龍城冰室

營業中

休息中

星期六早上 見門口不用等就入嚟試試 一入來見到好多二人既坐在大枱 以免誤會就問下姐姐要唔要攞飛 姐姐就話見位就坐啦 坐佐十幾分鐘 有個態度惡劣既姐姐就來 話姐:你哋係咪兩個人啊我:係啊姐：你哋坐後面搭台啦我：我哋唔搭枱姐：人地三個人要入嚟我：前後都係咁坐 點解淨係叫我姐：人地唔識野啊嘛我：（無理佢）姐：喂您仲唔坐過嚟 一係您出返去攞飛啦 （繼續不停自言自語）真係未試過食個早餐食到咁炆 加上餐具非常污衊雖然名叫冰室 但同各大冰室都差好遠 沙嗲牛肉冇味嘅 兩個通粉都係常溫近乎凍 加上呢個四眼啊姐真係令到我唔會再想嚟

我自名係一個麵包精，見到龍城冰室終於開張，入面勁多人，又不時有d待應係門口拉客，老實講...我真係唔會入去入面坐底食囉。不過見到佢地有新鮮出爐面包，就買左個菠蘿包黎試下，咬落去菠蘿皮勁脆，而且麵包係超軟,我果一刻就諗，可能係啱啱出爐，咩包都好食啦，我就買多個返公司，放到下午茶時間先食，咁試個包都係軟軟,唔會好似我公司樓下買果d咁，而且擺左一段時間，食落仲好過翠華果個菠蘿包。我已經差不多試曬佢地嘅麵包啦，最值得推介係，菠蘿包、牛角酥同蛋撻

見新開張，又見咁多人排隊，今日終於有機會一嚐味道。叫完早餐（牛油豬十炒蛋十漢堡扒）落完單後，已印了單比我。數分鐘後，店員又黎問我。你個奶油豬不嬲跟炒蛋，你另外一樣要咩?答完佢十分鐘後，見對面枱比我遲黎又同我叫一樣但比我快到，我就問下。原來出左電腦單都可以無落落單，因為佢話無手寫單，所以無落到廚房。好啦，跟完後5分鐘，又有一個高級少少的店員問我，仲未到呀，有無人黎跟，我話岩岩叫左跟。結果我咁簡單嘅餐足足等左我35分鐘。新店亂都正常，邊等野食身邊聽到餐同餐飲都周街嗌邊枱點的，仲要大大聲話自己人入錯枱號咁。連有部分餐飲同一個客都出左2次。食物味道一般。不過28蚊個早餐係咪唔需要祈望太多。

最近九龍灣又開返唔少冰室，但試過一間伏野之後其實都驚驚地會唔會又中伏，今次呢間龍城係見到佢開左一星期，門口有唔少街坊排隊，啲包又好似幾好味咁，算啦，比次機會佢。冰室黎講佢啲位都唔算窄，仲有啲6人既卡位，好啱一家大細黎食。我地一行5人，比左卡位我地，幾闊落，坐得好舒服。望一望個menu，好厚既menu，有成十幾頁既menu出面真係買少見少，好多地方都係得1，2頁，佢有成十幾頁呀！選擇困難症既朋友有麻煩了，哈哈。但我咁中意試唔同野既人，見到呢個menu好感動，因為佢有中有西，有大排檔既菜，又有焗飯同意粉類，仲要全部價位都好街坊，呢到應該會成為我飯堂。我地叫左一個孖寶餐，叫左個咖喱海鮮煲同牛柳，個牛柳用左唔洗5分鐘一下清曬，好味到要搶，好入味。叫左雜扒意粉，意粉唔會好易爛，煮得岩岩好。扒既size都適中，唔錯唔錯。蕃茄焗豬意粉。大大塊豬扒，唔洗50蚊....新開既餐廳，員工可能未熟曬啲野，但整體態度都唔錯，係冰室standard直情係好添呀！希望可以keep住個服務同食物質素，做到我飯堂list之一啦！

最近附近開咗好多新餐廳，都行相近路線，早排隔離永發迫爆人潮，呢幾日就到龍城。常餐 瑞士雞翼撈麵~~ 麵好漿口，試兩啖已覺得好漏好漏，完全唔會想要食，瑞士雞翼好大隻，望落顏色好靚，但原來只係皮有瑞士汁色同味，裡面白雪雪只係雪味。奶茶不錯，都算香滑~ 牛乳炒蛋好碎~ 牛油豬脆口好味~門口有新鮮焗麵包賣，望落幾吸引，價錢同其他麵包店差不多，大部分約 $8@，好多人買。 總括來說，呢間餐廳可以再試，但呢個常餐就真係唔會再點。

今日終於可以抖下，但係都要做一大輪家務先休息得，所以都係決定落街食個午餐算，呢邊剛剛一次過開左幾間冰室，見呢間比較多人排隊就試下佢啦，款式都算多，門口仲有唔少麵包賣還好唔算耐就入得，唔係實熱死我，等緊既途中已經揀好左食咩所以一坐低即刻叫得我就食番我最常叫既沙爹牛湯麵常餐加熱奶茶，我男人大食就叫左焗粟米豬扒飯加熱咖啡常餐既脆豬包外脆內軟，冇野好批評既好食，滑蛋都唔錯夠曬滑口係少咁啲調味，還好佢有胡椒同幼鹽係枱既櫃桶供應，沙爹牛大大塊肉唔會得啲肉碎，麵亦都煮得剛好唔會過軟男人個焗粟米豬扒飯睇落細細但份量都好足夠，豬扒明顯有調過味亦唔會似茶記個啲切到好薄，仲會細心預先切好一件件連刀都唔洗用我既奶茶雖然少左啲茶澀味不過夠曬奶香同茶香咖啡就不過不失啦唔大驚喜啦好後先來既金銀花煲豬骨湯，夠曬足料，有好香既金銀花味同菜乾味，亦都飲唔出有落味精，不過來到既時候已經凍曬，睇泥唔係太夠人手以新冰室泥講水準同價錢都對得住啦

新店開張一星期左右, 今朝去試食, 大概10點45左右, 門口唔太多人等位, 門口侍應不斷問客人幾位, 之後叫我地入去, 又叫後面既客入去, 但一路向前行都冇人安排坐邊, 有啲客就亂咁坐, 有位就自己坐, 又唔跟條隊尾, 樓面待應問我地點解自己入去, 我話係門口既待應叫我地入嚟既, 入到嚟你又唔安排位比我地坐, 最後安排坐最入既枱, 粉麵檔出面既坐位, 坐咗5分鐘一直舉手叫人嚟落單, 冇人理會, 隔離枱個伯伯話佢地都坐咗半個鐘先有嘢食, 結果要自己走出去搵侍應, 同佢講落單, 再過一陣佢先走過嚟, 餐廳係好大既, 感覺上大過隔離間茶餐廳, 但相比下隔離果間 招呼好好多, 起碼有人望到你先, 呢到唔係既, 個個都當你透明咁, 話晒我都係客嚟喎, 雖然我地份早餐都好快上枱, 但又甩甩漏漏咁, 要追幾次沙嗲牛肉米粉 - 牛肉幾入味, 米粉都不錯仿鮑魚火腿通粉 - 可能太趕急, 鮑魚絲都飛咗上碟邊, 味道可以牛油豬配煎蛋 - 牛油豬唔夠多牛油, 唔太脆口感麻麻, 煎蛋偏油凍檸茶 - 茶底濃, 但多冰沖淡晒, 檸檬唔夠新鮮, 冇檸味總結 : 第一個印象已經差, 你要個客入嚟食嘢, 最基本係服務質

今早8月3號同家人去試下新餐廳，位位阿姊都是用餐車推食物無問題啊，但吾好放響第2格，我D衫角背囊帶、出門口發現有蛋汁。但最吾好行為是阿姊一邊推車仔送餐一邊大聲叫入面有3個空位，睇住佢D口水飛出黎落食物度！最最最離譜D餐具有漬，我放左3隻有漬叉響枱面！我用完餐收起晒D碗碟，D叉無收，我以為一起身連同奶茶杯一次過收、點知佢將3隻叉放返入櫃筒，我即刻問佢點解放入櫃，佢話無人用過心想放左響枱，點會未用過啊！D食物出得太快，快到好似一早造好晒，個炒滑蛋都吾熱！杯奶茶又吾夠熱！我以後都吾會再去！去永發D食物都會熱D！杯茶又好飲！

今日見新開張，便去買鮮茄牛脷飯外賣，由2248等到2333，等左35分鐘，收工已經好累好攰，想外賣返屋企快啲休息，但這外賣速度，已經夠我現場食完埋埋單，一直問點解咁耐，仲有幾耐，都無人答到我！相信咁樣嘅服務態度，就算有幾旺人流都無用，好快都會執！現場其他人買外賣都好快買到走，但負責人一直都沒有解釋，為什麼我嘅外賣都未有，如果是漏單，點解唔解釋比客人知，而要客人在呆等？未真正試食，但以這樣態度服務客人，恐怕也很快會結業！可一不可再！建議大家不試也罷！

牛頭角這間龍城冰室昨日才開張，已見人頭湧湧。龍城沒有像其他新開食店那樣，先來個試業，全日20小時，馬上正式營業。我已試過觀塘總店，對他們的出品頗有信心，於是也一改作風，今日便去試試，而且上下午共去了兩次。舖位之前是寶湖金宴海鮮酒家，現在分成三間食店，以龍城冰室佔地最廣。此店的面積，似乎比總店更大，環境舒適開揚，即使經常客滿，亦不覺得擠迫。我見到有些店員熟口熟面，相信是由其他分店調過來，因此不必試業，運作也十分順暢。價錢來說，比同區新開的冰室平宜約一成，相信會為永勝廚房和喜喜冰室帶來壓力。對顧客而言，絶對是好事。不過價錢合理之餘，味道亦很重要。上午我點了早餐B($32)，稍作更改為沙嗲牛肉米粉、牛乳炒蛋、厚多士和奶茶。味道整體來說，都比總店稍遜色，但比同區來說仍然較好。招牌的沙嗲牛肉大塊厚切，汁液濃稠，味道稍甜不鹹鮮，配搭的銀絲米粉頗佳。炒蛋也做得綿軟嫩滑，沒有滲出蛋水和油光，惟不夠蛋香。我棄芝士火腿牛角酥而選厚多士，因已在總店試過牛角酥，想試試多士。雖然多士即烘送上，鬆脆可口，但與牛角酥的鹹香相距遠矣。奶茶則較為失色，淡奶太多而茶味不夠醇厚。也許是口味問題，同檯的食客，卻大讚奶茶不錯。