225
13
0
港鐵旺角東站 B 出口, 港鐵油麻地站 A2 出口 繼續閱讀
電話號碼
62010077
開飯介紹
餐廳提供兩小時任飲任食火鍋,湯底、肉類、配料的選擇豐富,湯底選擇超過10款,傳統的有沙嗲、四川麻辣等,另有杏汁木瓜雞腳、黑松露雜菌等。而配料則提供墨汁腸、鹹蛋炸魚皮等。 繼續閱讀
營業時間
今日營業
16:00 - 23:45
星期一
16:00 - 23:45
星期二
全日休息
星期三至日
16:00 - 23:45
公眾假期
16:00 - 23:45
公眾假期前夕
16:00 - 23:45
付款方式
Visa Master AlipayHK 支付寶 現金 Apple Pay Google Pay
座位數目
140
其他資料
網上訂座
電話訂座
賞訂座積分
加一服務費
當面支付
以上資料只供參考, 請與餐廳確認詳情
有關獎賞計劃
食評 (267)
等級1 2024-03-17
230 瀏覽
前日放完工同朋友冇嘢做,諗住去旺角劣食之塔兆萬試伏🤣,一搭完扶手電梯上二樓,就見到有間火鍋店,但係竟然晚飯時間七點鐘裏面一枱客都冇😨,非常清靜,但係我朋友話佢之前食過覺得ok,又見佢做緊85折優惠,咁就入咗去試下啦🤣入到去真係一枱客都冇,一開始都少少驚中伏,湯底都有唔少選擇,我哋就揀咗胡椒豬肚湯底,當我哋想叫員工過嚟落單嗰陣,嗰員工原來喺聾啞人士😢,之後老細同我哋講原來呢間鋪係專請啲聾啞人士嚟做,真係一間良心小店😭啲嘢食都好出乎意料好食,胡椒豬肚湯入面有勁多豬肚,胡椒味重,雖然打邊爐一定要食嘅肥牛呢度得普通肥牛,但係呢度嘅手打丸同餃子真係好好食,特別係個黑松露蝦蟹餃真係好好食😋😋見到佢咁少生意真係覺得好可惜,下次一定會再嚟食😋🤣 繼續閱讀
(以上食評乃用戶個人意見 , 並不代表OpenRice之觀點。)
等級2 2024-03-08
204 瀏覽
平日去咗兆萬食呢間,唔使排隊就有得入去 本身諗住都係普普通通打邊爐料,所以就是但咩都嗌咗啲嚟試吓。 肥牛同埋羊肉都唔差,最出色一定係牛丸、湯圓、炸枝竹。牛丸非常之多汁食落去好Juicy,而湯圓應該係我咁大個人食過最好食嘅,呢兩樣嘢下次去都一定會encore。至於炸枝竹響鈴嗰啲全部都係即刻炸上到枱都仲脆嘅。 仲送一個人頭份量嘅海鮮拼盤,有鮑魚,帆立貝同埋蝦。鮑魚非常好食。 食到一半嗰陣發覺上菜好似有啲慢,點知原來係個朋友唔記得撳落單制,一落返單啲嘢就即刻上返晒嚟,菜嗰啲都算多選擇嘅,油麥菜啊,菠菜嗰啲都有。總括嚟講呢間嘢都幾抵食,算係兆萬入邊嘅清泉,平日仲有八折,所以一定會嚟再encore。 繼續閱讀
(以上食評乃用戶個人意見 , 並不代表OpenRice之觀點。)
久唔久就會想打邊爐諗起呢間喺旺角兆萬嘅邊爐放題🍲一兩年前都嚟過幾次,覺得都🆗所以又嚟幫襯咁耐無嚟加咗少少價💰但都同坊間邊爐放題價差唔多餐廳睇落尚算乾淨✨但成間鋪有少少噏味,有啲扣分👎🏻餐廳醬料都好齊好開心佢有荽茜荽茜控至愛💚野飲種類唔算好多唔似大型連鎖鋪有手沖茶🍵但盒裝茶﹑汽水個啲都會有🧃仲有少量日﹑韓罐裝飲品湯底方面都有幾多選擇都係啲大路港式湯底雙拼要加錢💰今次揀咗四川麻辣湯底🌶️特別叫咗小辣但注意個湯底係會越滾越辣嘅🌶️🤣🌶️🤣湯底好快嚟到💨入面本身有好多料有辣椒﹑芽菜﹑豆卜﹑豬皮等等(雖然最後無點食到😂)入座會按人數送海鮮拼盤有蝦﹑鮑魚﹑蜆﹑帶子🦐蝦同帶子都幾鮮甜😋食物方面真係有太多野揀各種肉類﹑特色丸類﹑餃子﹑蔬菜…🍖🥟🥬特別推薦嘅係佢嘅蟹柳🦀同埋自家製,即叫即炒嘅金沙炸魚皮🐟熱辣辣又勁脆超級惹味👍🏻👍🏻👍🏻總結:如果喺旺角附近臨時想過下邊爐癮﹑同朋友吹下水💦都可以一試但如果想食啲精緻少少嘅特色邊爐放題對餐廳環境有少少要求或者約女仔👫呢到就唔太適合了 繼續閱讀
(以上食評乃用戶個人意見 , 並不代表OpenRice之觀點。)
兆萬中心又名「勇者塔」、「劣食之塔」,入面好多餐廳都係一個令人難忘嘅艱鉅任務,而要喺勇者塔入面全身而退。其實都係有一個安全嘅選擇,經本人真人打塔實測過真係安全無伏!點鍋雖然係一間任食火鍋,但佢哋嘅自家制食物好有質素!同埋佢係一間有聘請聾啞人士做員工嘅良心社企餐廳👏🏻👏🏻👏🏻員工都好勤力爽手,好值得支持。環境相對比較清靜同乾淨企理,特別有種恬靜同和諧感我去嘅時候入座即送升級海鮮拼盤,入面包括有鮑魚、帶子、大蜆同鮮蝦!新鮮甜美無沙湯底勁多款,我哋嘅鴛鴦鍋湯底要咗豬骨濃湯拼冬蔭功,兩款都足料又夠味~豬骨濃湯大大舊骨湯底鮮甜,冬蔭功酸而不太辣好提神~食物都有幾多唔同款式,推薦必試佢哋幾款自家出品餃子(犢別係黑松露蝦蟹餃,大粒好香黑松露味,食落好鮮又夠曬爽)丸,滑類同炸魚皮,手工紫菜響鈴卷都好食!encore 咗幾 round 先夠喉🥰仲有自助飲品中同雪糕,大滿足 繼續閱讀
(以上食評乃用戶個人意見 , 並不代表OpenRice之觀點。)
等級1 2024-01-05
410 瀏覽
無諗過喺旺角夜晚都可以搵到間唔過$300嘅邊爐,真心正而且湯底同食物都好高質先講湯底,嗌咗豬骨濃湯湯底,真材實料,真係有大大舊豬骨同蘿蔔熬,飲落好清甜所以飲左兩碗先開始打邊爐而任食嘅食材選擇都好多同好高質,先有一盤海鮮拼盤,另外再用二維碼嗌食材,要留意部分熟食要額外收費。而食材方面,特別係蝦滑同手工餃,值得一試,而侍應上菜同加湯都好快,食得好盡興抵讚另外,無限時任飲任食,仲唔趕人走,真係好啱同朋友吹水。值得推介 繼續閱讀
(以上食評乃用戶個人意見 , 並不代表OpenRice之觀點。)