3
1
2
營業時間
今日營業
11:00 - 21:30
星期一至日
11:00 - 21:30
以上資料只供參考, 請與餐廳確認詳情
熱狗很吸引，但能吃，唯有吃看來也很吸引的漢堡。Classic，跟薯條和加$4的蔬菜鲜果汁，盛為$62。賣相neat and tidy，burger 的包軟硬適中，好吃，菜和蕃茄很fresh ，菜是crunchy，芝士沒溶，主角漢堡扒就太juicy，也沒有肉味，遑論肉香，夾着少千島醬，但說好的漢堡醬卻失踪，千島醬就是漢堡醬嗎？吃完，衹覺得是極普通的burger。薯條新鲜炸，不油，水準之作。不特別好，也不特別差，也因此，會再試。
繼續閱讀
時間係 04/07/2023 ddmmyyyy，男性店員，餐廳係美孚盈暉台 Zeppelin hot dog shop點咗個餐，包飲品，我見凍櫃放喺當眼位置，我就自己拎飲品。跟住就俾店員喝止：「唔好自己拎」。我心諗：你唔想人拎，個櫃就放廚房，或者上鎖，放出嚟人哋拎又要鬧人。好聲好氣唔行嘅？個餐整好咗，就按個鐘響就算，無多謝亦無提我去拎。$72個餐，包味道好淡，薯條又淡，加埋咁嘅態度，食到一肚氣。你哋等執笠啦。
繼續閱讀
【深水埗區】【齊柏林熱狗店】唔知大家仲記唔記得我好耐好耐之前同大家講過旺角嘅齊柏林熱狗店。喺我初開 IG 冇耐已經同佢哋店舖 IG 互相 follow，而且去到仲發現有唔少靚女侍應當值整熱狗。血氣方剛到好似我咁，當然留下深刻印象。好多時經過都見到佢哋，但係冇乜機會幫襯，可惜啲。之後就收到佢哋唔做嘅消息，唔想走去貓哭老鼠做殯星，亦都苦無機會食多次，就睇住佢哋離開人群嘅視線。不過又收到佢哋開返嘅消息，仲貼咗張相出嚟叫大家估位置。我一眼就睇出係美孚嘅盈暉薈，所以好似係第一個提供正確答案嘅 IG 帳户。不得不承認，唔好以為真係十八區 foodie 如此英明神武，而係咁啱有個 ex 住華荔邨，所以對呢個商場仔有一定了解咁解，我呢個帳户唔慣講大話。答啱問題嘅頭十個帳户係可以得到一隻熱狗，哈，我作為「度縮自私小器怪」又 R 到免費嘢食，倍感安慰。佢哋開業嘅日期係 16/7 中午十二點，我當日一點半已經殺到去排隊攞熱狗，始終啲嘢好食，係吸引到我即到嘅。作為常客，我都係要返我最中意食嘅「芝味熱狗」轉「豬肉紐倫堡腸」，我不嬲唔太好紅汁紅醬嘅嘢，得呢款係簡約得嚟夠邪惡，就算自費用 $38 買我都耐唔時執佢一劑。喺呢度祝你哋生意興隆，有機會就支持吓瑪嘉烈啲醫護人員。。。（地址：新界葵涌景荔徑8號盈暉薈1樓104號鋪）
繼續閱讀
上次幫襯呢間店都係用外賣自取，大約等左10分鐘左右，apps雖然無顯示可以取餐，但都照問下店員我果個訂單係咪攞得，其他店鋪既店員呢個時候都會答我重整緊定係已經整好，但係呢間店既店員咩都無講，轉頭包裝好我個包就咁俾我，連多謝幫襯都無講聲，令我以為係咪佢地覺得我催緊佢地，所以先咁無禮貌。但係攞到手，個包微熱，應該整好左一陣，但係我等緊既時候店員無嗌外賣單攞得，要我等左一陣，主動問佢地先有。雖然態度唔好，但係上次食既流量菠蘿雞堡好味，加上盈暉臺實在無咩好野食，於是今日第二次幫襯。落單後顯示預計15分鐘可取單，我提早10分鐘左右到店內等，一入到舖頭都見唔到店員蹤影，等左一陣先見到得1個店員由廚房出去收銀位聽電話，好快又入廚房整野。見佢得一個人整野，都唔想催佢，期間店員望到我入店都無問我係要落單定係攞外賣，我咪等到apps顯示可以取餐，先問店員係咪攞得，費事以為我又催緊佢地。點知店員又係一句多謝幫襯都無講，重話返我轉頭，叫我下次早到，要出聲。但係你地店員一來好少走出廚房，二來你地店員唔嗌攞得外賣，我真係唔知你地幾時整好左。真係覺得俾錢買難受！！重要我個包原來整好左好耐，拎返屋企（路程3分鐘），已經凍晒，同埋覺得好普通，今次食澳式風情熱狗，芝士溶唔晒，又焦黑，食到燶味，食材份量亦無上次咁多，3小塊罐頭菠蘿是凍的，2小片煙肉差d見唔到，醬汁又少，只食到千島醬，真心覺得味道好normal。難怪呢間舖頭無咩人幫襯，咁既服務態度同味道，我唔會再幫襯囉。
繼續閱讀
今日下午唔係好肚餓，但又想食d嘢，見到係屋苑附近開咗一間新嘅熱狗店，於是買左個外賣「紐約辣味熱狗🌭️」（$38），一個字，「正」又夠辣👍👍（炒洋蔥🧅、粗匈牙利腸110g,茄汁、特製辣黃芥末），見到個賣柑，已經流口水，份量都唔少，配料有炒洋蔥🧅，更加帶出熱狗嘅香味，匈牙利腸好好食，加埋都頗辣的特製黃芥辣醬，超級正！加$15 可以升級換購小食及飲品。其實熱狗嘅款式都唔少，下次會試吓澳式風情同埋薯條
繼續閱讀
您可能會有興趣的...