龍城冰室

營業中

休息中

以為自己係咩呀高級茶餐廳呀？已經打電話去叫外賣點了一份酸菜魚、點知由落單起, 足足37分鐘先有、以後冇幫襯！食落不外如是又唔係平！真係祝佢生意興隆都唔知點解咁多人幫襯佢！！其實我想講喺香港做茶餐廳已經好好做都唔明點解佢用三十幾分鐘同我整一個酸菜魚,即叫即片的魚片嗎？我不相信lor, 我喺酒樓食都唔使咁嘅時間啦！講真佢嘅酸菜魚真係非常之一般般值唔值咁嘅價錢！加多少少去酒樓食啦！龍城我去過好多間銅鑼灣旺角都去過,都冇呢間咁衰好似唔憂做咁！真係多謝哂 !

朋友飛英國🇬🇧 從機場回來都半夜10點多11點了 幸好男朋友知道這家茶餐廳開到凌晨 這次因為沒吃晚餐 點了小菜套餐(2人) $156 含兩道菜+兩碗飯+兩碗湯1) 微辣肥牛拼海蝦🦐下雨天總是想要吃辣 湯頭是用醉菜魚的湯 牛肉片量不少 蝦子有四隻 上面放滿調味跟花椒 沒有想像中辣👍🏻 微酸微辣吃的很開胃 只是蝦子可能不夠新鮮 稍微有點爛掉2) 去皮魚香茄子煲🍆平時在大排檔吃的茄子都是帶皮 這是我第一次吃到沒皮的🍆 燉的很香很入味 去皮後也把硬硬的感覺除掉了 滿滿一鍋很好下飯 兩人不經不覺就飯吃完 不過這菜本來就比較油 腸胃比較過敏的可能要注意一下喔❤️

呢間冰室同事推薦過好多次話好食，但我好少 lunch 食茶餐廳，但我見同事咁buy 呢間就去試食一次。入到去地方光猛，算乾淨，睇左午餐牌都有大約七款，唔係好啱我胃口，又想起見到食評有人寫話幾好食，問左阿姐大約等20分鐘，咁都ok, 等左差唔多20分鐘就到，賣相好靚，又放左d 菊花係個面，碟邊仲寫住 “可能係最好食酸菜魚” ，飲啖湯先，好咸 好重味精，酸菜冇味，湯唔酸唔辣，d 魚個樣幾靚又白又滑，但食落怪怪地好似食魚旦咁，我平時係超市買即食都好食得多，正常呢間野冇下次。

今日去咗淘大花園下面嘅呢間龍城冰室到食黃店 下午茶真係超抵食 有得自選兩款唔同嘅食物 非常個人化 招牌熱狗超巨型入面係巨型嘅司華力腸 雞髀炸得香脆 肉嫩多汁 食完飽到晚餐都唔使食呀

搵食，經過呢間，不停有人入去，要搭枱坐呢，唔緊要，照試。價錢算合理，唔洗$40就有一個早餐，選擇都好多。餐包有好多選擇，不焗限於牛油方包，多左，可以選蛋撻，菠蘿包等等。點了沙嗲牛肉米粉，蛋撻，熱奶茶。上餐好快，先黎蛋撻。賣相差啲，食落，唔熱，而且唔重蛋撻味，好似無乜味咁，好失望，浪費了quota…接著米粉同奶茶都到了。好濃的沙嗲味，牛肉夠淋，喜歡這款米粉，整體不錯👍🏻奶茶，唔夠熱，只是暖的、而且完全無茶味⋯好差

行去牛頭角食晏，第一次食龍城冰室望下餐牌有乜嘢食，見常餐會有魷魚配公仔麵梗係要試下，炒蛋夠嫩滑、丹麥包好味，最緊要係好耐未飲過好飲嘅凍檸茶，始終都係港式茶餐廳嘅凍檸茶最正😊😊spicy squid instant noodles,milk scrambled egg+sausage ,danish loaf,Cold lemon tea😊

住九龍灣食野真係好多選擇tea time好鍾意來呢度食因為真係平靚正啊！乾炒牛河夠鍋氣又多料超正炸雞比超脆份糧唔細加埋薯條超邪惡不過好好味同朋友兩個人食埋單每人$40有找食到飽飽🐷好滿足👍🏻😃yummy👍🏻😃

之前日日朝早都係嚟食牛腩粉麵，最近發覺d牛腩越切越薄而且少。我以為我錯覺啦，聽返收銀講，原來好多顧客同我感覺係一樣，都有反映變差咗。我情願你加返1、2蚊價，都好過下調質素。

龍城冰室有幾間分店， 今次到牛頭角這間， 見到門口新鮮出爐的麵包熱辣辣非常吸引，即興去食下午茶😋。日式鰻魚炒飯$44 + XO醬炒蘿蔔糕 + 啡走， 秘製香辣魷魚公仔麵$44 ＋ 咖哩三寶 ＋凍咖啡$3 + 菠蘿油$10。 日式鰻魚炒飯用鰻魚汁炒起，所以幾惹味。 XO醬炒蘿蔔糕有少少辣🤏🏻，但蘿蔔糕比較黏口。 玻璃魷魚味道爽口， 平時多數吃牛肉配公仔麵，原來魷魚配公仔麵都好味。 咖哩三寶有魚蛋、豬皮和蘿蔔， 整體味道正常。 最後到邪惡的菠蘿油🤩， 菠蘿包 脹卜卜配上牛油， 真是很好吃。 另外咖啡味道香濃，亦都不錯。 前排食觀塘分店， 感覺相比之前退步， 反而今日吃牛頭角分店食物質素就幾好。

經常幫襯呢間茶記，夠近屋企，今日想食福建炒飯，但又心大心細試唔試佢個酸菜魚，見到格黎台食得咁滋味，於是我又忍唔住跟隊，酸菜好橋味，夠酸，夠咸味，不過就無乜麻味，魚好話，湯汁餸飯一流，唔錯嘅，值得一試

上次見到呢個二人餐menu已經覺得好抵，所以今次同男朋友嚟呢度試吓😋二人餐 ($148) 包咗餐湯，兩個小菜同埋兩碗飯～我哋另外仲加咗個炒菜同埋一杯凍柑桔蜜🍹第一個餸係鐵板XO醬野菌炒龍躉球🐟正確嚟講龍躉係片狀，睇落個感覺有少少似豆腐😂魚肉有煎過，好有彈性👍🏻XO醬好香，野菌都非常入味😆另一個叫咗蜜椒薯仔牛柳粒🥔🐮我覺得舊薯仔嘅軟硬度啱啱好，外表有啲香脆，牛肉質素我覺得一般，不過勝在調味好惹味，如果可以多返少少蜜糖調味會更啱我口味😌另外加咗蝦皮蒜香炒西蘭花 ($43)～份量都唔少，真係見到有好多大約櫻花蝦大小嘅蝦皮🤣加埋啲蒜茸好惹味～可以改善嘅係啲西蘭花可以切細舊少少😂佢呢杯凍柑桔蜜 (加$9)係超級濃😂飲到後期直頭要加少少水，係好飲嘅😌咁樣埋單都只係每人$100，食到勁飽！我覺得好抵啊😚😚不過整體嚟講食物都係偏重口味，有啲鹹🤣要扒多兩啖飯先得🤣

夜晚諗唔到食乜，見龍城冰室咁旺場就入去試下見佢推介酸菜魚，膽粗粗就叫黎試下等左大約廿分鐘終於黎啦～睇色水覺得唔算好辣既，個湯都清清地，個湯有啲似胡椒豬肚湯味辣度適中好惹味越食越好味，佢啲魚片係普通魚片啦，冇乜骨既，仲有好多酸菜蘿白萵苣係入面，都好足料果然係“可能係最好食酸菜魚”唯獨有一樣野唔滿意，就係環境唔太整潔，個地下一撻撻黑色積，最慘係冷氣唔夠，坐門口又食熱野都幾難頂。。。

今日要趕住開工，一落車極速搵地方食飯，見到呢間門口岩岩有卡位即刻坐低叫野食…見到lunch meun有焗豬扒飯，但話要等20分鐘，海南雞都要等所以就嗌左福建炒飯同椒鹽豬扒飯食物：個椒鹽豬扒有豆瓣醬味，冇椒味、冇鹽味…但有炸蒜頭嘅香味！有7件豬扒件，豬扒都夠冧身。個福建炒飯都好大碟，有2隻5蚊雞咁大嘅蝦，超多3色豆本人不太好豆有菇嘅香味，好滑！不過飯底唔太好，炒唔到粒粒分明。仲有個例湯，唔係味精湯，有海底椰、甜嘅粟米、紅蘿蔔同豬骨（？）環境：幾乎全部都係卡位，不過我今日坐係門口，個風閘同個膠廉不停吹到fing黎fing去，好嘈，同埋今日係勁熱！有廁所嘅，不過環境就麻麻哋不過繁忙時間、繁忙地區都唔好有期望

今日係九龍灣附近放工,十分肚餓, 緊係要即刻搵間餐廳醫肚. 醫肚黎講識食一定係食茶餐廳, 點解? 因為方便快捷, 最緊要係大大碟熱辣辣. 而茶餐廳當中聽聞有間連鎖店好食到分店開完一間又一間, 咁岩九龍灣就有一間 唔洗諗咁多 即刻入去試下啦今日試既係是日晚餐, 供應時間係5:30PM - 11:00 PM 雖然而家堂食就只係去到10點, 但係就算過左10點大家都可以黎嗌外賣番屋企食架我今日就試左佢個晚餐C 姐係莆燒鰻魚豬排飯, 如果唔鍾意食飯既朋友仲可以選擇意粉或者薯菜架黎到既豬排有少少嚇左我一跳, 手掌咁大塊既豬排, 仲要有兩塊, 雖然就咁睇相可能以為塊鰻魚有D細舊左少少 不過其實應該係豬排太大舊產生出黎既錯覺姐, 份量咁大既莆燒鰻魚豬排飯 相信我今晚一定可以餓住黎 飽住走啦.首先講下個豬排先 豬排唔單只份量大, 質素一D都唔差, 肉質新鮮有咬口, 唔會太鞋, 而且好有豬肉味.而個鰻魚唔會好似其他餐廳咁偷工減料 薄到好似紙 反而有一定既厚度 食落去好多口感加埋餐廳特製既莆燒鰻魚汁 簡直係絕配我朋友就簡左D餐 蒜子枝竹豆卜火腩煲個煲一黎到既時候 上面仲係滾既 就知道真係熱辣辣上枱啦而且睇

今晚收工經過龍城冰室買咗個咖哩吉列豬扒飯返屋企食，食食吓唔對路，豬扒咬唔開，吐返出黎原來生嘅，厨房師傅究竟係咪發緊夢定趕收工，碎上豬扒都冇發現係生嘅？餐廳方面真係要留意吓厨房師傅出品，唔得就真係要炒咗佢無謂留個人喺度打爛自己招牌。