龍華酒店 (下禾輋)

營業中

休息中

這個週末去了一趟昔日香江的懷舊之旅～ ⏳慕名而來 參觀這家香港絕無僅有、逾80年歷史的百年老店.ᐟ‪‪.ᐟ原來這家園林酒店以前享負盛名 更是多部粵語長片的拍攝場地～李小龍回港後也常到這裡品嘗馳名乳鴿～就連金庸更曾於這裡長住 創作《書劍恩仇錄》.ᐟ‪‪.ᐟ看著眼前這棟古色古香的美食「博物館」感覺到自己好像坐上時光穿梭機有種流光回影的感覺.ᐟ‪‪.ᐟ  ( ⁎ᵕᴗᵕ⁎ )❤︎ 喜歡這家餐廳記得bookmark喔～🔖✧/ 食物 Food /♡ 龍華脆皮燒乳鴿 $98脆皮燒乳鴿是這裡的招牌名物呈上來的時候色澤金黃亮麗 :❥︎炸得皮脆肉嫩 一些部分更加是肉汁大爆發！不過我們的乳鴿身型比較奀瘦肉不算很多 如果再肥美一點就更好！♡ 皇牌新鮮菠蘿咕嚕肉 $168咕嚕肉炸得剛剛好 有著一層脆脆的外皮被濃郁的芡汁薄薄地包裹住 外酥肉鹹旁邊的新鮮菠蘿也非常出色 鮮甜無渣整體酸酸甜甜的 非常開胃！ෆ♡ 美極豉油香煎老虎蝦 $268這道煎蝦簡直就是色香味俱全餐廳用上壯碩肉厚的老虎蝦 肉質爽彈加上蝦肉和蝦殼全部都能完美索嗮美極豉油和極多的蒜蓉粒煮出的醬汁既香口又惹味！♡ 蟲草准山杞子燉鴿湯 $298秋季將至 店員向我

沙田半天遊，參觀香港文化博物館的敦煌石窟展之後，想起多年末到過的龍華酒店就在左近，在純粹懷舊而在食物水準沒有特別期望之下，想不到卻頗滿意！位於下禾輋村內，駕車跟谷哥地圖進入不得！幸好亂碰亂撞找到了，原來專門停車場在對面村！落車從行人天橋走過去不遠。 沿路上山，大紅燈籠高高掛，回到從前之感極濃，剎那間以為自己尚在博物館未離開！ 我沒有印象從前是那樣，但可見飯店刻意保持舊樣、是80多年前的原貌嗎？可惜，在沒有遊客的此情此景，少了熱鬧氣氛，大廳滿座，我們到其一偏廳只開了兩枱客，作為客人，難得清靜！ 紅燒乳鴿 $98滷水乳鴿 $98既來之，一人一只乳鴿是指走方案，乳鴿呢？自然不及當年，在某農場嚴選若干天的乳鴿那麼講究了，不過燒都唔錯，紅燒乳鴿皮脆肉嫩，剛燒起非常熱騰，建議要求原隻上方能保持肉汁。相比之下，話說是鎮店之寶的滷水汁，我覺得個鹹，而且滷水不及紅燒香，乳鴿皮下脂肪未被溶化，口感覺膩！ 乾炒牛河 $128餐牌上寫着李小龍愛吃的乾炒牛河頗有驚喜，夠鑊氣，牛肉調味濃郁、香嫩無筋，河粉掛汁而入炒得乾身，適當的青蔥、白芝麻添香，見色澤及賣相已經對版。 沙田雞粥一碗 $98一大碗的份量，4人分吃也

星期日12:00嚟到食飯，等足兩個鐘都未嚟齊啲嘢食。重點係乳鴿上枱唔夠熱，味道好一般，好多間出名食乳鴿嘅地方都好食過佢。雞粥都係凍嘅、一窩粥裡面比左三隻雞翼尖、二舊雞腳踭、想食件雞肉都冇，唔使賺到咁盡呀！全場叫天不應、冇侍應加水，服務與食物都不知所謂，可一不可再，執咗去罷了！

有人生日⋯想去一個有點特色的地方🙃好似換轉時空般，屹立於鬧市的一個寧靜時光經過一個懷舊風情的石拱門 迎面而來是一排隨風飄動的紅燈籠🏮登上主場是一排排露天座椅在這舒適又舒服的地方，令人不禁懷緬過去🤣這裡曾有李小龍的回憶！還有他的最愛的口味⋯草莓咕嚕肉 菠蘿酸甜肉質亂滑非常之惹味 口感新鮮😋乾炒牛河 我個人好鍾意食這個餸 但不是周圍食到好味😌炒得好食 夠火候 而且不油膩 相當不俗👍 這裡每枱都會上枱 燒乳鴿 皮薄脆口 肉嫩多汁 一人一隻會不夠喉的😆😆

每次搭火車途經沙田都會望見*龍華酒店*🏨。原來1938年已經開業。真係歷史悠久久久😲。走進大門會經過一條長長走廊。掛滿燈籠🏮。沿途見到遊樂公園。庭園。裝潢設計盡見心思❣️。餐廳設計保留古色古香。牆上掛滿歷代相片。👅招牌菜係乳鴿✨。點了豉油王乳鴿。紅燒乳鴿。可以選原隻。一開二或者一開四呈上。當然一開二啦方便食嘛😬😬。乳鴿肉嫩多汁。豉油王滷得入手。紅燒香口惹味。兩款口味我都好鍾意🤤。👅鄉村風味炸大腸天使版炸大腸。去掉肥膏。食多兩件都唔怕🤪。炸得香脆且份量多。記得清埋d菠蘿🍍。爽甜多汁。👅豬潤手造燒賣大大塊豬潤遮蓋著肉球。豬潤口感鮮嫩絕無腥味👍🏻。

超過十年沒有來龍華酒家了吧以前有親戚回港 都會來這裡聚餐今次難得地吃了一回中菜招牌的紅燈籠迴廊及「龍華酒店」燈牌皆懷舊味十足它的menu很有趣 像是一本簡單的酒家歷史書脆皮燒乳鴿龍華=乳鴿🙈我們選了最基本的紅燒乳鴿新鮮炸起的乳鴿不用任何調味已經十分美味一行人就這樣默默地吃著乳鴿沒有說話🤣乳鴿沒有羶味 油汁剛好 不會過度油膩馳名沙田滑雞粥這道也相當有名呢不過和乳鴿相比就有點失色了雞粥綿滑 添加了薑絲 不過雞塊約嫌略少新鮮菠蘿咕嚕肉即叫即整的咕嚕肉入口還熱辣辣 炸粉剛好 菠蘿也很甜一塊接著一塊 超適合下飯！順德海皇雜菜煲有各樣蔬菜 魷魚 蝦仁 帶子吃一下蔬菜平衡一下不過豆腐花售光了((是我最想食的東西呢想試記得預先訂購

沙田要細數有歷史性的食店，這間一定榜上有名，沙田雞粥外，必食乳鴿啦。店內是懷舊風格，充滿中國特色，必到紅燈籠陣影相留念，店內環境寬敞，還有戶外位置，店內還有庭園景觀，月亮映照下，別有天地。紅燒頂鴿好味！紅燒特別皮香肉嫩，乳鴿肉質彈牙，口感細嫩，最鍾意脾位，肉質最嫩最多汁，翼位皮脆，3隻點夠鄉村風味炸大腸家人最鍾意，炸大腸好乾淨，外皮夠香脆，滿口油脂香，非常邪惡石窩鴿崧炒飯一上枱已香氣撲鼻，飯粒粒分明，鴿肉炒得好香，鬆軟細嫩，配搭菜心、紅蘿蔔、蛋絲，唔油膩。第一次飲支裝忌廉，特別夠汽。

身為半個沙田友，真係第一次試這間食店，店外一排紅燈籠好有特色，至今有八十多年歷史，店內有不少懷舊的電視電影海報，保留五六十年代的風格。紅燒頂鴿必食item！乳鴿有四款口味，我揀了紅燒，皮香肉嫩，乳鴿保留到不少肉汁，肉質細嫩有彈性，翼位皮脆，一開四比較容易進食。新鮮菠蘿咕嚕肉咕嚕肉無骨，皮脆啖啖肉，醬汁酸甜好開胃，送飯一流，新鮮菠蘿幫助消化。風味金磚豆腐豆腐炸得金黃，豆腐入口即化，好滑溜，加上黃金蒜粒，椒鹽味好惹味。飯後見到鸚鵡，竟然會跟我say ‘hello’，so cute！

呢間位於沙田既龍華酒店歷史悠久，記得細個嗰陣屋企人帶過我去食乳鴿，今晚到我帶返佢地去食中菜重拾童年回憶😌餐廳門口有條走廊掛滿紅燈籠🏮好有特色可以打卡😚溫馨共聚二人餐 ($498)呢個二人餐都好豐富，除左有必食既紅燒乳鴿之外，仲有湯、扇貝、菜同雞粥，樣樣都好啱我口味😍龍華紅燒鴿兩隻紅燒乳鴿外皮香脆，肉質嫩滑多汁，果然係餐廳既招牌菜🥰🥰🥰蒜蓉粉絲蒸扇貝扇貝好大隻，帶子肉厚且鮮甜，上面加左蒜蓉同粉絲更加提鮮，粉絲吸收哂扇貝汁同醬油超正🥰金湯海皇魚肚羹套餐包左一款中湯，就係金湯海皇魚肚羹，加入大量海鮮熬製而成既湯底，配上爽彈既魚肚，鮮味十足😋欖菜肉碎四季豆四季豆炒得好乾身，食落好嫩唔會有渣，有欖菜同肉碎一齊炒夠哂惹味💯生滾沙田滑雞粥雞粥熱辣辣煮到好綿，雞肉亦好嫩滑，份量都幾多，兩個人都食到好飽☺️芝麻一字骨另外叫左個芝麻一字骨，排骨啖啖肉，配埋酸酸甜甜既醬汁好開胃

前排同屋企人一齊去龍華食飯，話說原來龍華上世紀都幾出名，作為好多電影既取景地點同眾多明星、大人物拜訪，諗住應該都幾好食，結果就不及預期......可值得稱讚係環境的確幾靚，好有中式庭園風格，睇落幾舒服。我地當然叫左招牌菜乳鴿，仲有一些海鮮同炒麵等。招牌乳鴿都算不過不失普普通通，但就絕對冇預期咁好。皮脆而內不嫩，而且好油膩，瘦肉亦都好少，味道還算OK。鮑魚同炒蝦都係中規中矩，但鮑魚唔係好夠入味，蝦味道都OK，但係要剝殼唔係好鍾意。炒麵同青菜都一般般，炒麵太油完全唔想食第二啖，青菜還算好。價錢都幾貴，唔係好抵。

一行4人12點45分坐低龍華酒店，1點未夠已經叫好4個餸：2隻紅燒乳鴿（講明1開2）、沙田雞粥、特式乾炒牛河、黃金脆蝦球；到2點都仲未黎到一個餸，直到終於有職員行埋黎，點知係同我地講無哂雞粥，等成個鐘都無野食，等咁耐先講無…好…算…改叫XO醬鴨胸炒飯當時全場都已經係咁話等得耐，我地都默默等待，直到隔離枱個女仔忍無可忍直接走入廚房拎碟紅燒乳鴿出黎，我更好奇，餐廳廚房重地，點解可以自出自入？！更何況依家仲係疫情階段🤔🫣等到2點半，我枱乾炒牛河終於出現，由於太肚餓加有辣椒醬，一上枱已經被我地清碟其後係唔脆既黃金脆蝦球好喇食完2個餸喇，又再等…等…等…其他枱既乳鴿終於開始上枱，但我地果碟都仲未出現，唯有又問下職員啦，最後黎到變左1開4，明明講左1開2…好…算…但乳鴿無味架喎😒依餐飯由我晏晝飯食到變晚飯咁滯總括然而，唔會再黎依度食飯，食到一肚氣，野食唔特別都唔係重點，乳鴿無味先過份，白白浪費左整個下午

｛龍華酒店｝細細個已經聽過㗎啦，乳鴿好出名嘅，但係從來都未試過，今次見到有團購，好啦又唔係貴去試吓啦！結果………….唉…我都唔想再講，唔會有下次囉！我都知道我買團購套票嘅，唔應該要求咁多，但係一啲服務都冇喎，淨係識得叫你等，咁究竟要等幾耐？冇人知，其實所有客人清一色都係食嗰啲菜，但唔知點解大家都要等好耐才上菜，嚟到嘅時候又發現原來喺隔籬枱嘅，真係搞到大家又尷尬又唔好意思，說實在吖人哋某某酒樓做一蚊隻嘅時候仲好食過佢啊！我都未食過啲乳鴿一啲都唔Juice嘅仲要冇味嘅Tim，地方又隔涉，試過一次都唔需要再試第二次啦！朋友個仔仔童言無忌同媽媽講都唔好食嘅，媽媽同佢講同你嚟呢度食嘢係食情懷㗎！我當下心諗你又啱喎！最重要唔記得講啊！明明係原隻上但係就唔知點解會斬咗兩隻囉！侍應問我哋介唔介意？邊有得介意啫，我哋都等咗好耐囉！

安排極度混亂，明明已預約好。準時到但無枱，一味叫你等，無人確認邊個有book邊個無。要我地自己係預約簿度搵返自己個電話，證明我地有預約先比枱。本預約簿就咁放喺枱度，任何人行過都可以睇吓，所有電話姓氏個個都睇得。終於有枱，我地即刻點菜。超過一個鐘都完全無菜上，問邊個都無人答到。開左幾十年，個個工作人員都好似發緊夢咁，一問三不知，繼續叫你等。一個鐘後上餐，跟住先話呢樣無果樣無 要，轉其他餸。服務離哂譜，幾好食都假，無下次。

因為參加左旅發局所舉辦嘅賞你遊旅行團,今次係第二次來到沙田龍華酒店食午餐.老實說由於上次嘅團餐太難食,  份量少唔夠飽,除左乳鴿同豆腐花外,差不多每一碟餸都勁難食, d白飯仲要係冷飯…所以得知今個團又去龍華時,真係有考慮過退團.可能係抱住無期望就無失望嘅心態,加上今次間旅行社真係安排得幾好.呢一餐可以為呢間老牌酒家平反不少.今次餐單如下:龍華乳鴿皇 : 招牌菜, 本身對乳鴿無情意結. 覺得都平時食開果d差不多栗米雞茸海皇羹足料好味!紅燒山水滑豆腐豆腐控表示完全合格自種鮮菌炒雞片雞片幾大塊, 炒得唔錯菠蘿咕嚕生炒骨菠蘿幾大舊,生炒骨相對比例細, 但都好味杞子上湯浸時菜正常合格桂花山水豆腐花香滑唔錯雖然呢一餐雖然無直接俾錢(因為賞你遊係免費嘅) 只自費買左罐可樂$18但明顯味道,分量都有極大差別,因此極度懷疑有個別旅行社食水太深,食盡政府補貼,卻安排極差膳食俾團友.

今晚六月十八號同屋企人去沙田龍華食晚飯，一來慶祝父親節，二來同家姐餞行，諗住龍華啲乳鴿做得幾好，其他菜式應該有水準。十二個人分兩枱，因為叫十二人餐酒樓唔可以分枱上，唯有叫兩個四人餐另外再加乳鴿同幾個菜。乳鴿仲可以維持水準，個雞湯都可以，但個咕嚕肉就又瘦又鞋，個上湯桃膠菜就凍嘅，蝦球甜豆分量少，個炒飯白曬曬，最最最失敗就係條炸黃花魚，腥到食唔落，埋單成三千幾，可以話一啲都唔值。都明白節目好多餸都係整定之後分，但估唔倒龍華啲水準可以咁差。平時有去散叫食飯都可以，所以先會揀去依度食。今次之後都可以將佢由晚飯選項刪除。真心希望酒樓負責人睇倒依個食評，會好好檢討同改善。