龍城冰室

營業中

休息中

收9點出到九龍灣，成日無粒米落肚想食飯，見到龍城仲好熱鬧🙂就直入，都成9點幾個場都幾full行到尾坐底，睇到係人手嚴重不足不過姐姐都好快手，幫我落左單叫左個晚餐B，馬來西亞脆雞扒薯仔飯過左3分鐘，就上到菜的確係香港茶餐廳既文化😂快上碟又唔馬虎，真係咖哩上先放雞扒食落雞扒真係岩岩煎出黎佢個名又岩wow，脆皮咖哩就係馬拉風味落左椰奶甜甜地又辣辣地，幾開胃份量都真係多，都要比多$2要個食物盒唯一講既係，杯凍檸茶太多冰🤣

嗱！老實講一句啦。呢間龍城冰室認真唔惹少，餐牌內選擇相當之多，基本上你想食咩其實都滿足到你嘅需要，價錢來講亦相當大眾化。作為一個茶記嘅長期擁護者，真心想講句：呢間餐廳一定要幫襯多啲！酸菜魚裡面嘅酸菜一個字：絕！脆爽無比，講一句比魚更好吃都不為過。重點嘅係鱸魚片，份量好多，爽滑無比，超級嫩而且特別入味，配飯一絕。仲有最後嘅湯底，香到不得了，就咁飲都係一種享受，太太太好飲。我毫不留情撈飯飲曬。福建炒飯，fokin u，what do you do。蝦仁香菇蘿蔔雞肉，超級足料，每一啖都好滿足！龍城冰室可以稱得上我心目中茶記排行榜TOP5！有心茶記！加油！

外賣自取過左一個鐘到店取餐，網上外賣平台取餐號碼不再顯示，同店員溝通幫忙檢查電話號碼，始終堅持要取餐號碼，譏諷顧客唔識用就唔要落單！離曬譜噶態度！垃圾！唔會有第二次！質素差質素差質素差質素差質素差質素差質素差質素差質素差質素差質素差質素差質素差質素差質素差質素差質素差質素差質素差質素差質素差質素差質素差質素差質素差質素差質素差質素差質素差質素差質素差質素差質素差質素差質素差質素差質素差質素差

呢間野年三十晚將大量垃圾放在通往利基大廈C座的走廊旁。年初一居民出出入入都見住堆垃圾。自從呢間野開左，前往利基大廈A和C座的通道都給弄得烏煙瘴氣，極度污糟。平日員工亦坐在渠旁。極不衛生。呢間野初開時我和家人試過兩次，覺得是中下水平。而及後他們把通道弄得那麽髒，再加上員工不衛生，沒再去了。

熱奶茶凍嘅.服務態度極差.落錯晒單.忙唔係大晒嘅.只係個地點好，但食物一般.其實已經比過兩次機會佢.睇來以後都唔使再幫襯.明明兩個人坐一個卡位，朋友去咗廁所，嗰個阿姐竟然叫我坐開第二度，我話我朋友啱啱行開咗，佢竟然話我從未見過有人坐落嚟，我話你真係時運高啦👍🏻

龍城一向都好食，平時喜歡佢個「全日早餐」！今晚見佢有泡飯外賣喎，不如又試吓啦🤪老公就選擇了咖哩牛👅飯，正常發揮，份量都好足夠。好泡飯出埸👏🏻湯跟飯餸分開，魚肉都好多呀👏🏻👏🏻而且湯好鮮味🤩，飯量唔多，但飲晒啲湯包你一定飽。天氣涼涼地時，食個暖笠笠嘅湯飯，真係好舒服架☺️

午餐就食過幾次，晚餐就第一次黎試，有晚市套餐，係九龍灣黎講算係較優惠的價錢。🥒蒜蓉炒通菜🥬套餐加$43通菜爽口，唔會過鹹，份量亦比想像中多，唔會好似油菜咁少。🥬招牌海鮮湯海鮮雜菜煲🥬套餐價$78首先份量好足夠，海鮮有蝦，龍躉，魷魚，帶子，青口，蟹柳，西蘭花，菜花，椰菜粉絲等，海鮮夠新鮮，唔似雪藏野，菜就偏硬少少，但好味道。🍍菠蘿咕嚕肉🍍套餐價$78正常發揮，都唔會話全部都係肥膏，有肉食到的，如果要講就只好話菠蘿太少，全碟得3塊。🍍菠蘿包🍍$8黎到時唔夠熱辣辣，唔係話太新鮮，所以包身偏冧，而塊菠蘿皮就好似食緊塊合桃酥咁，比較新奇。評語：店員講野比較大聲同粗獷，但我相信佢地係無惡意店內有齊中西韓等菜式，選擇較多

龍城冰室 ［牛頭角］在我既認知，通常冰室都係比茶餐廳特色啲，食物既款式亦會多啲。今日去咗龍城冰室食早餐，的確係幾多款色。最特別既地方，就係晨咁早都有牛雜河食😋牛雜河，勁足料，牛雜味濃，河粉夠滑，值得推介😋😋😋咖哩尤魚公仔面，配腸仔滑蛋牛角包，咖哩尤魚配公仔面真係幾惹味，夠晒特別，依個餐真係夠晒食😋😋加埋杯熱奶茶，真係大滿足🤗🤗🤗

今晚幫襯龍城冰室，我哋叫了一個2人小菜套餐，再加一個手打魚蛋河，三個人兩百零蚊食到飽飽好滿足咁返屋企😊 手打魚蛋河～賣相一流，魚蛋彈牙爽口，入口有魚味，值得一讚二人套餐先來兩個湯，中湯係青紅蘿蔔豬骨湯，入口勁鮮味，應該係加咗料令到佢咁鮮味😵‍💫而羅宋湯都係有非常濃嘅蕃茄味。到主角出場啦先來一個麻辣口水雞，麻辣味一般，口水雞肉質有啲鬆散唔係好新鮮。另外一個香鍋麻辣牛肉就截然不同，牛肉嫩滑不特止再配合麻辣獨特嘅香味簡直一流，下次一定再叫。唯獨是服務要改善一下。

今日去九龍灣探朋友，打電話叫定外賣，落咗個凍奶茶少冰魷魚麵，100%肯定收銀阿姐無復單，我明白假日好忙，阿姐話最少半粒鐘，唔緊要啦～等咗九個字後入去發現佢落錯凍檸茶，仲話肯定有復單比我，態度開始變差不耐煩，咁好簡單姐，換返凍奶茶咪得囉，小事化無。 阿姐仲屈人唔係第一次改單。 問阿姐我對上一次改咩？幾時嚟？ 就一味話人唔係第一次。 講完幾句叫我：咁你，唔好食囉。 嘩大佬，本身好小事，等咗九個字落錯單仲大聲夾惡叫你唔好食👍🏻P.S. 唔係住九龍灣，對上一次食呢間牛頭角分店至少半年前

好罕有地係九龍灣收工，突然之間好想食下辣嘅。咁不如就簡食酸菜魚啦！其實我好九唔搭八地，揀咗紅湯！不過個羅宋湯都好飲嘅！都算幾濃味，加少少胡椒粉，會更加正！嚟到主角酸菜魚，酸菜魚就唔算特別好辣，不過都夠酸嘅，記得要將個汁去撈飯，咁先感受到酸菜魚嘅滋味！至於d魚，都算有魚味。唔算腥！well done! 啲酸菜就都夠酸嘅，都鹹鹹地嘅！仲有食嗰時要小心，有啲青色嘅椒係好辣嘅！一唔小心食到就⋯⋯不過全靠呢啲椒先出到呢個剛剛好既辣度！

自堂食解禁後來訪久違的車仔麵菜單依舊沒變🥢變的是這次終於不再是例牌六福麵(由六種配料組作 適合選擇困難症朋友)🙌🏻而是指定配料選擇都是一些港式車仔麵的標配組合🍜味道依舊 個人偏愛加大量炸蒜🤤喜歡這裡的裝修用上很多木質和水泥大大片窗邊位採光極佳邊用餐邊看着對面公園的綠植🎋還是挺享受飯市之後這種人潮退去後慢慢用餐的休閒時光

識我架人都知我勁勁勁喜歡食包，有鑑於港式傳統麵包越來越小，而茶餐廳反而開始有麵包賣，我行過見到，就會唔餓，係會行入去食個包，點杯野似當tea ,食野之外又可以休息坐下，入面涼下冷氣。$11 架菠蘿油，真係連銷店淨菠蘿空氣包都唔止$11啦,個菠蘿包都大,同埋個牛油都ok,唔會薄到紙咁，咬下牛油入口即溶，香甜美味。 另外加多個椰撻,唔會太甜椰絲餡都多，仲有個細個好驚，大個了反而因為再難見架糖水醃車里子肉，哈哈，食佢食返個情懷啦。加埋杯飲品，都只係40幾蚊

叫左個菠蘿油$11，凍奶茶冇得跟餐單點$23。個菠蘿油係上到枱凍嘅，明明係出面個麵包部夾入黎，少少溫度都冇，菠蘿油塊皮摸上手係凍冰冰的。禮貌問個侍應可唔可以加熱，佢話「我哋冇微波爐」就走左了。堂食都唔幫個客加熱，我自己就好失望。我唔期望你加到好熱，但起碼唔係冰凍。將心比心，有咩可能會食得落。龍城都算係多分店嘅餐廳，希望改善下呢個位。或者就算講聲唔好意思我個內心都冇而家咁灰。另外留意餐廳只係接受現金。

2022-06-25同女朋友一早起身行街☺️去咗淘大個頭龍城冰室🐉10點鐘左右時段，超多人👨‍👩‍👧‍👧好彩個場大，大部分係卡位坐得舒服😌早餐款式好多選擇，連粉麵檔都有🍜我就點了，醒神早餐，36蚊款，有五香肉丁米粉+3.6牛乳炒蛋併火腿+牛油脆豬，送熱飲🐷🥯奶豬甜烘得亦鬆脆，加埋3.6滑蛋一齊食，口感一流☺️女朋友點了，特式早餐，35蚊款，沙嗲牛肉米粉+ 菠蘿包，送熱飲🍍🥯沙嗲牛肉份量正常，菠蘿包新鮮熱辣出爐，超脆嘅曲奇皮，偷咗女朋友半個包食🤣🤣整體環境坐得舒服，冷氣又夠❄️價錢合理30幾蚊有埋熱飲送☕️#龍城冰室 #沙嗲牛肉麵#五香肉丁麵#菠蘿包#奶油脆豬#特式早餐#醒神早餐