點鍋

營業中

休息中

好耐冇去旺角，朋友仔話帶我去兆萬食火鍋放題。抱着被約的心態，事前沒有做資料蒐集，亦不抱太大期望。點知去到門前，竟然有驚喜！新開業的火鍋店，門面光鮮亮麗，俾人有一剎那忘記自己身處於旺角的老式商場。餐廳係任食形式，新開業亦有非常吸引的折扣！入到餐廳內部，座位闊落而且好乾淨企理。食具擺設等等亦可見誠意。落單可以用iPad，好方便！出去行一圈，有自助的飲料吧，亦有醬料吧，選擇都好多好豐富。一坐埋位就有得食，先來海鮮拼盤打頭陣，海鮮好鮮美，貝類好彈牙。牛肉同豬肉都好出色，牛肉有濃郁的牛味。而豬肉好嫩滑，係有一定級數的黑豚肉。其他火鍋料的選擇都幾多，好欣賞佢哋有得點選半份，兩個人都可以試到好多唔同款式的食物。基本上，各樣配料都新鮮而且美味，雖然算唔上貴價食材，卻可過足打邊爐的口癮。整體而言，食物水準唔錯，性價比頗高。

冬天點樣少得去打邊爐啊，呢排同老公旺角覓食，發現兆萬中心上面有間開咗冇耐嘅<<點喎>>好值得一試。 好彩當日唔使點等，好快就可以入去，新開無耐嘅關係所以裝修都好新淨，座位舒適感覺開揚。呢度都好環保又快捷，用電子點單，俾個讚佢先。出邊主要係撈汁同拎嘢飲嘅地方，混醬區都好多料俾你DIY配搭， 飲品就當然有個大雪櫃任君選擇啦，款式都蠻多架，而我最鍾意飲嘅就係道地嘅各種樽裝茶系列。先送來《海鮮拼盤》，種類都頗多，有蜆、花甲、海蝦、鯇魚片等，都已經流晒口水。而打邊爐最緊要係個湯底啦，而我哋就揀咗《四川麻辣湯底》同《冬蟲草花雞湯底》，一面辣辣地，好易入口又惹味，另一面就啱晒我老公食，好香嘅冬蟲草味，有雞又足料。冬蟲草花雞湯個湯底直情可以用嚟飲。試完個湯底，當然要落了落去烚吓烚下，我哋叫咗個頂級牛肉頸椎、炸魚皮、蝦丸、鯪魚丸、墨魚丸、黑毛豬腩。黑毛豬腩、牛肉新鮮，嫩口，炸魚皮夠脆又唔會太咸，丸類入口彈牙。蟹柳、海蝦、魷魚都係我嘅最愛，容易烚熱之餘又新鮮。蔬菜類嘅選擇都唔少、冬瓜片、粟米片，蓮藕片、唐生菜、淮山片

前排，和同事去了位於旺角兆萬的點鍋嘗一嘗任飲任食火鍋。飲品和甜品是自取的，大大方便食客中意飲咩就可自己選擇啊！湯底(鮮茄牛濃湯+$20和香濃沙嗲)：鮮茄牛濃湯底味道酸酸甜甜，令口胃大增之餘，又吾會蓋過食物本身既味道。而香濃沙嗲湯底味道會較濃郁，凋咸度剛好，較適合喜歡重口味人士。牛頸肩肉：顏色為鮮艷，可知不是雪了很久；焯後牛頸肩肉帶有吾少肉汁，味道juicy，牛脂不會過油膩，牛味足夠啊！黑毛豬腩片：如果吾食牛既朋友也有豬選擇，餐廳選用左黑毛豬，焯後口感吾會好鞋口之餘，同時又吾會有雪味。金沙鹹蛋炸魚皮：炸魚皮口感果然香口又脆身，因以鹹蛋一同製成，味道會帶咸香味，脆卜卜既口感也不錯啊！牛脷：牛脷既顏色同樣鮮，每片size相約；焯後也帶不少汁，吾會好乾口硬。海鮮盤：盤中包有幾款吾同種類既海鮮，每款海鮮一致地鮮甜，肉質彈牙，味道亦相當不錯。另外，餐廳還提供了不少款項既火鍋配料：爽口既牛柏葉，彈牙既丸類及魷魚so，蟹柳，芝士腸等等..每一款火鍋配料也同樣出色，睇相就會知道餐廳食物質素有保證吧！

早前吃的一間任食火鍋～叫了不用加錢的酸菜白肉鍋，湯底不太濃郁，但有頗多白肉，打爐邊來記還可以。肥牛一份只有這一份，任叫的菜單沒有肥牛，只有牛肉，有點小失望。肉類方面，叫了一些羊肉，豚肉和滑牛肉。以任食質素來就，還不錯。尤其羊肉值得推介！這盤海鮮亦是不能任食，有蝦，貝，蜆和魚，雖然不算十分名貴的材料，但至少都算新鮮。這份是牛舌。很少打邊爐會吃牛舌，但意外的還不錯。重點到了，這裏的紫菜響鈴是即炸的，炸得非常鬆脆，比起其他地方吃到的美味很多，我們重覆點了兩次！還有炸牛餐肉，可當小食。肉丸種類算多，其中的芝麻麻糬燒，即左邊兩粒，我個人超喜歡！其實是類似湯丸，但表皮是麻糬，比較煙韌，芝麻流沙亦很香，必點。飲品種類也不少。還有雪糕當甜品，性價比還不錯的。

這天朋友相約一同前往旺角吃飯，朋友安排的餐廳， 位於旺角的中心地帶，地理上十分方便。商場內更有眾多的食肆可以選擇。 餐廳主打的料理，就是我的最愛打邊爐。從朋友口中得知餐廳是新開張的， 內裏電子化的餐單，更是十分方便，完全沒有走漏單的機會。但我最欣賞的就是他的肥牛，全因為 肥瘦適中， 帶有丁點脂肪，又完全不會覺得油膩，配搭餐廳的醬料吧，更是有另一番風味 。看似選擇不多的醬料，但配搭起來也有不同的層次。至於其他的任點任食也不錯，但重點一定是肥牛。

天氣一凍就想打邊爐，之前以為兆萬淨得放題，點知原來新開左間任食火鍋，星期一至四夜晚兩個鐘內食完仲有七折，就即刻約朋友一齊嚟試新野。本來Book左三人位，有朋友知道之後想跟機，我當日先臨時加人，店舖都好好咁立即調整，仲道歉講返可能會逼少少，態度非常好。我地揀左蟲草花雞湯底，唔洗額外加錢，另外每枱都會送一碟頂級牛頸脊同海鮮拼盤，而其他食品就可以用平板電腦散叫。呢度係無肥牛叫，淨得滑牛肉，相對無咁肥。掛住食唔記得影相，呢度有好多特別嘅選項，個人非常推薦黑毛豬腩片，Encore左好多次。另外黑松露蝦蟹餃等都好特別，朋友就大讚貢丸、鴨血好食，紫菜響鈴、金沙咸蛋炸魚皮都好香口。飲品有晒三款解茶，朋友都好驚訝。特別一提呢間店舖嘅員工有部份扣住襟章，係聽力有障礙人士，如果有特別需求想搵人幫手，可能就要搵返聽力無問題嘅員工溝通。最後我地食得太開心，過左兩個鐘少少先埋單，本來都預左無折，點知最後店舖都比返折我地，真係非常多謝佢地。食到咁飽都係平均每人$250，下次一定會推薦朋友再食。

今日和有人來到位於旺角這間點鍋吃邊爐，我們選了鴛鴦鍋，一邊是麻辣鍋而令一邊是芫荽皮蛋湯。先說一下湯底：麻辣湯味道十分濃郁但藥材味較重，香辣可口。芫荽皮蛋湯則較為清淡，材料十足。配料方面：選擇十分多，不單止有坊間的配料，而且還配備自家製的水餃，丸類。返唔會為每座客人送上時令海鮮及牛肩脊。誠意充足。但是美中不足的是，配料單上並沒有肥牛。飲料方面：配備了獨家的竹蓆水，能消熱解毒。還有角色各款的罐裝飲品及茶。侍應十分主動來收走碗碟，而且10分有禮貌並提高一些擺放碟的架。

首先係有好多食材 ，係食過之中最多嗰啲，幾乎所有火鍋常見嘅都有，而且上菜超級快，質素唔差，幾款肉同丸都幾好，而且新鮮，連啲丸都係手打新鮮嘅。其實宜家好多任食都無羊食，佢哋豬、牛、羊、海鮮樣樣都齊，可以俾人樣樣都食啲，選擇真係好多。唯一係甜品只有兩款（雪米滋），不過都好好食。因為係平板點菜，唔使走嚟走去，第一次2小時唔停咁食火鍋，但竟然唔太夠時間，仲有唔少未試，一定再食同推薦。重點係侍應非常特別，值得支持嘅店舖。

呢間黎過2次，食物款式好多，而且係用ipad落單好方便響鈴同魚皮都係即炸，推薦！第一次去係因為個卜卜蜆煲，蜆肉好大隻，不過湯底係偏甜，個人唔係好鐘意⋯所以今次試左個藥膳雞同糊椒豬肚湯，不錯！丸類都有d特別款式，而且好彈牙，推薦！員工服務態度好好，店內仲請左d聾啞人士，很值得支持既小店！

其實平時都幾常食任食火鍋，貪可以滿足到為食嘅胃口，今次特登搵左依間鋪頭，眼見唔少員工都係殘障人士，心入面都加唔少分，而且服務態度非常好，感覺好好，唔會黑口黑面，湯底方面簡蟲草雞湯，一嚟到已經好香藥材味，雞都唔會話好鞋。係食材方面，除左滑牛比較普通之外其他都出色，蝦滑比想像中更加有鮮味，雞肉同雞件都有調味過嘅，真係幾好。係飲品方面，店內都有道地嘅解茶同汽水，仲有竹遮水飲，都算多選擇，配料方面樣樣配料都好香口，唔會話得個樣。值得再嚟食。

打邊爐無得叫肥牛都係第一次8點幾9點入座有超過三分一食物都售罄咁不如唔好做任食場？嘢飲款式少 聲稱$288有八折 我哋叫鴛鴦湯底外加$20醬油每人$20 最後埋單每人$284炸魚皮唔錯有送一碟海鮮鮮拼盤 但覺得唔算新鮮份量計人頭咁俾算幾好 無漏單同都上得快食完唔會話好口渴應該唔多味精但成餐飯一啲都唔值超過$200嘅價錢一定唔會再有第二次

今日一行兩人去旺角行街，諗住買返兩對運動鞋。行左個幾鍾，已經買到心頭好，但肚仔又開始餓，所以我地就諗住去一間坐得舒服啲既餐廳食野。我地見到好多打邊爐餐廳，最後選左呢間，因為佢有卡位座😂坐底左，緊係睇下有咩食啦，我地先選左個鍋底。鍋底都有好多選擇，但因為天氣涼涼地，所以選擇左虫草花雕雞鍋，可以補補佢😂等鍋底上既時候，我就出左去攞野飲，因為任飲嫁，吾好蝕。飲品種類繁多，有我最鍾意既忌廉鮮奶，非常好😍😍跟住我地就點火鍋配料，發現都好多選擇，佢地會先送一個海鮮拼盤，拼盤有好多海鮮。我覺得貴妃蚌最好味，好鮮甜。我地重叫左好多野食，有牛肉，響鈴同炸午餐肉，全部都好好味。而我覺得最正既係黃金炸魚皮，係餐廳自己特製嫁，將蛋王醬塗在魚皮上，再炸成黃金魚皮，非常好味。可以就咁食，又可以放湯先食，各有特色。而我最鍾意就係放湯，魚皮吸口收左花鵰湯既味道，更加好味😍😍大家都快啲去呢間位於旺角既點鍋到試下咁好味既火鍋啦👍🏻

我9日前book左夜晚6點半枱， 去到正日晏就先話個場full左，要食9點半之後。嘜你地自己睇唔到booking係客人嘅錯咩？ Sorry都無聲架喎，覺得自己好有道理架？

好欣賞老闆負上應有既社會責任因為鋪頭有一部分既員工係聾啞人士老闆好有心 願意請佢地成為自己既一分子每一位員工都好盡力去做好自己既工作生日黎食飯慶祝 呢間鋪頭簡直係有良心之中既有良心食物質素未必好高好高 但食得好開心放題式打邊爐一共 6個人 送左2碟牛 同一個 海鮮拼盤 我覺得質素都還好 但係買手買海鮮可能比人呃左因為每隻蜆都有沙 四川麻辣鍋+豬骨濃湯因為病左所以唔可以食好多辣湯底但我試左少少 好鍾意佢個湯底夠麻夠辣 仲有後勁豬骨湯底都好真材實料一大舊骨一直煲湯底做得唔錯個人覺得 啲墨魚滑蝦滑係做得最好

旺角兆萬一向都係飲食之地，係3樓新開咗一間火鍋放題，一於去試一試。餐廳好寬敞，裝修其實帶點心思，環境光猛而且座位都幾舒適，仲有卡位選擇。餐廳實在有好多款湯底選擇，最後叫左鹹酸菜猪肚湯底。而入座後每檯都會送海鮮拼盤同頂級牛頸脊各一客，而近期都會有優惠。餐廳係用電子餐牌落單，環保之餘，落單非常簡單快捷。頂級牛頸脊贈送嘅頂級牛頸脊，牛肉味好濃郁，食落唔韌，好有口感。海鮮拼盤同樣贈送，係按人頭份量計算，大蜆鮮甜，蝦夠彈力，鯇魚嘅魚味很鮮。滑牛片一份份量好多，牛肉有牛味之餘亦都好滑，高質。豬腩片肉味濃郁，食落肉質都易入口。羊肉片就略嫌有少少羶味。星斑片同脆骨腩都好新鮮，脆骨腩肉質好實，最後叫左2輪先至滿足。黃金炸魚皮邪惡之選，即叫即炸，香脆嘅口感同埋香濃嘅咸蛋味，非常吸引。韮菜餃、墨魚丸、鯪魚丸等肉丸推介都要試一試，細細粒，各有特色，可叫2粒上都得，可以試多幾款。當然仲有響鈴、冬菇、午餐肉等火鍋必備配料亦都值得一試！最後叫左薯粉同烏冬作為今餐完美結束，烏冬值得一試。價錢唔貴，質素高，用心！