龍城冰室

營業中

休息中

放左工去淘大睇戲所以決定係淘大戲院附近搵嘢食經過見到門口擺咗啲Menu見到價錢又平價 啲圖又吸引所以就入咗去試吓同朋友兩個人嚟食甘啱見到有個孖寶套餐可以揀兩樣小菜送湯同白飯好似幾抵然後就嗌左啦嗌左無幾耐就已經有兩個湯上嚟因為其實湯同飯都已經預先整好一落咗就可以即刻裝同上甘啱肚餓咁快有嘢食真係太好啦🎉個羅宋湯好足料每啖都有椰菜 蕃茄或者薯仔所以好夠味好濃😋😋話咁快就蒸左條魚上嚟其實我最鍾意蒸魚落豉油因為豉油蒸魚真係令到條魚嘅鮮味好突出一啲都唔腥再加上熱辣辣用嚟撈飯真係一流食多咗好多飯啊👻仲有一個海鮮雜菜煲特別要讚一讚啲海鮮夠晒新鮮冇雪藏味食到海鮮嘅原味冇味精🤩啲雜菜又煲得好稔好容易入口唯一爭左就係粉絲吖🤥加埋粉絲就一流大份又平價👍🏻

過了午餐時間，呢間茶廳人頭湧湧排晒長龍就知道幾咁好食多人like喇！餐廳外面好多不同款式新鮮出爐嘅麵包，超吸引！大大個菠蘿油$9算係抵食，重點係好味呀嘛！菠蘿包外皮酥脆，溫熱嘅溫度令牛油半溶，入口非常香呀！酥皮蛋撻香滑，酥皮很有層次很酥香喔！炸雞脾幾大隻，入口啖啖肉，雞皮非常香脆！一手抓住成隻雞髀慢慢咬，非常有滿足感！蒜蓉雞扒飯份量適中，唔會因為下午茶價錢平左而份量減少，very good!雞扒餣製得非常入味，雞扒有蒜蓉香，很惹味呀！xo醬豬扒炒公仔麵，豬扒肉勁多，唔會麵多過肉。食肉獸嘅我好滿足呀！公仔麵即是用了XO醬炒，但唔會有辣味，怕辣嘅朋友麵可以吃呀！喜歡吃辣的我就覺得沒有辣味不夠過癮，就加添了辣椒油才吃！

星期六放早同同事嘆番個下午茶先。同事話呢間食物多選擇又好坐，就來試試.叫了海鮮炒烏冬同涼瓜班腩河！咖啡後上等了大約十分鐘食物上枱...海鲜炒鳥冬用鉄板上保持熱騰騰材料豐富的海鮮烏冬，有蜆肉，蝦仁，魷魚，元貝仔，青口等等....還有有椰菜絲、洋蔥絲、紅蘿蔔絲的確是一碟份量十足的海鮮炒烏冬烏冬好彈牙, 而且有充滿了醬油的香味道。醬油味十足，稍微油了！涼瓜班腩炒河，同樣係即炒，又熱又大碟，豉椒同涼瓜惹味。班腩好大片同好厚，可惜得四舊，河粉好滑，不過吃到底也是很油……味道是一流的，但用油方面有待改進。食飽飲埋杯即磨咖啡真的人生一大樂事。埋單都係66蚊非常低食最重要兩佔了他們的四人卡坐足一個小時也十分的友善。

龍城冰室有好多間分店，之前食過喺觀塘嘅，估唔到樓下都開咗一間，價錢夠平食物份量夠大，而且裝修坐得舒服。手腳快，好快就上咗湯，可以揀中湯或者西湯，有白湯或者羅宋湯， 忌廉湯濃度適中，材料仲有蘿蔔西芹跟手上埋飲品，叫了熱朱古力，凍飲加兩蚊。我叫咗呢個美式什扒鐵板餐$78 ，一上枱就熱辣辣，淋埋啲黑椒汁，渣渣聲，好吸引。基本上有齊晒所有扒類，豬牛雞，仲有煙肉同埋腸仔。再加多左$36叫左蒜蓉焗青口，好抵食，有成5件，焗得好香，蒜蓉洋蔥火腿加芝士撒係面上😆 另外家姐叫左個常餐，瑞士雞翼撈公仔麵，兩個雞全翼，甜甜嘅瑞士汁，肉質鮮嫩，好入味😆 仲有，炒滑蛋同埋奶油脆豬，奶油脆豬十分香脆，裏面鬆軟。 餐廳人流頗多，都係街坊黎食個平價抵食又好味嘅晚餐。

喺淘大買完野，諗緊比喜喜多次機會，上openrice 睇下，半秒唔使決定行多两步往德寶方向搵野食。一心諗住食碗粉算，行行吓見到龍城，舊記憶叫我食佢，我又openrice 一下，決定直入！一碗金錢肚河，$35, 有脆蒜粒，好野味。湯底同牛肚唔會勁鹹，加埋辣椒油唔錯，份量幾大下。見到雙併就要加$10.再來凍檸茶。上次經驗，杯茶好好飲，不過今次失色左，好似少甜咁，總之唔係最對味。咁當然其實都係唔差嘅。同埋如果叫少冰真係少冰就最好啦。呢間肯定會再幫襯，前提係唔好加價呀！

同屋企人黎食冰室，龍城一向味道唔錯，野食又大份🤤 夜晚都可以揀常餐，好想食瑞士雞翼撈丁（$47），所以就叫左😂 兩隻雞全翼，雞翼充滿瑞士汁味🤤🤤滑蛋裏面有好香濃嘅牛油味，一打開蛋汁就流出黎👍🏻 個蒜蓉豬仔包 炸得香脆可口，見到原來呢間冰室係門口仲有麵包賣， 每日新鮮出爐，受街坊歡迎。😆跟住仲叫多個鐵板羊架$99 ，送餐湯同埋飲品，個羊架煎得超香脆，肉質鮮嫩多汁，配合洋蔥汁簡直一流，還有德國肉腸同大碗白飯，食到好飽。🤤蒜蓉焗青口 $36 平民價錢食到焗青口，仲有5 大隻，味道ok，認真抵食🤣 仲有中式同埋西式菜湯，羅宋湯同埋忌廉湯可以揀！中式湯蘿蔔豬骨，出街食飯都可以飲翻碗湯👍🏻。飲品叫咗檸檬柑橘蜜，略為甜。

買左UA淘大戲院7：25分戲票，開影前先到龍城冰室醫一醫肚。幸好行快幾步，遲多一陣都要等位。同其他冰室比較，呢間算是大鋪，有空間感，坐得舒服，幹淨企理而且光線充足。 厚厚嘅餐牌， 早餐、午餐、下午茶餐、晚飯同宵夜一應俱全。比起其他餐廳，選擇多好多。兩個人，點了豬扒包蒜蓉田園炒雜菜涼瓜牛肉炒河📌豬扒包~香軟鬆脆連入面都烘到金黃色，值得。比較吉列豬扒，香煎口感更軟稔多汁，再加上爽脆生菜，鮮甜蕃茄同沙拉醬。豬扒包即叫即做，夠新鮮，有層次感好好味。 📌蒜蓉田園炒雜菜嫩綠加鮮紅嘅雜菜顏色搭配豐富，色澤鮮豔，充滿蒜蓉香味但不油膩。非常健康。📌涼瓜牛肉炒河敵不過邪惡💀！河粉條條分明幹身，吾會黐笠笠同碎濕濕，但掛汁稔滑。加埋涼瓜、牛肉、紅椒同豆豉香炒，够鑊氣，惹味非常。雖然匆匆忙忙又一餐，但可以放開肚皮享受美食，人生一樂也。餐廳仲提供超抵晚市套餐，會再回來品嘗。

放工諗住食簡簡單單既晚餐，就黎左龍城冰室食小菜。佢既環境好大好光猛，亦都裝修得好靚，坐得好舒服！見佢有小菜，西式焗飯，中式炒飯同埋鐵板燒。小菜就有二人套餐可以揀，有飯，兩款小菜同湯，湯可以揀羅宋湯、中式例湯或者西式忌廉湯，都幾抵食。我同朋友分別叫左羅宋湯同中式例湯，我就比較鐘意中式湯，今日係粉葛豬骨湯，入面有好多料啊，岩哂鐘意食湯渣既我！其中一個小菜係鳯梨咕嚕肉，佢既醬汁整得好好，酸酸甜甜咁，好開胃，餸飯一流！另外，佢既份量都幾多，夠哂飽肚。另一款小菜我地就揀左西蘭花炒班片，佢呢一個班片令人好驚喜，因為我通常出面食到既都會煮到有啲鞋既感覺，但係佢呢個班片整到好滑，正！二人小菜套餐要$138，價錢正常。

今天提早下班，和同事去吃了個下午茶才回家。我點了一份炸雞脾加薯角，而同事則點了豬扒包。炸雞脾實在相當邪惡，十分香脆而雞肉也不太乾身，炸得不錯。炸雞脾雖然好味，但始終是油炸食物很熱氣，不太健康，每一次吃都感到非常罪過。

夜晚約咗幾個朋友去淘大食飯,見有幾間新開餐廳,就揀咗呢間門口都幾靚嘅龍城。見到有個小菜孖寶好似幾抵食,咁就帶咗馬拉盞炒通菜牛肉, 同埋茄子海鮮煲，另外散叫一個博朝牛仔骨。馬拉盞炒通菜幾野味，啲通菜都新鮮，牛肉都幾林，有牛味。 另外我好鍾意茄子海鮮煲，因為我鍾意食茄子亦都中意食海鮮。裏面有蝦有魚有青口，都好好豐富。另外開餐前有餐湯叫咗一紅一白，質素亦都正常。嘢飲方面叫咗三杯， 一杯係薄荷朱古力咖啡另外兩杯係紅豆冰。質素中上！最後一味菜，牛仔骨亦都係超正。因為啲牛好薄亦都好滑，完全唔會un, 個面都煎得好香, 食埋啲洋蔥真係好滋味.好開心淘大有多一間高質素嘅茶餐廳,食物好多唔同選擇, 無論每日想食啲咩都可以尼依度揀，真心不錯，下次晚飯都會再食呢間。

星期六補足眠後，無無聊聊行去淘大行下買下嘢。咦，以前係酒樓嘅地方，變咗2間冰室，其中一間就係龍城冰室，點解揀佢，因為人多D2點15分，未到下午茶，午餐又無乜揀的尷尬情況下，先單點了一個肉醬焗意粉同菠菜汁焗海鮮飯。肉醬意粉不嬲都係一個安全嘅選擇，同平時食開嘅肉醬意粉差唔多，所以夠熱夠汁我就收貨對比肉醬意粉，尼個焗飯唔太熱，但勝在材料豐富，有波菜，帶子，青口，蝦，味道幾夾下。焗嘢一定要夠熱，尼個飯唔夠熱，輸係尼度一夠2點半，即刻order炸雞脾配薯皇。味道幾好嘅，又係唔夠熱，而且雞脾肉有點乾。跟餐咖啡，叫少冰都咁多冰，飲完仲有半杯冰。食曬其他嘢，腐乳炒通菜都未上，三催四催下，終於到。通菜太韌，冇鑊氣，味道太咸。等咁耐，最差尼樣總體還可以接受！

平常星期六好少出街食晚飯，因為度度都好多人，等位等到暈，但母親大人今日要去友好嫁女飲晏，掉低我孤兒仔，唯有搵兩個freinds6點幾早少少親未多人排隊，就去醫肚。友人住淘大，佢話龍城不錯，咁我就唔諗啦！去!未到peak hour 自然馬上有位啦！我地個個都中意食辣，叫左個川未茄子海鮮煲，牛肉炒通菜，仲有牛仔骨。麻辣川味啱哂胃口，正呀！又好餸飯，牛仔骨好林好滑，d汁甜甜地都好野味，通菜就不過不失，正常另外叫左兩杯紅豆冰，同薄荷咖啡，紅豆冰我like,因為唔會太甜，飲得安心，薄荷咖啡我個fd都沒投訴，絕對有下次。我地食完一直吹水，職員都冇話即時催枱，都隔左好耐先埋黎問齊野未，我地先發現時間唔早，出面已多人等位了，拿林埋單走人。總結食物味道，服務都真的滿意

居住在九龍﹐九龍灣絕對是其中一個重要的行逛聖地近幾次淘大在天橋底過馬路時﹐都會看見龍城冰室的長長人龍。可能因為剛好12點過了早餐黃金時期﹐今天人龍不長就來試試它的威力 一行兩人點了兩個麵再加一份芝士流心西多士先點了一個五香牛什撈麵份量滿滿的﹐擺碟也很有誠意先吃一口金錢肚﹐很入味！也不乏金錢肚本身的口感腸較肥﹐每口濃郁甘香牛膀很大塊﹐口感夠粉牛肺沒有很大塊﹐但彈牙也能盛著肉汁撈麵記得要撈一撈才吃呢可以令下面每條麵條沾上牛汁爽口的幼麵加上牛肉汁是一流的配搭！再來是常餐﹐常餐基本上算是冰室的招牌菜﹐豈能不試？這裡的是瑞士雞翼公仔麵兩隻雞翼連雞尖的擺碟超好看！瑞士汁色澤很好﹐令人想快點咬一口瑞士汁本身甜度剛好﹐不會有太漿口或太甜情況雞翼也不太肥﹐也較薄﹐比較健康重點是肉質很好﹐能把雞肉一絲絲的啃下來超有誠意的公仔麵在下層也能沾上瑞士汁吃　口感很好﹐是剛好煮透保持彈性的那種雞蛋火喉控制很好﹐熱力論當地滲透整隻雞蛋﹐使其剛剛凝固　超滑也很重蛋香呢豬仔包是皮比較薄那種薄皮也有點脆口　但建議先吃豬仔包﹐因為皮太薄易被滑蛋沾濕變軟冰室當然要試熱奶茶啦！這裡的奶茶色澤很不錯﹐有飄溢出淡淡茶香入口挺滑﹐茶和

上星期晚試咗，覺得麻麻地，果晚我地叫咗:1. 雞批，唔太好食，我覺得pie & tart 好食過去。2. 佢地所謂既"皇牌"焗飯，有好多款，叫咗個"菠菜忌廉海鮮焗飯，😖 海鮮同埋飯份量極少，仲以為食緊下午茶餐😖😖而且個飯唔多似炒飯，個汁又麻麻，成個飯🙍‍♀️🙅‍♀️👎3. 鐵板豬扒拼鰻魚配薯菜，😖😖😖 豬扒細塊，鰻魚又小，薯菜真系"薯" 同 "菜""薯"系 蕃薯蓉; "菜" 系 2條小堂菜 (阿仔叫咗呢個餸非常非常失望) 冇佢鐘意既薯條，加上佢唔食蕃薯，而且佢食唔夠飽，我唯有俾咗一半焗飯佢，剩低既只有半碗飯左右。😔另外，跟個白湯，好似罐頭開既湯，只是試咗2啖咁大把👎唔好飲🙊3. 西冷扒都系跟薯菜 (我唔食牛，但老公話呢塊扒好一般，又唔算大塊，而且佢又系唔食蕃薯😫)4. 由於冇人食得飽，最後叫咗個 "拍薑炒芥蘭" 呢個菜正常既，只是略賺多咗少少油，如果好鐘意食薑就嫌唔夠薑。😑整體來講，男士食系唔夠飽，食物也唔覺其他食評講到好好，牛頭角呢間我地唔會再去🙅‍♀️🙅‍♂️🙅‍♂️

夜媽媽兩個人諗住去搵間茶餐廳食個宵夜，去到呢度問個阿姐攞飛等位，阿姐話唔使架入去就得，我哋等左一陣，有個男人叫我哋攞飛，我地就話阿姐同我地講吾洗，又要等多一陣都一肚氣！入到入面俾張枱四人枱(有兩個人坐緊)我地坐，跟住點知人哋話有一個人未黎，究竟派枱個人想點？好啦啲嘢食終於到。我叫左經典菠蘿油，但係個菠蘿包竟然唔熱！菠蘿油個菠蘿包唔熱！！啲牛油唔凍！一個真正嘅菠蘿油個包唔熱牛油唔凍，似乜嘢菠蘿油？跟住我同個經理講，唔溶牛油嘅菠蘿油即係點？佢話係呀係唔凍架！我地用暖爐烘住。我話呢啲唔係叫暖叫凍！佢話日頭就暖啲夜晚就唔暖架啦。我答佢咁日頭同夜晚個質素唔同點解價錢會一樣？佢話係啊我地就系咁！ok算，之後再黎個牛仔骨，凍既！牛肉un到咬吾開！再黎埋個乾炒牛河，佢係用幼身既牛河，極多芽菜(仲要唔熟)，亦都未食過碎到咁嘅乾炒牛河。。唯一優點係龍鳳可樂，因為只有可樂檸檬+鹹檸，哈哈。總之呢間茶餐廳嘅員工態度惡劣，食物極差，不會再來！