龍城冰室

營業中

休息中

之前有食過呢一間餐廳嘅早餐，味道不錯。佢嘅麵包鬆軟。但今次第一次試佢嘅椒鹽鮮魷，份量超少、超級多粉，下次都唔會再叫啦！大家都唔好再嗌，超級伏！大家都唔好再嗌啊！

夜晚諗唔到食乜 見好似裝修得幾靚 又唔使等位就入咗去最初係比門口啲包吸引嘅 好有舊式茶餐廳嘅feel但入面又裝修得好華麗 空間感好夠 坐得舒服個套餐勁多選擇 絕對唔怕揀唔啱最後揀咗川味辣雞煲同豉汁蒸倉魚兩個例湯飲品就要左雜果賓治同龍鳳檸樂明火湯好正 冇乜味精味 好有屋企煲湯嘅feel 好少會覺得茶餐廳個湯好飲一係就好水 一係就飲完好口渴雜果賓治同龍鳳檸樂 味道正常比較推薦雜果賓治川味辣雞煲味道唔算太辣 食開BB辣嘅應該都食得到啲雞份量都幾多 味道都真係似打邊爐食雞煲嗰種同埋青椒洋蔥嗰啲一齊送飯一流豉汁蒸倉魚條魚都幾大條 同埋好多豆豉肉質好淋 個豉油又係送飯一流 個人覺得條魚比雞煲出色最後埋單 兩位都只係$172又食到雞煲又食到條魚 仲要有湯有飯如果唔係要咗特飲會仲平環境 食物 服務各方面都好好8/10

環境舒適，全部卡座，市區地帶能有足夠空間，在疫情下是理想的食堂雞軟滑無骨，仲有雞汁，配上極好味嘅海南雞醬，只可惜落單無叫多汁，再叫的話要加$5中式老火湯好好味仲包埋杯柑桔蜜，送片檸檬價格便宜晚餐只售$58簡直無得輸

好耐無食充滿港式風味ge野了，於是趁放假黎呢度食一餐豐富ge下午茶😋發覺呢度ge下午茶不單止豐富，而且好抵！四十幾蚊包一個主食，一個小食加一杯野飲！我同朋友分別點了一個沙爹牛肉麵配瑞士汁雞翼，和海鮮湯鮮蝦球湯河配咖哩三寶。海鮮湯鮮蝦球湯河（$44）佢係一個超級健康之選。湯底好清，飲落會試到佢嘅海鮮清甜味，所以係佢嘅餐牌上面都突登寫著「記得飲湯」😂食材有大蝦，木耳，冬菇，全部都超級健康，補血又補肚。沙爹牛肉麵（$44）唔係我食，但我都偷左一塊牛肉食🤤好嫩滑。覺得佢嘅quality比其他茶記好。咖哩三寶（跟餐）好辣好辣🥵但食完殘留嘅味幾開胃，會忍唔著繼續食瑞士汁雞翼（跟餐）太耐無食佢😂覺得連骨頭都好味

已經大概五個月沒有幫襯龍成了，趁住新年往娘家拜年，順道一家人吃個下午茶~新年期間加收了15%服務費，但是餐廳依然是人頭湧湧。當我翻開餐牌，打算點我最愛的下午茶餐，卻發現餐牌轉了! 餐牌不算大改，加了不少新菜式，當然價錢也微調了一點。餐牌依然有我最愛的火腿仿鮑片通心粉，以前只能選配沙律／春卷／咖喱角......一款。現在是能兩款混搭，而且春卷有4條，以前會三心兩意很難選擇，現在這樣也不錯，至少很合我心意。最重要是味道不變，依然好味。飲品朱古力味濃，沙律是冷盤，質數還在!

呢間冰室係我經常光顧嘅餐廳，每次嚟到九龍灣都幾乎想起呢間餐廳。因為實在太過抵食，食物嘅質素亦都相當之高。今日下午和朋友行完德福，下午茶時段決定搵嘢食嘅時候，就決定去淘大龍城冰室食嘢。我哋兩個人各點左一個下午茶餐 ，分別係乾燒伊麵配瑞士雞翼以及滷肉飯配瑞士雞翼，配上一杯熱飲只需$43我係食滷肉飯，滷肉飯雖然不是很大碗但係已經足夠飽，滷肉嘅份量亦都好多，肉嘅大細適中，唯一不足嘅係口味偏鹹左少少，呢點係我唔係咁鍾意可能因為我比較鍾意食dan嘅口味。滷肉飯$39再加$3嘅瑞士雞翼一個餐只需要$43，性價比十分之高亦都可以食到好飽另外我亦都推薦楊州炒飯，呢個係我之前經常食嘅餐分量10足，而且蝦嘅份量夠 亦都叉燒都好靚，炒飯整體賣相及味道十分之好。

went to kowloon bay this weekend felt hungry suddenly so walk-in to eat a tea sweet chicken wings set ,select a bread pair with it sweet pinapple bun with butter , butter already melted not a cold think slide a bit disappointedcocktail bun .......not much shredded coconut fillingeach set is around $30only ,included a hot drink

放假 , 外出四圍逛逛 ....在牛頭角的 💛 "黃店" 龍城冰室 , 食下午茶 .... Menu ~沒想過這店的下午茶餐，超大份！ 勁抵食！龍城熱狗皇 : 筆者真是很少吃茶記的熱狗 , 見到真的有點驚喜 , 熱狗包烘得香香的 , 腸仔竟然是司華力腸 , 還有生菜一片 , 醬料是茄汁和芥末 , 看上去很簡單 , 但吃起上來卻又好好味 ~炸雞脾沙律 : 雞脾的皮炸得好脆身又勁香口 , 調味得宜 , 雞肉嫩滑又多汁 , 跟味道甜甜酸酸的港式茶記沙律很夾 , 果然是名物 ~瑞士雞脾 : 雞肉浸得夠入味又不柴 , 瑞士汁的味道濃郁又甜香 , 滿滿的港式風味 ~檸檬茶 : 凍檸檬茶 & 熱檸檬茶 , 相信是用同一茶底 , 但兩者的味道相差甚遠 , very interesting ~本篇完 ~

今日收工約佐朋友去九龍灣睇戲。見早佐收工，加上有少少肚餓，一於去醫醫肚先去睇戲。行過見到呢間餐廳唔洗等就揀佐食呢間😂雖然係一間冰室，即係港式茶餐廳茶記，但係入到去一啲都唔似茶記。環境好乾淨衞生，座位都好闊落，坐得好舒服。加上可能新裝修，好多野都好新淨！👍🏻我地兩個人叫佐個晚市雙拼小菜套餐，叫佐西蘭花炒班腩片同埋中式京都骨。西蘭花炒班腩片炒得好香好夠鑊氣，好有大牌檔既感覺同味道😋同埋份量都唔少，絕對夠食，送飯一流👍🏻👍🏻另外，中式京都骨好有驚喜！原本以為係普通豬扒，不過黎到之後望清楚，竟然係金沙骨！而且味道都好好，酸酸甜甜好醒胃，又係一碟一流既中式小菜🤣另外佢既羅宋湯都好足料，記得試下啦！總括而言，性價比高既家常便飯餐廳！👍🏻

今日收工有啲晏，同同事特登過去淘大茶餐廳速食一個晚餐。一過馬路就見到好大嘅招牌，見到出邊係賣麵包， 童年回憶即刻返晒黎，就決定入去食呢間😆同事揀咗吉列豬扒飯，而我就揀咗鐵板牛柳。以為茶餐廳會勁快上菜，點知等咗差不多15分鐘嘢食先至到，超級肚餓，但嚟到係有驚喜嘅👍🏻吉列豬扒飯熱辣辣，一睇就知道係即炸，豬扒份量好大，炸粉唔會好厚，食落去無油膩感，好正👍🏻鐵板牛柳配黑椒汁+ 羅宋湯叫左7成熟，一向都好鍾意食港式鋸扒，熱辣辣的鐵板加汁，再聽着鐵板發出的滋滋聲，色香味俱全，食慾大增！牛柳既表面係烤過，牛既肉質豐盈同非常粉嫩，表面係脆口，雙重口感，火候拿捏精準。配菜係粟米，普普通通沒有驚喜。餐湯是羅宋湯，配料足夠，夠濃味。總結：雖然時間等得比一般茶餐廳較耐，但食物嘅質素係好好的。另外見到店外賣面包，傍晚時分都有好多街坊黎買，相信質素應該都係唔錯，下次一定要來試試。

呢間開到好夜，夜晚肚餓去食一流！是間有人情味的店。叫開三拼粉面，只要大約$40，非常大份，我都食唔晒！之前去叫咗個扒餐，都好好食，質素好價錢平！係我經常會去食的舖頭。

今晚和男朋友來到九龍灣行德福廣場，就來個附近的龍城冰室，點個性價比高的$148 小菜孖寶套餐吧！除了有兩個小菜外，包飲品和明火例湯或羅宋湯，我和男朋友都覺得價錢適中， 還要看看質素如何呢！明火例湯今晚應是黃瓜豬骨湯，相信是惱火湯吧，豬骨已經是軟林林的，配上黃瓜，有清熱去濕的效用，不錯不錯。京都肉排喜歡酸酸甜甜的我，就點了京都肉排。肉排配上軟骨，有咬口，而且醬汁味道濃郁，非常好下飯呢。肉排還有不少配菜，例如洋蔥和青椒等等，感覺健康，蔬菜爽甜。瑤柱金菇扒西蘭花網上看圖片已經見到有滿滿的瑤柱和金菇，想不到是這麼足料呢。爽脆的西蘭花配上豐富的瑤柱和金菇，配上茨汁後，又是下飯的好菜式！尤其是我，很喜歡，因為沒有油膩感，能夠吃到清新的西蘭花，喜歡。

今日放工同同事去食個下午茶，原本諗住五點幾都冇乜機會食到㗎啦😭 但係發現龍城冰室下午茶去到六點，呢一點真係唔話得，竟然可以去到咁晏，當然我哋就即刻入去食返個下午茶先！🍴下午茶選擇亦都好多（亦都可以自己配搭不同的款式）價錢均真！捉住下午茶的尾巴 叫咗一個咋1️⃣雞髀配薯角（外脆肉多，亦都唔會炸得好乾）食落仲有少少咖喱味2️⃣小食：避風塘豆腐（真係外脆內軟，口感唔錯）有少少辣3️⃣椒鹽魷魚🦑（哎呀全部都叫咗炸嘢😂不過佢啲炸嘢又真係幾好食）最後我哋叫咗四樣嘢食，都係$160（呢個下午茶真係好豐富）💰平均每樣嘢食都係$30$40（整體性價比高）最後，環境都係卡位為主，分隔得好開而且都有間板。

最近都比較多來到九龍灣，由於交通方便、不少商場林立，所以漸漸成為我的喜愛之地。當然，我找到了這家龍城冰室，如此性價比高的餐廳🙈👍🏼是必須Bookmark 的🤣焗鮮茄豬扒飯焗豬扒飯的靈魂是炒飯底，這裏見到炒飯底粒粒分明和乾爽！加上酸酸甜甜的醬汁後，更加惹味😋豬排有一整件，不錯！對得起這個價錢👍🏼凍檸水飯餐加錢就有凍檸水，夠冰涼，不錯！西蘭花炒帶子帶子大大粒，又鮮甜，和西蘭花非常相配。西蘭花咬下時爽脆，整道餸菜感覺健康呢：）最喜歡是有不同的盆菜，有雲耳、黃椒、韮黃和紅椒等等，吃起來口感滿滿的😌因為餐廳的地理位置非常方便，就在馬路口，所以餐廳到晚市的時候十分熱鬧，也有不少食客來買外賣，看到店內有新鮮熱辣的麵包，我也買了一些回家與家人分享😋

都唔係第一次食嫁啦, 不過見耐無食,又比次機會佢咁啦。點知就真係出事, 叫左2碟炒野,其實都係求穩陣所以叫啲即炒野, 一碟係干炒牛河, 另一碟係福建炒飯。呢個真係。。。極品, 因為完全,係完全無味既, 而個河粉一食落去係最差既用料, 又厚,又鞋。。。上枱碟野個樣厄到人, 食落去好似食左啲無味膠落肚咁。。。呢個福建炒飯, 上到枱係好好睇既, 佢比碟干炒牛河好啲,因為佢有味,但只係咸味。。2碟野, 加埋百二蚊,無野飲,又難食, 變相成餐飯就貴啦!!