點鍋

營業中

休息中

黃色經濟圈，坐得舒服，坐附近嘅人都好黃💯🥰操作介面清晰舒服，任何年紀都容易掌握點用今次湯底揀咗喇沙海鮮湯，湯中本身有蜆肉、蝦🦐、青口等等，材料十分豐富，湯有少少少辣🌶飲品方面是任飲的，飲品選擇豐富，而食物方面限時兩小時，盡力而為，不要浪費太多海鮮拼盤都十分新鮮，分別有帶子、魚片、海蝦，本身湯底亦十分夠味，可以再加額外的調味料亦是免費的最鍾意的是紫菜響鈴，即另外有芝士味🧀🧀浸落湯底3秒，吸盡精華，帶有少少脆最正😆牛肉色澤十分靚，條紋清晰，肥瘦均勻🐮蔬菜類選擇多元化水魷魚，牛柏葉，每樣食物可以按照人數選擇半份或一份，不會浪費太多而且飽度合宜個人最鍾意滑牛，煮耐咗都仍然咁嫩口怕肥可以叫zero店內服務態度表現亦有禮貌，食物乾淨又有質素😌🥰

呢間火鍋店位於旺角嘅兆萬中心，聽朋友講呢間野都幾乾淨，而且食物質素都幾好，所以就過咗嚟試試。呢間火鍋店嘅食物種類唔算係好多，但係質素普遍都幾好。湯底我哋揀咗麻辣同埋沙嗲，沙嗲就正常水準，而麻辣嗰邊真係幾足料，尤其是個湯底入邊有啲豆粕，食落去真係零舍惹味。一開始送咗1分海鮮拼盤俾我哋，個賣相幾好，食落去都新鮮。而其他食物方面，佢有一種叫做紫菜響鈴卷，個味道同一般響鈴卷差唔多，但係加咗紫菜就多咗一從口感。而肉類方面都幾新鮮，油花都幾靚，無論係豬肉定牛肉，啲油花都好勻稱，食落亦都唔係一啲平價火鍋嘅質素。而且呢度嘅環境都好乾淨，而且服務員亦都好有禮貌。因為我同朋友6:00就去到，所以影相嗰時冇咩人，但後來六點半後都比較full，建議大家book定位。

天氣咁凍最啱就係打邊爐同朋友喺旺角揀咗間任食嘅打邊爐因為喺樓下見到如果七點前買單有七折好似好抵食上到去見到地方好闊落每張枱都幾大張，最特別嘅係每張都有個三層架，可以用來擺食物佢出面仲有一個位俾大家自製醬汁，配料多多，力推隻麻辣醬，好正😋我哋揀咗個蟲草花雞湯底☺️入面有蟲草花，雞，仲有一啲淮山紅棗嘅藥材，感覺好補，好暖身，係啲咁凍嘅天氣食啱晒送左個海鮮拼盤同牛脊肉，呢兩樣係一次性食物係用iPad落單嘅，好方便，基本上各類火鍋嘅食材都有，有肉類啦海鮮類啦蔬菜類啦仲有手打丸同餃好多選擇其中我覺得最好食嘅係鹹蛋黃魚皮，響鈴，鴨血，豬腩片，牛舌、脆鯇腩二百零蚊有咁多嘢食真係超抵食

今日又想打邊爐，搵到係兆萬既呢間黃店，搭扶手電梯上三樓就到，唔洗再轉lift，非常方便座位勁闊落，隔離仲有個架可以擺野食，唔洗驚冇位擺叫左個蟲草花雞煲，水滾一開蓋就勁香花雕酒味，飲落去雞味好濃郁，超好飲入面都好足料，好多舊雞，仲有蟲草花、紅棗、桂園、淮山等等，勁補身醬料區勁多選擇任你揀野飲有汽水櫃之外，仲有竹蔗茅根，飲落唔係好甜，勁好飲，岩哂我口味想叫野食用個tablet揀就得，勁方便，唔洗Tick紙仔咁麻煩海鮮拼盤d帶子勁大舊！不過我都係鍾意食蜆多d呢個牛頸脊幾正，第一次食。冇肥牛咁肥，但又牛味好濃郁超鍾意呢個鹹蛋黃魚皮，就咁食已經好重鹹蛋黃味個黑松露餃子好特別，入面仲好似有蝦滑咁呢個芝士丸同我平時食開個d好唔同，入面係甜甜地任食邊爐都食到咁多好特別既野食真係抵，下次一定會再黎

旺角有無數咁多單嘅打邊爐放題，難得搵到一間平日唔算太多人但又誠意十足嘅火鍋店，每個碟都唔似得其他放題火鍋店咁事事旦旦好精緻，有海鮮又有熟食。質素仲要唔差嫁。。。d餃類隻隻都大大隻。。食物質素完全不像放題。

旺角兆萬中心一向出名多劣質放題🤢.. 而且一到樓下就好多人派leaflet叫你食野, 今次朋友話book左一間新開既台式火鍋, 決定去試下!!😚一入到去同平時樓上放題感覺唔同,好光好白好乾淨, 地下無”啜”腳既感覺👍🏻，而且湯底都有好多款可以揀, 今次我地就揀左酸菜胡椒豬肚煲同蟲草花雞, 2 款都好補,配上鴨血、蜂巢豆腐同響鈴, 台灣級既享受😆✨感覺呢間係良心企業, 因為見到其中2個幫手收野既職員係聾啞人士, 而且職員都有熱情咁招待客人, 可以多多支持, 下次都會再去食~🙆🏻‍♀️

今日同朋友係旺角行完街，未到5點已經好肚餓，突然好想吃火鍋放題，難得這間點鍋5點就可以入座。係兆萬行扶手電梯可以直接上到3樓，轉左就可以見到。我們5點去到，係第一檯客人，感覺好光猛同寬敞，基本上都係卡位，檯面同座位都好夠寬，檯面仲可以放到個三層木架放火鍋配料，讚!點菜係用平板電腦落單，比用紙畫更環保，而且加單好方便，每次加單都好快。好少放題有蟲草花雞湯底，一滾起就聞到藥膳香味，湯底本身已經有雞件，加了當歸同蟲草花，淨飲湯都覺得正！每張檯都會送一碟頂級牛🐮頸椎肉，不過我們都唔吃牛，所以無試到，但見個樣都好靚。另外還會送一碟海鮮拼盤，有蝦、魚肉、帶子同蜆都好新鮮。朋友勁讚個沙嗲湯底，好夠味，煮麵一流。特別推介食物:黑毛豬腩片、金沙鹹蛋魚皮、黑鬆露蝦蟹餃、羊肉片、三色生麵，蔬菜新鮮乾淨。總結，好滿意，性價比高，服務同食物質素都比一般任食火鍋好，特別讚一讚，老闆好有心，請了部分聾啞人士，而且佢哋服務態度都好有禮貌。

今晚去旺角行街🏃🏼‍♀️，去到潮流特區附近的兆萬中心，見到有任飲任食打邊爐，友人極力推介，所以我就去睇睇盧山真面目😀。食店通爽潔淨😍，環境舒適，坐位以卡位為主。店員服務殷勤主動😘，清碟上碟快，出單準，沒有漏單💕。另外一提食店聘請聾啞人士工作，其善心可嘉，其關懷弱勢的情操可取！👍🏻在這艱難的年頭，非常值得大家支持鼓勵。👏🏻好了！最重要的食物質素又如何？答案是高質價平，即性價比十分高😋。此外，食物款式非常多，琳瑯美食滿目紛陳👍🏻。肥牛紋理分明😋，質素甚高，物超所值。牛脷 😘手工餃子、蝦丸、牛丸，滿有香港情懷😋，人手製作，絕不欺場👍🏻。炸魚皮香脆可口💕，令人口味無窮💕。台灣鴨血，想不到的美味❤️。一定要試滑牛，醃得恰到好處👍🏻，牛肉好很滑！😋紫菜響鈴，落湯揚揚揚，食得！💯唐生菜新鮮👏🏻，清洗乾淨。其實打邊爐要多口菜才健康，只吃肉就飲食不夠平衡💪🏻。而且記住要先吃菜，然後吃肉，如此蔬菜就不會吸收肉質的油份，大家可以食得健康！💋💋💋💋脆鯇魚，爽！脆！講完！😋肥牛😍雞件😘座位舒適寬敞💕，落地玻璃，環境開揚。💯

電梯上3樓，唔駛排隊等升降機架。環境光鮮，有自己洗手間，無分男女，乾淨整潔。卡座底有抽屜放包包。我地3人安排坐店舖較中位置卡座，枱面有一個木屏風仔隔開兩枱客。覺得一排坐4個，感覺有少許迫。飲品有可樂、雀檸、道地茶、芬達。。。主力唔係飲品，應該夠。每枱送1個海鮮拼盤、1個牛頸肉。湯底揀左較清淡的「芫荽皮蛋」。用tablet落單，自己篤，好好的有「半份」揀。有三種調味炸魚皮，兩款響鈴，多款丸及肉。仲有牛脷，墨魚腸仔。encore左「脆骨腩」、「炸魚皮」、「菜」。

天氣開始轉凉，梗係要去食打邊爐啦。最近就試咗呢間店，值得推薦。佢哋做放題，湯底大部分都唔使另外加錢，我哋叫咗個胡椒豬肚湯，打邊爐已經熱氣，再加埋個豬肚湯其實就火上加油。。。但係見到又覺得好好味，所以死就死啦，嗌咗至算。言歸正傳，個湯唔算好重胡椒味，但係好多配料，用嚟打邊爐唔錯。雖然係放題，但係個湯底一嚟到，就送咗一客靚牛肉同埋一個海鮮拼盤。跟住就可以狂點嘢食😈我哋點咗好多嘢食，講下有咩推介先。我覺得個黑毛豬肉片好得，出面食可以好貴，放題有得食真係難得。另外個咸蛋黃炸魚皮又係其他地方食唔到，仲要係根本可以當小食直接食，但係好邪惡。。。其他啲丸同餃都似係自家出品，但味度又未去到嘩嘩聲。最後嘞，佢哋有幾個侍應似係聾啞人士(我無理由走去問人嫁，所以用「似係」)，所以留意溝通要俾啲耐性。但呢樣嘢係值得讚下個老細，好有heart。

點鍋網上尋找到一間在兆萬中心新開的火鍋店當然要試下啦。樸，有別於一般的火鍋店煙霧離漫，環境真不錯，整齊乾淨光猛。平板電腦落單簡單易明。我哋選擇湯底同埋食物，實在太多野選擇，有啲菜式或小食都需要俾錢order海鮮拼盤對於我這個海鮮迷來說真的太正了，有幾款時令海鮮。海鮮都很新鮮，不會有腥味雪味。炸魚皮誠意推薦超級好食，熱辣辣脆卜卜，應該係即叫即炸，仲要有好多款味道嘅魚皮俾你選擇，再加上蛋黃味道，更加惹味，食唔停口蔬菜摩天輪蔬菜新鮮之餘，有得玩又有得食，拿來影相做背景一流仲有好多唔同食材選擇總計大約有超過６０款，仲有可樂茶水任飲！整體來說保持水準，服務都真係好好。一定推介。價錢又合理

真的太喜歡吃火鍋，所以來想不到吃什麼便又去吃火鍋了，這次是兆萬的點鍋，有折真的很吸引。醬料夠齊全，飲品選擇也不少。這個喇沙海鮮鍋很香很惹味，而且內裡也有不少海鮮，包括蝦、青口、蜆等，所以更有鮮味。等湯底滾的時候最適合吃小食，椒鹽魷魚香口惹味，讓人一吃再吃。奉送的海鮮拼盤亦很豐富，而且算新鮮呢。用了三層架放火鍋料，省位又方便。吃火鍋這些淥一淥即吃的不能少，響鈴中間有我喜歡的紫菜，而且還是即炸的。這裡的肉也不錯，豬肉口感軟嫩，送的牛勁脊份量不少又夠牛味。丸類、餃類也合格呢。還有我喜歡的墨魚滑和鴨血。配料的款式真的不少呢。要均衡飲食，蔬菜類不能少，那蔬菜摩天輪也太吸眼球了吧。又一次吃到捧著肚子走，質素不錯價錢不貴的良心放題，下次可以和朋友再去呢。

好耐冇食過一間滿意嘅任食火鍋呢排少出街，唔係朋友約會都好少出去食飯。人多當然食任食啦，呢間選擇唔算特別多，勝在有新派嘢，有啲創意～叫咗酸菜白肉同麻辣，酸菜唔太酸，有淡淡胡椒味，做打邊爐湯底都唔錯。麻辣唔算太辣，啱返香港人口味咁啦～兩個人都送個海鮮拼盤，正啦！魚同蜆都唔錯，冇沙又算新鮮，蝦就差啲。等湯底前叫咗個小食，b仔雞尖味道有驚喜！不過喺度食都幾貴🙈欣賞呢間嘅份量細，啱晒眼闊肚窄嘅人，又可以試多啲新嘢～炸午餐肉同油炸鬼好正，油炸鬼配酸菜湯底好好味！雜菌拼盤細細份但有五款菇，正～都係啱酸菜湯～舖頭細細，坐50-60人，醬油選擇都唔少㗎～第一次見醬料有炸洋蔥！熟蒜油好正，肉同菜都啱，好似重慶嘅油碟咁。唔夠辣再追加麻辣料又得～呢間店用tablet落單，又唔會好似其他火鍋店咁暗，喺度食嘢都幾舒服！整體來講，會再來試～

今日同個好朋友好多無見, 諗住出黎去打邊爐, 想食D有少少質素既邊爐, 但係兩個人單點又好似好貴咁,朋友提意去兆萬一間新開既叫”點鍋” 既邊爐放題, 要麻辣有麻辣, 要清湯有清湯, 要小食有小食, 佢食過話幾好叫我同佢一齊試試, 就咁話啦.去到我地叫咗一個煙央鍋(麻辣+清湯), 佢地幾出名麻辣咁, 的確係幾香, 比得上大陸食個D邊爐~ 當然香港食放心好多啦~ 佢地每台都有個PAD俾你點菜, 所以上菜都好快好方便, 海鮮好新鮮, 估唔到有龍躉片食, 勁彈牙, 牛肉好香, 好足料既手工餃, 不得不提佢D炸物, 炸麻辣雞翼幾好味, 炸魚皮好脆, 係避風塘口味, 正丫~ 總結: 性價比很高, 好扺食的一家邊爐放題~ 讚

好耐冇去旺角，朋友仔話帶我去兆萬食火鍋放題。抱着被約的心態，事前沒有做資料蒐集，亦不抱太大期望。點知去到門前，竟然有驚喜！新開業的火鍋店，門面光鮮亮麗，俾人有一剎那忘記自己身處於旺角的老式商場。餐廳係任食形式，新開業亦有非常吸引的折扣！入到餐廳內部，座位闊落而且好乾淨企理。食具擺設等等亦可見誠意。落單可以用iPad，好方便！出去行一圈，有自助的飲料吧，亦有醬料吧，選擇都好多好豐富。一坐埋位就有得食，先來海鮮拼盤打頭陣，海鮮好鮮美，貝類好彈牙。牛肉同豬肉都好出色，牛肉有濃郁的牛味。而豬肉好嫩滑，係有一定級數的黑豚肉。其他火鍋料的選擇都幾多，好欣賞佢哋有得點選半份，兩個人都可以試到好多唔同款式的食物。基本上，各樣配料都新鮮而且美味，雖然算唔上貴價食材，卻可過足打邊爐的口癮。整體而言，食物水準唔錯，性價比頗高。