黑門水產すいさん (Fashion Walk)

尖沙咀一向多野食，今日決定去依度繼續尋寶果然又比我搵到一間充滿日本味道，野食又好食既居酒屋首先，我地叫左個居酒屋必食既海膽蟹味噌甲羅燒，份量都好充足，海膽蟹子既味道好鮮甜，店員幫我地燒完之後叫我地用梳打餅配搭黎食，好好食之後叫左個極上大漁貝燒，估唔到都咁足料，有蝦蠔大大粒帶子同海膽，再加上店員落既汁，一燒已經超香另外仲嗌咗個鐵板燒雜菌海鮮，入邊都幾足料有鮑魚魷魚蝦，鮑魚份量都幾多，咬落去好彈牙好鮮甜，配合埋鐵板燒嘅黑椒味，又將海鮮嘅味道再一次昇華咗黑門角切海鮮沙律，估唔到份量係咁大兜，入邊有帶子三文魚油甘魚配合埋柚子醋好開胃之後嗌咗個鰻魚漢堡，佢係上下層都有鰻魚夾住啲玉子同飯，每咬一啖都係有鰻魚，好滿足仲有個大漁炒飯，佢入邊都好足料，好多蟹子同魚，幾香口幾好食

朋友慶祝生日揀了這間餐廳，環境寧靜舒適，室外比較有情調，不過太熱還是不了😂1）牡丹蝦肉質Q彈鮮甜，拍得上去日本食嘅品質👍🏻2）生蠔勁有鮮蠔味又creamy，面嗰層啫喱其實冇必要加落去3）和牛沙律反而有驚喜，牛味比較濃郁，沙律菜搭配醬汁好開胃，大大碟值得一試👍🏻 4）燒魷魚唔知點解有陣酸味，唔係好食得慣5）燒紫菜帆立貝味道正常水準，貝肉新鮮有彈性，勝在食法新鮮總體嚟講，睇得出廚師好有心機設計食譜，選材新鮮，食法有創意，會再過嚟試其他菜式

係Fashion Walk 附近既餐廳比人一種比較高級既感覺，夜晚行過有D舖頭既裝飾、街燈令到條街有種好好既氣氛，今次去左黑門水產食日本野，遠處已經見到日本feel燈籠，入到去覺得間舖好大好舒服，我地叫左海膽蟹味噌甲羅燒做前菜，鹹香蟹膏味配上梳打餅即刻打開左個胃，蟹膏份量多到可以就咁再食好爽！黑門角切海鮮沙律有甜蝦、三文魚、車厘茄等，醬汁好開胃但就太咸～鐵板燒山賊醬蟹蒜地雞，用左大量洋蔥加炸蒜炒香，十分惹味，上菜時熱到出煙，有種大排檔風味咁，不過都係咸左少少但用黎配啤酒幾好極上大漁貝燒除咗有元貝之外仲有蝦、蠔同三文魚籽，火候燒得剛剛好，元貝唔會燒到太過韌，多款海鮮一齊燒味道好鮮甜，想連D湯汁飲埋佢，哈哈最後叫左壽司拼盤，壽司飯唔係平時食既白醋飯係應該用左赤醋，sushi 不過不失

今日我哋嚟到一間好有日式風嘅餐廳，佢哋嘅外牆都係用木造，掛住燈籠好有日式風，而且有户外座位，岩晒鐘意座室外既朋友仔呀🌞。門口仲有日本大阪路牌指住呢間餐廳名叫做「黑門水產」，真係好有特色，成個感覺係返左日本咁🎌❤️！食物：🦪🍄【黑松露白汁燒帆立貝】我哋點嘅第一款菜式係「黑松露白汁燒帆立貝」，聽落已經令人食指大動！佢哋將鮮嫩嘅帆立貝同黑松露配搭，再加埋香濃嘅白汁去燒，真係食到停唔到口啦🤤！帆立貝嘅肉質咁鮮嫩，而黑松露嘅香氣又好撲鼻，實在係一絕呀👍！【赤鬼蟹味噌甲羅燒】食物：🦀🍣哇！嚟緊一道必試嘅菜式係「赤鬼蟹味噌甲羅燒」！佢哋將蟹肉、蟹膏同明太子混合埋味噌，再加上蟹子同三文魚子增加口感，真係味道香濃，令人愛不釋口㗎！而且梳打餅仲係最佳配搭，唔會漏嘢味，但要注意，食得太快都會忍唔住想再嚟一碟呀😂！【黑門令龍蝦湯煮海鮮】食物：🦞🍲呢個菜名都真係有趣，我哋嘅下一站係「黑門令龍蝦湯煮海鮮」！上碟一上嚟，就聞到濃郁嘅龍蝦湯香味！入面有新鮮嘅鮑魚、海老同魷魚等等，個個都鮮嫩欲滴，一啖下去，鮮味直衝雲霄㗎！即使加左黑椒調味，都唔會搶走啲鮮味，特別係鮑魚質感超出色，好嫩滑呀👌！【黑門鮪魚酒盜芝士】食物：🍣🧀

之前都食過尖沙咀店，都係早兩日行街先發現原來銅鑼灣都開咗新店！尖沙咀嗰間已經裝修得好日本，銅鑼灣呢間門口都花咗好多心機！今晚叫左幾款刺身.有甘蝦刺身/油甘魚刺身/帆立貝刺身同樣都係鮮味😋😋😋我哋仲叫咗海膽蟹味噌甲羅燒有海膽/蟹肉/鵪鶉蛋/蟹籽撈混後就搽上餅乾食！我哋再叫咗壽司食叫蔥吞拿魚腩卷超多吞拿魚蓉壽司飯底係醬油飯，所以比較特別我哋再叫咗柚子胡椒豬骨湯豚肉鍋超好味！柚子胡椒味，好少出邊有得食！個湯非常之出色！我哋叫咗個招牌黑門令大漁魚子醬脆脆包！超豐富！多士上邊有吞拿魚蓉/海膽/三文魚子/魚子醬！我哋仲叫柚子胡椒香蔥牛舌心！出奇咁好食！真係好少見到柚子胡椒既野食！

黑門帆立貝伴魚籽醬海膽蟹味噌甲羅燒深海池魚薄切刺身黑門三文魚加洲反卷鐵板宮崎柚子胡椒香蔥牛舌心甘蝦刺身椰子雪芭黑門水產一直都係超級高質素嘅日本餐廳, 無論係海鮮定日式料理都係咁好食。次次去食我都一定會order 刺身, 今次都唔例外, 叫左份甘蝦刺身同池魚刺身, 兩份都好新鮮, 特別係甘蝦, 食落蝦肉糯口又香甜。帆立貝都係我嘅必點菜, 微微烤過嘅帆文貝配上魚籽醬同紫菜, 一啖食到多重口感。鐵板牛舌第一次試, 份量都幾多, 牛舌好彈牙又夠厚身, 2樣野都好好食。

-黑門水產すいさん-@銅鑼灣.以木為主的裝修，加上每個座位都好寬落，坐得好舒服。Menu選擇好多，由濱燒、刺身、壽司至甜品都好多款式。.黑門角切海鮮沙律 ($108)好開胃的沙律，用料豐富，有甜蝦、三文魚、蟹籽、車厘茄等，加埋開胃醬汁，夠晒清新。.黑門令蟹味噌甲羅燒 ($98)居酒屋必點的甲羅燒，今次點了原味。松葉蟹膏好香濃，加埋爽口蟹籽、蟹肉碎、鵪鶉蛋和香蔥，更是滋味。.店員會幫手煮好，可以加埋脆脆令口感更豐富。.生帆立貝肉刺身 ($168)帆立貝好新鮮，唔洗沾醬油。夠鮮甜軟嫩。.鮪魚赤身拖羅蓉千本太卷 ($198)超豐富的太卷，大大條吞拿魚加滿滿的拖羅蓉，加埋特別調味的赤醋飯，每啖都令人覺得好滿足。.三文魚腩壽司 ($88)三文魚腩好厚身，夠肥美。.鐵板宮崎柚子胡椒香蔥牛舌心 ($178)一般牛舌都係以串燒烹調，今次試下比較少見的鐵板牛舌。用上牛舌心，肉質特別爽口彈牙，牛舌味濃。加上柚子胡椒、香蔥和洋蔥等炒香，十分惹味。.黑門鰻魚玉子燒 ($98)玉子燒一點都冇燒得過火，所以做出黎好輕盈軟綿。而且層次分明，連埋鰻魚同醬汁，味道剛好。.焦糖烤哈蜜瓜 ($98)甜品點了烤哈蜜瓜，一份有

生日緊係要好好慰勞下自己，今個生日就同朋友去到銅鑼灣既黑門水產度食返個優質晚餐。呢度好近銅鑼灣站，F出口行4分鐘左右就到。雖然重係香港熱鬧既銅鑼灣，但黎到呢度彷如置身日本。入面既座位闊落，坐得舒服，岩曬我地慢慢享受呢個晚餐。頭個幾樣我地都叫左d要燒既嘢，呢個黑門令蟹味噌甲羅燒，未食落口已經覺得好吸引🤩蟹膏，蟹肉，蟹子，鵪鶉蛋撈埋，燒完之後既感覺太正啦！夾埋香脆既炸蒜真係另有一番風味！極上大漁貝燒，一次過食曬咁多款新鮮既海產，生蠔，大蝦，三文魚籽，帶子同海膽！食完燒物，就食返幾樣刺身，呢個三文魚腩真係好新鮮好好味，食落感受到滿口肥美魚油，入口即溶咁！長崎本釣池魚，全條上，部分做左刺身，部分撈左漬物，條魚骨仲可以選擇拎去炸或者滾湯飲。最後簡左煲魚湯，好鮮味，好好飲！西京燒比目魚赤鬼海老天婦羅反卷所有食材都好新鮮美味！

中意食海鮮,又中意食日本野,黑門水產幫到我。呢度既餐單花款勁多,而且唔算好貴,合理價錢已叫到幾樣野食,款款都有新意。平時原味甲羅燒就見得多,海膽味既就冇見過,呢款有海膽既CREAMY,又有好多唔同既配料,MIX埋一起食,真係神級既享受,仲有專人係我面前燒,正!叫左個海鮮蒸蛋,有鮑魚架!好味道,海鮮既鮮味同蒸蛋相輔相成,好夾!小食就叫左一客章魚小丸子,木魚好香,章魚又好彈牙好足料!花酒甘蝦刺身都超正!我平時唔太食刺牙,但甘蝦刺身有好香既酒味!唔洗豉油已好好味,當然點完豉油又係另一番風味!欣賞呢度既服務!好親切!侍應用心介紹每道食物。

有一個相識18年既朋友係咩感覺？就係我地相識當年出世既小朋友，今年都要成年了🥹係年華逝去既感覺🤣懷緬青春既一晚，接咗朋友收工就去咗Fashion Walk既黑門水產食飯，餐廳位置好近銅鑼灣donki，門口大大既招牌幾有霸氣😻尖沙咀店已經食過好幾次，樣樣野都好好食🤤今次新開係銅鑼灣，港島的人有口福了今次真係眼闊肚窄叫咗好多😛好彩都食得曬招牌菜甲羅燒，今次揀咗海膽蟹味噌，招牌動作燒之前會上嚟影下相打個卡佢地既甲羅燒真係世一，果陣鹹香蟹膏味真係好好食，真心我想配碗飯🍚極上大漁貝燒除咗燒大大隻元貝之外，仲有蝦海膽同三文魚籽一齊燒。真係不得不佩服火候燒得剛剛好，元貝唔會燒到韌曬，多款海鮮一齊燒味道好鮮甜呢個黑門令大漁魚子醬脆脆包次次都叫唔中佢，今次終於記得叫佢🤣朋友就可以男兒口大食四方，我就好狼狽啦🤣好彩大家識咁多年冇所謂啦😌一次過滿足你N個願望，吞拿魚蓉海膽三文魚籽飛魚籽再搭埋魚子醬！分開定夾埋都好好食朋友玻璃肚唔食生蠔🦪咁我就獨樂樂啦呢隻岩手縣赤崎生蠔依舊手板咁大隻🖐🏻上面既提子jelly簡直錦上添花，真係想食夠一打🥹朋友都唔寂寞，揀咗份黑門帆立貝伴魚子醬見佢一啖落口即刻爆咗句勁鮮甜🥹我都想

為咗慶祝朋友生日，今次就試咗呢間主打黑門市場地道特色小食嘅日式餐廳，整體非常之有驚喜！每一道菜都係用心處理，而且食材新鮮。如果大家想喺銅鑼灣試下高質日本菜，千祈唔好錯過！👍🏻🟢蟹味噌甲羅燒作為招牌菜之一，果然冇令我失望！餐廳用左特製蟹味噌醬汁即叫即燒，蟹膏燒完仲係好鮮甜，連埋芝麻餅一齊食，令人難以忘懷😍🟠極上黑門活貝盛合呢個海鮮燒拼盤真係超正，有鮑魚、燒生蠔、峴等。所有海鮮都超新鮮，好似去咗日本一樣，最驚喜係職員會即刻用炭爐現場燒俾你食，連埋海鮮嘅鮮汁一齊食，簡直係超級享受！😍😍😍🔵深海池魚薄切刺身 及 甘蝦刺身餐廳嘅刺身水準亦好高，非常新鮮，特別係甘蝦刺身，鮮甜的口感和柔軟的質地，食到非常滿足😋🟡蒲燒鰻魚飯鰻魚非常鮮嫩，搭上蒲燒醬汁和蓋飯，整體唔錯！

冇行到銅鑼灣嘅Fashionwalk一排呢度竟然開咗間黑門聽講呢個都係佢哋嘅招牌菜之一，我揀咗一個原味同埋赤鬼。赤鬼係辣嘅，原味呢就有蟹肉。餐牌上面好似仲有第三款味係海膽依間舖頭，佢通常食物未製作之前都會拎過嚟俾你打卡影相，如果你唔介意嘅話佢哋都會喺你張枱上邊即席為你製作。打完卡之後佢先會整我覺得赤鬼嘅味道的確係有啲辣，如果食唔到辣嘅人可能真係試其他味道會更加好。而佢嘅蟹膏全部都好新鮮，餅乾食晒仲可以叫佢添加，抵試我哋仲叫咗一份貝殼類嘅燒物。除咗蠔，鮑魚，扇貝，蝦，仲有另外一個牛油味的貝物。全部都好新鮮，而且佢燒完之後仲會幫你展開方便你進食嘅size。鮑魚喺火爐上邊瘋狂跳舞🙈最簡單嘅食材，佢哋嘅條尾方式都唔需要太過複雜。佢嘅貝殼類好多時候可能只係用少少牛油，走條一條味。鮑魚燒咗超香，放入口嗰下就已經feel到佢燒出嚟嘅效果。而且又有厚度，又唔會燒到太老刺身，我哋揀咗甜蝦同埋池魚。兩者都好新鮮，詞池魚佢有兩種做法，碗裏面嗰啲係有醃製過嘅，酸酸地咁幾開胃。而唔係碗裏面嗰啲就係正常刺身。蝦都係好鮮甜美味，微糯，大隻我哋刺身就快食晒嗰陣，佢又專登行過嚟同我哋講話條池魚嗰個骨可以另外再加錢拎佢去

黎到黑門水產門口，感覺置身於日本橫街一樣，食肆林立，好似去左旅行咁。餐廳裏面嘅裝橫都令人意外，好有心思的設計，有如日式居酒屋嘅感覺。店員同經理熱情嘅款待，好快安排好位置同介紹餐廳嘅名物，我地好快就決定好食咩。首先黎個黑門令蟹味噌甲羅燒，海膽蟹味噌甲羅燒同赤鬼蟹味噌甲羅燒，顏色望落已經好吸引，店員細心講解食法同先後次序，由啖味嘅黑門令食先，最後先食赤鬼就可以試真啲個味道。係個爐度一路燒，一路聞到蟹膏嘅鮮味，真係好吸引，好想快啲開餐。店員好好招呼，一邊好好客地同我地傾偈，一邊好細心地燒。時間過得好快，好快就可以上碟啦！首先試下黑門令呢個招牌菜，有滿滿嘅蟹膏，蟹肉，蟹籽同蔥花混入鵪鶉蛋，配上梳打餅，真係一流，口腔充滿鮮味，真係好令人回味。再提升層次，試埋海膽，將蟹同海膽混埋一齊真係好夾，完全唔會有賓主之分，兩種海鮮各自發揮將其鮮味提升至極至。最後赤鬼蟹味有點微辣可以衝擊我嘅味蕾，真係一個好好嘅開始。黑門令大漁魚子醬脆脆包更令人大開眼界。口感豐富，香脆嘅法包上面材料豐富，有新鮮蟹肉，鮮甜嘅海膽，魚子，魚子醬，吞拿魚蓉同蟹子，配上炸香左嘅乾蔥，多重口感，令人回味。試左兩款雪葩，各有特色，柚子口感

銅鑼灣加寧街係Food Street 食街，有唔少好靚好正嘅餐廳，之前同親戚朋友都響度食過幾次，今日我同朋友嚟到加寧街5-7號嘅地下黑門水產食日本野。餐廳唔細間，裡面佈置日系風格我們分別用手機QR code 落單叫了以下食物：鐵板宮崎柚子胡椒香蔥牛舌心 $178唔知點解食日本嘢就好鍾意食牛舌，呢度嘅牛舌切得唔會太厚亦都唔會太薄，啱啱好，鐵板燒牛舌係唔錯的配搭黑門大阪燒 $98大阪燒就份量唔少，入邊有椰菜、蛋，上面鋪滿咗紫菜、木魚絲，熱氣令到木魚絲郁吓郁吓，好動感，入面仲有豚肉片。明太子赤鬼大漁炒飯 $188赤鬼嘅意思係辣既，飯炒得粒粒分明，幾鐘意，而我們都係想食熱飯，所以就叫了這個炒飯。朋友鍾情於卷物，我們又叫了兩個赤鬼海老天反卷 $188炸天婦羅蝦，旁邊仲鋪咗好多醬汁同三文魚魚子蟹籽黑門三文魚加州反卷 $138呢個係主要係朋友話想食三文魚，又係卷物今晚同朋友食了兩個鐘，食飽飽傾好計，開心😃

今日係老友生日，我地揀咗呢間居酒屋食生日飯。由於好餓嘅關係，我哋兩個人就嗌咗8樣嘢。1）黑門鮪魚酒盜芝士配合鮪魚醃醬既芝士,口感味道都好難去形容，係一道唔錯嘅開胃菜，同埋伴酒小食，值得一試。2）蜜糖芥末火灸安格斯牛肉沙律我同朋友都十分之鍾意呢個沙律。首先蜜糖芥末醬喺沙律精華，酸酸甜甜，十分開胃。而火炙嘅安格斯牛肉係十分之鮮嫩，兩者配合得天衣無縫。3）海膽蟹味噌甲羅燒有海膽蟹籽蟹肉蟹膏混合一齊燒，嗰種香氣未食就已經流曬口水，係幸福嘅味道。4）極尚大漁貝燒燒貝包括有蝦海膽帶子生蠔，未食就聞到陣陣嘅海鮮味，食落去鮮甜爽口，大滿足。5）黑門鰻魚玉子燒玉子燒燒得濕潤鬆軟同鰻魚非常之夾。6）黑門令極黑鮑海鮮太卷就咁聽個名都知道好勁,入面嘅材料包括有三文魚,吞拿魚,玉子,鮑魚,魷魚等等,一次過滿足曬你所有嘅願望。7）西京燒銀鱈魚銀雪魚嘅肉質非常細嫩,油脂豐富而且juicy,配上沙律醬甜鹹甜鹹咁，真係好想要返碗飯去配呢道魚。8）焦糖烤哈密瓜一上枱嘅時候就見到密瓜上面焦糖脆片,食落口嘅時候有兩種甜度口感喺你口里爆發，又軟又脆，正。雖然叫咗咁多，但我哋都有食曬佢㗎。而且全部都好味，下次一於約多啲朋友嚟試埋