龍城冰室

營業中

休息中

心血來潮嚟到呢家食肆，決定要嚟點酸辣刺激下味蕾。酸菜魚挑戰咗紅湯底，齋睇已經覺得過癮！湯頭嗌酸嗌正，魚肉細滑無腥，同酸菜嘅合拍，真係滿足到我嗰種微辣嘅渴望。隔籬桌嘅人都忍唔住望過嚟，概則唔簡單呀。隨便一豪撈，白飯都變咗酸菜香氣四溢嘅容器。今次食嗰家，真係讓我感到食物嘅美好。轉個頭，來小試牛刀嘅芝士西多士，外皮炸到脆口香脆，裡面嘅牛油芝味豐富，趁熱夾塊入口，簡直好過癮。好似踏入咗甜蜜嘅罪惡深淵，夠哂口感同層次。平民化嘅價錢，享受到嘅呢個滋味，真係絕妙！今次嘅食記，彷彿就係一場平凡中嘅小確幸。喺煩囂嘅生活裡面，有時真係需要咁嘅一餐，為自己充充電。🍽️✨🎉

放工食乜好～今日嚟到九龍灣搵嘢食 經過見到幾多人就入去試吓🤓店內裝修估唔到都幾靚👍🏻我哋食到一半已經截咗單 但係keep住都好多人想入嚟🌟乾炒牛河 $51牛肉大大塊 夠鑊氣 上枱熱辣辣 河粉分明之餘都唔會太油膩 啱晒我呢啲鍾意食炒河粉又唔鍾意食咁油嘅人🤩🌟龍城炒米粉 $51份量超多 兩個人食到夠 配料方面有叉燒 蛋 肉仲要有2隻爽口彈牙嘅大蝦🦐米粉炒得非常乾身🥰🌟涷檸茶+3好出色嘅凍檸茶 夠多冰 茶又唔會太澀同太濃🌟熱華田（free）阿華田味道就較淡 濃啲會更好🫣📍龍城冰室✨牛頭角牛頭角道55號利基大廈地下C號舖

我喺外賣平台叫外賣自取，揀咗即時拎，app上面寫咗要等20分鐘。我準時去到餐廳但係未見到我嘅外賣，我企喺餐廳入面等咗10分鐘都冇任何員工主動問我外賣號碼。之後我問咗其中一位員工幾時會有，佢話「焗意粉冇得吹㗎」，完全冇幫我睇吓有冇漏單，亦都冇同我講要等多幾耐就走咗去。再過多5分鐘，我問第二位員工，佢好唔耐煩咁用對講機問咗廚房，問完之後亦都冇俾任何答覆我。最後個外賣比原定時間遲咗20分鐘先比到我，佢哋一句唔好意思都冇講過，仲要同我講「咁你下次咪唔好幫襯囉」。呢間餐廳除咗員工態度好差之外，食物質素都唔好，我叫咗焗鮮茄豬扒意粉，啲意粉好多都燶晒，而且完全唔夠汁，好似白烚意粉咁。大家去食之前可以考慮清楚先。

唔係幾肚餓諗住嚟食少少嘢，嗌左個榴蓮菠蘿包同埋單點嘅凍奶茶，平時喺其他茶餐廳單點凍奶茶都係十幾蚊到，諗住都係茶餐廳呢間應該都係呢個價錢，落完單先睇到凍奶茶價值23蚊，個榴蓮菠蘿包一上嚟係完全唔熱，同常溫差無兩幾，個保溫櫃完全係擺設？

淘大茶餐廳唔多～餐廳又早收大間嘅得２間 -龍城/喜運2間都麻麻好食～2間成日都爆場，我諗唔多唔少是 冇得揀淘大最好食嘅茶記 - 靚記(在安基苑)但靚記收仲早，所以夜左，焗住去龍城得佢收較夜其實好多野都唔好食喜運都好，得燒味ok，連沙嗲牛麵都唔得

從開張幫襯到而家，曾經試過因為佢哋嘅態度問題都唔敢再去，佢哋幾位收銀阿姐永遠都係黑口黑面，好似啲客欠到佢哋咁！今日食咗下午茶46蚊， 俾56蚊佢，佢找返一個十蚊硬幣俾我，我好有禮貌咁問佢，唔該可唔可以俾張十蚊紙我，個阿姐憤怒地回答: "冇呀"，但係佢個收銀機入面明明有大量十蚊紙。之前買嘢都係咁，俾親錢都要睇人面色，我明白俾幾十蚊食嘢唔好有咩要求，但係大家開開心心唔係好啲咩？ps. 可能開咗幾年，間餐廳開始舊，整體感覺越嚟越污糟！

有有時放假要湊兩個小朋友，天氣唔好，又唔想外出，唯有叫外賣，龍城冰室係我哋其中選擇之一，都算大份同抵食。炸雞髀配薯條送到來雞髀仍然香脆，肉質嫩滑，仲有雞油香，薯條又粗有脆，推介！福建炒飯蛋炒飯底粒粒分明，飯量多，汁料又多，蝦肉彈牙，好味！星洲炒米米粉有啲硬，配料足夠，但咖喱味不足，一般！

茶記黎講佢都幾大間有好多坐位去到的時候都差吾多滿座一路坐都係好多人黎本身冷氣都吾係好夠一路有客人門口大門一路長開另室內的冷氣都變成熱氣甘熱的天氣真係好辛苦熱狗（熱辣）瑞士汁雞翼（3隻）熱西洋菜蜜熱狗超大份雞翼做得不錯香辣炸雞髀配沙律 凍檸檬茶吾食沙律的人可以轉薯條凍飲加$3有趣係香辣佢係放一大堆辣粉係雞脾上面一般都係醃製另雞汁帶辣好大隻炸雞脾配沙律 紅豆冰本人覺得炸脾同豆冰係絕配的配搭豆冰吾夠椰汁味有點似鮮奶加紅豆甘紅豆冰加$8

之前食過一次酸菜魚，覺得唔錯，就決定再去食。咁男朋友見到餐牌上面個鐵板餐有個焗薯，望落幾吸引，所以就叫左個西冷牛扒鐵板餐。我地大約7:35pm落單，我個酸菜魚未夠8pm就到左，咁我肚餓就食住先啦。一直等一直等，我差唔多食左半兜酸菜魚，個鐵板都未嚟，咁就問下個侍應，問左一個侍應，過左10分鐘都仲未有，講緊已經等左大半個鐘，再問第二個侍應，先話漏左單，會即刻整，咁就繼續等啦。。。等到8:25pm左右，個鐵板終於出現。。。點知個樣係咁。。。我咁大個人第一次見鐵板係會用萵筍墊底。。。仲要佢啲萵筍望落好唔新鮮，擺左好耐咁。。。（講緊我兜酸菜魚都係用萵筍墊底，感覺佢係將啲餸頭餸尾求其放埋落碟鐵板到），跟住啲薯條又乾爭爭咁，一眼望落去係完全冇意欲食。。。因為我地坐走廊位，我地會一直見到啲侍應推住其他餐出嚟。佢menu有個扒類嘅燴飯先係六七十蚊，望落仲靚啲，有焗薯有車厘茄！！！但依個等左差唔多成個鐘嘅$108鐵板餐係連車厘茄都冇粒，亦都冇焗薯。問返個職員，佢話焗薯賣曬🤗 賣曬焗薯都算，點都唔會係攞萵筍同啲乾爭爭薯條嚟敷衍啲客掛。。。你烚幾棵西蘭花放係側邊都好啊。。。更加唔洗講果塊所謂嘅西冷牛扒。。。仲

蔥油雞扒正路食蔥油雞扒，應該要有蔥油係咪？冇架張圖煎雙太陽蛋變單荷包蛋，仲要成隻蛋係油到撈出嚟咁樣塊雞扒食落去勁大浸雪藏味同油益味唔明咁簡單茶記嘢都搞唔掂開乜嘢茶餐廳

我點了他們的煎蛋牛肉飯，這道菜的份量很足，牛肉軟嫩多汁，煎蛋熟度恰到好處，加上醬汁的調味恰到好處，讓整個菜品味道十分美味。此外，他們的炸雞翼也非常出色，外皮酥脆，內裡肉質鮮嫩多汁，十分開胃。

睇完齣戲之後個肚餓餓地所以打算去買隻包做宵夜點知個賣麵包個售貨員 態度極差 講明要食邊款包 同埋 要邊一行嘅包個阿姐完全唔睬你 求其攞咗隻就咁放入紙袋 之後就話要就要 唔要都冇得換焗住要人俾錢 (冇計極肚餓 唯有科水)到攞八達通出來俾錢時又話冇得俾 話只可以收銀仔 紙幣都最好唔好畀e+呢個年代 仲邊度有銀仔呢回事啊 紙幣都就快冇啦全部都係八達通 碌卡㗎啦 (好彩我後面有個媽媽級嘅人 佢真係好人 聽到我講 佢就幫我俾咗錢 之後我Pay me返佢 佢真係好人啦)我未畀錢嗰刻 到 俾咗錢 售貨員佢都唔睬我 唔肯畀返隻啱嘅包我食真係態度極差 真係俾左錢 賺左你d $$ 就 睬你都傻 我由未俾錢鬧到俾完錢 佢就係唔理我...嬲爆 絕對冇下次....鬼唔望佢執笠...

昨天去龍城冰室光顧下午茶餐，食物可以接受，但最入面的女侍應服務態度惡劣，我是客人來光顧，不是看女侍應臉色做人，龍城冰室應該訓練侍應對客人的服務態度，簡直是趕客，我以後執到錢都唔去光顧。

自牛頭角下邨清拆後，淘大一帶都無咩食宵夜既選擇。龍城黎左之後，終於多返一個食宵夜既地方。牛頭角龍城冰室舖位好大，好多位，基本上唔使點等位，但宵夜時間一樣人頭湧湧。黎茶記，常餐永遠係全日都有既選擇。order 左沙嗲牛肉麵常餐。沙嗲牛肉好大嚿，不過有啲筋，要啲牙力先𡁻到。公仔麵淥得唔淋，爽口👌🏻，佢個火腿蛋奄列中上水準，有賣相，亦有食相。配埋一塊丹麥多士，好漢足啦。佢哋既常餐其實唔太平，要50出頭，但質素算是對得起個價錢。

已經唔係一次😤諗住比多一次機會，今日收工又去食下午茶，叫左炸雞肶配沙律，再加杯紅豆冰。自問唔係好cheap，埋單都要比五十元！點知，先來杯紅豆冰，之後再嚟食物 ！食物就只係得一隻雞髀 ，送餐員話沙律一陣會補番！咁我原封不動冇喐過啲食物，見隔咗幾分鐘都仲未有人去返個沙律畀我，咁我就查詢樓面，但我揮手、呼喚、 甚至起身都無人比反應我！其中一個樓面經過我嘅枱，只係用眼瞄一瞄我然後走左唔理我！終於忍無可忍，起身走去同收銀講，話冇人理我所以嚟咗嘅嘢我唔要喇！之後我就走咗啦！今次真心嬲，今時今日咁既服務態度！係趕客！以後都唔會再去幫襯！