點鍋

營業中

休息中

好random咁發現左哩間火鍋店，接過單張發覺價錢ok，見新開就試下。哩度既湯底都幾有特式，我地揀左酸菜白肉鍋。新裝修環境好乾淨企理，7點黎到食客未算多。落完個鍋，好快上左送既海鮮拼盤同牛頸肩肉。個拼盤擺得勁靚，用埋乾冰，有誠意呀！牛頸肩肉顏色同雪花都靚。哩度火鍋料可以揀幾粒、半份、一份，食幾多叫幾多，好好。汽水飲品任飲，自己拎。個鍋好多酸菜同豚肉，真係幾正，清清地。火鍋料靚又新鮮，配料落左單好快就黎，店員態度都好好，下次會再黎食過。埋單時店員拎左幾粒雪米糍俾我地，食埋甜品真係完美既一餐。

係Openrice見到呢間邊爐放題有新開張優惠好抵$188😂，就約埋鍾意打邊爐嘅朋友黎食坐低之後，職員叫我地揀湯底，我地諗住揀鴛鴦鍋我見到黑松露雜菌已經心心眼😍，即刻tick左，而朋友就揀左蟲松花雞左邊係黑松露雜菌-黑松露同菇菌味香氣撲鼻，我盛左半碗飲，味道好濃郁🤤重有好多菇係湯入面💕右邊係蟲草花雞-加左唔少藥材，相比黑松露鍋清淡，但味道亦好突出😚好鍾意陣藥材味每枱都有送海鮮拼盤，有帶子、蝦、蜆同龍躉！另外重有一份牛頸脊，肉同脂肪比例好好，好鮮嫩！😋呢到有好多食材都係自家製，例如蝦丸、墨魚丸、蟹子墨魚滑、黑松露蝦餃、鮮蝦水餃等等👍🏼我最鍾意紫菜響鈴同蜂巢豆腐，放落黑松露湯底到，索晒d湯汁，超級好味❤️重有個魚皮都好出色！點左避風塘味同金沙鹹蛋味，係即叫即炸，非常香脆❤️點湯食同就咁食都得另外我地重有點小食，椒鹽魷魚🦑 ，辣辣地好惹味食左咁多炸野，好欣賞呢到有竹蔗水任飲，清下熱氣😂 最後重有甜品-雪糕糯米糍

點鍋今晚終於有機會試下呢間火鍋店 啲海鮮同其他配料真係好新鮮呀😁＜海鮮拼盤＞最正係個有仙氣嘅海鮮拼盤 真係眼前一亮 仲有入面嘅鮮蝦同蜆都好鮮甜 配埋濃香嘅沙嗲湯底真係好夾呀😍＜手工配料＞ 最鍾意試佢新出嘅配料 金沙咸蛋魚皮超級酥香 咸蛋嘅香濃加魚皮嘅酥脆真係好夾好惹味😋 唔同丸類加蝦🤔滑都好新鮮 蝦滑同墨魚滑仲要好爽口Tim!! ＜新鮮又多選擇嘅肉類海鮮＞今晚試左唔同肉類 樣樣都咁精緻 鮮牛肉同埋黑毛豬腩肉真係好嫩滑 加埋沙嗲湯底索晒入牛肉入面 咬落充滿香噴噴肉汁 真係停唔到口 食完覺得有幸福嘅感覺😂😂＜小清新自家製飲品＞平時飲開大眾口味嘅涼茶 今次呢間火鍋店提供自家製飲品 洛神花茶酸得嚟又好開胃 啱晒今晚掃食之夜😋😋

同一班相熟食友好飯聚，試吓新餐廳就最好，揀點鍋係因為餐廳係旺角方便大家，而且打邊爐一大窩同老友分甘同味，食得開心。店鋪以白色為主調，感覺樸實整潔，裝潢簡約。大多數卡位, 幾多人黎都無問題。 醬料調味放在一旁，有醬油、醋、生蒜、熟蒜、蔥花及紅椒，任由客人自由組合,選擇多，而且除了汽水樽裝茶, 也有店家自製的涼茶, 清熱下火解吓燥, 誠意可加。打鞭爐鍋底嘅吸引力好重要, 餐廳足有十數款供選擇, 我地揀左兩款, 分別係:蟲草花雞湯 個湯溫而不燥, 蟲草花雞湯淡雅清甜, 蟲草花、龍眼肉、淮山、杞子材料足, 雞件真喺得啱啱好，鮮味肉滑, 未落其他料打邊爐之前都要多飲幾碗。 蕃茄薯仔牛腩鍋 湯底放有鮮蕃茄、薯仔，用咗大量鮮蕃茄熬製的湯底非常鮮甜。煮透後牛腩肉味濃郁。 - 牛肩肉 肥牛跟火鍋真喺走唔甩, 牛肩肉薄切輕灼，口感柔軟嫩滑，帶有少少油脂，夠晒滿足！海鮮拼盤 海鮮拼盤有唔少靚海鮮, 有花甲、龍躉、花蟹仔、鮮蝦等等。 花蟹外殼有光澤，而且頗鮮甜,花甲花甲厚肉鮮甜, 鮮蝦啲肉好彈牙, 龍躉肉質挺滑, 肉厚而鮮嫩。一食就知新鮮。 鮮蝦滑 蝦丸加咗蟹

點鍋 (旺角) 原價 $288 / 1位（新張期間8折）在旺角兆萬新開了一家火鍋🍲店😃，新張期間更有折扣優惠🤑。這店的湯底口味和火鍋配料選擇多😄，而且是新開的緣故環境很舒適🤗。惠顧可享免費海鮮🦐拼盤和頂級牛頸脊😏。湯底選了四川麻辣和鮮茄牛濃湯（另加$20）。麻辣鍋的麻味很香，辣度適中（完全不能吃辣的朋友要注意，對於平時只吃少辣的我是可以接受），正👍！湯底中有豆卜、豬皮、雲耳、芽菜等，而且份量不少，建議可不用另點以上配料🤣，以免造成浪費。鮮茄牛濃湯茄味超濃😋，當中更有牛腩、薯仔、蕃茄等。男友竟把鍋中的牛腩全吃掉😱，不用我多說也知牛腩有多美味🤭。-強烈推介大家試試它的炸魚皮💯，薄脆好味道😋。不論是避風塘味或是金沙咸蛋味也令人欲罷不能🤣。豬肚很爽口彈牙。爆濃芝士丸的中間的流心芝士帶點甜，不錯👌。賣單時還會有雪米糍吃🍨。-不得不讚這店的服務，其中一位女侍應（我猜她是老闆/店長🤔）服務殷勤🤩。

最近行經旺角, 係兆萬地下接到傳單, 3樓開左新火鍋店叫點鍋, 而且新開張打邊奴仲有折頭優惠, 趁中秋節約朋友聚舊, 就趁機去享用, 加上香港天氣又有少少轉涼咗，打邊爐就最好。店內裝修就如大多新派火鍋餐廳，時尚簡約, 配上柔和的燈光及兆萬的高樓底，以及一系列的卡位,用餐環境舒適。  點鍋係做任點任食的火鍋, 但質素一D都唔差, 出面已經有齊眾多醬料比客人混醬，沙嗲醬、炸蒜、蔥花、辣醬等等, 而且, 打邊爐烚吓烚吓邊少得汽水、烏龍茶等飲料, 多款選擇應有盡有。 - 食火鍋湯底當然好重要，我相信有心思的湯底會為整晚加添分數, 點鍋的湯底都真係幾多選擇，選擇雙拼亦都唔係加好多錢。 蕃茄薯仔牛腩鍋 一睇個湯底就知唔係家常滾湯, 蕃茄味酸香鮮活又濃郁, 牛腩肉質軟腍，又有肉香, 未打邊奴都已經飲左兩碗。 蟲草花雞湯 估唔到打邊奴都有保健食材的湯水可以選擇, 蟲草花、龍眼肉、淮山、杞子滿滿一鍋, 湯味鮮甜可口，健脾補腎。雞肉肉質軟嫩, 極力推薦! 海鮮拼盤 每位入座都會送牛肩肉同海鮮拼盤。先講海鮮拼盤, 一份已包花蟹仔, 鮮蝦, 花甲及龍躉等等。師傅已將蟹拆件，方便客人去煮同

今日同朋友到旺角做facial 💆🏻‍♀️，完成之後，順便在旺角覓食，剛巧經過西洋菜街，兆萬中心見有間（點鍋）火鍋店，就決定上去試試！環境裝修比較純樸，有別於一般的火鍋店煙霧離漫，感覺舒服得多，卡位亦很舒適，私人空間感大😊！電子落單，環保又簡單，先點個鴛鴦湯底， 四川麻辣湯底辣得惹味/蟲草花雞湯底，整個湯都好香濃，十分足料！海鮮拼盤（贈送）魚片，好新鮮肉質有咬口😋！竹串海蝦，肉質爽脆又鮮甜！👍🏻👍🏻貴妃蚌，完全無沙冇內臟，清洗得好乾淨頂級牛頸脊（贈送）脂肪分佈均勻，肉味不會太重，烚一烚即食已經好嫰滑😋蛋黃魚皮鮮炸魚皮已經好香口好爽脆，再加上蛋黃味道，更加惹味，食唔停口😅！蔬菜摩天輪蔬菜新鮮之餘，有得玩又有得食，拿來影相做背景一流😄😄！其他火鍋配料都可以自選2件或4件，所以可以吃到很多款式，而又不怕浪費食物！特別提及，老闆娘好好人，盡量令到每一位客人都不會有被忽略的感覺👍🏻👍🏻，值得一讚！

平時出街打邊爐對火鍋湯底冇太大期望即使火鍋湯底講到啲配料好勁好特別到頭來都係越食越口渴但係今次試呢間任食火鍋湯底真心係落足料之餘亦都冇嗰種好口渴嘅感覺點鍋新開張冇幾耐裝修好新淨火鍋湯底有好多款選擇我對湯有要求，亦都對養生嘅嘢有興趣順理成章就選擇了蟲草花雞湯底 我最鍾意就係落任何配料之前先試下個湯底因為湯底嘅濃淡好影響到之後落嘅食物夠唔夠味道真心呢個蟲草花雞湯底好得飲得出真係用雞滾出嚟嘅湯雞件止於一兩件紅棗杞子唔少得竟然還有桂圓沙參等的煲湯配料濃濃的藥材味很滋補養顏每一台都送海鮮拼盤和頂級牛頸脊海鮮夠新鮮牛頸脊好夠肉味話到明係任食梗係叫多啲唔同嘅食物試下啦我推薦嘅有丸類和餃類任食火鍋大家都變咗食肉獸呢個唔使講好多時丸類和餃子都變咗配角我自己好老實亦對餃子冇乜興趣但係點鍋嘅手打丸類和自家製餃子真係要試丸類和墨魚滑真係好煙韌黑松露蝦蟹餃好香好香黑松露味入邊既蝦蟹非常爽口佢嘅menu菜類入面有個好得意嘅菜式叫蔬菜摩天輪一開始摸不著頭腦嚟到之後又真係覺得幾得意當你夾起一個籃入面嘅食物嗰個籃就會變輕咗其他有食物嘅籃重啲就會轉落嚟食食下有得玩都幾開心除咗生嘅食物亦都有熟嘅小吃椒鹽魷魚都炸得很香脆

一段日子沒有逛旺角行經兆萬中心諗住晚餐眼看以前的任食日式放題紛紛轉型成任食火鍋餐廳飲食業競爭激烈要突圍而出絕對不易今次鎖定了點鍋任食火鍋比同場做任食火鍋店點鍋價位稍貴但相對食物選擇亦高質多了點餐就自助式食物選擇款式多而且可以揀份量（半份/一份)如果好似我地人少少多數點半份，咁就可以試多幾款食物又唔使造成浪費點了鴛鴦火鍋分別是蟲草花雞湯及番茄牛肉湯蟲草花雞煲滾後聞到超香濃的湯頭可見用料豐富，絕對不會將價就貨我地先飲湯再下火鍋料店員即送上牛肩脊牛肉與番茄湯可稱絕配不需要點額外醬油味道已經十分突出還有海鮮拼盤當然吃完還可以追加豬肚口感爽彈除了手工水餃，還可以點黑松露雲吞腐竹及金菇打邊爐也是必備的蓮藕片超爽甜而且吸了番茄湯味道更出！仲有多款新鮮菜蔬今次試了油麥菜食完店員亦體貼送上雪糕糯米滋超滿足！點鍋雖是新開業但做任食火鍋絕不欺場👍

咁岩經過見到新開就諗住入去試下啦，本身對任飲任食都無乜興趣，今餐本來都係諗住見到光猛又乾乾淨淨咁就入去試下。平日夜晚7點幾入去，成個場連埋我都係得3/4檯客但食落其實幾有驚喜。其實打邊爐對我黎講先決條件係個湯底，依間最滿意既係佢個清酒卜卜蜆鍋，好似雞煲咁要食完啲蜆先再加湯打邊爐。食出得個湯底用左清酒煮，加埋啲蜆一齊焗左陣好甜好清既鮮味出黎，同埋啲蜆係出奇地新鮮既（雖然有幾粒食到沙，但蜆肉完全唔梅）。個清甜味加左湯都仲keep到！啲火鍋料都唔差，特別係佢有好多味既炸魚皮！有咸蛋味、避風堂同原味，感覺係新鮮炸既，唔錯唔錯。（可能因為少人先做到）仲有送左個海鮮拼盤但唔記得影，有蜆、魚片，蝦....整體都好新鮮。黑毛豬肉片好好味！平時打邊爐好少叫豬，不過佢依隻薄薄地又唔鞋口，襯埋個清酒鍋唔錯！黑松露蝦餃，個味都夠出，個皮有較厚但岩我口味梅菜豬肉丸，陣味好得意，好似食緊梅菜肉餅咁。同埋佢啲墨丸都唔錯，係手打個隻！整體黎講值得再去試埋其他鍋底埋單一個人二百六左右，兆萬黎講唔算平，但無伏味！性價比可以～

朋友生日 想食打邊爐 睇 發現兆萬有一間新開張嘅放題 又做緊優惠 見佢話有人生日可以送贈生日鍋好似幾吸引咁就預先訂枱啦個日我地6個女仔7:00幾到可能新開張 無咩客人所以服務態度好到加零一主動介紹招牌菜俾我地幾個我地總共叫左2個鍋一個係清酒煮卜卜蜆鍋(呢個要加$50)另一個係黑松露鍋 一上枱 簡直嚇親我地個生日鍋靚到我地班kong女係咁打卡🤣黑松露鍋就係隱藏喺入面我地影完相 就會撥走d蛋白開始打邊爐(個時我仲諗緊 以為要撈埋落去食😹)呢間餐廳係用ipad形式點菜既我地咩都叫少少 每樣都試下佢地會送人頭既海鮮俾每一枱客人d海鮮同個卜卜蜆鍋真係好夾好好味 好鮮甜我自己覺得 唔洗點醬已經好好味另外 推薦一下佢地既肉類都幾厚 唔似坊間放題咁薄身佢地既麻辣雞翼又係好好食 😋我地仲試左d丸類同手工餃都不過不失啦反而響鈴有驚喜即炸之餘 浸落d湯底到係超鮮味 推薦大家試紫菜響鈴呢2個鐘 我地食到飽一飽先出門好滿足🥳下次再黎 我應該會再食卜卜蜆🤪同埋想試下木瓜鍋

行完兆萬見到新開張諗住試吓點知中伏，入到去坐低見到冇乜客已經心知不妙，叫咗個甚麼黑松露鍋底，味道古靈精怪，同打邊爐D食物完全唔夾，仲話係特別推介，打邊爐湯底系重點，個湯都入吾到口，真系幾正既野食都無用，更何況吾系正。呢個價錢大把其他選擇，但吾知點解其他枱既人食得幾開心。而我就返到屋企繼續灌水。🤮🤮🤮🤮🤮

新開張咁就去試一試湯底簡左豬骨湯同蟲草花雞（+20）湯底唔係話非常出色 不過入面好足料 有勁多雞件 同幾舊大豬骨入黎食重送海鮮盤同肥牛一碟海鮮盤D硯有沙青口都可以蝦就最新鮮手打丸類都普普通通 最期待墨丸竟然係冇味牛丸就幾好食自家制餃子（皮厚）最好食係九菜餃 其他都麻麻地總體黎講250/人頭（平日一至四有七折先依個價位）唔係話好抵食同超好食靚肥牛肉亦唔係任食不過餐廳衛生都好乾淨重要竟然有沙律丸蔬菜類都好多選擇

點鍋係新開店，我叫幾個同事試去呢個食！鴛鴦鍋湯底有幾種不同，結果揀黑松露及沙爹後鴛鴦鍋來了真係好香！有一大碟海鮮睇得好新鮮。叫了美國牛脊肉，手作幾粒丸，鹹黃蛋炸魚皮，南乳炸雞翼，麻辣炸雞翼，黑松露餃，開飯時真好好味！同事哋食得好滿意！好值錢！餃子及肉丸係手作。牛脊肉好軟肉，肉丸有彈有味，麻辣炸雞翼好辣好食，黑松露蝦蟹肉餃，任何飲嘢，醬料真好好！服務有禮！環境好衛生！交通很方便！下次同朋友再去點鍋食多d！

琴晚同朋友食farewell dinner，喺旺角行到咁上下就揾野食先知原來兆萬開左間新火鍋任食平時啲人話兆萬樓上係劣食，但太懶又見有新張優惠就去食啦點知都幾有新鮮感見到隔離枱叫蜆鍋，好香！最後朋友話想食就叫左真係好香牛油味，食落又有啲清酒甜味仲送左碟牛，一盤海鮮，同一碟小食小食我地揀左雞軟骨同鹹蛋黃炸魚皮～兩個都好好味！真係粒粒鹹蛋黃咁上！！仲有三色麵好煙un～不過如果得兩三個人，食量又唔算好大就唔好揀喇食埋真係會好飽估唔到任食都可以咁好味