龍城冰室

營業中

休息中

放工後約左朋友係九龍灣行街，經過淘大比龍城既招牌吸引，招牌勁光，老遠都見到龍城冰室四個大字。餐廳內裝修新淨，座位寬闊，好多卡位，坐得十分舒適。冰室有好多菜色選擇，例如小菜，鐵板燒，焗飯，粉面等等。中西都有，屬於多元化冰室我地就比個小菜孖寶二人餐吸引，$138有兩個飯，兩個小菜，兩碗湯，仲可以半價跟飲品，十分抵食！中湯同紅湯都好足料，好多材料，有好多豬骨蘿蔔，味道濃郁。蝦醬通菜炒鮮魷：通菜炒得啱啱好，爽脆又唔會過老，魷魚大大件爽口彈牙，蝦醬味超香，值得一試黑椒牛仔骨煲：牛仔骨用青椒和洋蔥爆香，非常入味食完小菜仲未夠喉，叫多個菠蘿油，新鮮出爐熱辣辣順手一提呢間餐廳人手充足，由點餐到上餐都好快，值得一讚！

I went to a local HK restaurant in Kowloon Bay alone after a hectic schedule of work today. It is simple but full of the taste of Hong Kong~ The lighting is very bright. The waitress welcome me with warmth☺️This is the Chinese soup with corn and pork inside. A little bit sweet taste and mouth-watering.A vegetables as I haven’t eaten green fruit for a long time so I ordered this dish~ simple but yummy 😋 燒汁茄子牛仔骨～ 好好食Recommended👍🏻

已有一段時間沒有來九龍灣覓食，放工後路經地鐵站的晚餐時段，又不想再吃那些一式一樣的快餐店，龍城冰室就是打工仔的必然之選。冰室內的裝修新淨，卡位竟然佔餐廳的八成之多，而且門面光猛，坐位寬闊，這個格局相信店主也下了不少功夫。打開MENU，食物種類選擇多超級多，上至大排檔小菜、鐵板扒餐，焗飯意粉，馬來咖哩及多款粉麵等等。一個多元化冰室的基本就是應有盡有。由於7點時間已坐無虛席，難得店員充足，點餐到食第送到都十分有效率。常餐03 仿鮑魚火腿通粉 $45配3.6牛乳炒蛋、牛油脆豬牛油豬仔包加上已溶於包內的牛油，豬仔包烘得好脆，香滑牛乳炒蛋同脆豬一齊食份外滿足，飽魚火腿絲份量對得住呢個價錢，配料多是較清淡通粉的佳品。 焗咖哩薯仔牛脷飯$52牛脷口感比牛腩軟熟，是茶餐廳較少見的一味，香濃咖喱汁伴隨邪惡芝士，咖喱香氣滿足，有少許的椰奶香味增加食慾。再加上一大舊薯仔蕃茄，CP值偏高。蜂皇柑桔蜜，跟餐免收費柚子茶跟餐加$6有得飲，親民非常。避風塘茄子$38龍城絕對是九龍灣性價比高的冰室，銅鑼灣、觀塘也有分店，是用心做比街坊食的食店。

除咗散叫都可以選擇一啲套餐,例如呢個小菜孖寶套餐$138,餸既種類款式選擇都好多!!每週晚市食好D優惠,時段下午六點至十點半,凡惠顧$160以上即可享優惠價追加,好抵呀個優惠, 計落半賣半送禁制!!! 蝦醬鮮魷炒通菜,一上枱已經聞到好香嘅蝦醬味,調味味道到位!!!豆豉蒸倉魚,條魚肥肥白白淡淡肉,條魚冇嗰陣草泥味,唔錯!! 認真抵食以優惠價追加嘅蒜蓉粉絲蒸蟶子皇,味道鮮甜,肉質爽彈,大大條好有口感,墊底嘅粉絲都係主角嚟㗎,因為啲粉絲索曬d蒜香豉油海鮮精華汁,好惹味!!!"小菜配兩個靚仔兩碗湯是日例湯:蕃茄薯仔豬骨湯,味道濃郁但飲唔到味精成份,好味但唯獨略嫌唔夠熱!!!店舖外面仲有麵包櫃有麵包出售存放乾淨款式眾多!!!!總結呢間餐廳人手好充足,由點餐到上餐,時間都好快,另外呢度嘅員工好友善健談,會提議下有咩好食介紹,對有選擇困難症嘅人真係好治癒!!!

星期六朝早十點黎到餐廳 好多人啊～9成入座率 叫左個早餐set 有沙嗲牛麵 炒滑蛋 牛角包🤤 💁🏻‍♂️男朋友話呢到奶茶幾好飲 所以跟餐叫左杯茶走首先講左最好食既牛角包先😍我地係為左食呢個牛角包而回頭再回頭呢個唔係一般牛角包咁簡單入面有火腿同芝士😌個包暖暖地脆脆地 超好食啊！出面啲牛角包咁貴🥐 呢個set只係$30幾就有咁多野食牛角包🥐真係必試！沙嗲嘔麵 都不錯 正常味道質素 牛肉易咬滑身 💁🏻‍♂️話食得出係出前一丁 再加分咁話炒滑蛋 都一樣 不過不失 茶走 幾好飲 合格有餘咁既價錢可以食到平均水準咁高既早餐 正！太好食啦🥐🥐🥐比個大特寫你👍🏻

歐陸早餐$37，改牛扒加$2牛扒厚薄適中，沒有太重醃製過的味道，而且有口感易咬，醬汁也提升味道！炒蛋唔老，仍滑溜兼有蛋香！唯脆豬包可能預先整定，不脆又淋了🥺粟米粒，有用牛油輕煮，甜甜的好味！奶茶，具一般茶餐廳味道，香濃滑，不錯！這個餐很豐富$39 ，簡直超值👍🏻特色早餐＄32：鮑魚絲火腿通粉，湯底有鮮味配通粉配搭一流！菠蘿包大過拳頭，分量十足之外也極之鬆化，面頭的菠蘿皮甜甜脆脆口感非常好，餐廳自家製麵包值得推介！重點是質素好之餘價錢比快餐店還要平！

放工來吃晚餐， 冰室裝修新淨，坐位闊，有好多卡位。我地兩個人都安排我地坐卡位，十分舒服。冰室有好多食物選擇，小菜，鐵板扒餐，焗飯意粉，粉麵等等。中西都有，好多元化的冰室。我地坐低俾個超值小菜孖寶二人餐吸引， $138有兩個白飯，兩個小菜，兩碗湯, 抵食抵食！叫咗一碗中湯同一碗紅湯，中湯飲落去唔似味精湯，都好足料，紅湯都唔錯，味道濃郁，好多蔬菜係入邊。小菜有好多選擇！我地要咗豉汁蒸倉魚同豉汁涼瓜班片。等約二十分鐘，小菜上到嚟熱辣辣，即刻攞兩碗白飯。開飯啦！豉汁涼瓜班片掛上豆豉汁非常夠味，清熱而味甘，加上煎香的班片，十分入味，要吃多碗白飯。豉汁蒸倉魚，即叫即蒸，倉魚好新鮮，相當大條, 很划算。味道真係頂瓜瓜，送飯一流。很滿足的晚餐！！！

晚市小菜孖寶套餐($138)，18:00-23:00供應，有38款餸可以選擇，套餐包括自選2款小菜，2碗白飯，2碗湯(中湯或西湯)，另外叫飲品有半價優惠今晚明火例湯係涼瓜黃豆煲豬骨，另一碗係羅宋湯，兩款都唔錯黑椒牛仔骨煲，非常入味，牛仔骨大約有10塊，有青椒及洋蔥爆鑊，惹味十足蝦醬通菜炒鮮魷，雖然唔夠蝦醬味，但通菜炒得啱啱好，爽脆唔會過老，鮮魷大件爽口彈牙仲有D優惠食品晚市竟然仲有新鮮出爐嘅麵包賣！

平日放工晚餐時段，經過牛頭角道俾佢嘅招牌吸引，佢個招牌勁光，似係戲棚的招牌，好懷舊環境： 餐廳內裝修新淨，坐位寬闊，仲有好多卡位。雖然我地得兩個人，佢都安排我地坐卡位，坐得十分舒適食物：雖然佢係一間冰室，但食物選擇種類極多，由小菜到鐵板扒餐到西餐以及粉麵，應有盡有。我地兩個人被超值二人餐價錢吸引，$138可以揀兩個小菜，有湯以及白飯。湯：我地叫咗一碗中湯同一碗紅湯，中湯不過不失，但紅湯就唔錯，足料味濃小菜：我地叫咗鮮魷通菜同川味茄子肥牛，鮮魷通菜夠鍋氣，做到大排檔的味道。而川味茄子肥牛就好有驚喜。茄子係油炸過的，再用乾辣椒同花椒炒過，十分入味，肥牛亦都索晒啲花椒同辣椒的香味，十分好味，但唔食莞茜的朋友要尊意啦，佢面頭勁多莞茜，只好逐啲夾走總結：cp值高的晚餐，可以再試佢的西餐類

今晚喺九龍灣上完堂，男朋友嚟咗接我食飯因為大家收工都好攰，近近地喺樓下搵嘢食！聞到龍城冰室傳黎一陣麵包香味，引左我入去。D蛋撻睇到我流哂口水本來諗住叫個常餐，加個菠蘿油點知入到去見到Menu好多選擇，最後決定食小菜！哈哈茶記孖寶呢度個例湯唔hea喎，係蕃茄薯仔湯呀仲要熱辣辣，平時唔食例湯嘅湯渣，今日都食咗兩舊薯仔～正我就揀咗個蝦醬通菜炒鮮魷魚個賣相睇落就麻麻地，不過食落唔錯蝦醬味超香，魷魚又夠爽同彈牙。男朋友個西冷扒餐又係個賣相唔係好得～哈哈細個食扒餐嘅時候最期待嘅一刻----淋汁好治癒嘅渣渣聲叫咗五成熟嘅西冷扒，冇令我地失望熟度適中，牛肉嫩滑，份量十足，好夠飽！值得一讚嘅係黑椒汁，裡面有黑椒粒好香，微辣超開胃～～全餐飯都幾滿意唯獨是個冷氣真係好凍，凍到好似雪櫃咁最後實在太凍，嗱嗱聲食完即刻埋單走

龍城冰室在淘大附近，經常經過，今天帶媽媽來食晚餐，都很多人，喜歡佢地既卡位，舒服、私穩度高，而且環境都很乾淨。我媽喜歡食鐵板餐，便叫了一個羊架鐵板餐，羊架味道很好，黑椒汁也很不錯，不過腸仔一般，個人不太喜歡。意粉都很熱辣辣，配蕃茄汁很好，整體鐵板餐算是很理想而且套餐更包了湯和飲品，我點了中湯，是日中湯是番茄薯仔煲豬骨，不過不失。飲品反而選擇很多，剛好天氣乾燥，點了蜂皇柑桔蜜，出奇地好飲，好少冰室有得免費飲這種。另外亦點了一份日式鰻魚炒飯，鰻魚份量比較少，但炒得也很美味，如果加多點鰻魚就更好！佢地的餐牌選擇都好多，下次可以試下佢地既中式套餐，勁平呀$138有兩個餸、兩個飯、仲有湯！真係認真超值！下次要再黎！

今日食早餐決定去呢一間龍城茶餐廳食， 平時每朝早都好多人去呢度， 基本上好多都係返工之前一個人去食嘅， 所以都會搭枱。 阿姐同廚房做嘢都好快， 叫完嘢落單35分鐘就送到。 近排仲多咗一個有點心嘅早餐， 收番32蚊良心㗎。 當然你話食完喜出望外就未至於， 但食物質素都係ok合格。 今日我叫番餐牌入面嘅早餐， 食咗呢一個芝士火腿牛角包， 牛角包啱啱焗好， 芝士溶咗喺火腿上面， 牛角包仲脆， 仲有沙嗲牛肉都ok。 加埋佢杯 咖啡都幾好飲， 朝頭早就叫做一個醒神嘅早餐。 當然咁多人幫襯就一定的 迫啲， 但咁嘅價錢咁嘅質素， 都ok啦

遲了下班，不跑遠地方吃飯。約了朋友來到淘大這邊吃飯。來到龍城冰室門口，食物選擇挺多，又夠空間，就進入了。這裡比想像大，有麵包部售賣各式麵包🍞，湯面部。二人點了常餐沙爹牛肉面配牛油豬仔,芝士流心西多士,波菜雞扒焗飯，常餐先到，沙爹牛肉的確很香嫩，這裡的🐷仔包熱熱的，香脆。柚子蜜挺好喝，沒想到有陳皮香味。焗飯到，綠色菠菜加上芝士看上去不錯，香噴噴，揭開芝士層，見雞🐔扒，咬一口，味道不錯，肉滑，也煎得挺香。最後甜品邪惡流心西芝士，在冰室有這新意食品實在讚賞。糖漿另上。多士中間有一層芝士，甜帶咸芝士另一種味道。整體來說，食物種類多，性價比高的冰室之選。

今日天氣炎熱，好想快啲揾一間餐廳食飯飲凍飲消暑。見到牛頭角有龍城冰家，決定一試，入到去人好多，不過不用排隊便有二人枱。到座位上，侍應太忙了，唯有自行去counter拿menu看，牆上有掛著每日午市套餐餐牌，有中餐蒸肉餅同粉麵等，但再望望左右兩邊好多人叫同一個西餐，望落好吸引，是豬扒德國腸餐，可三選一 飯、意粉、或薯菜，還有例湯和飲品，便想一試。叫了薯菜和凍檸檬茶少冰，朋友叫了火腿通粉常餐和熱檸水，雖然餐廳好大人很多，但上餐速度挺快，侍應推住餐車派食物，感覺運送安全迅速很多，值得一讚。雖然有餐車會令行人通道窄了許多，但依然足夠人車一齊行🤣🤣。餐湯叫了中湯，沒有湯渣但味道足夠，不是味精湯，所以都飲光光🤤。凍檸茶叫了少冰，冰感覺上少一點點了，但茶望落好似俾人飲了一啖，不過之後望其他食客飲品好似都唔係全滿，所以算了，至少港式檸茶味道仍在，不過不失。主菜是最好味的！ 因為相比它的鐵板扒餐要$70-90 這個餐$50幾真的好抵，雖然本來想叫薯菜預期係薯蓉不過原來是薯角，炸得好熱好香，再自行加茄汁，一食停不了口！有三條菜都加分，感覺食得健康了一點點🤣🤣豬扒也很大塊，醬汁夠，味道也好，大推！ 不過是要

進餐時間大約兩點未夠，所以未有下午茶餐供應～2:30才有下午茶餐供應叫了$47沙嗲牛肉麵餐 跟一份蛋及油豬包沙嗲牛肉麵 麵質略為比較硬，但總體味道很濃、很夠味沙嗲牛肉大大塊亦算足料，而且牛肉亦有沙嗲醫汁黏附，沙嗲汁及牛肉是相輔相成不會像其他一般沙嗲牛肉麵，沙嗲汁跟牛肉分開，這個沙嗲醫汁起沙，而且能夠有杰撻撻嘅感覺，配在牛肉緊緊黏住湊合得很好～油豬包的牛油是足夠的，但個人認為欠缺煉奶，味道層次唔夠豐富凍檸茶跟餐加$3 跟餐包括一杯熱飲，如凍飲就加$3