黑門水產すいさん (Fashion Walk)

呢間日本料理主打每日空運到港嘅新鮮日本海鮮同埋刺身，而且所有爐端燒嘅食物都有人幫手燒，完全可以耍廢咁等食美食😆今次專程等佢一開門就去試咗銅鑼灣呢間分店，服務員態度好好，會介紹佢哋嘅熱門食物，我哋對啲嘢食有啲咩唔清楚佢哋都好樂意解答。北海道飛魚呢度有好多特別嘅刺身款式，就例如呢道北海道飛魚，一入口就食得出係新鮮空運，而且條魚骨都可以選擇攞去煲湯或者炸咁樣兩食😋海膽蟹味噌甲羅燒濃郁澎湃嘅蟹膏，每一啖都爆發煮蟹膏同埋海膽嘅香味，再加埋脆脆嘅梳打餅，唔怪得係佢哋嘅招牌美食😚辣酒煮刀貝新鮮嘅刀貝，配上辣辣地嘅上湯，最適合鍾意食辣嘢嘅人蟹油蒜燒帆立貝超大粒嘅帆立貝，配上蟹油嘅香味，配搭一流！店員會即場喺面前將佢燒好，並且剪成一口size，一啖一啖連啲汁都飲埋。黑門令龍蝦湯煮海鮮龍蝦湯非常濃郁，湯入邊仲有唔同嘅海鮮配搭，全部都好新鮮。煙燻三文魚活火山厚切嘅三文魚覆蓋住青瓜壽司卷，再淋上甜甜酸酸嘅沙律醬，值得一試。鐵板燒山賊醬蟹蒜地雞地雞其實即係用咗雞扒，一大碟超級多肉，用上蟹味嘅蒜油煮特別香，山賊醬亦都比較少見，好特別嘅美食。