢走中價， 值得一試是廚師推介的燒雞皮大蝦和海膽三文魚籽紅糙飯，拖羅、日本生蠔都非常鮮味

omakase 在香港晚市普偏都要$1000-$2XXX一位。抵食既晚市$8XX 加埋一貼近一千。而午市通常都$398, 有少部份做$368.最近應朋友邀請，在尖沙咀去左一間午市228/298 價錢抵到嚇我一跳。$228係8件，而$298係有12件，當中有拖羅、手卷, 而且是坐低食，因為有好多omakase企起身食午市都要$398當初見價錢咁平，對質素有擔心，但食落又發現真係ok, 例如海膽壽司，淨係睇相你都睇得出佢既鮮味。雖然是在尖沙咀，但是在人流什少，很偏僻的新文華中心1樓，在科學館道。我猜這是價錢偏低的主要原因。同場加映:抵食刺身定食，$15X連湯及烏冬, 張相係朋友夾左幾舊先影，料新鮮，份糧足。

難得食日串都咁好坐香港租金咁貴，想搵間坐得舒舒服服嘅餐廳食吓飯都唔係咁容易。人在尖東，咁啱見到呢間新開嘅日本嘢，睇過餐廳門面裝修都OK，就入咗去試一試佢，結果⋯⋯果然無揀錯！餐廳安排咗我同朋友坐吧枱，對正爐端燒師傅，地方算係闊落，裝修又新，幾好坐。咁啱我同朋友都想啤啤佢（生啤選擇只有Suntory，黑白啤都有），所以叫咗好多款唔同串燒送酒，全部都係師傅即叫即燒，熱辣辣又逐樣serve埋畀我哋，真係好正！必點雞皮蝦！！一個字：Ichiban😋 一客唔夠食，encore叫多兩客（真心必點）。牛舌都燒得啱啱好，夠晒juicy一啲都唔un。燒雞皮脆卜卜唔燶，雞腎、和牛粒都一樣出色。另外仲叫咗個海膽壽司，都好新鮮。

今日朋友為我們慶生揀了這間新開的鐵板燒環境服務一流還可以自帶海鮮給他們燒這裏的午餐只是二百多元一位性價比高今日我選了銀雪魚銀雪魚皮燒得很脆朋友選了雞皮蝦還有燒豚肉最後還有炒飯😋

本預約了2位Omakase (已說明要Bar枱位置)，一心想坐Bar枱食Omakase，但去到餐廳時，帶位職員跟我們說：因其他訂座客人臨時加1位(原4人+後加1人=共5人)，故未能安排我們的Bar枱訂座，最後安排在收銀位置附近的餐枱。如果不是坐Bar枱，仍是Omakase嗎!!!??? 客人前後共5個人(她們是相識的)，用餐期間她們移開膠片，請職員幫忙合照。當移開膠片之後，職員再沒有把膠片放回原位，整條Bar枱座位當中再沒有放置膠片，變成5人聚餐，違反了2人限聚令。新開業，連最基本的訂座服務都做唔好，安排失當，然後又公然違反限聚令。差!!!

今日經朋友介紹嚟咗呢一間新開嘅爐端燒，我真係覺得非常驚喜，食物質素非常好，很新鮮，價錢好平，一個午餐set都只不過係二百幾蚊，真係好值得一試，而且又坐得好舒服，我哋叫左一個午餐set，再加咗好多散叫，每人都係幾百蚊，真係超誇張勁抵食👍👍👍而且呢間餐廳有一個優點，就係可以自己帶海鮮去，又或者預先叫餐廳幫手訂海鮮，想食乜都可以，我朋友預先訂咗長腳蟹，我平時食長腳蟹都係用蒸嘅方法，今次第一次用燒嘅方法，非常惹味🤤🤤🤤

尖東水池旁呢間日式餐廳，高級而價格合理，午市Omakase有驚喜，食材新鮮，做法正宗，魚生完全覆蓋壽司飯，賣相十分吸引，拖羅壽司有三層魚生令人心花怒放。侍應們有禮和主動、壽司師傅很細心，特別為我女朋友安排將魚生輕微火炙，令到不食魚生的她大讚不絕，師傅更靜悄悄為她準備了海膽壽司，鮮味直達中樞神經。很久沒有這麼享受一頓壽司宴，腦海中已經計劃下次再來的時間 .... omakase、鐵板燒定串燒？小確幸的一天。