影片
更多
2019-09-13
45 瀏覽
最近行經旺角, 係兆萬地下接到傳單, 3樓開左新火鍋店叫點鍋, 而且新開張打邊奴仲有折頭優惠, 趁中秋節約朋友聚舊, 就趁機去享用, 加上香港天氣又有少少轉涼咗，打邊爐就最好。店內裝修就如大多新派火鍋餐廳，時尚簡約, 配上柔和的燈光及兆萬的高樓底，以及一系列的卡位,用餐環境舒適。 點鍋係做任點任食的火鍋, 但質素一D都唔差, 出面已經有齊眾多醬料比客人混醬，沙嗲醬、炸蒜、蔥花、辣醬等等, 而且, 打邊爐烚吓烚吓邊少得汽水、烏龍茶等飲料, 多款選擇應有盡有。 - 食火鍋湯底當然好重要，我相信有心思的湯底會為整晚加添分數, 點鍋的湯底都真係幾多選擇，選擇雙拼亦都唔係加好多錢。 蕃茄薯仔牛腩鍋 一睇個湯底就知唔係家常滾湯, 蕃茄味酸香鮮活又濃郁, 牛腩肉質軟腍，又有肉香, 未打邊奴都已經飲左兩碗。 蟲草花雞湯 估唔到打邊奴都有保健食材的湯水可以選擇, 蟲草花、龍眼肉、淮山、杞子滿滿一鍋, 湯味鮮甜可口，健脾補腎。雞肉肉質軟嫩, 極力推薦! 海鮮拼盤 每位入座都會送牛肩肉同海鮮拼盤。先講海鮮拼盤, 一份已包花蟹仔, 鮮蝦, 花甲及龍躉等等。師傅已將蟹拆件，方便客人去煮同
最近行經旺角, 係兆萬地下接到傳單, 3樓開左新火鍋店叫點鍋, 而且新開張打邊奴仲有折頭優惠, 趁中秋節約朋友聚舊, 就趁機去享用, 加上香港天氣又有少少轉涼咗，打邊爐就最好。
店內裝修就如大多新派火鍋餐廳，時尚簡約, 配上柔和的燈光及兆萬的高樓底，以及一系列的卡位,用餐環境舒適。
點鍋係做任點任食的火鍋, 但質素一D都唔差, 出面已經有齊眾多醬料比客人混醬，沙嗲醬、炸蒜、蔥花、辣醬等等, 而且, 打邊爐烚吓烚吓邊少得汽水、烏龍茶等飲料, 多款選擇應有盡有。
-
食火鍋湯底當然好重要，我相信有心思的湯底會為整晚加添分數, 點鍋的湯底都真係幾多選擇，選擇雙拼亦都唔係加好多錢。
蕃茄薯仔牛腩鍋
一睇個湯底就知唔係家常滾湯, 蕃茄味酸香鮮活又濃郁, 牛腩肉質軟腍，又有肉香, 未打邊奴都已經飲左兩碗。
蟲草花雞湯
估唔到打邊奴都有保健食材的湯水可以選擇, 蟲草花、龍眼肉、淮山、杞子滿滿一鍋, 湯味鮮甜可口，健脾補腎。雞肉肉質軟嫩, 極力推薦!
海鮮拼盤
每位入座都會送牛肩肉同海鮮拼盤。先講海鮮拼盤, 一份已包花蟹仔, 鮮蝦, 花甲及龍躉等等。師傅已將蟹拆件，方便客人去煮同食。蟹肉雪白，結實鮮甜。可以講喺每啖盡是鮮味。蝦鮮膏滿。
牛肩肉
打邊爐又點可以無牛，牛肩肉睇落質素相當唔錯，色澤紅潤，大小厚薄均一，灼十秒八秒就可以放入口，肉嫩得黎有肉味，高質。
鮮蝦滑
彈牙之外蝦味挺鮮，值得翻兜之選。
即炸手工紫菜響鈴卷
即炸響鈴, 上到枱仲係熱熱的，放湯中輕灼3秒，脆身得黎又有蕃茄湯味，好食。
脆鯇魚片
脆肉鯇向來都係打邊爐必食之選，灼過鯇魚，鮮嫩脆口，鮮甜好味。
魚肚
一客有唔少件, 入口柔韌得嚟有咬口
金沙咸蛋炸魚皮
都係店家自己炸, 唔油膩又無油膉味, 放入湯中輕灼，酥脆好味
黑松露蝦蟹餃
自家原創出品，可以揀幾多粒都得。搵黑松露做餃都已經幾有賣點。由於包得唔算大隻，可以試多幾款, 餡料又多，而皮也比普通的煙韌, 比平時要烚耐少少，。餃內蝦肉爽彈，黑松露味也濃。
芝士紫菜蝦蟹餃
以蝦、蟹肉包成，肉餡加入芝士, 味道多添幾分層次
稻庭烏冬
滑溜煙韌，掛上湯汁，的確好味；
芝士墨魚丸
墨魚丸濃濃墨魚味，爽彈有口感, 芝士勁流心, 果然真材實料。
-
生菜
菜蔬菇菌類, 有成十多款，雖然無款款都叫齊，但不愁無選擇。
雜菇
老套都要，加份蔬菜平衡下，夠新鮮，又靚仔。
-
近門口有一大櫃雪糕糯米糍任揀任食，火鍋過後嘆幾粒涼快一下，而味道有朱古力、抹茶紅豆同士多啤梨揀，爽！
總括黎講, 呢到食材質量有保證，唔似得係以前打邊奴全部都食雪藏貨, 而且環境及服務都好稱心，的確係同好友邊食邊傾偈的好餐廳。
張貼
