龍庭酒家 (已結業)

相約朋友到西九龍中心閒逛，順道來個飯聚，朋友話這附近沒什麼好吃的，行經龍庭酒家，見推介餐牌價錢都幾經濟實惠。晚飯時間七點半，入到酒家坐下後，發現有好多枱未坐滿人，心想食飯時間都如此少人的。想了好一陣子都不知吃什麼好，唯有嚷著要侍應推介好幾款菜式吧!先來個招牌菜❤川汁蝦球窩巴❤醒醒胃，川汁沒有預期般的辣，大蝦爽脆新鮮，初見窩巴以為係米通，但似乎有米通的鬆脆，不帶有米通的香甜。想不到有花兒伴碟，增加了整體的美觀感。❤金蒜銀絲蒸元貝❤，蒸到剛剛好，不會過火，大大隻元貝(比平常還要大隻)，食落口啖啖肉，用蒜蓉清蒸不失元貝鮮味。另一招牌菜❤德國咸豬手例牌(脆皮啤酒焗) ❤，一層皮一層肉一層骨端好奉上桌，雖然係用啤酒烤焗，啤酒味道我就不覺有，深怕會蓋過豬手本身的味道。基於健康的理由，豬皮部分，我一向都不會吃的 ; 肉質經過烤焗之後，帶點乾脆卻稔身，沒有多餘油份，確係添飯之選。❤鮮菌魚腐浸時蔬❤，沒有特別的煮法，蔬菜尚算新鮮，可能我自己喜愛吃煮淋了的魚腐，亦無魚腥味，略嫌少了點鮮菌，未嚐到真正的味道，只覺菜式普普通通。海鮮一向是我的至愛，又可以食到兩款招牌菜，總算是不枉此行。其實之後有上網搜尋一下食評，發現負評多過好評，自己反覺得不是那麼差。菜式以這個價錢來說，都算是公道。…查看更多

不知那裡來的快將到期的優惠劵,把我們帶到來深水埗的龍庭酒家,我已經很久沒來西九龍中心,我的記憶大概只有那間壽司名店,今天一行,發現也有不少的餐廳,最上層也有food court....因為快將到期,好彩有提早打電話去book位,其實都幾多人預約訂台,訂晚宴,多預約到一個點,是整個星期都滿了.....最後,揀左日,但去到比預期中少人,只有大概70%滿~服務方面都算幾勤快,整餐飯侍應都笑容滿面,對菜式都熟悉的,感覺也不錯的~看了一會兒,終於選定了今晚食咩~先來的是川式蝦球窩巴 (一客六件)一直以為川汁是有點點辣辣的,這個明顯不太辣的, (可能我記錯)就算有也是泰式雞醬那一種甜甜又酸辣那種,怕辣的朋友也應該不會死的,蝦球口感屬於彈牙,沒有雪味, 用了花花來伴碟,確實也美麗~~窩巴係比較厚身的,樣子比較以米通,不過咬落就硬好多了~硬身有個好處,就係不會太易變淋,而我個人係Buy o既,淋左的窩巴真係好難食.....o係度揭餐牌時,發覺有d套餐都幾抵食,平均百多元就可以有兩個小菜,海鮮雞鴨都有的,最後叫左其中一個,記憶係一百多少少.....金蒜銀絲蒸元貝 (4 隻)上台時,我真係呆左,無諗過咁大隻,元貝殼係大過我隻碗,移開了金銀蒜,食晒粉絲就見到隻元貝真身,都有五蚊銀咁大,肉質都幾甜,所以我好快又食清碟~兩個小菜的另一款,揀左 鮮菌魚腐浸時蔬呢個我覺得只屬不過不失,魚腐煮到似淋左的豆腐卜咁,有d溶溶爛爛的感覺,我都係第一次食....因為菜蔬方面比較新鮮,整體上挽回不少分數,覺得又未衰得晒~最後叫了一個 脆皮啤酒焗德國咸豬手(例牌)呢個菜o係餐牌是沒有的,在門口大海報見到,應該是新菜式吧!有兩個選擇的,一個是用黑椒口感比較淋,另一個是啤酒焗,口感比較脆身,我媽時常也會做黑椒的款式,所以我們揀了啤酒焗~上台時,已經起好骨,豬手經過烤焗後,已經把油份揮發了不少,所以入口不算太油膩,肉質都嫩滑,至於豬皮方面比較厚,吃著不會有食薯片,一咬即碎的脆卜卜感覺,只是有點脆,整體來說覺得不錯的~最後還有糖水附送 -- 紅豆沙陳皮下得重手,每口都有濃濃的陳皮味道,味道偏甜,講真,而家d陳皮咁貴都咁重手,好不好吃已不是重點,我覺得真係難得~(家中那樽千年陳皮,我媽而家都唔係太捨得用呢~)因為朋友未食過冰菜,大家都想試下中式做法的冰菜會怎樣,但原來冰菜已經不合時宜了,侍應說已經轉了做菠菜...口感相差太遠了吧,所以最後都係放棄!總共幾道菜,當晚埋單只是300多,感覺幾抵食,所以難book台都是可理解的~~…查看更多

今日諗住就腳 就去呢家飲茶啦。 結果一肚氣。 今日心血來潮 叫個燒鵝食。 結果。。。食落同燒鴨一樣。 同個部長講話黎錯左單啦。 點知佢轉頭就出黎同我講話， 先生 你有所不知啦， 呢碟其實係燒鵝黎架。。。 只不過係d 肉黑d, 肉質吾靚， 不過都真係燒鵝黎架。。。 haha 吾知比佢激死定笑死， 我個人好鐘意食燒鵝， 晚飯食中菜差不多一定叫。 無乜理由我分吾出啦。。。。…查看更多

服務員態度很差, 而且上菜很慢, 齋坐成個鐘等菜這是等閒事情. 衛生也很一般, 碗碟洗不乾淨.蝦餃燒賣皮厚肉少而且不新鮮難食. 西檸雞係他媽哥池入面的雞仔嗎? 為何咁細咁少肉的? 味道可以.金錢雞或蜜汁雞肝的肝都是很一般的, 不鮮不好食而且處理不好醒騷的. 煎釀三寶, 簡直入吾到口.…查看更多

系日難得假日又想食點心就近行入西九龍揾野食星期日價格都普遍較貴兩個人飲茶都冇叫太多野所以一共叫咗五樣點心A）奶黃流沙包呢個系我每次必點老豆教落流沙包食到爆汁就最正今次雖然有少少流沙但系味道好一般包就未夠鬆軟B）叉燒腸叉燒唔系好出味同埋蒸得太熟喇腸粉拉皮唔夠滑豉油俾得多又鹹之後仲有食其他野趕時間冇影相C）鮮竹牛肉球比較真材實料冇溝麵粉但都系略嫌冇咩牛肉鮮味同埋墊底的腐皮好似擺太耐太皺皮唔夠細滑吸唔夠啲肉汁D）辣汁鳳爪鳳爪有入味但系調味汁好稠鹹咗少少E）糯米雞弊筆之一同行的友人食一啖就已經話難食確實糯米雞材料不太多比較干身食幾啖就已經覺得好膩剩低葛都唔知點解決因為真系飲幾啖茶都KO唔到叫嗮救命總括而然不太合理的價格水準較差的酒樓兩個字：失望…查看更多

今日一班親友一齊食點心,因為今日聲沙,喉嚨又有少少痛,所以一件炸物也沒有吃,我order的全是粉果類~:)不想吃得太油膩,本身都想點個鮮竹卷過下口癮,但為了聲帶著想,記得鮮竹卷好多時都有好鬼多油..食完又口乾的……白紗腸粉 ,完全無蔥花無蝦米,非常軟滑!媽媽最愛!!但無甜醬,花生醬,只附上甜豉油only菠菜餃非常美味,菠菜的餡料塞得滿滿的~應該無加任何重口味的調味料吧,咸度岩岩好的~素菜餃呢款也是很不錯,餡料有馬蹄,草菇,紅蘿蔔,韭菜等等~雞絲蒸粉卷雖然話就話係蒸..我以為唔會好多油…點知又係好似鮮竹卷咁,在細碟上好多油…唉~共3件,我食左2件,飽肚的,但唔加豉油就唔係咁夠味! …查看更多

同阿媽行完街,佢想飲茶,咁岩西九得一間茶樓,咁就入去啦,點知就中伏了先講野食,我地叫左5樣野食,全部食物偏咸欖菜松子仁燒腩仔炒飯$48上湯餃子$8.8點心拼盤$42.8醬汁茄子$6.8叉燒酥14.8最氣憤的係傳點心阿姐的態度自己送左樣我地冇叫過GE野食比我,我地話送錯,佢竟然發脾氣,係我地面前大大力拎走樣點心,仲要"秒"我地....嘩,咩事呀,我地真係比$買難受......真係好奇點解間野唔執食到我成肚氣.......…查看更多

一日遊的尾站是在龍庭酒家吃晚餐。我們吃了～粵式大拼盆：海蜇很粗，但數量不多，三、四人夾了已所餘無幾；正中的燒排骨頗惹味，肉質算嫩；其他前菜亦不過不失。上湯焗龍蝦(伊麵底)：份量十足。不過有三成龍蝦是啖啖肉，另外的七成則殼多過肉，吃的時候甚為艱難，偶一不慎便會被殼弄傷。至於伊麵，感覺太稔，茨汁亦淡，味道只屬一般。蛇絲扒豆苗：豆苗嫩滑，但我不喜歡吃蛇，感覺蛇肉絲有點韌。果仁蘭度五蛇丸：賣相不錯。我第一次吃蛇丸，感覺肉質較實。果仁香脆，墊底的芥蘭都爽口。太史五蛇羹：本來已煮妥，上桌時再用石油氣爐翻熱，令蛇羹熱騰騰，實屬冬天進補之妙品。粉藕羊腩煲：不吃羊肉和蓮藕的我沒有品嚐，同席的家人覺得味道尚可。灼本地生菜：非常普通。東江鹽焗雞：雞肉算嫩滑，鹽味不濃，要自行添加沙薑粉。生炒糯米飯：好！糯米飯煙韌，又不算黏牙。幸福甜品：是夜甜品是紅豆沙，煮得非常稠。原籠馬拉糕：好！馬拉糕大大件，蒸得熱呼呼，香噴噴，入口鬆軟。總結而言，龍庭酒家的圍菜味道尚可。負責我們這一圍的侍應雖然未能成功用石油氣爐點火，偶爾會忘了補給汽水，但是能保持笑容，並不停收走有骨的碟，服務算快捷。…查看更多

朋友有一張龍庭酒家四人套餐套票,眼看都好似好多嘢食,咁就一於試試未去知前都係Open Rice 睇過食評,差多個笑所以都沒有大其望....................首先來一個海皇翅,味道都可以,每人都有一碗半都算係咁唔知什麼雞半隻,都可以,但好似無乜味...........西蘭花炒聖子,西蘭花都幾爽,但聖子有D沙,總括都可以..........豪皇鮑魚時蔬,鮑魚四小片,豪皇味好咸,小堂菜好難吃............最後玉樹班片,班片細得很,D菜又係無乜味.........................咁就吃完$500.00元的套餐.............最後重要加多三個小菜才可以落樓…查看更多

嫲嫲請的早茶, 禮貌上由她點菜:)雞就一定有「拿」過, 一夾就散不過d飯就充滿晒臘腸味, 唔落豉油重好味, d飯粒都軟硬適中。呢碗唔加豉油唔得, 鳳爪排骨ok啦！我好認同樓下某位食家的評語, d肉真係梅梅地, 定係只有少少免治肉溝大量麵粉/生粉而令舊所謂肉球過於patpat質地?最好味就係塊腐皮, 內裏嘅肉------同樣是patpat質地d料好足腸皮夠厚, 算有米味, 肉就算把啦......型格歌手----紀文 好紅嫁咩???最後一提, 全部都好鹹, 食完好渴(無同嫲嫲講)…查看更多

素聞明將就有如十八層的地獄，在這個商場之內，有一酒樓，是在明將上一層的，究竟會唔會是第十七層的地獄呢？一行八人坐好之後，就點點點不同的點心，邊點點心，就先來口茶，畢竟走也走到口乾，十足十老人家的我偏愛普洱，個普洱都夠濃，入口沒有苦澀及腥臊味，這已經是超出我的預算，經過一輪的點選，很快就大家都有得吃了。先來的是煎釀三寶，每款就只有一件，本人只吃了青椒而已，青椒上釀有魚肉，魚肉腍散而沒魚香，不是真材實料也，究竟是否因為魚肉貴，用多點不新鮮的魚肉及加多點生粉矩這個餡呢？加上吃起來都挺油膩的，跟街邊的沒兩樣，但老實說是不是難吃，但就會覺得不太抵吃；另一熱氣點心鹹水角未有吃過，本人就不評了。腸粉要了牛肉腸及叉燒腸，牛肉腸的腸粉皮未算過份的厚，吃起來也帶點米香，這真的有點意外，但個餡的牛肉比一般的梳打生粉牛更梅散，而且又少，真的有衝動叫個侍應，要點麻醬甜醬伴來吃好了；叉燒腸的腸粉皮也如是吧，而餡就傳承了牛肉腸的風格，叉燒又細碎又少，都是有如吃豉油腸粉了，總括而言，兩者都是皮挺好而餡不太好，所以總算是合格吧。點了一碗燒腩仔飯，本人未有吃飯，但就試了一件燒腩仔，跟來的芥辣跟鴻星一樣，是稀稀的芥末汁，蘸起來有很輕微的刺激，但又不會太攻鼻，用來蘸燒腩仔吃，味道當然都不錯，可惜燒肉皮不夠脆，而且肉就是腍得有點不自然，肉質過份散，似乎是店家取貨的問題吧。要了個傳統的點心荔芋燒腩卷，怎知道在座的長輩沒有一位想吃，最後都獨力吃了半件，好吃的荔芋燒腩卷，倚賴的是粉腍有芋香的荔芋及肥瘦勻稱的燒腩，可是日日吃到的荔芋唔粉唔香，厚實實的，燒腩是瘦腩，試問沒有油份的燒腩，怎可帶起天生乾乾欠油的芋頭呢？所以縱使包身還算鬆軟好吃，吃起來感覺都幾差。沙薑鳳爪的雞腳都很大隻，看來是老雞的雞腳吧，雞腳伴來一碟沙薑醬，也蘸了點來試，沙薑醬不香之外又嚡口又鹹，鳳爪就明顯煮得未夠腍，可能是鳳爪太大隻的關係，吃起來整個口感很硬，再者本人也是第一次食雞腳見到有血水，真噁心；鮮竹牛肉球同上述的牛肉腸的餡一樣，又是比一般的梳打生粉牛更梅散，吃起來當然不好吃。燒賣主打都是用上豬肉，蝦肉只有一點點，吃起來的口感主要來自豬肉，豬肉球搓得有點咬口，入口又不會太實，也帶點肥豬肉的油香，都算不錯，當係Bonus的蟹籽就得個多字，但不見得有幾香，總括而言又是不過不失。雞扎是一貫茶樓那一款雞扎，由腐皮包着魚肚、冬菇、火腿及雞件組成，一向吃雞扎的目標都是魚肚，因為吸飽了雞扎蒸出來的雞汁，是日的都總算有味，但那魚肚實在是很霉，是腍得來散透的，質感很怪呢！冬菇、火腿及腐皮正常，雞肉就夠嫩滑。最後一味的鹹點要了雞絲蒸粉卷，吃雞絲蒸粉卷，豉油有着不可或缺的一環，不同於腸粉，粉卷厚厚的皮吸了豉油的一份甜美，就已經是好吃，加上粉卷腍腍的又不會炒爛，餡的豬肉都夠多，加了點冬菇粒及甘筍，既帶點咬口又有菇香，這個真的不錯。之後點了個炒河填肚，這個蜜糖豆象拔蚌炒河夠平嘛，好像不用七十元就有吃，店家炒的河粉，是用上粗身又厚的河粉，吃入口都尚算滑溜，但個人認為是太過厚實了，蜜糖豆香甜之中有點渣，而象拔蚌彈牙而煙韌，材料方面都算是不錯的了，但很明顯的是這大堆炒河用上就是一大堆茨汁，所以明顯的影響了其味道。甜點是點了脆麻花的，但見到侍應放下一碟如炸雲吞皮，這是脆麻花嗎？不是嘛！店家用炸雲吞皮充脆麻花，再加點如糖不甩的花生粒、芝麻及椰絲就成了嗎？加上個所謂的蜜汁勁稀，沒蜜糖味仿如糖水，入口脆又如何，因為吃麻花就是要那道蛋香滿溢的味道，但沒可能在雲吞皮中找到；另一甜點是流心奶黃包，其實就一點也不流心，餡太少而蛋黃香等於零，是一個不合格的奶黃包，暫時對流沙包最有印象的，就是在王子飯店吃到的那一個，另外西環的新興食家也很不錯。吃過了這一餐後，就証明了我的推測雖然是非常之唔科學，但最正的就是又中咗，結帳都要四百多一點，每人要五十多元，但就一點兒都不好吃，但勝在炎炎夏日，一大家人有地方涼冷氣，喝口茶聚一番，這個是金錢不能買的。…查看更多

上次經過西九龍去搵個fd,見有d肚餓就去左呢間酒樓度食下午茶,一入到門口個知客就問我幾多位,我話一個,佢就不停咁啤住我~好似好唔滿意咁好喇~一坐低叫左個叉瀨~等左一陣,碗野黎喇,d叉燒咬都咬唔開,瀨粉d湯好似水咁冇味,呢間野比我都唔會再黎幫襯…查看更多

阿爸同呢度個老闆識左好多年 今次係以幫阿爸搞生日既名義黎食頭兩碟叫左金錢雞同蜜汁雞肝 本人好喜歡食雞肝 所以好期待點知食左一口 舊雞肝係臭既= =由於阿爸同酒樓既人好熟 所以呢兩味都可以取消 不過已經好失望>.<之後叫左古法炖鴨 蒸杉班古法炖鴨味道都可以 配料都好多 OK!蒸杉班係廚師推介 所以都OK 不過魚味教淡之後仲叫左西檸雞 個汁好好味 不過汁同埋雞既份量都好少雪耳腐竹菜贍可話係完全冇味至於芒汁蝦球 個汁都係好味 但係得8小隻 完全唔夠分黎食 -= =總括黎講 如果唔係阿爸話要黎呢度食 一定唔會食食物只係一般 但係樣樣都好細 唔抵食…查看更多

一碗叉燒湯瀨,的叉燒又乾又硬又大件又白心,像塊柴皮一般,:(的燒賣出來倒在一邊,簡直不象樣,差差差.........:(:(:(…查看更多

服務態度差，推卸責任落顧客身上。話説上星期五，與家人一行15人到這酒家吃晚飯，首先入到去，附近幾張枱都未有人，我地差兩套杯，竟然無人理，要自己攞，無茶又要自己倒。有小朋友的要注意，我們有兩個未滿2歲的小朋友，我們一入去就問攞BB凳，有個經理重要黑口黑面甘話:無啊，你地曡兩張凳當BB凳啦，或者等8:30分先可能有，結果食完都未有，D小朋友坐得幾辛苦啊!食物分量又少，之後食到D骨碟滿曬都無人來換下。當晚我們大概7：45分就到齊點菜，當時點菜個男經理主動話滿7個人就有半隻燒鴨送，甘我地話我地15個人送1隻啦，好啦，之後就落單點菜，張宣傳的餸紙明明圈曬我地有點ge野，無點就不會圈，連顧客點菜單都打左我地有燒鴨(有相為證)。好啦，其他菜黎得七七八八，我地就催個女經理上隻燒鴨啦，甘佢就回應好啊，幫你追追，我地就等啦。等左一陣之後，另一個瘦ge男經理竟然同我地講無得送，我地就跟他理論，佢竟然說不是他經手不清楚，甘我地見到幫我地落單的經理就叫個瘦ge男經理叫他來，點知佢真係彩你都傻lo~好啦，甘我地又等...之後有個女經理來，話送曬，無就無話對唔住，跟住又話不是她經手，要問問情況，我地就更嬲，你避咩姐?我地指明叫果個經理，你偏偏就叫D唔係經手的過來幾次，過來之後又要瀉搏。連隔離臺D人都5抵得話佢地奸，開頭又係話有得送，之後又話轉送例牌，都好過我地，就甘一句話無就大曬!!!後來始終經手的都不肯過來，然後第一次仲要同我地講廚房call左3次出來叫經理同你地講左無得送，哇?算點唔通我地15個人都聾曬聽不到?之後第二次先話，可能個經理忙得濟，忘記跟你們說，又再一次推卸責任!之後話最多免我地兩位茶，咩態度?我地唔接受，又話一係叫我地明天再來，明天補回1隻燒鴨給我們，好好笑lo~你地甘，仲想有人再幫襯?我地依然不接受，後來叫個大經理理論最後先話補芝麻雞比我地，搞左成個鐘最後先肯讓步，好似我地錯曬甘，埋單時重要單打我地話:通常D客會問下有無得送先入黎，有D話比佢聽無，直程唔入來，算咩意思先?我地去玩完路經此地，要我地知道曬你地的規矩嗎?最後我地話要從新印張單，因爲我地要用恆生卡比$，因爲話有95折，點知道聽就好好聽有折，實質十幾樣野得五樣話有得折，重要加埋滿$300先折到，當晚我地食左$1513結果平得23.2，大家可以看看D相，全部有相為證!!!!我想同大家講，唔係錢的問題，我地等左甘耐都唔志在碟餸，甘ge服務態度，食左都背脊骨落啦，做服務行業最重要的誠信和態度他們都沒有，而且還欺騙顧客，還只會推卸責任到客人身上，確實令人生氣!!!…查看更多