龍城冰室

營業中

休息中

二人到銅鑼灣龍城冰室午餐，午市有五個餐可供選擇，選了豬扒飯（亦可選意粉）配紅湯$58，凍飲加$3。對面有一對日本人，可惜lunch set menu沒有英語。我們向對方解釋餐牌及展示圖片，餐廳亦找到認識英語的同事。食物約10分鐘後送到，份量較平常少，但豬扒非常大塊厚肉，味道不錯，有飽足感。飯粒尚算分明，蕃茄及蕃茄汁略嫌不足。凍奶茶冰塊較多，味道普通。餐廳環境乾淨衛生闊落，服務員態度不錯，上菜迅速，可以一試！

同朋友喺銅鑼灣行完街，入左間冰室醫肚，估唔到會帶到驚喜比我地。我哋一人叫咗一個飯，有一個焗咖喱薯仔豬扒飯，另外一個係招牌石鍋鮑魚帶子炒飯。石鍋炒飯一上枱已經好香，我哋都要即時搞一搞佢避免啲飯痴底。另外，鮑魚同帶子嘅數量都唔少。鮑魚嘅口感令到個炒飯更加有層次。帶子亦都唔會整得過熟，食落唔會有老嘅感覺。另外蔥同蛋更為個炒飯增添左香味。我最欣賞嘅係，餐廳冇因為炒飯用咗名貴嘅食材，而忽略咗飯本身。炒飯炒得好乾身，每粒飯都有上色，而且飯粒鮮明。食到最後，有少少飯比石鍋焊到有焦香，十分好吃。咖喱焗飯方面，咖喱汁能夠覆蓋所有飯，因此飯唔會焗得太乾。飯嘅軟硬適中，炒飯底更加增添左香味。醬汁方面，咖喱味濃烈，唔會太辣，配飯食十分惹味。豬扒肉質鬆軟，而且每舊都係厚切，口感倍增。飲品方面，叫咗港式凍奶茶同凍檸茶。奶茶茶底都幾滑，凍檸茶則夠哂冰凍。Menu:

同朋友行完Sogo，去咗位於謝斐道500號嘅龍城冰室開餐。冰室環境時尚優雅，空間感大，感覺悠閒舒服，遠離鬧市嘅緊張生活。餐廳營業時間早上7：00到凌晨2：00 早餐、常餐、下午茶餐、晚餐及夜宵選擇一應俱全。雙拼三文治(芝士、蛋)烘底三文治外香脆內鬆軟，夾著蛋味香濃加半融芝士，厚厚的口感非常嫩滑。海鮮雜菜煲爽脆通菜，鮮甜菜心、芥蘭同西蘭花上鋪滿鮮魷魚、蝦仁、青口同魚柳。簡簡單單，味道清淡而鮮甜，適合愛健康人士。西蘭花、芥蘭嫩綠腍甜。招牌石鍋鮑魚帶子炒飯用石鍋盛載著嘅炒飯，上檯時已飄來陣陣香味。米飯粒粒分明色澤均勻金黃，椰菜粒、雞蛋加蔥花感覺清新不膩，已帶出炒飯嘅美味。最特別係炒飯中再加入數量不少嘅小鮑魚同帶子，口感大增，名貴又惹味，平凡中提升貴氣！石鍋熱度令底層飯粒變微焦，又多一種煙韌嚼勁和焦香。今餐好滿足，難得係銅鑼灣高消費地方找到一家價錢貼地，服務質素高嘅食市。值得再來光顧！

呢排工作上忙到一個點📚，難得lunch time可以出黎抖下氣，點都唔可以待薄自己😬，但事實上又要趕住返去做埋d手尾😔，於是就去左公司附近嘅龍城冰室速食個靚飯~🍛🦐蒜香菠菜大蝦炒意粉($76)大蝦真係幾大隻，意粉底帶點carbonara嘅味道，不過又冇咁濃，加返d菠菜，感覺健康d~🍏綜合果茶($23)好足料嘅水果，有火龍果、蘋果、橙....啖啖都食到果肉，我最鍾意佢切到細組粒，好容易不潷起⏱上菜嘅速度都算快~由我坐低到齊order，都只係太約10分鐘嘅時間，趕住返工，又唔想太頹嘅話，都係一個唔錯嘅選擇~！

今日中午突然之間好想食咖喱豬扒飯，諗住是但搵間茶記就入去，見到呢間外觀裝修得唔錯，而且入邊大部份都係卡位坐得舒服，所以就揀咗呢間。。。。落單後大概15分鐘先到，豬扒即叫即炸，香脆多汁 ！而且份量非常大，塊豬扒有手掌咁大，個飯都應該有兩碗，本身諗住食唔晒，但撈埋啲咖喱汁，竟然食晒！個咖喱汁都做得好出色，好有濃烈嘅咖喱味，仲有兩件薯仔，煮到好林！👍👍👍銅鑼灣來講，50幾蚊，有埋杯嘢飲，性價比好高！！

想尋覓隱世焗肉醬意粉，係銅鑼灣經過龍城冰室。見到餐牌有，無思考低下，就入咗去。兩個人，叫咗一個焗芝士腸仔肉醬意粉同一個咖喱吉列魚柳飯。賣相Okay，但食落就真係一般。焗芝士腸仔肉醬意粉，汁唔夠。相比低下，腸仔肉醬比傳統肉醬真係差好多。又唔夠芝士。意粉又硬。芝士腸仔肉醬少到唔夠撈個意粉。得個dry字。咖喱吉列魚柳飯就出色好多，有啲辣。如果食唔到辣嘅人，就唔好挑戰佢。凍檸茶就正常嘢。無乜失手。總結嚟講，還可以嘅。

落去銅鑼灣交收完， 係SOGO 行咗一陣就肚餓喇， 哈哈~~ 通常係銅鑼灣都會先去謝菲道， 一轉入就見到呢間"龍城冰室".   好, 今晚就你啦..... 睇睇餐牌除咗晚餐之外， 都有幾多選擇， 焗飯, 燴飯, 扒類等...... 我就要咗菠菜汁海鮮焗飯， 裡面有魷魚、 帶子、 青口、 蝦同魚。  海鮮份量都幾多。  飯有蛋抄底， 但又唔係抄飯，材料好豐富， 只略為覺得菠菜汁太少。另外再叫咗個皇牌吉列豬扒配薯菜。  大大件豬扒香脆， 豬扒都算腍。   鐘意佢用成個焗薯代替薯仔，  味道OK  另外我地都加了$6 配了紅湯 (蔬菜湯) 跟 白湯( 忌廉湯) 和 $18 凍檸茶。全部都只係$155， 以銅鑼灣嚟講都算合理。

平時出銅鑼灣多數係食西餐、韓式/日式餐，好少可係食港式，不過最近覺得周圍開左好多冰室，一股懷舊風又地道，見到都口痕😂，所以今次就揀左呢間龍城冰室。餐廳環境優雅，座位闊落焗芝士腸仔肉醬意粉（$59）上枱時真係熱勒勒，連鏡頭都濛曬😂。意粉焗得好靚，條條都係軟硬度適中，唔似平時食開啲快餐總係焗到啲麵條又硬又乾，而芝士亦十分拉絲，味道濃郁，同肉醬好夾。星洲炒米粉（$58）十分之大份，食落唔會好油，又唔會好咸，估唔到茶記都會令我覺得食得健康。另外仲各自配熱飲（+$6）奶茶幼滑，奶同茶比例都完美 。而熱檸茶係有成五塊檸檬🍋，真係差唔多成個咁多，好足料。整體而言，呢間餐廳係價錢同質素成正比，重點係有香港的味道。

銅鑼灣區其實現在有很多冰室, 花多眼亂. 求其搵一間去坐下食. 想不到來到這間冰室有意外驚喜. 先說門面裝修環境, 個人覺得冇乜特色. 可能因為週邊其他舖頭對象都差不多, 但大致環境良好, 乾淨企理. 我喺隔離係收銀位, 一入去就收銀姐姐拎位, 唔使等. 店內店員人手充足, 基本上一舉手就有人回應. 晚市啲餸菜多數都係套餐送嘢飲. 有五十零蚊嘅碟頭飯去到百幾蚊嘅鐵板餐都有, 有中式有西式選擇都算多. 我一打開鐵板餐就見到有龍蝦牛柳, 好少冰室會有龍蝦, 龍蝦配鐵板就更加未見過. 個餐都係129蚊, 老實講我出去7x9, 買啲急凍波士頓都要90幾蚊. 好有興趣就嗌咗個試下. 叫左個中式餐湯西洋菜湯, 感覺冇乜特別一般啦, 飲品就叫咗個水果茶, 甜甜地幾多生果喺裏面幾好飲. 至於個鐵板龍蝦牛柳, 幾好食. 雖然龍蝦都預咗係急凍, 但食落去都覺得幾彈口, 大細好似一隻大海蝦咁大隻. 牛扒方便, 其實好食過龍蝦, 好有牛味同埋好淋. 性比價高!

去開銅鑼灣, 晚上準備去開餐. 又唔想食到西餐咁貴, 但係又想食啲經濟嘅鐵板餐. openrice search 到呢一間餐廳好似好多好評, 咁就同我同事一齊去試下啦. 唔知龍城冰室同九龍城有冇關係呢?入到去嘅裝修都幾現代化, 餐廳總體企理乾淨, 仲有半開放式廚房, 但係坐位就比較細, 八點幾去到人流都算多, 可能始終係銅鑼灣地帶. 排咗大約十分鐘到先入到去, 我見有單人去食要搭枱.入到去叫咗個鐵板西冷牛扒配羅宋湯及凍奶茶, 成個餐一百蚊都唔使. 都算幾抵.羅宋湯一向我都覺得好飲, 但要茄膏夠同埋小辣椒多先夠酸辣. 這裏做得到凍奶茶奶味重, 啱我口味.鐵板牛扒來都仲係沙沙聲, 叫咗七成熟, 生熟度到位, 牛扒有少少筋, 但好淋好食, 加埋蒜蓉汁, 味道倍增. 至於薯菜係薯仔加菜心, 味道ok合格.總括嚟講性價比唔錯, 平平哋可以試一試

放學係銅鑼灣睇完醫生就係附近行下睇下有冇好野食，平時行黎行去都係大街，今次行去內街睇下，發現原來謝飛道有好多餐廳，行左一陣就決定食茶記，呢間龍城冰室地方都算大，間隔好整齊，職員手腳同反應都好快，一打開餐牌就覺得呢到食物種類超多，我都揀左10分鐘先落單，有咖哩，西式意粉焗飯，港式餸菜等，飲品除左平時例牌仲有cafe特飲如梳打，果茶，食物大概十分鐘就上到，紅豆冰甜度適中，奶同紅豆比例幾好，篤爛混埋一齊飲就剛剛好，建議少冰都夠凍又唔會驚溝淡。第二樣咸牛肉蛋治，一上最驚訝就係好厚好足料！佢唔係分兩層咁鋪，而係將牛同蛋混埋一齊炒，加上蛋好滑，一路食一路有一絲絲既蛋漿流出黎，滑一滑，正！仲有牛肝菌帶子意粉，好creamy, 又好足料有成4，5粒帶子，大量菇菌類，中意食菇既就啱曬，3樣加埋飽到上心口我都食唔晒，唔好嘥就打包返屋企，都係盛惠108炸!

經常在銅鑼灣出沒，龍城也是首次光顧。印象中的茶記，都是以碟頭飽肚為主，對於男人的浪漫，真的沒多大興趣；滿腦鬼主意的夫人……今晚來決定來個女人的浪漫 …… 😍😍環境光猛企理，牆身滿滿的小品裝飾，很有小餐廳的風情。點了吉列魚柳包 $25，魚柳剛炸起，香脆嫩滑，伴有蕃茄生菜，沙律醬味道搶鏡，朱扒飽有咬口之餘又不算太硬，以$25來說，是不錯的。熱奶茶 $16，茶記的奶茶都是必喝的，茶味有層次兼且順滑，加點糖，完美的。蒜香牛油金菇包 $21，蒜蓉既多且香，金菇吸收了牛油就更滋味！招牌脆炸大雞脾 $29，雞脾是生炸的，切開有熱氣緩緩升起，皮脆肉嫩就是定律。椒鹽豬扒 $35，椒鹽味道濃，肉質唔韌，略兼調味重了一點。全單$126，四款小食一杯飲品……逃脫了碟頭的命運……😏……！發覺龍城有中式小菜供應，下趟多約幾位飯腳再來試試。

今日約左朋友去夾公仔，但佢放8點，叫我食自己，咁我響銅鑼灣簡單食了，就去左附近嘅茶記食！依間龍城冰室我響觀塘日昇中心食過幾次，次次都滿意！ 點知都唔係簡單食，個餐牌比以前多左好多選擇種類，有茶餐，扒類，炒粉麵，炸物類，咖喱類等等，連飲品都有兩頁滿滿的！ 點的是石鍋鮑魚帶子炒飯，真材實料，有成4隻小鮑魚同3粒算大嘅帶子。兩種“海鮮”都有咬口，有彈性，帶子無腥味，炒飯係粒粒乾身的，有菜絲，蛋絲等配料，口感豐富！ 鮮橙汁加利賓（跟飯加$19）,味道剛好，唔會過甜，食完熱辣辣炒飲，飲依個簡直爽丫丫！

下雨天不能去跑步， 相約了朋友去 銅鑼灣 做運動。 運動完正值中午，超級肚餓，看見這間龍城冰室 就在謝斐道 小巴站旁邊， 看來蠻不錯， 高朋滿座， 想必是食客已經用腳投了它的食物一票！！好，一於一試， 吃點地道香港美食、順便喝杯 滑滑的絲襪奶茶！我們今天看見附近的人都在吃這兩個常餐， 應該是店家的名物 ， 就吃這兩個！瑞士雞翼撈公仔麵 常餐 （$49）這個鼓油雞翼，把雞肉煮得十分之嫩滑， 一點也不鞋口，而且每嗒都充滿著鼓油雞的香味，很好吃，值得一讚！櫻花豬柳公仔麵 常餐 （$48）我的朋友很喜歡這塊櫻花豬扒，薄薄的豬扒，咬起來肉香十足， 最好的地方，是一點也不油膩， 而且也沒有跟著很多肥肉 ，很健康！常餐還包括「3.6牛乳炒蛋亅和「牛油 奶醬豬仔包亅， 連一杯飲品，正！在眾多食品之中，我最喜歡這個豬仔包和炒滑蛋， 我時常想在家學做這種滑滑的炒蛋，但是每次 跟住youtube 的片段來模仿，都是失敗😮收場， 真的有一點衝動，想偷進廚房偷一下師！小食：蒜蓉青口我們看見餐牌上邊還有很多不同的小食，包括這個 蒜蓉青口，看起來很美味， 價錢也不貴（$38） ，好，一於試埋佢！味道真的不錯， 很濃

寂寞，就如自己一個吃A餐。其實這是常餐1號。為了合付旋律，塞住A餐唱住先🤪😂😂又其實，並非真的如此寂寞，因為即使我隻身走進茶記，我吃足全程餐廳播足半個小時容祖兒的經典舊歌。除了店員得閒也會唱幾句之外，最恐怖的是我首首都識唱，明明我不是粉絲! 聽到我也忍不住一邊吃一邊自己唱歌😱🤫🎤回到主角常餐，$49好大份又抵食👍🏻瑞士汁雞翼入味又夠稔夠香，撈麵掛滿瑞士汁甜甜的份量好多。3.6牛奶炒蛋夠香滑！奶油脆豬好香牛油味，煉奶亦充足！如果包身香脆點更完美🤔