龍華酒店 (下禾輋)

營業中

休息中

人生第一次寫食評。這是老公自三歲就來食的酒家，我倒是來過5次左右。上幾次跟老公家人大夥兒來食既結論都是除了乳鴿，其他菜都很差。早幾日，老公朋友來香港玩，本想帶他們到另一家食乳鴿的酒家，因訂唔到位所以就來這兒。預左但都令人唔開餵的...- 四圍都係漏水牆- 地下油淋淋- 洗手間好邋遢，地下都係濕的乳鴿- 叫左5隻，4隻開邊1隻開4。先來了兩隻開邊的，問侍應其他是否來緊，佢話係，但後來又拿走了。過左2-3分鐘又拿番應該係同一碟返來話其他來緊。-最後我食既開4乳鴿來了，打算親熱快快食，點知隻乳鴿凍既！第一碟拿來拿去都預左凍哂，但後來上的一碟係暖，一碟係凍既真係好過份。費事要同侍應理論所以冇出聲。- 我們唔夠食所以再多叫兩隻，加單時同侍應講唔該要熱上，之前幾隻都係凍的。侍應冷笑地問，要熱上？（最後來的兩隻係熱既，謝謝侍應阿姨）- 除了乳鴿凍，不論開邊定開四，師傅都係求期開（意思係斬唔到尾）好在有小朋友既關係自己有帶剪刀。- 連唯一不難食既乳鴿都做得咁差真係唔知如何依然有生意?!?!其他菜：因明知會唔好味所以點d穩陣d既菜...1.豉油王蝦'look'碟上有8個蝦頭但得5隻蝦身，蝦肉好霉就知道十

初四特意来怀旧一翻，点知失望收场！两个人点了三个菜-红烧脆皮乳鸽、红烧山水豆付、菜远玻璃虾球。第一道菜乳鸽肉不嫩，皮不脆。第二道菜在吃完第一道菜后等半小时才到，味道一般。第三道菜一追再追，追左40分钟都不来。点菜时间是晚上6点左右，到7：15都未有第三道菜，火都来。侍应仲叫我取消！！！

這晚有親友生日，年近歲晚都怕難訂位，結果即日訂到這店，心裡已有點不妙感覺，一行六人，七點到達，點了下列菜式：紅燒乳鴿，嚴格來說應該稱為炸乳鴿，入口皮算香脆，但肉質較鞋，炸得已老火偏乾，肉汁不足。豉油皇乳鴿， 入口鴿肉鬆軟，嫩滑可口，肉汁豐富，但味略濃，算是水準不錯之作，但估不到竟是全晚的唯一佳作。炸大腸，用上新鮮大腸炸，皮炸得頗脆口，較為薄身的炸得透，入口咬落脆而爽口，但可惜部份的腸膏太厚而炸得不夠干乾，入口尚肥，咬落滿口油。椒鹽豆腐，無特別，兼且皮不夠脆，也不夠熱，入口內裏尚算滑，而味道就很淡，食不到椒鹽味。沙窩古法梅菜扣肉，扣肉用五香粉醃過，非常夠味，與一般客家菜的梅菜扣肉桐比，這個比較乾身，但入口也夠淋軟，可惜梅菜小一點。沙茶菜芯牛肉，沙菜醬汁很惹味，牛肉入口尚算嫩滑，菜芯就好一般，有老有嫩，沒有揀過。西煎軟檸雞，是全晚最失敗的菜，雞肉醮粉炸，做得非常乾，入口如同噬樹皮，茨汁嚴重不足，成個菜淡而無味。

2014 年一年之始想話搵D好嘢食，一行八人三部車就去龍華食乳鴿，睇睇撞唔撞到華探長咁啱係度食飯！八口一排紅燈籠睇落好好feel, 即刻想到30年前慨往事... 人面桃花. 收拾心情馬上叫番4隻乳鴿療養先，嚇? 依D仲叫乳鴿，柴到可以放落個爐燒啦！算！再叫左梅菜扣肉，炸大腸，炒蜆，煎蠔餅，炸九肚魚，蟲草花墪湯。點知全部嘢食都室溫上，全無煱氣，扣肉同炸大腸都已鯨哂油，在坐女仕睇下就算，煎蠔餅食唔倒係蠔餅味，失敗之作，經典慨是炒蜆，成碟都係殼，大家好心機去數下有幾多粒蜆！報告: 係32粒！好啦，惟有再叫多個生炒糯米飯同麵醬唐生菜頂肚啦，都係一般般，叫做唔係難食咁囉。埋單多謝 2,030 文，3部車每部仲要收 30文，頂住條氣。最後要一提大家，龍華個廁所仲保持住 30年前慨水平，一D進步都冇，衛生極差，極差。

專程帶他來到沙田, 到了我想到很久的空中花園拍拍聖誕燈飾, 很美!想來想去都想不到晚餐的地點, 沙田的商場人迫人, 那就再駕車到禾輋吧! 橫豎我們都沒有一起到過龍華, 我已經數年沒有去過, 他呢, 已經十年了!毛毛雨的晚上到龍華, 車子泊在對面街, 再經過行人天橋, 就來到了。很有味道的通道, 懷舊得很。晚上九時多, 客人已經不多, 我們點了切吃的燒乳鴿, 獅子頭, 雞煲還有炸鵪鶉蛋。燒乳鴿很香, 不愧為龍華的名物, 肉一點都不乾, 很juicy! 炸鵪鶉蛋很特別, 忘了名堂是什麼水晶蛋之類的, 可以一試。 獅子頭是他喜歡的。雞煲 - 我們都以為是啫啫雞煲之類的, 上桌時發現是火鍋類的, 即是要用gas爐的, 很特別。而且入面加了紅棗當歸, 很滋補的。下雨天的懷舊飯, 很浪漫。

為慶祝冬至, 就黎整番隻乳鴿! 燒乳鴿 - 為左食到佢既原汁原味真係要原隻上! 夠晒熱, 而且有肉汁, 但我媽咪話以前好食好多喎! 生蒸香菇菜包 - 雖然無肉, 但好有菜同菇味~ 乾炸石磨豆腐 - 好滑, 不過佢係配甜酸汁, 我個人就覺得配番淮鹽 薑米雞粒黃膳炒飯 - 夠晒大碟, 可惜黃膳就真係無乜味...

經朋友介紹，與家人再次到訪，讓家人嚐一下傳統的滋味。酒店佈置有點殘舊，但這的確是舊社會遺留下來的痕跡。於酒店內參觀，遠離了城市的煩囂，彷彿生活節奏也慢了下來，身心可略為紓緩一下。乳鴿與豆腐花是這次必吃項目。要了脆皮乳鴿，外層香口酥脆而不太油膩，鴿肉有彈性；及鹵水鹽焗乳鴿，輕微的鹵水味亦帶點鹽的鹹味，鴿肉堅韌，水準不錯亦符合期望，但比較起來還是脆皮乳鴿較惹味，不過還是值得一試的。豆腐花有桂花汁，冰涼、爽滑而幽香清潤。另點了鴛鴦飯和杏汁冰糖雪耳燉鴿蛋。鴛鴦飯是經典的紅白汁，汁料豐富，蝦肉新鮮彈牙不腥，配菜亦做得爽口，醬汁的濃稠剛好，茄汁不酸。杏汁糖水熱騰騰的，吃到各種材料，味道比豆腐花略甜，但適合愛吃甜品的我。還是一頓令人十分享受的午餐。

對沙田龍華酒店的認識，源於粵語長片時代，知道是間非常有名經常有明星及名人光顧的酒店，尤以其中餐廳之燒乳鴿更聞名中外，幾乎無人不曉。今天有幸第一次與舊同事到來用午餐，真正見識到名燥一時之大餐館竟沒落到這地步，無論地方環境，食物質素，以至侍應之服務態度，只可以 “沒有最差，只有更差” 來形容。首先環境方面絕無優雅之感，到處都可見碗碟垃圾隨意亂放，與大排檔無異。食物更是不堪入目，熱的不熱，冷的不冷，所謂馳名中外之乳鴿更是鹹到苦口。至於侍應服務更是極品，所謂的服務隨了將食物扔上檯面外，我真的看不到有其他了。沒錯，不是放上去，是真正的扔下來，碟與轉盤的撞擊聲就像交響樂般的雄偉，餸汁飛賤於桌面更像是抽象派的畫作一樣，好不容易等侍應將菜上完，我說的上完是真真正正的連甜品豆腐花也扔低了，就由這刻開始，我沒見過有任何侍應進過來我們的房間了，與其說是侍應，倒覺得更像傳菜員多些，或許這還貶低了傳菜員的專業。難道盡快以極速將客人所有的食物扔了上來，便當是完成了責任，這算是什麼服務，這算是什麼管理，這又算是什麼餐廳呢？

前晚與友人到沙田同遊, 正費索思量到何處晚膳之際, 友人建議去龍華一嚐新式Fusion菜。我心想：龍華不是吃乳鴿的嗎？有fusion菜食? 友人彷彿看穿我心想什麼，半推半就之下便到了龍華。 甫坐下，友人便替我「發板」，叫了個泡菜年糕芝士炒蟹 和南宮白雲藏虎 。 我心想是什麼東東? 這上東西可以炒埋一碟?泡菜年糕芝士炒蟹比我想像中好吃，雖然加入了辛辣泡菜，但因濃郁芝士汁的關係，便調和了泡菜的辛辣，使之更容易入口，亦不會覺得太膩，蟹既非常新鮮，即使不擅吃辣的我亦吃了大半碟。這道南宮白雲藏虎好吃的程度更令我拍案叫絕。初看這個名覺得奇怪，不知道是什麼來頭，原來南宮，即蟹子，白雲乃蛋白；藏虎是指鮮蝦。蛋白混合鮮奶，令蛋白滑不溜口；大蝦亦非常爽口彈牙；粒粒蟹子有鮮味的咸香，好蛋的如我吃到停不了口。就這樣，我連朋友的份也吃了，捧著肚回家 

雖然好多人都話佢的野唔好食，但係招牌乳鴿嘅質素仍然十分高。今次試個花雕醉乳鴿就好驚喜的肉完全入哂味，一咬的肉就泌哂的汁出來，而且的花雕一的苦味同辣味都冇。我諗唔到出面邊度可以食得到！其餘，食左楊州炒飯，蒜蓉白菜，就如其他人所講，普通左的

從小就知龍華食乳鴿很出名, 今日終於食到, 一賞心願, 點知…由於當晚母親節, 8:30到, 仲有好多人食緊飯, 人人都係食母親節set, 不過我地食多D其他嘢, 於是散叫, 炸乳鴿 好食, 唔洗點淮鹽都夠味, 龍華小炒皇最好食呢碟, 不過D腰果淋左, 夠獲氣紅蔥頭菜膽雞, 買相唔靚都算啦, 煮到D雞超老, D汁有色但係唔咸, 好怪豬油撈面 失望, 完全無豬油的香味, 撈面嚟講, 太多汁, 成$100碟, 唔抵

兩口子到《包點先生》取過預訂的壽包後，立即從黃大仙乘地鐵轉東鐵往沙田…從沙田站下車後再步行十多分鐘左右，終於來到這晚「雙壽星宴」的目的地：《龍華酒店》…大紅燈籠高高掛…非第一次到來，對上一次已是數年前的事，由於那時還未熱衷於拍照寫網誌，因此沒有記錄下來，只記得「啲嘢唔好食嘅…」這次到來，是因「雙壽星宴」其中一位壽星說要來…那就來嚕！！！！（↑ 是次我最滿足這張照片！嘿嘿）於門外拍過一輪照後…才捨得繼續走…↑ 此影片名為《買包拍人》，後段的怪叫聲乃酒店飼養的孔雀發出…（靈感來自《買兇拍人》，該電影其中一幕是在《龍華》取景的）跟侍應表明來意後，被安排於店內其中一大廳就座，那時大概只有零星數檯食客而已…沒啥大改變的老舊裝潢，牆上掛滿酒店昔日、已發黃了的照片與風光史…雖為星期日晚飯黃金時間，可是場內的食客不多，也許是因為近日處於禽流感H7N9的陰霾之下，大眾均聞雞（或任何鳥類）色變，最受影響的絕對是雞販及以雞、鴿、鵝、鴨為招牌菜的食肆（如此店）…對於我而言，只要做好個人衛生措施，就如廣告所說「唔好摸佢地（禽類）嘅便便、唔好用未洗乾淨嘅手觸摸眼鼻口、肉類要煮熟先好食、出去食飯就揀有信譽嘅食肆（其

聽聞這是一間古色古鄉的酒家最出名係乳鴿同豆腐花.先由沙田步行過去.路程~15分鐘 入門口還有長長樓梯地點真係唔方便 不過真係有孔雀呀.不過 夜晚 睇唔到叫了5道菜加乳鴿套餐.另加炒牛肉 有菜,有肉 但除了乳鴿真的幾好食. 好香, 肥美夠大隻之外其他係平平, 有個雞粥等於白粥, 完全無味.炒牛肉反而超咸. 可以一試乳鴿.其他菜真係唔洗試. 環境有特色 不過大木台都無轉盤就唔係咁方便!

年初四，下午拜完車公，去咗以前去沙田必要去的地方 - 龍華食乳鴿最上一次來已經是20年前的時候了，果時幾歲的我還記得有滑梯玩，及有隻孔雀，孔雀開屏時對我當時來說，真是一大奇景但我覺得招牌燒乳鴿味道及賣相都是一般，最可惜的是乳鴿本身太細隻了，皮太多，肉唔多，以及食乳鴿最基本應伴的鹽及汁都唔會自動提供（要問先有） 𣎴過又炸得好香反而其他餸菜就幾好，水晶蝦球都好好食，個菜心一D都唔老，中式牛柳煎得好香，但太厚及個汁太洁但這間飯店的好處是沒有任何旅行團來包場，（我知旅遊書有介紹，只有識食的遊客才會來食）𣎴然就變成旅行團包場食飯的熱點 而然大部分伙記都上咗年紀，真附合一間老字號的特色總括來說、在沙田馳名的龍華乳鴿，雖然水準沒有以前咁高，但難得入到沙田，都算ok啦

之前已聽過龍華唔好。不過，去開沙田又想食乳鴿就去試。先講燒乳鴿，皮唔脆，好油，冇乜味。炒小白菜又係油浸，小白菜好「林」，應該係灼過先炒，但係收成$100。乾炒牛河冇乜味又油。唯一比較好係碗白粥，夠綿。服務方面，有個應該經理級的侍應黎過我地張枱2次，問我地要唔要例湯。當我地堅決拒絕之後，佢竟然黑面！真係冇下次！