80
6
2
開飯介紹
家庭式運作小店，供應半自助火鍋，有十款湯底選擇，包括花膠竹絲雞鍋、滋補藥膳醉雞鍋、日式豆乳海鮮鍋等。並可點選海鮮拼盤、牛肉、任食丸類及無酒精飲品等。
繼續閱讀
營業時間
今日營業
18:00 - 00:00
星期一至日
18:00 - 00:00
以上資料只供參考, 請與餐廳確認詳情
有關獎賞計劃
食家推介
相關文章
呢間舖頭係無限時任飲任食嘅（$318）咁佢哋就係分咗4步曲去打邊爐第一個步驟就係揀咗頭盤先咁我哋就揀咗要芝士焗波士頓龍蝦同埋芝士焗美國生蠔龍蝦肉食落去都幾新鮮同埋爽口👍👍而生蠔食落去亦都好重芝士香味咁之後就揀吓要咩湯底啦我哋就揀咗鴛鴦鍋（四川麻辣鴨血鍋同埋特濃喇沙海鮮鍋）我覺得佢哋兩個湯底都好濃郁🥰🥰濃郁到我覺得其實唔係好需要點醬而且喇沙海鮮鍋入面亦都有好多隻蝦咁之後就講吓佢哋一開始會提供嘅時令海鮮拼盤同埋美國安格斯牛肉拼盤🤔🤔（時令海鮮拼盤就包括咗蟶子皇、北海道大元貝、新鮮龍躉片、新鮮鮑魚、新鮮海蝦、自家製手打墨魚丸、自家製手打蝦丸、廣島蠔同埋日式蟹棒）全部海鮮食落去都真係幾Fresh🤩🤩而我自己比較鍾意嘅就係蟶子同埋鮑魚因為佢哋兩個食落去都好爽口🥰🥰之後佢哋嘅墨魚丸同埋蝦丸食落去亦都好彈牙咁嗰個美國安格斯牛肉拼盤就包括咗手切牛小排、牛肩胛、封門柳同埋牛版腱手切牛小排食落去比較入口即化😋😋而封門柳同埋牛版腱食落去就比較有咬口同埋牛肉味亦比較濃郁最後就講埋其他打邊爐配料啦我覺得佢哋嘅豚肉食落去都幾唔錯😝😝食落去唔會覺得好乾（配埋嗰個喇沙湯底就更加入味）同埋有一個覺得幾特別嘅就係芫荽牛丸如果鍾意食芫荽嘅人不妨試一試
繼續閱讀
味火鍋 (雅仕洋樓)尖沙咀亞士厘道12-14號雅仕洋樓地下D號舖及1樓呢幾日見好多人講味火鍋book枱試下先一坐低就送上餐前小食(4款)炸雞軟骨 陳醋木耳 中華沙律 手拍青瓜飲品一樣自助拎 但呢到居然有舊式玻璃樽汽水呢到有4個StepStep1: 芝士焗蠔3隻/芝士焗龍蝦半隻/麻辣雞煲/老壇酸菜魚(4選1)我地就要左老壇酸菜魚(2人)一上黎我地就後悔啦 勁大盤心知不妙啦 一食完應該飽左一半呀魚塊好嫩滑 但有1,2舊有少少魚骨 湯底都重酸菜仲有薯粉+豆卜+娃娃菜Step2大排檔豬骨鍋(勁香黑椒味)+四川麻辣雞煲(小辣）<<中間圓形果個係清湯>>呢個位好好呀!!!可以洽海鮮又得 太辣清一清又得大排檔豬骨鍋有白蘿蔔、粟米四川麻辣雞煲入面有有鴨血同豆腐Step3嘩嘩嘩!!!呢2個一上到黎即要影相美國安格斯牛肉拼盤(手切牛小排，牛肩胛，牛板腱)D肉紋好清楚 肉質好嫩 肉味濃+巨型海鮮拼盤(鮑魚、龍躉片、聖子皇、廣島蠔、手打墨魚丸+蝦丸、海蝦、墨魚仔、蟹柳)海鮮真係超新鮮 鮑魚上到枱仲郁緊聖子皇同海蝦超爽口 手打墨魚丸+蝦丸好彈牙 Step4: QR Code自選落單美國肥牛 /特級黑豚肉 / 午餐肉/芫茜牛丸/ 胡椒豬肚貢丸 /響鈴//灸燒芝心包/ 濃芝豆腐燒 / 時令蔬菜/鮮蝦水餃 / 韮菜水餃/粟米水餃 / 牛肉水餃 同埋一定一定要試秘製麻辣燙醬汁讚好味火鍋social media就免費獲贈Movenpick雪糕1杯
繼續閱讀
🥢前兩日天氣又轉涼左，咁岩發現公司附近有間開咗唔係好耐既火鍋店，仲要無限時，岩哂同班朋友聚會《火鍋四部曲，無限時任飲任食》🔸四式小食盤併一坐底就會送上，有手拍青瓜、陳醋雲耳、中華沙律同椒鹽雞軟骨🔸第一部曲·自選頭盤有四樣可以揀：芝士焗龍蝦 / 芝士焗生蠔 / 四川麻辣雞煲 / 老壇酸菜魚，我揀左雞煲(小辣)，雞件嫩滑，麻辣味十足👍🏻🔸第二部曲·自選湯底🔹四川麻辣鴨血鍋揀左BB辣，望落好似好辣，但其實唔辣😆湯底入邊有鴨血同豆腐🔹養生牛肝菌湯鍋湯底好足料，入面有好多菇同豬骨，菇味好濃味道清甜🔸第三部曲🔹美國安格斯牛肉拼盤牛肉有4款：手切牛小排、牛肩胛、封門柳同牛板鍵🔹時令海鮮拼盤海鮮拼盤款式都幾多，而且好新鮮，有蟶子皇、沙白、海蝦、魷魚、白鱔片、廣島蠔、手打墨魚丸、手打蝦丸同日式蟹棒🔸第四部曲精選火鍋配料，款式都幾多特別推介：牛骨清湯牛丸同胡椒豬肚貢丸🔸飲品除咗罐裝飲品，仲有支裝汽水😍
繼續閱讀
呢間火鍋店朋友推介我一定要黎😋呢度最大嘅賣點係《無限時任飲任食》火鍋放題，晚市6點食到12點，足足坐六小時任飲任食，適合一班👩🏼🤝👩🏻👬朋友聊天聚會用餐，絕對時間充足。而且一個價錢可以享用到《火鍋四部曲》，絕對性價比高‼️餐廳座位舒適，空間感大，沒有壓迫感。飲品方面除咗提供罐裝、紙包飲品外，最特別係懷舊玻璃樽汽水都有🤩比較少見。ღ火鍋四部曲 ღ➺第一部:精選頭盤自選頭盤：芝士焗波士頓龍蝦 (半隻) 、芝士焗美國生蠔 (3隻)、四川麻辣雞煲 (兩位起)或老壇酸菜魚 (兩位起) 四選一。我哋二個人揀左芝士焗蠔，芝士焗龍蝦，大大隻，好足料😋龍蝦肉肉嫩鮮甜。➺ 第二部:自選湯底 有十款湯底選擇，如選鴛鴦湯底都不另加收費👍🏻 我哋揀左日式豆乳海鮮鍋，乳白色、入面有好多鮮蝦，牛乳味香濃，味道鮮甜。➺ 第三部:皇牌火鍋拼盤 🦐時令海鮮拼盤：蟶子蝗、龍躉片、海蝦、鮑魚、廣島蠔、蟹棒、蝦丸及墨魚丸，全部海鮮都好新鮮。🐮美國安格斯牛肉拼盤：手切牛小排、牛肩胛、封門柳及牛板腱，牛味濃，肉質鮮嫩。➺ 第四部:精選火鍋配料配料用QR code自助落單，非常方便‼️配料都好多選擇，花多眼亂😂有肉類、多款餃子、丸類、墨魚滑、蝦滑…. 多款丸類供應比較特別口味，胡椒豬肚丸、芋泥包心貢丸等等…仲有我最愛嘅芥末魚丸😋♡ 每位客人凡讚好Facebook/Instagram專頁 可獲贈瑞士Movenpick 雪糕一杯🍨呢間火鍋專門店👍🏻性價比高，食材新鮮，一定可以飲飽食飽😋大🈵️足‼️
繼續閱讀
尖沙咀無限時任食火鍋吃到飽無限時任食打響名堂的尖沙咀火鍋店「味火鍋」，晚市營業時間從6點開始到半夜12點，最長可以任飲任食足足六小時，趕快約一班朋友齊齊狂擦一番。任飲任食火鍋4部曲套餐非常豐富，包時令海鮮拼盤、安格斯牛肉拼盤、自選湯底及精選火鍋配料。醬料：自家混醬最開心，店中有十多款醬料，可混出個人最獨特口味。飲品：除了自家製茶類、汽水、果汁都是任飲。第1 部曲 (精選頭盤) 自選頭盤有四川麻辣雞煲、老壇酸菜魚、芝士焗波士頓龍蝦、芝士焗美國生蠔四選一四川麻辣雞煲、老壇酸菜魚每2位起，可點1份。由於這次是10人的聚餐，所以可以點4位份量的雞煲和酸菜魚，餘下的額度就點了焗龍蝦和焗生蠔。個人感覺雞煲香辣惹味，雞肉嫩滑，屬高質次作。酸菜魚魚片會帶一點魚骨，吃時要稍為注意一下，味道方味刖挺不錯的。焗龍蝦和生蠔亦是大路之選，上桌時熱辣辣，會有一點拉絲效果。第2部曲(選湯底)餐廳有8款湯底選擇，包括蕃茄薯仔澴湯鍋、四川麻辣鴨血鍋（可選辣度）、特濃沙嗲鍋、特濃芫茜皮蛋鯪魚球鍋、大排檔豬骨鍋、養生牛肝菌濃湯鍋、日式豆乳海鮮鍋、特濃喇沙海鮮鍋和花膠竹絲雞鍋。有辣有不辣，適合一大班朋友一同享用。第3部曲每檯會贈送時令海鮮拼盤，美國安格斯牛肉拼盤和蔬菜拼盤。海鮮拼盤包括: 北海道大元貝、刀貝、鮮鮑魚、新鮮海蝦、新鮮龍躉片、日式蟹棒、手打墨魚丸、手打蝦丸 ，海鮮擺盤精美，足料又新鮮。另外，美國安格斯牛肉拼盤包括: 手切牛小排、牛肩胛翼、封門柳和牛板鍵，牛肉鮮味又高質，愛牛之人萬勿錯過。第4部曲 (QR code精選任食配料)客人可自行掃QR code下單，除了牛肉和豬肉外，更有餃子、滑類和丸類追加，個人心水推介 : 蟹籽墨魚滑、牛骨清湯牛丸、灸燒芝心包和自家製鮮蝦水餃，款款高質美味。最後，每位客人凡讚好商戶社交平台，則可獲贈MOVENPICK雪糕一客，必定能讓你飽著離開。🔸小總結：火鍋店鄰近尖沙咀港鐵站，無限時打邊爐吃到飽，參考價格為每位$298 (另設加一服務費），價錢實惠又抵食，店員親切有禮亦會主動收取吉碟，值得回訪。👅味道：4.7/5💰CP值：4.8/5🕴🏻服務：4.8/5🔰餐廳環境：4.7/5🍽 餐廳：味火鍋🌐地址：尖沙咀亞士厘道12-14號雅仕洋樓地下D號舖及1樓
繼續閱讀
您可能會有興趣的...