坐低之後，職員叫我地揀湯底，我地諗住揀鴛鴦鍋
我見到黑松露雜菌已經心心眼😍，即刻tick左，而朋友就揀左蟲松花雞
左邊係黑松露雜菌-黑松露同菇菌味香氣撲鼻，我盛左半碗飲，味道好濃郁🤤重有好多菇係湯入面💕
右邊係蟲草花雞-加左唔少藥材，相比黑松露鍋清淡，但味道亦好突出😚好鍾意陣藥材味
每枱都有送海鮮拼盤，有帶子、蝦、蜆同龍躉！另外重有一份牛頸脊，肉同脂肪比例好好，好鮮嫩！😋
呢到有好多食材都係自家製，例如蝦丸、墨魚丸、蟹子墨魚滑、黑松露蝦餃、鮮蝦水餃等等👍🏼
我最鍾意紫菜響鈴同蜂巢豆腐，放落黑松露湯底到，索晒d湯汁，超級好味❤️
重有個魚皮都好出色！點左避風塘味同金沙鹹蛋味，係即叫即炸，非常香脆❤️點湯食同就咁食都得
另外我地重有點小食，椒鹽魷魚🦑 ，辣辣地好惹味
食左咁多炸野，好欣賞呢到有竹蔗水任飲，清下熱氣😂
最後重有甜品-雪糕糯米糍
