黑木 (已結業)

通常諗起食日式串燒，第一時間都會諗起尖沙咀！所以每次食日式串燒，都會喺尖沙咀度搵食😬最近尖沙咀新開左一間日式串燒店！門口裝修好靚，極具日本風味,內裏燈光充足,座位不少！侍應好好禮貌，上菜嘅時候都會逐一介紹👍🏼Menu比較特別，有單點之外同埋有omasaka廚師發辨！第一次食串燒嘅廚師發辨！佢有三個價錢二百幾蚊四百幾蚊同六百幾蚊，我哋兩個人揀咗一個最平嘅餐同埋最貴嘅餐來試！有廚師發辨，感覺比較抵食啲！因為最貴個餐都係$680食到我地超級飽！前菜有煮花螺，青瓜，北海道八爪魚鷄肉分類好細緻，有串雞腿肉，雞頸肉 （好少食到）蟶子爽口新鮮👍🏼白鱔皮燒到好脆👍🏼無果果近年好多人食，食左個好特別的無花果慢煮黑豚肉😋海鮮荼壺湯，好特別，好似飲功天茶咁，外貌好吸引，材料的花甲，幾鮮甜，同時備上青檸，份外香甜～最後條魚叫馬友一夜光，係隔晚曬乾再燒👍🏼

原來韓國街附近不只有韓國食店 今晚同咀刁v例牌食日本菜日本菜中嘅omakase由前菜 小食 刺身 浜燒 燒物等等都由廚師發板今晚尼到黑木 主打嘅係串燒 非常肉肉 岩哂食肉獸啦哈哈餐廳環境既和風又精緻 雖然地方唔算大 但比人高級舒適嘅感覺前菜有海螺 麵豉青瓜 豆腐海螺充滿鮮味且帶甜 爽脆嘅青瓜配上略咸麵豉 不再單調 而尼款豆腐帶比豬小姐驚喜豆腐質感紮實 一啲都唔鬆散 幾有口感但並唔係嚡口 仲有啲似魚肉添 好得意串燒陸逐上場啦 十二串串燒排住隊出場了串燒主要分雞 豚肉 內臟 鱔 蔬菜 菇菌等等先講雞 有燒雞頸肉 雞軟骨 雞腎 雞心雞腎雞心彈牙又爽口 輕鹽得尼好香口 內臟雖然唔健康 但偶爾放肆一次真係好滿足黑豚肉肉質軟腍 油脂不多 加上孜然粉少少辣 還不錯白鱔值得推介 鱔肉厚身啖啖肉 燒到外脆內嫩 多汁又唔乾身 好肥美 用尼增加纖維 平衡營養嘅蔬菜 菇菌類有白蔥 青椒仔 小甜薯 粟米 冬菇 蘑菇無花果醬慢煮豚肉 由於係慢煮嘅關係 豚肉既入味又可以保留原有鮮肉味 肉質唔會老 豚肉半肥瘦 口感一流配合無花果酸甜開胃嘅果香 難怪店員大推梅子醬雞扒相對質素一般 梅子醬味道太低調 唔突出 食落似普通煎

適逢姐姐生日，所以努力搵餐廳跟她慶祝，首選是她最愛的日本菜。多謝為食好友推介了新發掘的餐廳，享受了一個好飽、好滿足的飯局。餐廳門面十分簡約低調，稍微行得快，好易走漏眼。和風木系設計，令人感覺舒服。如果坐高枱，還可以欣賞到師傳煮菜時的功架。我們選的是OMAKASE $688，一於交由廚師發辦，解決選擇困難症。單點的話，款式多元化。先來前菜，是東風螺及玉子。東風螺好爽口，而且醬汁醃得入味。玉子暖笠笠，滑溜溜。店員一捧上枱，即推介這是他其中一道最愛的菜式，令我期待。無花果醬豚肉的脂肪幾乎煮得已經溶化，豚肉香口軟腍，加上微香的無花果醬，味道很讚，果然無介紹錯！黑豚肉加入不少孜然粉，所以好香口，而且肉質爽彈。雞軟骨爽口。究竟要幾多雞頸肉才能串成一串呢？雞頸肉吃落一絲絲，口感不錯。第一次食雞尾，外脆內軟，帶點脂肪，但不算肥膩。雞腎爽口。別看輕這個配角－紅酒車厘茄，好正！外衣被剝掉，所以浸紅酒時，更覺入味。忘記跟師傅講，我們少吃內臟，但既然整好了，就試下吧。雞膶好粉好腍，無豬膶般嚡口，但吃完一塊已覺滯膩。之後有白菌、冬姑及青椒仔，味道不錯。食完所有串燒，來一口青瓜清味蕾。茶壺海鮮湯細細的茶壺裝有大蝦

一班朋友係尖沙咀附近剛剛收工，想搵個地方坐低靜靜地傾下計、飲杯酒、食串燒，可以試下呢間黑木串燒，食物質素有水準。今次我同女朋友收工之後，過海去尖沙咀就係為左去呢間黑木朝聖👍🏻👍🏻如果你又好似我咁有選擇困難症，可以試下好似我咁點OMAKASE（主廚發辦）前菜有三款冷盤，包括 清酒🍶煮蜆、煮菠菜、煮田螺，別具匠心🌸有成十二款串燒咁多：白蔥（配上木魚絲）白鱔（皮脆肉嫩）雞腎（爽口得黎唔會好韌）雞肉串燒 （雞肉混合左雞軟骨再燒+溫泉蛋）小甜薯（日本甜薯，面頭有少少海鹽，入面意想不到的甜）當晚的時令煮物是—鯖魚有薑絲和露荀伴碟，精緻可口！吸物— 田螺湯（超大隻！！）師傅一早將內裡的田螺切到一口口，用筷子一夾就食到😽 伴碟有半塊青檸，如怕腥味可加少量，我就不怕，反而聞到好鮮甜的田螺加清酒香。湯可以倒在小碗入面細呷燒馬友食材新鮮，店員跟我們說是由師傅每日早上親自搜羅的新鮮食材，配上蘿蔔蓉混合柚子汁，抵消了燒魚的油膩感覺😚😚總括而言，用餐體驗很滿意，店員服務態度欣勤，不斷為我們奉上熱茶，並講述每道菜的特點，值得一讚。

香港的日式串燒店多的是，有的質素高但價格非常高，有的質素劣但價格亦是超貴！但唯有黑木是我覺得會值得繼續光顧的.餐廳內地方不算很大,但大部份都屬二人方桌, 不過坐起來舒適度還可以的.看看餐牌, 主打不少串燒及燒物,價錢方面算是幾優惠.而我們選了串燒OMAKASE HK$680定套餐.這裡貼心地提供熱毛巾, 可以先擦擦手….前菜是凍田螺和厚燒玉子最欣賞是個厚燒玉子, 暖暖地超軟綿的,而不是平時吃到那樣厚實, 蛋味也很重.之後來到串燒12串….燒雞腎: 咬下去腎的質地非常爽脆呀! 完全不老亦不會有渣, 沒太多調味, 更能吃出其腎的獨特鮮味.最特別是雞尾及雞頸肉, 雞尾油脂十分香, 但一串下肚已經有點點油膩. 而雞頸肉相反就只有肉, 油脂少, 不過肉質跟雞翼位差不多, 很有彈性.這裡特別的串燒真的比較多, 而雞潤又是另一個驚喜. 本身雞潤有點粉粉地的口感, 我原以為會很膩很腥, 因為燒的時間加上慈味醬汁, 而且表面燒出來的帶一點點焦, 所以很香口.雞肉棒味道相對比較濃, 把蛋黃攪拌一下再把雞肉捧沾進去吃, 入口有著香甜醬油味之餘還有突出的蛋香, 這款又是不錯吃的.無花果黑豚肉用慢煮的方式去烹調

好姊妹請食生日飯，話係尖沙咀韓國街附近食日本野。一入去間餐廳，我就知係食日本串燒，原來係食OMASASE! 我哋叫咗個12串串燒嘅套餐，等我介紹吓幾個令我驚喜嘅菜式，頭盤有玉子蛋加螺肉，擺盆精美，重有支好靚嘅牙籤用來食螺肉，見到咁靚心情都靚啲！再嚟烤五花腩，先用味噌醬醃五花腩然後再燒，因為肉醃過好所以好juicy，仲有少少嘅炭香味真係好正！不嬲都好鍾意食雞軟骨，好多店舖都係啲骨太多，呢串燒雞軟骨d肉同軟骨比例剛剛好👍呢款鴨肝串燒好特別，一開始我以為係燒香腸，但一咬落原來係鴨肝，我同好姊妹即時對望，因為從未食過鴨肝係燒既，但原來又幾好食，塗左燒汁既脆身外皮，甜甜地加上軟腍嘅內𥚃，原來用鴨肝做串燒都得。海鮮係燒馬友魚，馬友魚燒出嚟係比較乾身，原來喺串燒師傅喺爐頭上面掛幾個小時先至去燒，咁樣魚身就會冇咁多水份，魚既口感較紮實，食落重有少少煙燻嘅味道，同平時喺屋企食嘅煎魚不一樣！甜品有燒日本番薯仔🍠，唔會乾好甘甜！燒飯團係最後一道菜，飯團🍙入面包住魚春，外面燒到脆卜卜，個人覺得外面燒得硬左少少，但調左味嘅飯團🍙加埋啲魚春飽肚得來又好味！我喺日本食過OMAKASE，喺香港都係第一次食，但冇諗過水

平時D人話食OMAKASE都係食壽司多~估唔到今次朋友帶我黎呢間餐廳係食串燒既OMAKASE真係估都估唔到呀餐廳叫做黑木，門面非常日式，好有日本高級既居酒屋FEEL呢~店內有個大酒櫃，放左好多唔同款既珍貴SAKE!呢個就係OMAKASE既MENU啦~我地想食得盡情D，所以揀左$688果款，有前菜、12串串燒、煮物、吸物、燒物、季節海鮮、食事。哈哈~真係好多野食，好吧!我地去相啦~前菜:個煮螺甜甜地，好開胃呢嘩~~黎啦黎啦~串燒一窩鋒咁黎啦~冬菇、青椒、豚肉、白蘑菇、雞心、雞腎，再有雞心、大葱、白鱔同蕃薯仔等等呢個燒豚肉好惹味，油支支加肥瘦適中，一試難忘雞心呢個好特別，我平時好少食，但呢個香口得黎又有口感~不錯!雞腎脆卜卜~甜蕃薯仔，甜到入心~呢個白鱔必推，外脆內軟，肉質鮮嫰~呢個雞串溝入雞軟骨，入口"索索聲"，送埋佢既蛋一齊食，別有一番風味，好想ENCORE多一碟個雞串!!!梅子醬燒雞，平時好少食到，都幾特別~清酒煮蜆，大大粒~滿足燒魷魚，爽口彈牙，襯D薑蓉食~配!食左咁多野其實已好飽了，呢個海鮮湯上得剛剛好，解膩之餘個湯真係好鮮味，仲要用個茶壺上，好得意!果然睇得又食得~燒魚，師傅真

《黑木》係最近新開的餐廳，喺尖沙咀金巴利，主打日式串燒！串燒的選擇有很多，我地選擇了$688一位的Omakase，交給廚師為我地發辦，份量多，味道好，相當高質，非常抵食！包括有前菜、串燒12串、煮物、吸物、燒物、季節海鮮、食事，非常豐富！前菜凍清酒煮蜆和麻醬冷豆腐，鮮甜的蜆肉配上淡淡的清酒，好清新！豆腐相當嫩滑，配上香濃的麻醬，很開胃！串燒整體來說，所有串燒出色美味！青椒仔大葱和雞心大蔥燒至微焦，香氣四溢 ！雞心爽口彈牙，醬汁搭配得宜！日本黑豚肉黑豚肉肉味香濃，配合少量的孜然粉，十分惹味！雞腎很爽口，加少許七味粉，更美味！白鱔白鱔外皮燒至香脆，鱔肉嫩滑多汁，非常肥美！燒菇菌雞頸肉香口彈牙，好滋味！白菌白菌加上醬汁和木魚絲，不錯！雞尾雞尾外層燒至香脆，內裡油香四溢，濃郁美味，有驚喜！ 雞骨棒配溫泉蛋所有串燒當中，個人最喜歡這個！軟滑多汁的雞肉蓉，加上爽脆的雞軟骨，口感層次豐富！再加上惹味醬汁和溫泉蛋一齊食，意想不到的驚喜和滋味，這個配搭真的一絕！十分推介！小甜薯小甜薯香甜細滑，很不錯！燒喜之次喜之次的魚油和肉汁滿滿，肉質肥美可口，非常鮮甜美味，超級正！個人喜歡加上少許柚子醋的醬油，更能提

路痴出街食飯 零舍麻煩，左串右插都吾知自己，幸好有人帶路。初初我以為係寿司店入左門口才知係食串燒吧枱既櫈太高，我生得矮，上落吾方便，但坐得舒服既，又可以看到師傅燒串燒鮮帶子串(好鲜甜帶爽口)雞心 雞腎我必食翡翠甘嘅銀杏勁正，我朋友一個人食左3串，我都吾差食2串燒馬友$168吾貴，燒得香又一推介，明太子燒飯糰，我俩每人食两個我個人鐘意秋葵大家都知我偏愛木色既裝修，令到成個埸很光猛，很 和諧又舒服 ，不像一般串燒店死氣黑沉沉雖然我們今天比其中一個好友放飛機，但我們依然食得很開心，全靠D師傅健談

今晚同朋友黎試下呢間新開既日本菜，主打食串燒，未試過串燒omakase就試試佢xd 前菜有東風螺+豆腐，呢個豆腐好特別，加左蝦膠同燒汁，幾好味！個餐都好豐富，足足有12串串燒，先黎幾款內臟，有雞心同雞腎，再有雞軟骨、大葱同黑豚肉，雞軟骨同黑豚都燒得好香好味，其餘內臟唔太岩我xd 串燒一窩蜂黎得好快，有東菇，白鱔，青椒仔同蕃薯仔，白鱔好爽口彈牙～之後呢款海鮮湯好得意，用菜壺上，清清地入面有蝦同蜆。食到呢度都已經幾飽，再黎有無花果醬豚肉，個汁酸酸甜甜好好味。而梅子醬燒雞就較為普通。食極唔完串燒既仲有免治雞肉串配溫泉蛋~最後有燒三文魚飯團作結。整體個餐好多野食，味道唔錯，不過肉太多有點膩~

好朋友約食飯，地點選擇左呢間朋友之前食過覺得幾好，開咗冇幾耐嘅一間日本餐廳去到門口感覺好神秘我哋兩個最後都係選擇左廚師發板，但係因為朋友最近唔可以食太多肉類，所以我哋要求餐廳可唔可以安排多一點蔬菜前菜同豆腐酸酸甜甜好開胃，醬汁亦都好惹味呢間以串燒為主打嘅日本餐廳，蔬菜類別佢都燒得好出色，外表唔會燶但有燒過嘅香脆，但係裏面保持住蔬菜嘅水份，好正另外餐廳安排左每人一個海鮮茶壺湯，湯放喺茶壺入邊可以保持住佢嘅溫度，然後再一杯杯咁倒出嚟品嚐，感覺好鮮甜肉類方面特別想讚一讚佢嘅牛小排同埋無花果黑豚肉，牛小排燒得好香脆而且將牛肉嘅肉汁鎖住，黑豚肉味道好特別，而且我覺得比牛肉更加好食最後佢嘅燒魚都做得好出色，燒馬友完全將魚既肉汁鎖住，正最後食埋燒飯糰，燒得好香脆，飽到不得了

本來想去韓國街食嘢，行吓行吓，發現呢一間好別緻嘅日本餐廳，門面好似去咗日本街頭咁，就係咁就吸引左我哋去食。竟然串燒都有廚師發板餐，咁仲好，唔需要自己諗！首先前菜有麻將豆腐同埋青瓜，味道好清新！豆腐比一般平時食嘅豆腐豆味更加濃烈！好滑！職員會問一下想要蔬菜定係肉類多一啲，我哋揀咗蔬菜。首先嚟咗燒秋葵，幾特別，唔會有潺嘅感覺。幾爽。無花果豚肉，呢個汁好香好甜！甜得黎微微酸幾開胃！豬腩肉睇落較肥，但食落去係脆口！唔錯！海鮮茶壺湯，外型好得意！壺蓋反轉可以當小碗。湯好清甜，入面有蝦，菇，蜆等配菜。安格斯牛小排不太韌，燒得好香！車厘茄朋友食話好鮮！黑木一夜干 用馬友來燒，入味，多汁！燒蕃薯粟米勁香甜多汁！旁邊係雞頸肉，好彈牙，好特別 呢次來食串燒都好有驚喜！同知己飯返杯氣氛不錯！

這間位於尖沙咀燒烤店新開無耐，見平日中午要大排長龍，今晚book到位一於食餐好。今次選了呢度皇牌套餐omakase，有齊十二款串燒，燒物，前菜，海鮮同甜品，同其他和式餐廳專吃刺身不同，首先上的是糖心蛋，煮法簡單但蛋醬濃味，一口已經清曬。燒魚共有兩款，分別有燒鰻魚，秋刀魚，鰻魚肉厚，皮脆肉汁多，是最有驚喜菜式，秋刀魚用上日式傳統燒法，燒得很香，份量亦很大。煮物方面，日式豬手煮得入味又有酒香，質感軟滑，食了四舊也不夠，無花果煮豬肉則很有新鮮感，其他地方食不到，整體燒物和煮物也是高水準，值得跟好友聚舊的地方。