龍城冰室

營業中

休息中

夜晚去淘大商場行完街，見到好多好野食，尼間餐廳好似係新開既，所以想行入去試下。😲😲😲入到去地方好大好闊落，位都幾多，全部都係卡位坐得幾舒服。👍🏻👍🏻👍🏻見到menu菜式選擇都好多，大排檔小炒、海鮮小炒、港式炒粉麵、泡飯、各種煱飯、冰室常餐......🤩🤩🤩叫左個晚市小菜孖寶套餐，叫左椒鹽豬扒，少少辣，椒鹽好夠味，非常野味。🤤🤤🤤仲有海鮮雜菜煲，海鮮非常足料，大大隻青口、蝦、元貝。湯底清清地，更能突出海鮮ge鮮味😋😋😋仲有餐湯中湯奉送，都好抵食。👍🏻👍🏻👍🏻臨走聞到岩岩新鮮出爐香噴噴熱騰騰ge港式懷舊麵包，各種各樣麵包琳琅滿目，有菠蘿油、酥皮蛋撻椰撻、芝士咸豬仔包，下次下午茶一定再黎食🤗🤗🤗

位於牛頭角道55號利基大廈地下 C舖。九龍灣地鐵出口的這間龍城冰室，今晚與兒子去了晚餐醫肚。餐廳地方頗大，加上幾快大玻璃裝飾。增加空間感，讓食客可以愉快舒適的享用美食。晚餐時間食客滿座。都在津津有味的享用自己喜愛的美食。跟餐中湯，粉葛煲豬骨。味道不錯，味濃郁蒜蓉羊架拼香腸99元兩件份量足的羊架，鐵板上餐。配上香味撲鼻的蒜蓉令人胃口大開，嫩滑的羊肉越吃越忍不住。正，跟餐可叫飯，意粉或薯菜。食客可以隨自己的喜好。跟餐加八元豬仔包，搽上牛油的包。只看買相已想吃鐵板招牌蒜蓉西冷意粉88元牛排的份量大，絕對滿足到喜歡牛肉的食客。牛肉的生熟度食客可以自己選擇配上餐廳的蒜蓉醬，牛肉的嫩滑香味吃起來心滿意足。瑞士雞翅29元我喜歡的芝士撻10元。芝士味濃郁。

星期一嘅早餐先黎中伏，真係令呢個星期加添一份殘酷嘅感覺⋯正所謂好奇害死貓，點解我要係呢隻貓🤷🏻‍♀️是日翻工前去淘大覓食，過馬路時見到大大隻字：龍城冰室！心唸：正喎有新餐廳，喺門口睇睇餐牌，咦，唔算貴，入！一個人坐一邊卡位，店鋪裡面非常大，無記錯前身應係一間酒樓🤔再睇餐牌：好快就簡左B餐飲熱奶茶，大概幾分鐘，成個餐就一次過上齊了～睇睇相，感覺唔錯吧，先吃沙爹牛麵⋯⋯🤢沙爹牛完全無味！點解佢可以話自己係招牌！麵⋯⋯林到脹脹地，質地放左好耐，d麵開始自己發脹！！我估唔到個麵可以難食到咁！到個炒蛋⋯⋯HELP！全凍的！凍冰冰⋯⋯唔知放左幾耐🤢感覺真係好好好好好差！到個牛角包喇，比個大頭佢，佢裡面係有芝士同火腿的，有誠意！可惜⋯都係凍的！凍包、凍芝士、凍火腿，點解我要食一個凍冰冰嘅早餐？熱奶茶⋯⋯Sorry，都係凍冰冰的！😩😩而且零茶味，唔知自己飲緊咩！成個餐我食淨一半有多！順帶一提，d staff態度其差！我唔會再幫襯呢間野囉，Thz。🤯

每次諗唔到食咩嘅時候，都仲係好想食冰室。因為冰室入面選擇好多，同邊個食飯都好都一定會搵到自己鍾意嘅嘢食！今日就去咗九龍灣淘大附近嘅龍城冰室。九龍灣地鐵站一出大概行5分鐘就到！未到晚飯時間冰室門口已經出現人龍。門口嘅麵包櫃實在太吸引！仲要有新鮮出爐嘅墨西哥包同蛋撻，大大個且麵包香味撲鼻，絕對係港人最愛！等左15分鐘左右終於可以入去啦！翻開餐牌，一如所料食物款式多得令我眼花撩亂！最後就揀咗個西冷牛扒配羅宋湯。餐飲當然係凍檸茶啦！羅宋湯超足料，除咗有番茄、洋蔥之外，仲有好多紅蘿蔔同椰菜，餐湯來講都算係好足料！之後就到熱辣辣嘅西冷牛扒出場！我仲揀咗配薯角！西冷牛扒大大塊，份量十足，肉質鮮嫩，一d韌既感覺都冇。香脆嘅薯角配埋蒜蓉洋蔥汁，味道非常合拍！再加埋去冰室必叫嘅凍檸茶，今晚真係大滿足

經常去九龍灣地鐵有大型商場行街，今天下午在九龍灣德福商場MCL戲院看左套叫 "Ma ma mia "是開心片，我同朋友想在開學前看開心片結束暑假，之後再行去淘大花園食晚飯，見都有好多商店，去左間新開的茶餐廳叫龍城冰室，又有大電視同時尚設計的座位，吸引了我們去。招牌海龍皇鐵板炒麵，見有花膠、斑片、蝦球、鮮魷、帶子、冬菇，一眼便看到花膠食出爽口，蝦球好大粒好喜喜，帶子是鮮味、斑片肉煎到不會散開，炒麵配上燒汁仍是好脆滑。鮮魚湯勝瓜雜菌斑片泡飯，斑片厚肉又多份量，夾雜勝瓜雜菌食，再飲鮮魚湯，成為一碗滿意度十足的泡飯。菠蘿油的表面好脆可能新鮮出爐，牛油厚身夾菠蘿飽食落軟硬兩種口感。熱利賓納好可口，唔係間間地方有得飲。

昨天和老公去吃下午茶，因為座位不少，等了約十幾分鐘就有位喇，試了沙爹牛肉包，星洲炒米，奶茶。主要想知餐室基本功得唔得。先來牛肉包，老公見沒有餐纸塾住，有D奇怪，問阿姐要餐紙包住食包，佢話冇㗎，我地有D火，又有D失望。其實客觀說，食物質素不錯，星洲炒米乾爽好吃，下午茶價錢實惠，款式又多，如果能夠提供餐巾紙，將會令整個經驗變得非常好，希望佢地老板見到我的意見。

早前在淘寳網站買了些物品, 這晚放工後便去取件, 之後就在這裡吃晚餐, 店內面積廣闊。飲品方面, 點了藍妹啤酒, 冰凍解喝。選了羅宋湯, 這裡的味道酸酸的，用紅蘿蔔及蕃茄去煲的，味道濃郁。主菜點了鐵板招牌黑椒牛柳配意粉, 以鐵板盛上, 兩大塊牛柳, 份量十足, 肉質嫩滑, 肉汁豐富,配上燒汁, 更加滋味, 再加上其他配菜, 意粉爽口好吃,吃得滿意。 龍城冰室定價非常大眾化, 就這晚所見食客們應是在附近工作的上班一族。

茶餐廳係香港嘅特色，因為茶餐廳嘅食物價廉物美，食物選擇又多，炒粉麵飯、茶餐、公仔麵餐、焗飯、小菜定鐵板餐，樣樣都有得你㗎。九龍灣淘大花園附近嘅食肆選擇越嚟越多，前兩日放工近近哋去咗新開嘅“龍城冰室”食個晚餐，呢間已經係佢哋第三間分店，之前食過佢哋嘅觀塘分店都幾有質素。佢哋新開張有一個優惠就係食滿$120就可以用$18點一個鮑魚雞煲十分之抵；唔好以為$18既雞煲會比較細碟，佢哋嘅份量同普通小菜冇分別，雞煲有三隻鮑魚，雞、洋蔥蒜頭等爆香用砂鍋上碟，非常惹味。除咗各樣單點食品之外，餐廳每晚都有晚餐選擇，$68嘅晚餐有餐湯、飲品同埋主菜，而我就選擇咗煎雞扒燒汁鰻魚意粉，雞扒係雞髀肉， 雞皮煎得香脆，而肉質算嫩滑， 義燒汁鰻魚份量唔多，但係夠好味。另外再點左一個佢哋嘅金牌焗飯， 焗飯嘅選擇夠多，我哋食咗個“焗芝士魚柳飯”，佢哋嘅焗飯比較出色，白汁加芝士配合炒飯底，焗起又香又好味。餐廳嘅自製出爐麵包亦都係另一個賣點，嗰日因為食完晚餐都已經好飽，唯有下次食早餐或者tea嘅時候先試下。

夜晚入到去如入無人之境，無人安排座位，無人招呼，舉手舉左成5分鐘先有人應，黎左个着黑色衫肥肥地既女經理，落單全程黑口黑面，無覆單，跟住問左佢幾樣關於餐牌既野，佢態度5好不得之仲罵番我轉頭，下次一定5會再黎呢度食！！！！

每次放工經過龍城都見排曬隊 好多人圍住門口 以爲好正 點知發現原來係個假象！琴晚收早 就諗住去試下 安排座位都算快 但不過出餐效率十分不穩定我1842落單（馬拉盞通菜炒牛肉＋土魷蒸肉餅）菜就黎得幾快5-10分鐘到個肉餅1920先黎到 途中催左三次 D姐姐話幫手睇睇就冇下文 遲黎都算 員工一聲唔好意思都冇服務質素很需要改善本來以爲真係好忙先出唔到個肉餅 但係環顧四周都見到有d員工呆企係度而坐最入面嘅食客要花好多時間先有員工注意到你等嘅時候曾經聼到員工之間有爭吵真係覺得佢地D員工缺乏training 就好似一盤散沙最後我覺得佢地係低效率所以令到門口堆積一堆人并非這餐廳受歡迎各位食客上去呢間食 請三思 運氣唔好真係要等到嬲嬲豬

晚餐又做無飯煮婦，哈哈！食德福d餐廳食到驚，行去淘大路中見到間龍城冰室，超多人！想食個飯啫都咁多人，見到條龍都吾想入去試。但見到門囗有新鮮出爐麵包，見d包個樣脹卜卜咁，買左幾個返去食。返到屋企，先試左個菠蘿紅豆。食落有驚喜，個包好鬆軟，紅豆如果再多d更好，不過個包真係幾抵食，咁既價錢，咁既質素算好好，一間有良心餐廳。睇佢包既質素，相信d野食都吾會差，下次等佢人少d再去試下。

可一不可再餐廳，當晚我一共要左三個菜一個轉套餐+兩杯凍飲，一共$200：1.蝦醬通菜炒鮮魷……非常差是我一世人食過最差菜式之一，菜是烚到冧哂、鮮魷都係，加冇味再加埋一丁點蝦醬撈埋，好似冇炒過咁！！2.魚香茄子煲多油冇魚香味，咸魚值幾錢？3.鮑魚鷄煲是叫滿$120加$18，我都知唔會好得去邊，但離我最近之想法更遠、更差……唔講鮑魚，講鷄……全是骨多數少肉是鷄槌個頭或兩、三件鷄胸肉，超唔掂！！4.餐具，油油的，唔知有冇洗過！5.上餐湯時有點亂6.服務態度：有D侍應態度比較差，例如當晚有枱客食到七七八八但衹是剛剛食完，就過去吹客人埋單，唔要得7.poster介紹叫滿$120加$18換鮑魚鷄煲做卓頭，唔夠清晰冇寫套餐唔包換倒，好多食客都中招又要再叫過餐，浪費時間！！

諗住新開張，去光顧一下，點知未食已經飽晒.....叫左2個外賣，等左超耐，都算，點知攞到返屋企，發現漏左個飯，落去問佢諗住攞返。點知道歉都冇句，一d誠意都冇。諗住佢地做錯，會好快幫你攞返個飯，點知又等左幾個字，一d悔意都冇，好似理所當然咁....唉...點解新開張都咁，收銀慢慢.....服務員慢慢.....1. 服務非常差，態度非常差 0分2. 食物質素差，d意粉油到一個點...3. 又貴又唔好食，不值一試!

龍城冰室開到周圍都係，終於開到黎九龍灣.今日放假，訓到自然醒，落街食個下午茶.尼間嘢真係好旺，長期等位.不過都唔係幾耐，10分鐘以內.門口有包檔，但賣相唔係好吸引.有D舊，同德福果間XX比差好遠.都係茶餐廳大路嘢，最特別係有龍蝦鐵板餐.最後點左雜扒同乾炒牛河.賣相麻麻，飯好似好舊. 好乾，小小隔夜飯feel.扒都算正常，不過個汁影響賣相.牛河麻麻，濃濃地，但d河粉可能唔靚.好一般.不過點都好食過隔離果間.是我錯茶餐廳不能要求過高.

呢間龍城冰室近期好似開咗好多分店，觀塘啊，其他地方都見到佢。今日去牛頭角，星期六下午三點，下午茶時段既茶餐廳都要排晒隊，所以就去試。其實佢隔離都有幾間新既茶餐廳，就剩係得呢一間排晒隊，等咗一陣終於有得入，新式茶餐廳要搭枱，真係好少見。叫左個下午茶餐，乾炒牛河，價錢OK喎，$35姐，仲有杯熱飲，叫咗杯熱Horlick。乾炒牛河應該係一大獲炒定，因為我見到佢一次上幾碟，一黎到，梗係食舊牛肉先啦，牛肉來講其實都幾入味，不過食食吓發現成碟得個三舊牛肉。雖然平姐，但會唔會過分左少少呀。啲洋蔥芽菜都係得幾條，成餐好似食梗淨河粉咁，應該冇下次。