龍城冰室

營業中

休息中

又黎九龍灣搵晚餐食，但又唔太肚餓，唔想去幫襯德褔淘大，就過黎沿德寶方向睇下，因為間中都會係呢度買早餐，佢地門口好多面包賣架，而且都幾好食，但晚餐就真係一次都未食過就走入黎試下先。平時經過以為呢度好細，入到黎原來都幾大，而且成個舖好深，都幾多二人四人或者再多人嘅都方便搵位。餐牌方面就好多選擇，飯餐不少得，仲有鐵板小炒小食，基本上茶餐廳有出現嘅野呢度都叫得度，價錢算平。 特登唔叫餐叫咗三樣野食。 鐵板豬扒炒公仔面份量好足夠，唔似有啲舖頭咁好慳皮咩配料都唔落，有芽菜絲椰菜豐富口感，豬扒都幾多，而且唔乾身。另外枱面有潮州辣椒醬，加埋落去係神來之筆，1+1=3 嘅感覺，香辣嘅味道加落炒公仔面係好夾。蒜蓉炒雜菜有唔同嘅菜同菇菌，菜菇都幾新鮮唔會老，唔會見到爛，炒得唔咸，唔錯多選擇街坊晚餐炸雞原本見佢$38 以為得三幾粒，上到枱原來都有成八粒，用雞髀肉黎整，份量都好足，話雖韓式，但炸出黎比較似港式味道，而且比較乾身有趙頭，佢地嘅炸雞醬都唔係用純韓國辣醬，似加咗少少海鮮醬，滿滿嘅香港味道。另外值得一提嘅係員工都好好笑容好主動，而且主動攞碗俾我地分餸食，走果陣原來全場爆滿要等位添，似乎街坊都幾鍾意黎呢度

朋友住係九龍灣附近，問佢附近有咩好食，佢鐘意平時食茶記冰室，所以帶左我去龍城冰室試下本餐牌都幾厚，見到好多野可以揀，有常餐、意粉、扒餐、焗飯，有時太多選擇都幾頭痛下，諗左成半個鐘終於揀定要咩見到有牛脷意粉幾得意，平時唔係間間冰室有得食，所以決定叫黎試試，牛脷算整得幾好，幾有咬口，不過意粉就有少少諗，如果再硬身小小應該會更好食，不過要整好食既意粉唔好易，呢碟已經係合格以上啦已經好耐冇食過焗飯了，雖然好邪惡，不過真係好好食，見到有好多芝士焗飯好吸引，不過擔心食到最後會太膩，我地叫既係最傳統既蕃茄焗豬扒飯比起一般大快活大家樂個d 明顯更有水準，值得一試野飲方面叫左一杯紅豆冰，一杯鴛鴦，叫左少甜少冰，完全做到我地要求又唔會太甜，值得一贊

放工去左九龍灣到行，當然一黎又係去左德福個邊行下先搵下食咩好，但係覺得啲野食都太公式化，所以就決定去淘大睇下有冇啲咩岩食，比如係小菜，炒粉面呢啲醫飽個肚。過左天橋同馬路，就見到呢間裝修得幾新淨既龍城，門面有賣面包既。係門口掀下個餐牌見係岩胃口既就入左去。個餐牌有好多款野食揀，基本你想食既地道野、小菜呀都有。諗左好耐，我地叫左干炒牛河、豉椒火腩飯同一個小食，椒鹽鮮魷。先黎既係豉椒火腩飯，見到都流哂口水，火腩份量都幾多，先黎夾一舊放落口先。好好食呀！口感非常之正，雖然個皮淋左豉椒汁，但都冇蓋過外皮既鬆脆同醃過既咸香味。係就係肥啲，不過都忍唔到口呀。跟著既干炒牛河，炒得有鑊氣牛肉都多。都基本上冇得彈。最後黎既反而係小食，但我唔覺得係，因為都係大大碟，同平時第到食既小菜份量差唔多，但價錢只係40蚊到咋調味都好足，可能有人會覺得偏咸，但係除左椒鹽味仲有佢獨特既檸味中和返，係會食到停唔到口埋單只係百四蚊。呢個價錢第到未必有，真心抵呀！

去買麵包，店員只背着回應，態度傲慢，只顧做自己的工夫，完全愛賣不賣。當面向我收錢時，反辯稱已經背著我回應了。整伙人都是同一態度。我堅持向經理投訴，方經理回應：我不賣了。沒有禮貎，只顧做自己工夫，沒有招呼客人心情。

今日係門口見到櫥窗啲包好靚，咁就要一個包啦，點知呀姐係入面夾左個好燶嘅包，叫佢夾出面果啲唔燶嘅，唔肯，話：係呀，師傅焗到過左龍!我唔可以咁樣揀俾你，做唔到喎!你食第二種啦!點解唔可以揀？咁我都唔中意食燶嘅包，我係見到櫥窗個包好靚先買，宜家貨不對版，其實佢隻手伸長啲夾一個就得啦，點解咁都做唔到?!入面啲包賣哂都要賣櫥窗果啲，乜櫥窗果啲係非賣品黎架？!去街市買隻豉油雞，一盤盤都有得揀啦!同個所謂負責人投訴，佢竟然都覺得無問題，係到包庇，咁嘅服務態度!唔怪得之宜家少左人買包!唔會再幫襯!之前堂食見到啲員工同客鬧交，係因為個客食緊，被要求調位，個客唔肯，員工就罵人!唉，啲野食幾好食都無用，唔怪得啲人中意去幫襯大集團，起碼服務好啲，呢度，貼錢買難受!

屋企附近開左好幾間冰室，平時放工行過，一直都無咩時間嘗試一下。今日放假一大早就起身，終於有機會食翻下茶記早餐既味道。去到唔洗等位就入座，雙人卡位尚算闊落。落單叫左五香肉丁公仔麵，炒蛋，餐本身跟牛油脆豬，但我加兩蚊轉左芝士火腿牛角酥。牛角酥好食雖然個酥唔係好脆身，但可能本人比較喜歡食濃味野，配搭起火腿芝士，加上芝士係半溶狀態，好食！炒蛋係3.6牛乳炒滑蛋，唔會炒到熟得濟，食起上黎夠滑身，仲有啲蛋汁，都好食。至於個肉丁面同凍奶茶都正常，無咩特別意見。整體抵食，茶記價錢高汁既常餐，感覺到呢間野好啲心機，希望下次keep到質素！

今日黎左九龍灣整野，是旦入左一間茶餐廳。無諗過原來呢間茶餐廳咁高質數。先講下入面環境。地方又大又乾淨。而且卡位數目好多，坐得舒服，裝修有小小歐陸風格，完全唔似茶餐廳。望下本menu，菜式選擇好多，除左有一般常餐、潮州粉麵、仲有焗飯、咖喱、鐵板、小菜、繪飯、西式意粉等等，要諗食咩都真係需要花一d時間。因為有好多野都想試，所以最後我地2個人share左一個意粉、同埋3個小食。唔係講笑，樣樣野都真係抵食夾大碟。牛肝菌帶子意粉 $71意粉大大碟、用左帶子、菇同洋蔥同埋忌廉汁炒成，帶子份量多，竟然有5隻。成個意粉都好creamy，菇味濃郁，但牛肝菌味唔算突出，但都覺得好好食，好有水準。韓色炸雞$38炸雞係新鮮炸出黎，黎到仲好辣口，雞炸到外脆內嫩，一d都唔鞋口，就咁就都已經好入味，點埋韓式辣醬，仲更加有風味。避風塘茄子$38一d都唔似小食，似係一個餸，份量大得驚人。茄子被粉漿包圍住、炸到脆卜卜，但一d都唔油膩。面頭有d炸蒜，食茄十分香口。$38蚊呢個價錢，真係抵到爛。避風塘豆腐 $38同樣地，表面雖然只有一層簿簿既脆皮，但炸到好香脆，入面非常嫰滑，表面既椒鹽唔會太鹹，味覺岩岩好，愈食愈開胃。總括黎

終於齊人收正！食宵夜！德福好早收哂 要食既話一定要去淘大個頭 平時想轉口味 唔成日食文記既話 就一定係揀龍城 又夠大 實有位！雲吞粗！多醋多醋多醋！佢啲雲吞唔知係邊到買番黎架呢 好好食呀成隻蝦架真係仲有五粒添架 平時其他地方係4粒架咋。。男友食牛腩米！啲牛腩都幾出色 又份量多 半肥半瘦岩岩好！兩條友仔唔夠飽 再嗌左西多士 哈哈加左單無耐 好快就到左仲熱辣辣到爆再落大量糖漿！入面啲花生醬好多呀喂 犯哂規呀！！唔食對唔住自己 聽日先再做運動喇哈哈

其實龍城冰室之前已經食過好多次㗎啦🤓但係每一次都食得好急，又趕時間，唔得閒影相。今次終於可以慢慢地，唔趕時間咁樣食晚飯，就決定叫個小菜孖寶。🤡喺地鐵站淘大出口出，過條馬路就會見到呢間燈光好夠嘅冰室。佢既特點係無論入邊定外邊，裝修都帶點懷舊。係佢嘅門口就放在一啲冰室都獨有嘅櫃，係用嚟擺麵包既。我見到附近好多人放工都過嚟買😆呢個就係我今晚會食既小菜孖寶嘅餐單🙆🏻‍♀️其實餐廳重有本比較厚既menu，會有好多野食，有即炒既人食物，好夠鑊氣。之前食過乾炒牛河、星洲炒米。全部都100分💯仲有一張係麵包嘅餐單，就係擺喺出邊等人買嗰啲，都可以堂食嘅🙆🏻‍♀️喺二人餐入邊我選擇咗羅宋湯，因為我本身都比較鍾意羅宋湯。而佢嘅味道就唔算特別濃郁，而且飲落去唔覺得似味精湯。都好足料。有好多蔬菜係入邊嘅。主菜嚟啦，我今次係叫咗通菜炒牛肉同埋枝竹炆斑腩兩樣餸😍上到嚟嘅時候都係熱辣辣嘅，即刻叫侍應攞多兩碗白飯。簡直有齊味覺，視覺同嗅覺嘅享受。🙆🏻‍♀️最欣賞嘅係佢啲支竹並唔係碎晒咁，而係一嚿嚿好長好實淨嘅。俾大家睇室內嘅環境，行懷舊路線。而我最欣賞嘅係好多卡位坐，兩個人食都唔會覺得好迫。

今日見心情好，唔想留在公司食午飯，所以叫了同事一齊出去食飯。聽聞淘大果邊開左幾間新野，所以同事建議去淘大果頭搵野食。由九龍灣地鐵站行過去，在對面馬路見到呢間新店，就走去睇睇餐牌，見啲食物都算啱食，價錢不是太貴，就走了入去，入面的環境裝修有點復古，感覺有點懷舊氣色，地方不算太細，我們好好彩搵到一個卡位坐，伙計提醒如果陣間多客，需要我們坐埋一邊，等客人可以坐，我們都知道也願意到時有機會作出調動。睇睇餐牌，再左望望，右望望，發現牆上有餐牌寫住有午餐供應，我和同事都分別揀選了不同的午餐。餐湯我們都揀選了羅宋湯，味道可以，但唔夠熱，羅宋湯唔夠熱就冇咁好飲，呢樣佢地真係要注意下。同事揀了一個鴛鴦扒蕃茄薈意粉，鴛鴦扒係豬扒同牛扒，牛扒同豬扒都算大塊，牛扒唔靱，味道可以，豬扒都唔會太過鞋，過得去，意粉撈埋啲蕃茄汁，味道一般，整體都ＯＫ！我就揀選了芝士菠菜焗海鮮飯，飯都算大碟，配料有魷魚，蟹柳，日本魚旦，菠菜，大大塊魚塊，蜆肉，蝦，雖則唔係真係一啲新鮮海鮮，但以配料黎計，都尚算多料，好過好多出面食店話就話海鮮飯，但得魚同魷魚就算數果隻，菠菜唔算好多，但味道都算較得唔錯，在茶餐廳已經算唔錯。凍檸檬算合格啦

貓貓今日睇完戲，係九龍灣決定食冰室。聽聞呢間冰室質素唔錯，所以貓貓決定過黎食。貓貓好鍾意冰室既風格。好光明，俾人好正氣既感覺。黃燈又光明，好舒服。貓貓好肚餓，於是order左個涼瓜火腩煲。熱辣辣，好香噴噴。火腩層皮因為痴住個煲，燒得好脆同香。陣皮香味好似乳豬皮咁，好正喵！涼瓜無乜苦味，同火腩好夾。熱辣辣既火腩煲越食越開胃。貓貓真係濕左個嘴。仲有中湯送。好暖。火腩飯既汁最適合撈飯，幾多碗飯都唔夠。小菜真係整得好好味。椒鹽魷魚都好好食。menu寫住小食以為份量好細。點知呢碟魷魚勁大碟。真係好抵食。魷魚炸得好鬆脆。椒鹽味增加左魷魚既鮮味，口感又彈牙味道又新鮮，貓貓好興奮。椒鹽又唔會太鹹，味道啱啱好。貓貓越食越開胃，估唔到好快就食晒！熱檸蜜暖一暖貓貓既肚，感覺好舒服。貓貓覺得呢度真係好多野食，有西餐，中餐，東南亞餐，乜都有。味道整得好好，貓貓好鍾意呢間冰室。

星期五，需要去九龍灣取貨；下班後，先去取貨，再去附近吃個晚飯，選擇了之前在觀塘品嚐過的>>>龍城冰室<<<。地舖就在繁忙的馬路旁邊，位置方便。 內裏裝修一如其觀塘分店，非常有型格。 食物款式之多，絕對可以引發選擇困難症。 點好食物之後，可在餐桌抽屜取出所需餐具。 同時，侍應已經在我附近斟餐湯。 選擇了紅湯，羅宋湯內裏挺多蔬菜，有夠健康。 餐飲是凍華田少冰(加HKD3)。近來好一段時間沒有飲阿華田了，便來一杯啊。 會選凍飲是因為點了鐵板美式海鮮大餐(HKD113)，海鮮好大堆頭哩，有半隻龍蝦、帶子及青口等等。配搭了薯菜，除了炸薯角，還有西蘭花及蘿蔔，顏色鮮艷，營養豐富。 大概鐵板熱度不是很高，沒有小時候吃鐵板餐那種冒起大煙的效果，但減少了餐廳內的油煙，也避免濺起燒汁弄污衣服，可算是一種取捨吧。海鮮在上鐵板前，已被煎香，更加香口；啖啖肉的感覺，難以抗拒。 茶餐廳無需加一，抵食呢。

今日約咗朋友正午喺九龍灣睇戲睇之前一齊去食個早餐先經過淘大附近依一間 龍城冰室決定入去食返個港式早餐早餐B招牌沙嗲牛肉通粉牛肉嫩滑 份量十足沙嗲湯底味道香濃通粉亦整得彈牙軟綿 唔錯唔錯3.6牛乳炒蛋 跟餐炒蛋食落去亦都十分滑 帶點點牛奶香牛油脆豬 跟餐本身配芝士火腿牛角酥但想食牛油脆豬 所以轉咗牛油脆豬外脆內軟 配上牛油好搭歐陸早餐朋友點咗歐陸早餐 睇落去好豐富呀有板燒牛扒、3.6 牛乳炒蛋 +腸仔、牛油粟米同埋都係有牛油脆豬 朋友表示食完好滿足熱奶茶 茶走同朋友都叫咗熱奶茶港式奶茶梗係要叫茶走啦香濃好喝 飲完充滿活力呀菠蘿油同朋友再叫多一個菠蘿油一齊食呢度嘅菠蘿油上枱嘅時候牛油仲係一嚿完整既 放一陣就會融化鍾意食完整牛油嘅朋友記住趁早就食啦菠蘿位焗得香甜鬆脆 麵包鬆軟 配奶茶最岩

今次放假閒來無事,個衰佬又未起身!肚餓餓咁,走落樓下食個靚早餐! 平時放假見到龍城冰室鬼咁多人,不過今次一個人食,就好等位d!Well, 我食來食去都係火腿通+煎蛋,當然今次都唔例外,其實個湯底就不過不失既,而且煎蛋老老地,勉強合格啦!不過呢度配好邪惡既係有奶油豬好creamy, 包皮又脆,早餐黎一個真係正!最後黎返杯茶走,放假就充滿力量啦!

去完九展睇電影，唔想留九展，太夜出街食飯，本身想去遠少少，睇睇有咩食，結果九龍灣一出，食店差不多關門了。結果選擇龍城冰室。漫漫長夜，我選擇了湯面，雪菜肉絲米，朋友選擇了肥牛米。一上台，不論米粉分量，另外肉量亦滿滿，我食了一半已經夠飽，朋友不停食，碗上仍有肥牛。今餐雖然夜食，但搵到一間滿足既，非常開心