點鍋

火鍋湯底同食物款式多我地食雙拼鍋 壽喜燒拼蟲草花煲雞食食下先知，原來餐廳仲會贈送海鮮拼盤及冰鎮鮑魚又抵食，7點前離座仲有七折環境闊落，仲有私家廁所好乾淨值得下次再嚟！…查看更多

一向最愛打邊爐既我，因為疫情關係，已經收山左好一段日子。昨日新聞消息感覺緩和了一點，終於按耐不住，同朋友來到旺角兆萬商場既<點鍋>來個邊爐放題，食反餐勁既。入到餐廳，感覺好新淨，枱同座位之間都好闊落，空間感足夠。一坐下，服務員會馬上清潔消毒枱面，亦會即時用熱水清洗食具，衛生意識好高，之後會提供口罩紙套，比客人放好口罩，衛生情序做得好好，絕不馬虎。海鮮拼盤: 每枱敬送海鮮拼盤，入面有海蝦，帶子，龍躉魚片，蜆，樣樣都非常鮮甜。湯底選擇不少，而我地就簡左喇沙海鮮鍋。湯底入面有好多材料，有蜆，大蝦，青口，味道不太辣，而且鮮甜又惹味。頂級牛頸脊: 肉質夠淋好食，不過衹送一碟，吾可以再order黑松露蝦蟹餃: 皮薄饀多，但可能湯底太濃，反而蓋過左黑松露味道。蝦丸/墨魚丸: 係新鮮手打丸，細細粒，非常彈牙。牛腩: 其實牛腩成本都高，不過餐廳絕不吝嗇，半份既份量都好多好大碟，建議叫半份。有少少肥既牛腩，又入味又淋，讚吖!即炸手工紫菜響鈴卷: 呢個響鈴入面有紫菜㗎，放入鍋2秒，吸少少湯就夠，超級好食，大推吖!!肥牛片/黑毛豬腩片: 肉質夠嫩滑魚骨腩: 入口爽脆彈牙，夠新鮮，不過有少少碎骨，吃時要小心。蝦滑/墨魚滑: 入口彈牙好味，必食!魚皮餃/魚條: 一樣夠曬彈牙! yummy !牛肉串燒/豬頸肉串燒: 我地簡左蜜糖味，兩種都非常惹味好食。金沙鹹蛋黃炸魚皮: 呢個炸魚皮係即叫即炸，熱辣辣，脆卜卜，略帶鹹香，而且仲好脆口，非常好食，無論放鍋或就咁食都可以。必食!!魚肚: 大大片，入口滑捋捋，好好味呀!!墨汁腸: 雖然黑色不太討好，但入口味道似臘腸，不過一d都吾韌，咸咸甜甜甘，仲好彈牙，必試!!我地仲試左滑牛肉片，牛柏葉，靈芝菇，鮮冬姑，粟米，梅菜豬肉丸，唐生菜，新鮮支竹等等。餐廳各種食物質素水準都偏高，而且食物種類，真係非常之多，要試曬真係冇乜可能，建議大家都係叫多啲唔同種類試下，而份量就可以選擇1件或者半份，每樣試少少，甘就可以試多幾款啦!!~而飲品係自取任飲既，自己去飲品櫃自取就可以啦。最重要係，而家餐廳都仲做緊優惠，成人只需$288，仲要任何時段都有八折優惠，而七時半前結賬，仲可以有七折優惠添，下次我一定要再來試下末試過既野食吖!!~…查看更多

港式火鍋任食大部分都係主打低質平價路線，要食高質就一係散叫但就會好貴，今次食點鍋就有驚喜佢任食每位$288要加醬油費同加一服務費，而家做緊8折優惠入座嘅時候有枱清潔用品可以用，俾每位客人徹底消毒後，安心入座食用湯底今次就揀左蟲草花雞湯，因為出面打邉爐比較少見到，就試下呢D特別湯底。呢到佢會提供部平板黎落ORDER，另外每枱都會送上海鮮拼盤 同頂級牛頸脊，同埋每位都有2串串燒可以食飲品就出面自己拎，大路嘅罐裝汽水紙包飲品都應有盡有調味吧就因為疫情關係，每款醬料都有用個蓋遮住，衛生D，咁食客都安心D蟲草花雞湯：湯底好清好滋潤，裡面有紅棗、蠱草花、雞件、芹菜、淮山等等，好足料呢到佢用個3層高嘅層架黎放食物，咁就唔駛放到成枱都係野食冇晒位，再唔夠位職員開多個架俾我地放食物海鮮拼盤：有魚片、帶子、蝦、蜆，用冰鎮住上，食材新鮮，食落鮮甜彈牙唔會霉，蜆冇沙頂級牛頸脊：油脂唔算多，分佈均勻，食落牛肉味幾濃郁，放落去淥一陣就食得金沙鹹蛋炸魚皮：呢個炸魚皮可以話係打邊爐咁耐食過最正嘅一次，佢D鹹蛋黃係好多，基本上全部都沾到夠濃味，而且魚皮新鮮炸出黎，勁脆身口感超好即炸手工紫菜嚮玲卷：打邊爐最中意食餐廳自家製手工野，因為可以食到特色食物，而唔係出面全部都係同一批發嗰一堆食物。同炸魚皮一樣高質，炸得夠脆而唔油膩，加埋紫菜味幾正蟹子墨魚滑、蝦子蝦滑：肉質打得靚，彈牙爽口，墨魚味同蝦味都好香黑松露蝦蟹餃：食得出唔食批發商現成貨，裡面真係足料蝦肉同黑松露，大細適中容易食2個人食送4串串燒，點左雞肉(蜜糖)、牛肉(蜜糖)、豬頸肉(蜜糖)、牛肉(川辣)，諗住打邊爐店D串燒會一般啦，點知有驚喜我地食左陣串燒先到，食落夠晒熱辣辣，應該啱啱燒起左，肉質唔會燒到好乾，夠JUICY而且好香蜜甜味至於川辣味牛肉串就辣得過癮，唔係淨係灑辣粉喺面咁普通，D川辣味唔會死辣，辣得黎好香，夠惹味串燒整得甚至好過部分串燒店滑牛片：好新鮮，肉質嫩滑牛腩：好重牛肉味，肥瘦比例合適，食落唔鞋口唔痴牙食左太多野，未能一一盡錄，不過呢到嘅食物質素絕對高，唔會因為做任食關係變晒做低級料雖然我地點D肉類都係點半份，但結果都係好大份，最後食到超飽2個人埋單$551，呢個價錢以港式任食邊爐黎講係有D貴，但以佢呢個食物質量黎計，絕對係物超所值，等遲D疫情過後，一定會再約班friend齊齊食多次補MENU…查看更多

天氣一凍就想打邊爐，之前以為兆萬淨得放題，點知原來新開左間任食火鍋，星期一至四夜晚兩個鐘內食完仲有七折，就即刻約朋友一齊嚟試新野。本來Book左三人位，有朋友知道之後想跟機，我當日先臨時加人，店舖都好好咁立即調整，仲道歉講返可能會逼少少，態度非常好。我地揀左蟲草花雞湯底，唔洗額外加錢，另外每枱都會送一碟頂級牛頸脊同海鮮拼盤，而其他食品就可以用平板電腦散叫。呢度係無肥牛叫，淨得滑牛肉，相對無咁肥。掛住食唔記得影相，呢度有好多特別嘅選項，個人非常推薦黑毛豬腩片，Encore左好多次。另外黑松露蝦蟹餃等都好特別，朋友就大讚貢丸、鴨血好食，紫菜響鈴、金沙咸蛋炸魚皮都好香口。飲品有晒三款解茶，朋友都好驚訝。特別一提呢間店舖嘅員工有部份扣住襟章，係聽力有障礙人士，如果有特別需求想搵人幫手，可能就要搵返聽力無問題嘅員工溝通。最後我地食得太開心，過左兩個鐘少少先埋單，本來都預左無折，點知最後店舖都比返折我地，真係非常多謝佢地。食到咁飽都係平均每人$250，下次一定會推薦朋友再食。…查看更多

兆萬中心上面超多食市，而呢間火鍋店門外排滿等候的人，想必內有乾坤場內枱櫈都以鮮色為主，鋪內光明可能因為每位$288 仲有7折，所以到9:30pm入座都仍然非常爆滿😂自助飲品區，有幾款大熱牌子，更加有我最愛的冰極檸檬茶 👍🏻以電子平板落單，店員可以專注送餐及其他服務，減省等候時間🌠頂級牛頸脊🌠贈品頂級牛頸脊，肉味頗濃🌌沙嗲湯 + 蟲草雞湯🌌湯底料非常足，味道濃，慢慢煲出精華✨海鮮拼盤✨贈品海鮮拼盤，按人頭份量大蜆無沙幾鮮甜，蝦夠彈力🎇鹹蛋黃炸魚皮 + 即炸紫菜響鈴 🎇普通火鍋店多數只有炸魚皮及響鈴，呢間再加添特色，響鈴內有一片紫菜，食落又唔同感覺而黃金咸蛋黃依附在炸魚皮上，兩款都好出色🌌水土魷 + 芝士腸 + 墨汁腸 + 鴨血🌌水土魷滑滑地又彈牙芝士腸要小心熱，因為芝士會爆出黎墨汁腸似台灣甜腸鴨血幾滑🌠山根 + 金菇菜 + 芋絲 + 牛柏葉🌠其次就係吸收湯底精華的食材😋😋整體黎講 呢間新火鍋店食物原材料比較靚，著重食材，湯底有成十款左右，實有一款岩口味🤣店員服務有禮，以咁既價錢食到既質素，性價比高…查看更多

都有一段時間冇出旺角食飯啦!今日約左朋友黎好多野食的兆萬睇下想食咩!見到有間任飲任食火鍋點好似不錯，所以就上去試試。這間餐廳的好處是不用等電梯上樓，只要坐扶手電梯便可到達，可節省一點時間!餐廳裝修簡潔，除了醬油和飲品是自己拎之外，火鍋配料都是在平板電腦上點餐，既環保又方便!湯底我們揀選了咸酸菜胡椒豬肚湯及蟲草花雞湯，胡椒豬肚湯起初味道唔係好出，但煲得越耐越辣，湯的味道都好濃!蟲草花雞湯好香藥材味，而且仲飲到有少少酒味，湯入面都有雞件，雞肉嫩滑!海鮮拼盤，這個拼盤是送的，海鮮包括有海蝦、珍珠蚌、花甲同埋魚肉，全部都好新鮮鮮甜!頂級牛頸肩肉，這款牛都是送的，油脂分佈平均，好濃牛肉味，肉質鬆軟!火鍋配料都有多款不同的選擇!肉類都有幾款不同的選擇，羊肉、豚肉、牛脷等，而我是第一次牛脷打邊爐的，估唔到原來打邊爐都幾好食!黑松露蝦蟹餃、芝士紫菜蝦蟹餃，前者好香黑松露味，蝦肉爽彈，後者有少量芝士，口感幾特別而且幾創新!炸魚皮都有幾款不同的選擇，我們揀選了金沙咸蛋味，魚皮夠薄脆，咸蛋唔會太多太濃，唔會食到好漏!炸午餐肉好好食呀，再點少少湯一齊食，熱辣辣更加惹味!這裡還有幾款生麵可以揀，我揀選予菠菜麵，麵的份量都幾多，加入胡椒豬肚湯非常美味!最後還有雪米糍送呢!估唔到少少的餐廳，都可以有多款不同的火鍋配料，而且價錢唔貴，材料有新鮮，有機會一定會再黎!…查看更多

好耐無打邊爐，最近兆萬呢度開咗間火鍋新店，叫做「點鍋」，搭手電梯上到3樓就見到啦！一入門口旁邊就有飲品櫃環境好闊落，坐得好舒服，大部分都係卡位呢度既特別之處，係喺平板電腦上點菜，好方便！唔需要下下叫店員幫手除咗罐裝同樽裝飲品之外，仲有自家製嘅薏米水同無糖檸檬茶！個鍋都幾大個，成6個人用都足夠了先上一盤海鮮，分量跟人頭比既食物好快就到～《咸蛋炸魚皮》滾過都仲保留到咸蛋味另外仲有《蒜蓉炸鮮魚皮》相對黎通無甘咸《芝士丸》芝士味非常香濃《鮮蝦水餃》、《芝士紫菜蝦蟹餃》同《黑松露蝦蟹餃》都不錯《星班片》既厚薄適中《雞件》好滑點左打邊爐唔少得嘅肥牛啦！圖中既係贈送既《頂級牛頸脊》！仲有我嘅至愛響玲，《手工紫菜響玲卷》都不錯👍🏻自家製，有心思竟然有油炸鬼！估唔到用黎打邊爐又幾好食，不過好飽肚《羊肉片》薄切，羊味重另外仲食左《冬瓜片》、《金針菇》、《油麥菜》、《蜂巢豆腐》等等，選擇好多。放唔哂所有既相片總括來說，呢度環境舒適，地方方便，有效率。所以食得好舒服。另外值得一提既係店主既心思，做左多款自家製既食物同飲品。2個人連加一都只需$500。cp值好高！…查看更多

就快到秋天，天氣開始慢慢清涼落來~~ 琴日重要突然有冷空氣，馬上有涼意>< 呢個時候真係好想去打邊爐暖一暖身~haha所以就在旺角附近尋找任食打邊爐餐廳。從細個就有好深印象，兆萬中心有不同好西適合成班朋友去。所以正正就來到呢度，見個門牌menu有多款湯底都幾新潮，加上時間係9點後就有7折，就馬上吸引我地行入去^^湯底真的好新潮ar，有 黑松露雑菌鍋 / 馬來肉骨茶 / 木瓜雞腳 / 清酒卜卜蜆,etc. 而我就選擇了 黑松露雑菌鍋/ 香濃沙嗲湯底，真係fusion湯底haha！！黑松露係我最愛ar，個湯一拿上臺味道就已經好香菇菌味道，真係開正我口味。由於新張期內惠顧，仲有9點後7折扣優惠！而且居然送 ：海鮮拼盤 同埋 頂級牛頸脊 海鮮包括：魚生片，聖子，蝦等等~~材料食落都覺得好新鮮呀^^好難有得食牛頸脊，加上薄切，落鍋10秒都5洗已經食得拉！油脂同肉比例剛剛好，不會太肥膩呀。火鍋配料種類繁多，肯定穩到自己最愛的配菜。打任食邊爐最好就是可以一大班朋友食飯，但又依然可以自己選自己最愛的食物^^不是說笑，呢度餃子比其他地方更正！原因是比外面還多了幾款新特色餃子~<<黑松露蝦蟹餃>><<芝士紫菜蝦蟹餃>>味道很特別好夾，像fusion口味，第一次食到甘不同口味餃子，而且味道^^還有平時的鮮蝦水餃，韮菜餃，很鮮甜~~鍾情豬頸肉，點一份分量已經很多。當然吾小得黑毛豬腩片la^^，薄薄地一片，肉質先不會硬~~薄切牛脷，牛味非常之特出，證明材料較新鮮~~除左肉類or丸，都有D香口野食。可以自行選擇落鍋點湯底食又得，空口食都得牙！下面呢三款真係好好味，炸到外皮脆脆的，呈金黃色^^~~酥炸油炸鬼~~炸午餐肉~~金沙鹹蛋炸魚皮除咗有汽水大量唔同種類的飲品，呢度最好就係有涼茶類可以清熱解毒^^例如果我最愛嘅竹蔗茅根~~~~食到飽飽哋 有粒糯米糍雪糕 又真係好滿足呀…查看更多

你地夏天一星期平均會打幾多次邊爐🤭 我愛邊爐既程度係… 夏天一星期點都有一次🤣 聽講兆萬3樓新開左間火鍋店，邊爐控既我就梗係要去試下啦😋 店內環境燈火通明，2人坐卡位夠哂寛落👍·湯底叫左鴛鴦鍋，俾貪心既朋友仔多個選擇，一次滿足到2個願望🤣 鮮茄牛濃湯🍅🐮 mix 芫茜皮蛋湯，鮮茄牛湯底濃郁，入面既牛腩愈煲愈軟腍😋 至於芫茜皮蛋可以俾我下吓火，食完無咁熱氣(自我安慰mode😂)·一嚟就送左個海鮮拼盤🦐🐚 乾冰製成既效果果然寧捨特別，仙氣十足🤩 裡面既蝦同帶子都好新鮮，夠哂大隻，睇見已經好想食🤤·配料方面亦有很多選擇，當中既手工餃同丸類尤為特別👍 黑松露蝦蟹餃及芝士紫菜蝦蟹餃好有特色，其他地方係食唔到嘅，的確要一試😋 仲有試左外面較少有既金沙咸蛋炸魚皮、即炸手工紫菜響鈴卷及炸午餐肉，很喜歡紫菜響鈴卷，食到兩層不同滋味，記得哩個一定要食呀🤗😍·除左high tea有靚靚摩天輪外，哩度都有個靚靚蔬菜摩天輪，夠哂過隱細緻🤩 店員果然有心思👍 知道美女們都要相機食先😄😆·至於飲品方面，除左多款汽水飲品外，還有自家製竹庶水及洛神花茶，啱哂要健康養生既我☺😚·另外，店內係用提供既IPad落單，夠哂方面快捷，仲唔會漏單添🙂 而大多數配料都可以選擇所需數量、半份或全份，食幾多叫幾多，咁就唔怕食唔哂啦👍…查看更多

係Openrice見到呢間邊爐放題有新開張優惠好抵$188😂，就約埋鍾意打邊爐嘅朋友黎食坐低之後，職員叫我地揀湯底，我地諗住揀鴛鴦鍋我見到黑松露雜菌已經心心眼😍，即刻tick左，而朋友就揀左蟲松花雞左邊係黑松露雜菌-黑松露同菇菌味香氣撲鼻，我盛左半碗飲，味道好濃郁🤤重有好多菇係湯入面💕右邊係蟲草花雞-加左唔少藥材，相比黑松露鍋清淡，但味道亦好突出😚好鍾意陣藥材味每枱都有送海鮮拼盤，有帶子、蝦、蜆同龍躉！另外重有一份牛頸脊，肉同脂肪比例好好，好鮮嫩！😋呢到有好多食材都係自家製，例如蝦丸、墨魚丸、蟹子墨魚滑、黑松露蝦餃、鮮蝦水餃等等👍🏼我最鍾意紫菜響鈴同蜂巢豆腐，放落黑松露湯底到，索晒d湯汁，超級好味❤️重有個魚皮都好出色！點左避風塘味同金沙鹹蛋味，係即叫即炸，非常香脆❤️點湯食同就咁食都得另外我地重有點小食，椒鹽魷魚🦑 ，辣辣地好惹味食左咁多炸野，好欣賞呢到有竹蔗水任飲，清下熱氣😂 最後重有甜品-雪糕糯米糍…查看更多