龍華酒店 (下禾輋)

營業中

休息中

大夥兒在大埔工作完，有人提譏到沙田龍華酒店吃乳鴿。來到龍華，人山人海，還未夠七點，不但全場滿座，擺籌輪候者數以十計。幸好我和老闆娘鍾太稔熟，馬上打尖搶了一張檯。來到龍華，主題曲必然是乳鴿皇。龍華乳鴿與別不同的地方，是所有乳鴿皆來自自設的養鴿場，一場由自己操控，品質自然有保證。加上那一窩獨門秘技的醬料，令龍華乳鴿這一品牌，享譽半個世紀。有這樣一個傳說，由於龍華酒店位於沙田火車站旁的小山上，六十年代初期，很多大陸人藏身於貨運的火車卡，他們必須在未到市區前跳車逃匿，於是有人教他們，當望見龍華酒店的大招牌，馬上跳車便行了。龍華酒店初期，真的是一間有客房出租的酒店，後來漸漸演變只是飲食的場所。現在的龍華，還可以領略到六七十年代的一股懷舊味道，七彩的戶外大傘，樹陰下的露天卡位，現今的香港，大概只剩下雍雅山房和龍華酒店有這樣的風味了。我到龍華，除了乳鴿，必然再要一碟椒鹽鴿蛋。鴿蛋的蛋白，煮熟了是透明的，像玻璃水晶球，而且不含膽固醇，用來送酒，天下一絕也。順道一提，龍華酒店代客泊車的大佬，原來是《成報》的忠實讀者。龍華和《成報》有共同點，同是「老字號」，捧場客都是數十年如一日，夠晒長情。

9月初朋友一行8人(有2個係BB)去龍華食晚飯，其實我已經7年無去過，有朋友又無去過，所以就試試。我們叫了套餐再加，點知全部都好差。烤乳鴨叫做OK，但如果要求OK就唔駛去龍華啦！鼓油王乳鴨就真係唔好試。另外D待應簡直係無service，多6套餐具都唔收，收個陣叫佢留番D碗食粥，又不滿地說『你話唔要！』總結一句，請我都唔去！

今晚3個人選擇了去龍華酒店到食乳鴿, 不過真係好失望. 我o地3個人叫o左3隻脆皮乳鴿(好油呀,味道又唔係特別好), 咕嚕肉(炸得好老同硬),紅燒豆腐(一般我覺得d豆腐仲有d...),脆肉瓜芒果帶子(ok la 可能芒果唔係當造).最好味係個甜品荳腐花.......不過以咁ge 價錢真係有d 覺得.........

一行四人到酒樓食一個$498有六碟菜o既套餐.1.乳鴿四隻. (夠熱,我覺得唔太油,好食)2.翠瓜炒魚塊(味道一般)3.咕嚕肉(味道一般)4.炒雜菜(有點咸)5.蒸釀豆腐(硬豆腐, 唔好食)6.雞粥(好咸, 雞肉唔滑)侍應人數其實足夠, 但未見有效率. 可以三個人執一張四人檯, 但沒人落單. 另外個監督人自己好似飲醉酒, 滿面通紅在鬧侍應. 感覺不太好. 環境寬敞但冷氣不夠, 食完乳鴿後成身汗.

星期日同友人在沙田行完山之後就去”龍華”食乳鴿, 今次是第一次去所以都好有期望(好出名)。入到食店已覺得好熱不夠冷氣, 我們五個人叫三隻乳鴿, 四個餸同一個豉油王炒麵, 乳鴒唔夠香味道一般, 餸包括豉汁帶子蒸豆腐(寫明山水豆腐), 清炒白菜, 蒜心炒牛肉, 腰果炒雞丁。豆腐淡而無味又唔滑, 其他無特別覺得唔夠獲氣而且比較多油, 本人覺得大圍有一間”楓xxx”比較好味, 連埋飲品埋單$800, 價錢是預計之內, 但下次未必再去。

十多年拍住拖去龍華,今次帶埋個女去啦^^,食得好豪叫個四人餐三人吃,四人餐有四隻乳鴿加四餸雞粥,一渣飲品(涼茶個類)乳鴿味道可以,每人手拿一隻原隻乳鴿吃,好hi,但其他四款如豆豉茄子同烄 瓜煙鴨胸好多油又冇味,厨房項目真係要反醒吓,樓面Ｄ中年樓面好有禮貌.good.

早日我們一行三人到沙田龍華酒店嚐嚐它馳名的乳鴿. 當坐下商量吃甚麼時, 一個中年女侍應落足咀頭說套餐好, 套餐抵, 套餐好很抵. 於是就order了一個4人套餐. 很快侍應送上4隻乳鴿. 果然名不虛傳...吾錯. 又好快來了幾碟餸, 對唔著用錯字, 應該是幾碟菜. 它們差不多同一時上枱, 可以說吾夠位放. 這幾碟菜是:-凍豆腐煮冬爪湯(真是凍的)煙鴨片炒勝爪雲耳(帥傅真好嘢, 連鍋都唔駛洗,的勝瓜黑色的)蟹柳(凍肉舖幾蚊包一條條紅色個啲)炆矮瓜西蘭花,白菜炒菜心(真是一絕)最後將高潮推到極點....來碗杰tagtag味帶酸的雞粥. 到此套餐齊晒. 盛惠$574.00 大元.除了乳鴿, 在我記憶所及, 這幾十年都沒有食過使我記起"搭伙食"的回憶. 多謝龍華酒店帶給我絲絲的回憶, 但這"搭伙食"回憶太貴了.....我不會再嘗.

對上一次去龍華大慨已十多年前的事了，當時還未結婚，和女友(現太太)約了幾位朋友結伴到龍華大快朵頤，記得當時水準不俗，尤其乳鴿咬落有肉汁滲出，椒鹽白鴿蛋更是別處難得一吃的招牌菜。不過最近一行十多人舊地重遊，當年的甜蜜情侶，今已是一雙一對的夫妻了，還增加了數位孩子呢！當年飼養在斜路邊，伸手可及的孔雀籠，現今可能禽流感關係，雀籠已被透明的膠片包得密實實，我們的孩子只能透過濛糊不清的膠片來看孔雀，真是滿不是味兒。我們一共十位成人加六個小童，所以叫了一個九百多元的八人套餐，再加些小食和白鴿蛋。先一來頭盤八隻炸乳鴿，吃落方知只屬冰鮮貨，外皮夠香脆但內裡有少許乾骾骾，欠缺了香甜滑溜的肉汁，而椒鹽白鴿蛋也略比當年的遜色，生滚雞粥和醋溜菜就有良好的水準，其他的菜式如：紅燒豆腐、生炒骨都有一定的水準，甜品的豆腐花又係一絕，除了豆腐本身滑溜溜之外，此店用的是貴花糖水，使香滑的豆腐花散發出陣陣的貴花香味，結賬一千五百多元，算得上抵食。

久聞呢度乳鴿出名, 終於一試. 第一次, 貪方便, 見到六人套餐$799, 八道菜, 又抵又唔洗諗, 即叫.佩服! 佩服呢度速度, 一次過上六道菜! 食唔熱之餘, 連張都擺唔晒. 同埋第一時間享受乳鴿美味, 努力將乳鴿拆件(因為選擇乳鴿原隻上, 無切開, 每人一對手套, 好似野人咁"齒"開隻鴿) 又邊有時間食其他呢.沿途樓梯行上餐廳, 已見到鴿籠, 相信乳鴿都係新鮮. 我地選擇紅燒, 都幾大隻, 燒得都唔錯, 但都幾油, 好味, 但同係其他酒家食, 又好似無咩分別wo.之後七道菜都係重覆再重覆!1. 炒什菜, 有白菜仔同西蘭花, 無味!2. 葡汁斑塊, 伴碟又係西蘭花!? 係咪係炒什菜度拎ga? 斑塊唔係石斑, 似係花枝片, 有d古怪, 葡汁尚算可以.3. 菜雞, 伴碟又係白菜仔!? 又係炒什菜度拎. 雞都幾滑, ok 啦.4. 雞粥, 唔知d雞係咪係菜雞度拎呢? 粥無雞味.5. 勝瓜蝦, 蝦份量少, 所以要用d勝瓜放底, 感覺大碟d嘛. 味道都係麻麻.6. 蝦蟹河粉, 估計碟勝瓜蝦d蝦游過呢碟, d蝦味道同上一道菜一樣! 蟹又無肉. 河粉好多, 都有d味.7. 芥菜炒豬頸肉, 呢碟算

看完樓下大大的食評, 有點感慨. 我今晚剛到龍華晚飯, 說公道一點, 值得吃否, 看你如何點菜. 龍華的強項是燒乳鴒, 我們一行4人, 就點了4隻乳鴒, 一個雞粥, 和一味帶子蒸豆腐. 乳鴒本身夠大隻, 有鮮味, 炸的時間掌握得十分好, 肉也製得很入味, 絕非一般酒家$30-$40一隻的乳鴒可比. 雞粥和蒸豆腐也不壞, 卻是貴了點. 其他菜式嘛, 可不是它強項.勸君一句: 只叫乳鴒, 別叫套餐.

同媽咪慶祝生日，早一日訂左位，去到安排左個「偏廳」俾我地，仲俾六人檯..... 果張咁o既六人檯，坐四個人都嫌窄，點解？檯的兩邊有板，係坐唔到的，而中間坐兩個，側邊都頂腳.... 頂~ 大排檔都坐得舒服過佢!好啦，叫o野食，如下︰1. 紅燒鴒兩隻($58@) - 肉質鮮嫩，好脆，但有點鹹2. 鴿蛋上素($88) - 鴿蛋ok，素葉幾清，不過不失，不過似乎唔值呢個價3. 鮑魚鮮蝦荷葉飯($78) - 幾鮮味，不過d飯太乾身，同埋係零賣相，d荷葉霉霉地，包到好似垃圾咁!4. 薑蔥魚頭($68) - 味道ok，有點鹹，又係零賣相5. 雞絲炒河($68) - 河粉幾滑，雞絲好嫩滑，不錯!服務，兩個字︰「惡劣!」根本唔夠人手，搵個人入來落單都要等機會... 坐成晚，冇人幫你加過茶... 叫個白飯等左成廿分鐘，三催四請先有... 最後，叫個河粉等左廿分鐘，得到唔想食，佢話個order剛剛入廚房，叫我坐多一陣，我話︰有d飽o者。佢話︰飽就唔好嗌啦~ 頂! 好惡劣囉~ 仲有，隔離檯彈果碟o野唔好食，大聲d佢就換過碟，欺善怕惡! 埋單，個部長一句多謝都冇，真係丫~ 嬲爆!總之，呢度d乳鴿係幾好食，不過都

尋晚啱啱試完, 叫咗個六人餐@788:乳鴿: 三隻紅燒, 三隻鹵水, 紅燒唔錯, 鹵水唔係好夠味本菇炒豬頸肉: 冇乜味, 好油炒什菜: 一般, 都幾油葡汁西蘭花焗班塊: d 魚尚算新鮮雞粥: 太多腐竹, 冇乜米味同雞味蝦蟹蒸河粉: 竟然話冇海鮮, 換咗乾炒肉片河, 又唔肯減價同送甜品蝦仔炒勝瓜: 兩種咁鮮甜嘅材料, 都可以煮到冇厘文味, 個廚師真係一絕菜膽雞: 又係好淡, 但隻雞算有d 雞味, 同埋幾滑酒水茶芥連加一, 九百五十大洋, 結論係: 冇下次

與較少見的家人吃飯，為方便大家選了沙田區，當我以電話相約時，有一兩人都說‘個度又貴又唔好食喎…’。抵達時剛有另外兩三班人來到，熱鬧非常，似乎仍很受歡迎呢。我們十人獲安排坐內堂廳房，聽說坐花園的環境不是太好。來龍華當然要吃乳鴿，紅燒的外皮不算很脆，但肉質也不是又乾又鞋的，豉油皇的味道不錯，可是邊吃邊滴油。雞粥的確很綿滑，但我好像沒有吃到雞塊。豉椒炒蜆用的好像是花甲，大大隻很飽滿，雖非很惹味但味道都算滿意。煎釀客家豆腐較令我失望，份量很少，豆腐邊煎得又乾又硬，汁料也吃不出是甚麼味道。鴿鬆生菜包，炒得乾身鬆化，但不太夠鴿香。相反生炒排骨就太濕，汁料過甜。鴿腎炒河，鴿腎很爽口，味道尚可，但河粉沒有沾勻汁料，好像很馬虎。全晚大家最滿意的，是豆腐花。有豆香豆味，口感嫩滑，糖水也不是太甜。雖有家人總是埋怨不好吃，我就覺得以老式酒家來說，其實已算過得去，但菜不夠熱、服務欠奉和價錢偏貴卻是真的。從已離席的鄰桌拾得優惠券兩張，減了二百大元。看相片http://home-and-garden.webshots.com/album/558854650UMayLc

母親節呢個咁偉大o既日子, 去邊度食晚飯都會滿. 所以一定要book 枱食飯. 我同屋企人商量過之後, 決定試一試呢間成日聽日講食乳鴿好出名o既地方.地方方面, 都算有少少中國特色, 樓梯放滿燈籠. 又有孔雀睇. 都幾特別.食物方面, 叫了十碟菜, 只得3碟評過ok, 其他o既可以評為差. ok o既菜:乾炒牛河，豉油煎中蝦，乳鴿。服務方面, 一個字形容　－－　差價錢方面，十碟菜，一千二埋單。　總結，呢間野，　去一次就夠。

我地一行七人到沙田龍華酒店食晚飯，冇想過母親莭前一天會咁多人,點知一去到就人山人海,好在有訂位，但是點知...............唉!!!!1) 地方非常偏僻沒有清晰路標,以至沒有方向感.另一方面, 黑黑及狹小道路,令初次到訪的食客甚為心驚! 2) 飯堂及旅館FEEL 嘩!!!! 原來入到去先發覺百年老鋪"龍華酒店"是一個設備簡陋的旅館式飯堂, 有點像食素的地方.我地叫左個套餐~鴿皇鮑翅餐,成千蚊(連茶錢),見個名寫得好有氣勢咁! 但食到先知咁可怕. 首先,上菜快快快快,好似叫人快D食完就閃咁! 快之餘,D食物又吾熱,好似之前己經煮好左,仲怪的就是成千蚊的餐,就好似食緊些家庭小菜都不如.最搞笑是整個餐既找不到鮑片,連翅都失蹤左,真係一些誠意都沒有,確實是名不乎實. 勁差啊！送都吾再食．