黑龍

營業中

休息中

今日放工同朋友突然間好想食拉麵，之後發現灣仔附近有一間食雞湯拉麵好出名嘅，我哋決定就去嗰邊睇吓。拉麵店嘅裝飾都非常有日本嘅風格，而且拉麵都好正宗。❤️❤️❤️❤️❤️牛荕black 沾麵 $98今次我哋叫咗一個牛筋拉麵，佢嘅湯底非常之有牛肉味，加上佢嘅拉麵非常寡汁，作為沾麵來說不會太鹹，但係非常之惹味。❤️❤️❤️❤️❤️白雞鹽拉麵 $88另外，我哋叫咗一個白雞湯拉麵🍜依個白雞湯亦都非常之出色，飲得出佢係真材實料煲咗好耐嘅，因為佢非常之香雞油嘅味道，夾埋拉麵一齊食就好正！

▫️食過好多間拉麵店，雖然每一次都覺得啲拉麵好食，但係每一次都會食唔晒😭😭😭，成日都覺得嘥咗，今次呢一間位於灣仔嘅黑龍唔知大家有冇聽過呢？佢最大嘅特色就係好多面都係有Mini size🥳啱晒我呢啲又想食，但係胃口又細嘅人🤗牛筯black 沾麵 $98 ( 小 )湯底真係有啲black，飲咗一啖已經覺得好濃郁，我們牛肉嘅精髓！淨係講牛筋已經好入味，份量都幾多，我覺得細食嘅人嚟講就啱啱好！但係濃郁就可以諗返少少鰹魚湯底做中和！我自己就冇落到，因為我鍾意鹹味重少少嘅湯底👍🏻枝豆 $40我明白有好多人都係唔食豆豆嘅但係其實到到真係好好味㗎，呢度一碗$40 ，又唔算太貴！入面都有好幾條🤩

黑龍豚骨拉麵🍜：可以自選辣度，之前我男朋友同我嚟嘅時候我已經食過激辣，我自己覺得太過辣了，所以今次就叫咗基本😳上次食咗一啖辣都唔知咩味，我覺得唔係咁好食。不過今次就好好多，至少可以飲到佢濃郁嘅湯底😋佢嘅叉燒比較肥厚，肉質幾正👅章魚燒🍡:係我最鍾意食嘅章魚小丸子🐙，超級多燒汁，多到滿瀉！外脆內軟🤭食落去嘅口感唔會太過硬身，有少少似真係喺日本街邊食開嘅小丸子口感‼️明太子飯🍚:上次嚟嘅時候已經叫過一次，覺得好好食，佢細細兜今次又再叫多一次😝將明太子搞散咗，再撈落啲飯入邊，勁好味😋😋

呢間拉麵店之前喺北角及灣仔都有店舖，最初試嘅時候係喺北角店，嗰時已經覺得呢間隱世拉麵店超好食。佢哋嘅幼麵麵質及味道都煮得好好，你食食吓麵想加啲熱湯，佢哋都準備咗昆布魚湯俾你加，而啲魚湯都有啖啖鮮甜味。今日再嚟食時，我哋係試沾麵，完全冇令人失望，不過個湯可以再熱多啲啲吧，下次落單時會出聲提一提。俾錢時見到熟悉嘅收銀處擺設，再問問擬似係老闆嘅日本人，佢話係呀，之前北角有店，而家淨係灣仔店。希望疫情過後，佢哋會繼續經營到及多啲生意，否則咁好食嘅拉麵店都冇埋就好可惜。但佢哋每日下晝3點就會落場，到6點再開番。因為有幾次去到佢哋啲湯底賣哂，2:30pm都會截單及閂門，入面座位都足夠，人流算快，早啲去排隊，盡量避免繁忙時間就最理想。櫻海老沾麵牛筋沾麵章魚燒飲埋啤酒真係超正性價比超高，好抵食仲要冇加一！

好耐無嚟灣仔呢邊搵食，一網搵一搵，發現原來呢度有間拉麵店係區內幾出名，今次就嚟試下，食物質素果然對得住佢既人氣！🍜牛荕black 拉麵 $98⭐️一上黎就已經聞到好香既牛香味，個湯底既味道亦好濃郁，令人忍唔住一啖接一啖，而且飲完唔會覺得好口渴⭐️拉麵既質地煮得岩岩好，唔會太淋而且有咬口，值得一讚⭐️牛筋都好軟滑，啖啖肉，正🍜山椒辛味噌拉麵 $98⭐️鹹香味豐富嘅湯底，配料份量好多👍🏻⭐️仲有流心既糖心糖，一流🤭🤭⭐️拉麵嘅麵身質素唔錯,夠彈牙⭐️仲有舊五花腩，食落有油脂既香，但又唔會有肥膩既感覺，入口即溶

是日中午，凍凍地就想食拉麵，平時見黑龍好長龍，離遠已經覺得排唔到～今日竟然較少人排隊，等咗一陣就入得💕⚫️黑龍豚骨拉麵🥶 冬天食碗熱辣辣嘅拉麵好正😆 湯底偏杰身濃洧～麵質軟硬適中！上面嘅叉燒肥瘦適中👍🏼🌶辣三枚肉沾麵用上粗麵，較有咬口，份量也十分足！但我自己更喜歡豚骨拉麵嘅叉燒～🥟餃子外皮煎得香脆，肉汁豐富😋推介指數：⚡️⚡️⚡️餐廳環境：⚡️⚡️⚡️服務態度：⚡️⚡️⚡️再訪：maybe

今日收工好肚餓，就係公司附近搵咗一間我自己好鍾意食嘅日本拉麵店入去快速食個晚飯。之前已經同同事食過佢哋嘅，今次我自己就試咗佢哋嘅牛筋麵。佢哋依度嘅牛筋拉麵非常之出色，非常之推薦！🍜牛荕black 拉麵 $98💯呢個牛筋拉麵真係一百分，首先佢嘅湯底非常之香濃，充滿牛香嘅味道！之後佢嘅拉麵底質地亦都非常之適合我，佢可以揀軟硬嘅程度，根據個人喜好🫶🏻之後佢嘅份量亦都適中，食完之後真係非常飽！非常之推介，大家一個人去食嘅話可以食呢一個牛肉拉麵！如果有幾個人share，都可以試埋佢哋嘅沾麵！

Lunch 時間見到人龍比平時少，等左5分鐘就入得🤩 小店座位唔多，店員同師傅都係用日文溝通，好有日本感覺呀🇯🇵牛荕black 沾麵 $98 ( 小 )哇！真係好好好好好好濃！沾麵個湯已經比平時拉麵湯底濃稠，呢度個湯底直頭痴咗線咁濃🤣🤣👅可能有人會覺得咸，但我就超鍾意。因為佢濃得黎唔會令到你好口渴，反而每一啖都係味覺嘅享受，真係唔想碗麵咁快食完！辣三枚肉沾麵 $98辣三枚肉沾麵嗰沾汁少少辣，唔會好辣亦都唔算好鹹，做到掛汁嘅效果，因為之前食過有其他舖頭嘅沾麵汁係好稀。不過下次有機會再到訪黑龍，😀試其他款式嘅拉麵！xdddd佢哋的麵仲可以按自己喜好作選擇，例如拉麵方面可以揀麵的硬度，有分軟，基本和硬。揀要唔要葱和洋蔥。如果辣的湯底仲可以揀辣度。沾麵方面可以揀麵的溫度，有分冷或熱。揀要唔要葱和洋蔥及溫的分量。👍🏻😋🔥💛😛

成日都以為汕頭街冇嘢食，點不知原來佢有一間好出名嘅拉麵店，食過一次之後我就成日都嚟食！不過次次都食唔到其他得食拉麵，每一次都淨係食到牛筯black😭今日好好彩竟然比我叫到白雞鹽拉麵，仲可以叫到小食吉列豬扒添！用雞調製嘅湯底味道真係特別清甜，話就話係鹽拉麵，但係我就覺得唔會話好鹹，只係啲拉麵入咗少少味，我自己又覺得如果啲拉麵有輕微調味嘅話好似好味啲！另外小食吉列豬扒都好正喎！外脆內軟，仲勁多肉汁好Juicy Juicy 㗎 ！旁邊仲有醬汁，真係好正呀，好似去咗日本居酒屋咁！

🎌 黑龍 (灣仔)灣仔汕頭街29號地舖🔅呢間餐廳係日本師傅打理，佢哋嘅特色就係拉麵湯底比出邊嘅更加濃郁。無論係個拉麵底、湯底、餸菜、配料等都會做到100分。👇🏻今日就揀咗一份拉麵一份沾麵。-辣三枚肉沾麵 $9️⃣8️⃣初頭冇諗住食沾麵架，但係見到OpenRice都幾多人推介呢一款就試吓佢，佢個湯底味道真係好濃郁，如果冇食開咁濃味嘅嘢可能會有啲唔習慣。👅不過大家可以放心，職員會為你哋安排一壺鰹魚湯，有需要嘅朋友可以將佢倒落原本嘅湯底度溝稀少少。-山椒辛味噌拉麵 $9️⃣8️⃣✌🏻呢一個拉麵我就有做足功課，因為我知道有好多人慕名而來，成日都話唔夠材料而賣清光，所以今日同朋友提早到門口排隊，就係為咗呢份拉麵。好彩冇令我失望！山椒味好突出，成個湯底好特別，好濃郁。叉燒都好入味！。

同媽媽去灣仔shopping，行到肚餓就知係時候食野啦！媽媽想食麵，咁就同佢去食啲平時比較少食的拉麵，去左《黑龍》，黑龍拉麵店係灣仔汕頭街29號地舖，有個黑色的三角形屋頂，好顯眼，好易揾。🥟餃子 $38餃子一碟5隻，外皮一邊煎到香脆，2邊Q彈，裏面餡料足，肉餡多汁好味。咬落去好有口感，好滿足！辣三枚肉沾麵 $98呢碗沾麵真心好正呀！麵彈牙有咬口，厚厚的腩肉外層燒到焦香，咬落去油脂和肉混合，無得輸！成隻溏心蛋🥚好好味😋個沾麵湯係🐷豚骨湯黎的加秘製辣粉，好惹味！🐂牛荕black 拉麵 $98 媽媽好鍾意食牛筋，呢個合佢口味，拉麵混合左港式風味，加左牛筋係入去🤩，好有特色呀。湯底係香濃的牛腩味，叉燒好靚好好食，牛筋又腍又滑，拉麵必有的溏心蛋亦好出色👍木耳絲爽口，洋蔥🧅和蔥令個麵的味道更有層次。

今日收工自己一個去咗食同事介紹嘅日本拉麵，呢間日本拉麵係幾正宗嘅，而且喺灣仔亦都幾多人推介嘅拉麵，今次一個人試咗佢嘅沾面同埋章魚燒。🍜辣三枚肉沾麵 $98因為上次嚟食過湯拉麵，今次就試咗佢哋嘅沾麵，佢哋沾麵都冇令人失望，向右Jimmy湯品亦都非常之龍尾，但又唔會講得好鹹，而且佢嘅呢亦都非常掛汁！🧆章魚燒 ( 燒汁味 ) $25佢哋嘅章魚燒亦都好好食，嚟到嘅時候熱辣辣非常之香。再加上我嗌咗燒汁味，令到嘅時候已經舔舔脷😆食落口嘅時候非常之熱，而且係有入口即溶嘅感覺非常之好！

食在灣仔🧷黑龍•¨•.¸¸☆･ﾟ•¨•.¸¸☆･ﾟ•¨•.¸¸☆今日又同我男朋友拍拖，我哋去開附近嘅商場睇電腦就順便過嚟食吓嘢！我同我男朋友都好鍾意食沾麵，不過近呢一個月真係未食過！所以我哋行過見到呢一間拉麵店就諗都唔諗衝咗入去🤑🤫辣三枚肉沾麵 $98💗🤫櫻海老沾麵 $98💗兩個拉麵最大嘅分別就係一個辣一個唔辣，另外佢哋嘅叉燒都有唔同㗎 ！一個係輕微燒過，令一個係就咁煮！我自己覺得燒過嘅嗰一塊好食啲🥰如果拉麵底嚟講，其實我覺得兩個都一樣，面比較軟身一啲好，我自己都幾鍾意。不過湯底略濃，如果大家好似我咁唔係食得好慣就可以拎起枱上面嘅鰹魚湯底倒落去！

日本拉麵一直深受港人愛戴，不少港人目標要食盡香港拉麵為人生目標😎😎可見港人對拉麵的熱愛程度。最近去了位於灣仔既黑龍，係區內都幾有名氣既拉麵店，店員態度誠懇有禮，環境闊落，食落都幾舒服😋😋👍👍今次點左：1️⃣黑龍叉燒飯 $882️⃣吉列豬扒$45⭐️黑龍叉燒飯 叉燒每件都肥美嫩滑，唔係瘦到鞋恰恰架，口味正宗，肥瘦啱啱好🥩🥩醬汁好食，甜甜地，叉燒同飯都吸哂啲醬好正，飯粒粒分明，仲有粒溫柔蛋，配飯一流🍳🍳🍛🍛⭐️吉列豬扒$45豬扒鬆軟無比，略帶少少肥，咬落去鬆化軟淋，肉質唔會鞋，厚肉，好好味🍗🍗😋😋

終於嚟到周五，努力完今日，可以放下假，放工慢慢食個豪華晚餐。去左《黑龍》食拉麵，拉麵店係灣仔汕頭街29號地舖，有個黑色的三角形屋頂，好顯眼，好易揾。放假點可以唔嚟返杯啤酒＄45🍻，再嚟野食。先嚟件🐽吉列豬扒$45 ，豬扒即口即炸，新鮮熱辣🔥，豬扒炸得好靚，金黃色的外層香脆可口，入面的豬等扒仍然係Juicy的。櫻海老沾麵 $98，呢個麵有好多櫻花蝦，數片叉燒和一隻溏心蛋。沾麵的麵有啲近似鳥冬的粗度但又比一般鳥冬幼身少少。麵咬落去QQ彈彈，又有力可以掛到湯汁。叉燒味道適中，成隻溏心蛋好滿足，蛋汁沾麵都好好吃😋