龍華酒店 (下禾輋)

營業中

休息中

品嘗懷舊粵菜「龍華酒店老字號乳鴿及雞粥」，龍華酒店的乳鴿及雞粥就馳名百年😋✨脆皮燒乳鴿 🥰 確實滿分 💯 乳鴿皮燒到脆卜卜，但肉質鮮嫩多汁。✨生磨杏汁白肺湯🤣由我坐下落order等左30分鐘，最後都成功等到白雪雪的湯，飲落知道係真係即時燉湯，呢個湯其實先係黑馬😌✨明火靚雞粥，粥底綿綿，配上蔥花、鹹雞，加上胡椒粉鮮味更加提升。順路可以參觀酒店，欣賞景色，當年金庸先生長註此酒店寫下經典著作，亦有不少的電影公司到此取景進行拍攝🎬。從大門行到餐廳，充滿古色古香的建築，打卡的機會～ 另外，仲可以帶小朋友去參觀孔雀🦚、磨菇園～

大多數人都會遠道以來品嚐餐廳的馳名乳鴿，我今日當然亦有點紅燒乳鴿，但亦都留肚品嚐其他美味菜式。紅燒乳鴿乳鴿體型偏細，皮脆肉厚，一定要襯熱食。肉質略嫌偏瘦，沒有肉汁及脂肪。鮮菠蘿大廚咕嚕肉咕嚕肉酸甜度適中，無骨啖啖肉，配有三色椒及新鮮甜菠蘿🍍，令人越食越開胃。如意竹笙上素這款懷舊菜式是新年必食的意頭菜，竹笙入味爽口，配有粟米仔、雲耳、蘆筍、蘑菇、草菇及小棠菜，清新美味。鴛鴦炒飯一半是紅色蕃茄醬配雞肉，一半是白汁醬配鮮蝦，一次過食到兩種口味的炒飯。這間特色餐廳既有中式庭園裝修，亦有懷舊美食，值得繼續承傳下去。

龍華係香港少數嘅老牌餐館之一，數數已經有八十年歷史😱「酒店」位於半山(冇房出租，大家唔使諗住去訂🤪)，要上段斜路先到，沿途掛滿古色古香嘅紅燈籠，加上庭院風嘅裝修，感覺幾似日本神社，嗰日都見唔少人打卡⛩️聽講呢度以前仲有孔雀同好多動物睇，嗰日去到就剩返隻鸚鵡(佢識得講hello架)🦜餐廳主打懷舊小菜，例如沙田最出名嘅雞粥、乳鴿同豆腐花🥢但小編諗嚟得呢啲舊式餐廳食物都唔係重點，乳鴿係幾大隻同juicy，其他就發揮正常啦🤭最重要都係食個情懷，間唔中陪屋企人去懷緬吓都係個唔錯嘅選擇👵🏻👴🏻▫️脆皮燒乳鴿/滷水乳鴿 | $98@1▫️懷舊松子魚| $198▫️菠蘿咕嚕肉 | $168▫️鄉村風味炸大腸 | $128▫️鮑汁金菇乾燒伊麵 | $128* 餐廳設加一服務費及茶芥($13@位)💫6/10

前一排同朋友傾偈先知原來沙田雞粥係好出名，然後上網搵嗰陣發現到原來有間好耐歷史嘅酒家到而家都仲喺度，而且呢間酒家竟然係有孔雀睇嘅，我哋覺得好得意所以就走咗去試吓啦！呢間酒樓位於沙田嘅半山上面，裝修都好懷舊，好彩朋友仔幫我哋打電話預約咗，一上到去座無虛席真係估唔到。我哋今次叫咗雞肉粥，招牌脆皮乳鴿，菜遠炒牛肉，咕嚕肉同埋炒伊麵。佢嘅雞肉粥份量都幾多，雞肉鹹鹹地而且白粥好綿都好食架。乳鴿尚算脆皮，偏向多肉，調味都唔會太重手，我都幾推介。菜丸牛肉好鬆軟一啲都唔韌，不過菜就不過不失啦。咕嚕肉同埋伊麵就一般啦，不過佢全程上枱嘅速度都好慢，而且可能因為地方太大，侍應人數不足，所以最後結帳都好混亂，總括來講我覺得如果未去過嘅話都可以去下，不過就唔係好值得特登抽時間嚟啦。

慕名去食乳鴿，好一般，皮唔脆，肉又過熟，有啲普通酒樓都好過佢。叫咗一位用杏汁白肺湯，88蚊一個細盅，飲唔到杏仁味。最唔滿意係，我哋叫咗菜粒蛋白蝦仁炒飯，108蚊，上枱見到無蝦仁咪問下，個侍應先話無呢個飯，所以變咗瑤柱蛋白炒飯，仲係118。我問點解唔早講又唔改餐牌，佢話電腦改咗，餐牌唔記得改，跟住話俾返108價錢我，當時我都細細聲，多10蚊8蚊唔係問題，但order時唔講，發現就話改咗，仲要問價錢先知收貴啲。全程除咗食物上枱，無人行埋嚟沖茶執枱，當時全場4張枱有人坐。到埋單唔知係經理定老闆仲黑我面，一粒聲都唔出，俾張單我。全程兩個人食咗473蚊，未計40泊車。我無影張單証明到此一遊，係走咗後先激氣，為咗個炒飯俾面色我睇，兩個人500蚊一餐飯，好多地方可以食，應該無下次。

今日放假就嚟到沙田龍華酒店..一來到嘅感覺地方好懷舊門口有一個一個嘅紅燈龍好有懷舊嘅感覺真係幾特別...如果屋企有老人家黎就未必適合因為你去呢度黎都幾多落樓梯...今日叫差唔多叫了8個餸...最重要出名既乳鴿..椒鹽乳鴿蛋..炒鮮奶..沙田出名雞粥...兩個小菜...呢度制作出尼既紅燒乳鴿同平時出街食係有不同..實肉一些..炒鮮奶都幾特別可以值得一吃環境又舒服...咁岩今日去有人唱懷舊金曲別有風味

🌎龍華酒店 (沙田)龍華酒店好古老嘅酒店之士 已經有80幾年歷史 最出名係食乳鴿 當時富有人家先食得起 要$4一隻架 原來小說家金庸先生 李小龍 都到此地留下足跡 小朋友都好喜歡既地方 因為酒店有得觀賞鸚鵡 孔雀 依家龍華酒店好舊啦 但呢啲回憶依然保留番 掛係牆身比食客了解 ⚠️⚠️我地仲發現酒店有兩隻孔雀🦚一隻鸚鵡🕊▫️龍華脆皮燒乳鴿$98隻黎到一定要試招牌菜 仲叫佢地原隻上 一人一隻 成隻咬好過癮 皮脆脆地 好香呀 乳鴿都多肉 食落去肉質實正 但唔會過硬 啱啱好 唔需要點調味類都好夠味 佢附送幾塊蝦片 麻麻地 一d都唔脆▫️馳名沙田滑雞粥$118一窩大大窩兩個人食到好飽 味道好清甜 粥仔煲得好綿滑 唔錯架💵人均消費：$173✨環境衛生：7/10🙋🏻‍♀️推介指數：7/10📍沙田下禾輋村22號

上菜快, 整體服務ok, 食物質素不錯，係個菜勁鹹。另外影相位置都好多，可以玩幾小時... 我哋4個人食，叫左一隻脆皮乳鴿，一窩杏汁豬肺湯，一窩沙田雞粥，一碟腐乳炒通菜 + 一碟特式干炒牛河，我哋覺得都好夠食所以冇試佢哋D点心，埋單連茶芥加一供八百三十幾。

唔會再有下次脆皮乳鴿..... 咸！淋皮！街市燒味舖分分鐘好食過佢！物不所值。咕嚕肉.... 肉質可以，有汁但完全無酸甜味，另上嘅菠蘿只有酸，無菠蘿味🙄 只見菠蘿開始風乾流沙包....唉....咁嘅食物點對得住個價錢！我叫嘅都係「推介」？！ 難道係推介唔好食？

呢隻乳鴿，未食已經feel到唔對路。先論色澤， 隻乳鴿黑過古天樂嘅 古銅色， 一定唔關火後侯事，肯定係最近太陽太猛。再論肉質，好似出嚟做咗幾十年，肉質老到阿媽都唔認得。再講溫度， 應該係擺咗好耐再返炸。 個皮係熱但係個肉係暖暖地。依舊野表面上係叉燒 但係實際上佢極其量只係一塊染咗色嘅瘦肉！依一碟賽螃蟹，已經算係清泉，味道正常不過不失。依一煲粟米魚肚羹， 又再次將我打落地獄。 點解！點解！ 點解！ 好地地一個粟米魚肚羹， 要將佢整到咁鹹， 仲要飲得出係溝稀左，仲要難飲過地捫罐頭粟米湯？仲有，唔知呢排係咪經濟困難。d魚肚係有咁細粒得咁細粒，湯係有咁稀得咁稀。依碟所謂王牌推介嘅新鮮菠蘿咕嚕肉， 簡直將我往死裏打。 咕嚕肉外皮一啲都唔脆不特止，仲係要淋曬。 啲汁 係勁酸。 係我食過最難食嘅咕嚕肉裏面嘅三甲。豆腐花口感差，舀起成pat嘢咁，失敗！海皇窩麵， 麵底成陣油溢味， 配料完全冇應有嘅味道，失敗中嘅失敗！ 乳鴿乾爭爭 仲要賣成98蚊一隻，有冇搞錯呀？！今時今日做飲食， 咁嘅質素唉……

被逼留港消費，唯有捐窿捐罅搵吓邊度有好野食。呢間開咗80年，屋企人話幾十年前來過之後就冇嚟過，反正經開附近想再嚟試吓。叫咗兩隻乳鴿，乳鴿還可以，食落都新鮮而且脆皮。不過有D仲黐住D鴿毛未整乾淨。之前某電視節目介紹嘅乾炒牛河，見電視講到咁好食，點知就真係差到冇朋友，色香味都無蝦餃還算正常，不過鹹水角味道就仲奇怪....正常係落五香粉，但佢唔知落咗一隻好怪嘅香料，似係印度香料味道，同鹹水角格格不入，總之就唔好食。

今日慕名而來、看看這個古老建築，也品嚐一下懷舊點心（春卷、鹹水角、馬拉糕⋯⋯），及馳名乳鴿。春卷鬆脆熱辣辣，很不錯。鹹水角餡料豐富，味道夠古法。乳鴿呢、真的有點一般，相對普遍的酒家的乳鴿沒有什麼大分別，鴿肉有點「偕」，不夠嫰滑、期望高，失望也高了⋯⋯沙薑鳳爪味道夠、但椒鹽白飯魚真的不夠脆，入口濕軟，這個就不推薦啦。服務還是可以、速度快，檯面衛生。作為一家老字號，沒有自家「店名」印在茶具、碗碟上，可真失色呢⋯⋯

Lung Wah Hotel 龍華洒店- an 80+ years old restaurant that I remember my family brought us to every now and then when I was small ! It used to have a lot of people playing MahJong there before dinner and I vividly remember the peacock there greeting guests at the pathway leading to the restaurant! The deep fried pigeons are still good, other dishes are all so so. I’ve not been there for at least 20 years, the pathway and buildings are there but it’s lost the luster it had! The decor hasn’t changed

開業於1938年的龍華酒店是香港碩果僅存的園林餐廳之一。武打巨星李小龍是這裡的常客，前中華民國總統蔣經國曾派專機來港購買這裡的乳鴿，著名武俠小說家金庸也曾長駐於此創作小說，所以這家是香港具傳奇色彩的餐廳🍴之一。美食家唯靈說過沙田有三寶，包括「山水豆腐花」、「明火靚雞粥」和「龍華乳鴿」。這些都是龍華酒店的名物，周末就和同事到此一嚐特色風味小菜😎從沙田港鐵站出發，經上禾輋村步行十多分鐘可達，門外走廊的大紅燈籠🏮高高掛在兩旁，內部裝潢則保留著二十世紀六十年代的風格，不少電視劇和電影🎬都曾在此取景。來到這裡乳鴿是必叫的菜品，我們就要了兩只紅燒頂鴿，廚師選用孵化不超過26天的嫩鴿，在鴿皮上加麥芽糖再炸，皮脆肉鮮，名不虛傳。新鮮菠蘿🍍咕嚕肉，材料用上菲律賓🇵🇭新鮮菠蘿，外脆內軟，酸甜開胃。湯品中的花膠乳鴿燉翅也是人間美味，經十多小時的熬煮，火候🔥十足，味道鮮美。其他海鮮🦞比如龍蝦、炒蜆和扇貝都做的很出色。整體而言我們這次的用餐體驗都很滿意，美味佳餚加上懷舊風的環境，難怪能吸引社會各界名流來訪，並屹立香江八十餘載

係沙田住左咁耐，其實都係第一次來這裡，以前一直都以為這裡真的是酒店來，原來這裡是開初真的是酒店，後來因為建築的問題和新市鎮的發展，就變成只有酒樓的地方。這裡其實很大，而且還有飼養鸚鵡和孔雀，孔雀真的太耐冇見了。酒樓有室外和室內，因為今天帶著狗狗，所以選擇坐室外。餐牌上款式不算很多，但很多都是馳名的菜式。龍華脆皮燒乳鴿，乳鴿外皮燒得很香脆，乳鴿肉質嫩滑，味道香濃，而且鴿肉都幾多，不會很瘦!隨乳鴿還附有蝦片，蝦片脆卜卜，很香口。香蒜安格斯一口牛，牛肉粒用上三色椒、洋蔥和腰果一起炒，用上黑椒，令味道帶有少少辣!牛肉口感鬆軟，而且好有煮家飯餸的感覺。炸釀山水手造豆腐，本身想食琵琶豆腐，可惜店員話已經冇得食了，於是介紹我食這款豆腐。豆腐嫩滑，中間釀有鯪魚肉，茨汁用上冬菇粒和蔥花製成，味道不會很濃。馳名沙田滑雞粥，兩個人點了一窩，雞粥看上去很清淡，但食落好有咸雞肉的味，雞件份量都幾多，還加入了生菜，令口感更有層次。