點鍋

營業中

休息中

最近因為疫情既關係，出街食飯既人，打邊盧更少，不過朋友帶我去一間任飲任食而又有水準同乾淨的火鍋店試下。入到店內，夠光猛之餘又乾淨，座位寬躺，剛剛坐下，就已經有員工為我地清潔碗筷，令我哋消除左疫情嘅憂慮，還有自己出去混醬的位置亦做得好乾淨，真係值得一讚👍🏻👍🏻。好，要開動了，先黎個鹹酸菜胡椒豬肚湯底，之後當然唔少得打邊爐牛肉啦，雖然係任飲任食，但牛肉晚質素唔錯😋，再來了一盤新鮮海鮮（帶子，魚片，蝦）🤤，還有可以order串燒，我點了麻辣雞肉串😋，還有一種食物令我哋好深刻印象，就係鹹蛋黃炸魚皮，即叫即炸，好新鮮，脆卜卜，鹹蛋黃又香口呢，雖然係熱氣，但必食之選。推介。下次再約朋友再黎食過。👍🏻

受疫情影響，實在好耐冇打過邊爐。今次襯住五一黃金週，梗係想搵間黃店邊爐食下先一到步，店舖環境幾好，光猛又乾淨坐低即刻有員工送上湯底紙，最後揀左蟲草花雞拼喇沙海鮮鍋兩個湯底好似樣不過我個人較推薦喇沙鍋，好足料海鮮，喇沙味都好香好濃！食物質素好食就算係入座送嘅海鮮拼盤同埋串燒都超出我嘅預期值得一讚！其中自家制嘅餃類真係好有誠意好正！食到不停encore ，仲多過食肉！牛肉豬肉羊肉雖然薄切，但肉味夠又唔老，認真不錯！最重要嘅係，大家同路人，食都食得開心又放心同埋見到有啲員工係聽障人士，佢地好比心機服務客人，真係好好！好希望可以有多啲人支持一下呢類咁有良心嘅店舖

見疫情有點好轉，又很想吃火鍋，便相約家人到旺角逛街吃飯，其後在廣華醫院那邊找到這間餐廳，可能市道不好的關係，餐廳便推出折扣優惠！見到打折頭當然幫襯一下！進入餐廳前，店員先為我們量體溫、又讓我們用搓手液搓手，在安排入座。在我們選湯底的時候，他們的服務也很周到，為我們用滾水清洗餐具（當然他們有用手套）當然，如果可以提供口罩袋就更佳，至少可以避免無公德心的食客四圍放口罩這裏的湯底亦有很多選擇，印象中好像有16款，而最特別的有一款叫生日湯底🤣 我和家人點了四川麻辣湯和杏汁木瓜雞腳湯，雙拼都只是加$20，幾抵食！原本對飲食的食物都沒有很大信心，但個湯底來到時，真是聞到都加分！個杏汁湯 一來都已經很香杏仁味！至於個麻辣湯，真是無得彈，調料味道多層次，香辣而又吃到火鍋配料原味，同之前在大陸吃過的口味相約，而地點卻方便很多～我們點了的配料有很多：1. 海鮮拼盤有蝦、魚肉片、蜆、帶子，各種海鮮非常新鮮！在杏汁湯中煮熟，令湯頭更鮮甜！2. 肥牛以為任食的肥牛質素會一般，但這碟肥牛足以令我對任食火鍋改觀3. 咸蛋魚皮（推薦！）十分意外，這裏的魚皮是即叫即炸，咸蛋亦是新鮮撈上魚皮的！坦白講，我從未吃過新鮮炸魚

今天天氣轉涼，疫情數字持續下降，兩件事都勾起鋪打邊爐癮（其實打邊爐D嘢食咁滾，咩菌都殺死啦），於是就約左朋友出旺角打邊爐。喺兆萬睇下玩具發現呢間新鋪打邊爐，明碼實價、有折扣（大約230）同一D黃色嘅標貼就入去試下。會探熱同提供清潔用品，要知道洗手比戴口罩更加能夠防疫。好多環保信息，惜食嘅我好欣賞。環境好乾淨闊落，好似新局入夥，而且冇一D開得耐嘅火鍋店嘅油煙味。點菜落單都係用電子形式，慳返點餐紙又唔怕漏單。奉送的海鮮份量和款式都不少，記住不是刺身要淥熟才好食啊。奉送的特級牛也很嫩滑鮮味。香口爽脆嘅炸魚皮有好多款（蛋黃、蒜蓉），上枱時還有熱度，很新鮮，浸湯或直接吃都不錯（朋友吃了2碟）湯底的豬骨濃湯也很足料，雖然被蒸汽模糊了，但裡面有好幾舊豬骨、蘿蔔和配料，有濃郁胡椒味。等嘢食和湯滾的時間當然是調配醬油。實際上不少食材吸了湯底已經很夠味，不過配醬油是習慣而且能讓味道更多變化。新鮮食材一樣也沒漏送到。包括一些很新穎少見的，例如紅色的是鴨血（以前在那什麼X心殿吃過很貴）、和台灣墨汁腸。這個腸是台灣黑椒腸的口感，又脆又彈牙而且有甜味，筆者特別喜歡，如果可以原條來就更正了。另外牛腩也肥瘦適中，醃製

今日去到旺角行街，實在太耐沒有去打邊爐，同朋友講他就介紹了一間在兆萬中心的餐廳點鍋，來到見到仲有優惠，每人約二百五十元都幾抵食，而且每人仲有二串串燒選擇，湯底方面見到有少有的杏汁湯就叫了一個雙併，蟲草花雞拼杏汁木瓜雞腳，煲好返一打開十分香同濃味。叫材料用ipad都十分方便又可以睇到自已叫了的食物。贈送的海鮮拼盤沒想到都好新鮮，每款有一件剛剛好，還有一碟頂級牛頸脊，肉質味都幾濃肉味，當然仲有最愛的脆骨腩口感脆又魚肉味濃，比較少有得食的牛脷，第一次用來打邊爐都幾特別，口感升級。肉都十分嫩滑的雞件，當然必叫仲有響鈴和鮮腐竹，其他肉類都新鮮，放在鍋一陣就食，都十分嫩滑。小食就叫了咸蛋魚皮幾脆口又濃咸蛋味，竟仲有半粒咸蛋有驚喜。每人都可有二串燒，我們要了每款一串，好惹味帶點微辣不错。飲品選擇道地都不少，反而竹蔗水都幾好味夠濃味，最後結帳時仲有糯米滋食，都十分飽肚抵食。

疫情稍為緩和，當然要逛街輕鬆一下，還要吃過夠。點鍋的火鍋放題成人$288/位，所有時段都有八折優惠，見裡面乾淨企理，一於試試。疫情影響之下，外出食火鍋最擔心是衞生情況，甫入座，店員就用酒精噴灑枱面再用抹布清潔，還用熱水當面洗餐具；醬料區各容器都有蓋住，吃得放心。湯底選擇也不少，我們選了較特別的【喇沙海鮮鍋】，入面有蝦和青口。我本來喜歡椰香味的喇沙湯，不過這裡的香茅味稍重，酸中帶辣，香口惹味。每枱奉送【海鮮拼盤】和【頂級牛頸脊】。【海鮮拼盤】有蝦、蜆和鯇魚片，很fresh。【頂級牛頸脊】肉嫩味濃。點菜用平板電腦，一目了然，隨時check單不怕漏單點錯。這裡連串燒也有，有蜜糖、川辣兩種口味，原本對火鍋點的串燒沒有期望，不過吃起來燒得很香很入味，有驚喜。【芝士墨魚丸】細細粒但口感爽彈，小心裡面燙口的半溶芝士。【芝士紫菜蝦蟹餃】裡面四種饀料都是我喜歡的，怎能不點？細細粒不怕吃完太飽肚太滯膩，不錯。【即炸手工紫菜響鈴卷】即食熱辣辣又香脆，或者浸滾湯幾秒，半腍半脆吸收美味湯底，各有特色。【炸午餐肉】炸到少少脆，肉香味濃。【金沙鹹蛋炸魚皮】必點之選，大大盤，鹹蛋令魚皮更惹味，吃不停口。【肥牛片】肉質

疫情期間出外用膳都會擔心餐廳防疫措施不足，但這間就令我100%放心，所以想推薦一下。餐廳都做足探熱、消毒液、分隔台座位等 措施，而且還會將食具即場用滾水再沖洗多次，令人放心享用。雖然冷氣較大，但通風很好，不怕有火鍋味。餐廳的醬料區，現在都用上膠盒，不用的時候都蓋著。旁邊有飲品雪櫃，亦有竹蔗水自助加添。餐廳采用電子點單，大部分可選半份，可以試多些款式。鍋類都有多種選擇，最後我們選了比較特別的蟲草花雞鍋 拼 木瓜雞腳鍋 +$20。鍋底不馬夫，材料甚足。先來送的海鮮拼盤：有帶子、斑片、蜆、大蝦還有送的頂級牛頸脊，色澤紋路都漂亮，厚簿適中，肉味香濃。餐廳原來還有串燒供應，每人各送两串串燒，我選擇了豬頸肉(蜜糖)和牛肉(蜜糖)。海鮮類選擇只有脆骨腩一款，質素不俗。肉類還點了雞髀肉半份和雞件半份，再加入到蟲草花雞鍋中，加量。驚喜有魚肚，厚身大件，膠質豐富。蒜蓉炸鮮魚皮。餐廳丸餃類款式多樣，我選擇了較為特別些的。韮菜餃四隻、梅菜豬肉丸兩粒、芝士墨魚丸兩粒、龍蝦沙律丸兩粒、韭菜盒子兩粒、黑椒牛丸兩粒，吃時已傻傻分不清了，只知道味道還不錯。另點了蔬菜類平衡一下：百福豆腐半份、鮮淮山半份、冬瓜片半份、唐生

一向最愛打邊爐既我，因為疫情關係，已經收山左好一段日子。昨日新聞消息感覺緩和了一點，終於按耐不住，同朋友來到旺角兆萬商場既<點鍋>來個邊爐放題，食反餐勁既。入到餐廳，感覺好新淨，枱同座位之間都好闊落，空間感足夠。一坐下，服務員會馬上清潔消毒枱面，亦會即時用熱水清洗食具，衛生意識好高，之後會提供口罩紙套，比客人放好口罩，衛生情序做得好好，絕不馬虎。海鮮拼盤: 每枱敬送海鮮拼盤，入面有海蝦，帶子，龍躉魚片，蜆，樣樣都非常鮮甜。湯底選擇不少，而我地就簡左喇沙海鮮鍋。湯底入面有好多材料，有蜆，大蝦，青口，味道不太辣，而且鮮甜又惹味。頂級牛頸脊: 肉質夠淋好食，不過衹送一碟，吾可以再order黑松露蝦蟹餃: 皮薄饀多，但可能湯底太濃，反而蓋過左黑松露味道。蝦丸/墨魚丸: 係新鮮手打丸，細細粒，非常彈牙。牛腩: 其實牛腩成本都高，不過餐廳絕不吝嗇，半份既份量都好多好大碟，建議叫半份。有少少肥既牛腩，又入味又淋，讚吖!即炸手工紫菜響鈴卷: 呢個響鈴入面有紫菜㗎，放入鍋2秒，吸少少湯就夠，超級好食，大推吖!!肥牛片/黑毛豬腩片: 肉質夠嫩滑魚骨腩: 入口爽脆彈牙，夠新鮮，不過有少少碎骨

最近幫襯左一間火鍋黃店，喺呢個疫情期間相信好需要人支持！ 依間餐廳喺兆萬中心，油麻地站唔使行好遠就到，因為而家政府規例，所以其實啲枱都分隔得比較遠，相對上都安全。一坐低首先揀咗湯底先，我哋就揀咗胡椒豬肚煲，有好香濃嘅胡椒味，入面有好多豬肚同埋其他配料，湯底值得一讚。限定食物有海鮮同埋牛頸脊，牛頸脊切到搏一搏，食落都好香，啲花紋分布靚靚；海鮮方面有蝦，帶子，蜆及魚等等，食得出都OK新鮮。配料方面最得意就係佢有好多好特色嘅丸，平時出面比較少見，仲要味道都唔錯！專程嚟食都可以！另外炸物我都係好推介，佢嗰個鹹蛋黃炸魚皮你熱辣辣又香又入味，雖然夠晒熱氣，但真係一流，直接食就OK ！唔使落湯我覺得最正當然豬牛羊呢啲肉類佢哋有都係基本，另外仲有每位選擇兩串串燒，雖然而家唔應該提大陸，但係個韭菜好香辣，好似好多年前喺大陸食嘅一樣咁好食；啲牛肉有蜜糖燒同川辣燒，味道各有各好啦；蜜糖豬頸肉都幾爽口。出面仲有超過10多種飲品選擇，啲醬油配料都係喺出面拎。有時間同一兩三個朋友不妨嚟打邊爐，支持黃點，而且味道OK，價錢又唔貴呢！

話咁快又復活節假期，雖然假期期間，條街多翻啲人，但老實講，疫情期間都無乜假日氣氛。。。希望呢次既疫情可以快啲過去。今日出左旺角買野，另外又知道呢間火鍋任食有早鳥優惠，所以買完野，急急腳5點就過黎食。每一枱空間都好大，而且醬料全部用蓋蓋住，幾有安全感。鍋底選擇都唔少，我就揀左我最有興趣既蟲草雞湯。入面都真係有唔少雞件，而且因為太餓既關係，我係野食黎之前就食左幾舊，肉質都幾滑幾好食，完全唔鞋。每枱會送以下兩份食物：海鮮拼盤有帶子，脆肉鯇，蝦同蜆，都幾新鮮，而且份量唔少。頂級牛頸脊唔肥，都有牛肉味。另外每人會送兩串串燒，我地揀左牛肉串同豬頸肉串。孜然粉味好香，少少辣辣地，牛肉我覺得普通啲，我反而比較鐘意豬頸肉，幾有咬口。食物都好新鮮，而且好多唔同選擇，我最欣賞既係呢間點菜既數量選擇，響鈴可以叫兩件，肉丸可以叫兩粒，其他配料全部可以揀一份或者半份，岩哂我呢啲眼闊肚窄既人！！首先係羊肉卷，羊肉味夠濃，不過怕膻味既朋友可能要諗諗哈哈！因為我就係覺得夠膻先好食！肥牛我以為同平時火鍋店見到既一樣，上面會有層厚厚既肥膏。但係佢層肥油比例真係唔算多，而且瘦肉部份都有啲油花，係唔錯既！菠菜好新鮮！菇類都有好

邊爐控既我同朋友出街基本上好多時都會打下邊爐,今日係旺角油麻地一帶行完街經過兆萬中心發現3樓開左間新既任食火煱店,以前都無咩為意3樓有原來係有餐廳,見新開就入去試試.內裏地方唔算話好大但勝在夠光猛同整潔,座位大多分開一卡卡既卡位.以平板電腦點餐.入坐火鍋放題既食客附送海鮮拼盤同每人2串即烤串燒.火鍋底都有6-7款可以選擇,由清湯到濃味或足料既蜆鍋都有.店員就推介蟲草花雞鍋同沙嗲鍋,果然無介紹錯！沙嗲鍋底味夠晒濃郁,內裏有粒粒花生味又炒得夠香,沙嗲濃底又唔會過鹹,帶點甜味.蟲草花雞鍋個鍋膽好足料,薄滿蟲草花,杞子,紅棗,桂圓同黨參帶微微中藥材香.藥材味唔會過濃而令湯底變得好苦澀,配上清甜既雞湯底味夠晒養生又滋保.海鮮拼盤每人固定4款是日精選海鮮.海鮮十分新鮮,有帶子,龍躉片,蜆同蝦.帶子十分厚身而且富有光澤得黎又有彈力,放入鍋焯一焯熟就食得,入口鮮甜彈牙.龍躉片上層果塊充滿厚厚骨膠原既片真係好彈牙又滋潤.蝦肉又夠新鮮,d肉唔會一拆就霉入口爽脆.串燒有大概5-6款選擇,分川燒同蜜糖味,串燒燒得一d都唔乾,外層帶點炭燒香得黎加上少少辣椒粉同孜然粉好香又惹味.頂級牛頸脊入口牛油香濃又唔會過肥膩

疫情下嘅火鍋店，雖然都好多客，但係衛生都做到足！所以我相信每台客都食得好舒服！餐廳內環境非常乾淨。利用高科技點餐，種類選擇多，咩款都有得試。點左胡椒豬肚湯同埋蟲草花雞湯，今晚完全可以飲湯就飽，好滿足。海鮮拼盤，鮮蝦好大隻好鮮甜！蜆都好正好爽甜！其餘一般。對於油炸鬼同埋午餐都有少少失望，由於原先諗住係炸過應該都幾脆口，可惜有期望有少少失望。不過大家可以忽略呢兩款反而可以叫下其他食物，留力！滑雞件同豬頸肉都好食，厚薄適中！淨係炸魚皮都有好多款可以選擇，避風塘抑或係鹹蛋黃都相當香脆！味道濃郁，就咁食抑或係打邊爐都可以！牛肉雖然薄，但係都好好食。牛油牛味呀！響鈴都係，有多款選擇，但係都係有少少失望，唔知係啲油唔得定係點，炸物都係爭少少。串燒真係非常之驚喜！能夠喺火鍋店食到串燒已經係一種驚喜，更何況係燒得好食嘅！

今餐真係食得好開心，餐廳防疾措施做得非常好，一入門口已經會幫客人消毒！！再加上員工真係好親切，又好nice，所以今餐真係好滿足！！！我一定會再黎多次呢！！醬料區亦好衛生！！除左員工好，其實食物都好有質素，打邊爐最緊要既當然係湯底同埋食材新鮮，依兩樣野佢都做得非常之好！！我地叫左個鴛鴦湯底，係四川麻辣湯底及鮮茄牛濃湯，兩樣都好濃，唔會淡味，食完又唔覺口乾，相信都係用真材實料去淆製的！！餐廳會送個海鮮拼盤，入面有蜆、帶子、有蝦、魚等，都好新鮮！仲會送頂級牛頸脊，正！店員話最近開始會贈送兩串串燒，我地叫左蜜糖牛肉同埋川味雞肉，燒得好香哦！！唔係流的！不過我就最欣賞佢d即炸小食，例如即製手工紫菜響鈴卷外軟內脆，正！炸魚皮又有好多款式，蒜蓉炸鮮魚皮、避風塘炸先魚皮、金沙鹹蛋炸魚皮！下次真係要試哂去！炸午餐肉，厚切，脆卜卜！！！另外，我地都叫左好多野食，滑牛片、梅菜豬肉丸、自家製餃，有黑松露蝦蟹餃及芝士紫菜蝦蟹餃，食到唔停口！！！仲有鮮蝦水餃、魚皮餃、韭菜餃、黑毛豬腩片、自家製丸類、蝦丸、芝士墨魚丸、芝士蝦丸！！！真係數都數唔哂！！最後仲食埋糯米糍先走，真係鮑到上心口！依個價錢有咁既質素，你話可以

今日同個朋友去咗旺角呢間火鍋店。湯底揀左豬骨濃湯，有3嚿大大嚿嘅豬骨，豬骨個啲肉好好食。個湯底有少少胡椒味，正呢碟海鮮係送嘅。有海蝦，帶子同埋蜆。啲帶子大大粒，好肥美脆鯇魚片，脆口彈牙呢碟都係送嘅，牛肉嗰個油脂比例好好黑毛豬，我平時好少食黑毛豬，但係今次食咗之後，俾我想像中好食肥牛，必食推介另外炸魚皮都係必食推介，香脆有口感整體嚟講呢度啲食物係屬於高質素。最近做緊8折優惠，所以非常抵食。7:00前會再平少少7折。

行經旺角，又見到7折火鍋，人少少就決定去試下啦！佢任何時段都有8折嫁原來！！一坐底，就有專人囉搓手液比你、幫你探熱。之後員工仲會用熱水幫你清洗碗筷，十分貼心🙏🏻🙏🏻任食火鍋黎講，飲品區同醬料區都齊全，仲有好多保護措施👍🏻湯底幾好多選擇，我地今次都叫左個鴛鴦湯底，一半麻辣、一半蕃茄牛肉湯。如果食得辣既朋友，員工會推介麻辣湯底，因為佢個湯底的確好香，入面又有大量芽菜、豆卜、豬肚等。令一邊嘅番茄湯底亦好夠蕃茄味，加上薯仔、牛肉，佢個湯底一d都唔馬虎！簡單講講，麻辣夠香，蕃茄夠甜，兩邊都各有千秋！剛下完單，員工就囉左一碟牛頸脊同埋一盤海鮮拼盤出我地，仲要係送嫁！！！牛頸脊夠薄好味，打邊爐基本上必備，今次要讚下佢個海鮮，蝦夠彈、蜆都夠新鮮。個人最鍾意係佢個元貝，十分鮮甜。今餐最最最驚喜既，其實係呢兩串麻辣豬頸肉同蜜糖雞肉串燒。兩份串燒都能夠保留肉汁，麻辣粉唔會太多，蜜糖同雞肉又好夾。個人黎講，佢個串燒比火鍋更吸引，可惜既係每人只送兩串，仲有大把野等著我食嫁！！有咁多送既高質配料，再加最近有額外折扣，其實除返開呢間既cp值真係爆燈！