黑布小巷

營業中

休息中

黑布小巷。自從上次食完之後，又心思思過咗嚟食吐司。台式肉蛋芝士吐司熱辣辣即叫即做麵包外層烘到好脆口裡面啲豬扒夾埋爆汁半熟流心蛋芝士再配埋佢哋既自家制醬汁食落真係好好味😋店舖仲提供埋透明膠手套比你食吐司真係好窩心❤️花枝丸配淮鹽（5粒）加配呢個小食仲有優惠花枝丸大大粒新鮮炸起咬落彈牙堅有花枝味有口感👍芝士火腿肉鬆蛋餅呢個台式傳統蛋餅餡料有芝士、火腿同肉鬆一層層既蛋餅食落好滿足，感覺就好似去咗台灣啲夜市到食咁。真係好有風味。桂花烏龍茶係冷泡茶我真係飲到桂花味😆芋頭椰汁三色圓（左）桂圓杞子玫瑰三色圓（右）飲埋呢碗湯水真係好似去咗台灣一趟咁😋

黑布小巷好耐之前喺旺角食過一次，佢個吐司同埋芋圓真係世一咁好食 😍 而家荔枝角仲有埋坐位，一直都想去食多次 🤤 前幾日去睇想見你 💕 一於開場前食返個台式美食應下景先啦 🙌🏻慢烤雞腿芝士蛋吐司厚厚嘅雞腿肉烤得非常之嫩滑 😍 流心蛋、瀑布芝士配合埋甜甜地嘅自家醬汁超美味！吐司烘得夠香，成個 combination 超讚 😍 店家仲好貼心比埋手套我地，因為一口咬落去真係會爆汁 🤩 台式吐司系列必食 🙌🏻古早味滷肉飯大大碗超級有誠意 🤤 豬腩肉肥瘦適中，而且超入味 🙆🏻‍♀️ 自家製嘅滷水汁夠曬香濃，仲有埋酸蘿蔔 balance 返成件事 👍🏻 最正嘅係，佢嘅滷肉份量超多，我哋直頭有一種滷肉多過飯嘅感覺芝士火腿肉鬆蛋餅（荔枝角店限定）蛋餅萬歲 😍 滿滿嘅肉鬆同埋厚切火腿，加埋啖啖芝士嘅蛋餅，仲有自家醬汁，煎得好香，口感豐富，足料到不得了 😋 我一個人可以吞一份 🤤黑布小巷每一個系列都好高質 👍🏻 雖然今次飽到未有 quota 食芋圓（佢地真係好足料份量好大 😂），但真心芋圓系列係好唔錯的！🙌🏻

黑布小巷呢間台灣菜好出名，就同朋友book枱過去試吓。我地今晚食咗慢烤雞腿芝士蛋吐司，真係好正呀！雞腿烤得酥香，再加埋芝士同蛋吐司，令人食得飽飽。之後就係蕃茄紅燒台式牛肉麵，味道香嘅蕃茄蓉令人愛不釋口，加埋入味啲蘿蔔，再配合香濃啲滷水蛋，真係好好味呀！此外，啲秘製牛肋條真係好香濃，牛肋條肉質鮮嫩，絕對係一道唔可以錯過嘅菜式。接著係花枝丸配淮鹽，鹹味同花枝丸啲彈牙口感啱啱合適，而桂花烏龍茶同自家製冬瓜茶味道亦好清新，令人回味。最後就係每天新鮮製作啲芋頭椰汁三色丸，味道好好，好彈牙，配上鮮甜啲椰汁，絕對係一道唔好錯過嘅甜品。其他環境及餐牌

星期五晚上7:00pm的晚飯時間到達餐廳, 門外有十多人在輪候入坐. 等了大約25分鐘, 終於可以坐下點餐. 這間餐廳差不多完全用self-serve模式營運, 自己scan QR code點餐, 並且自行在網上結帳. 當天所有飯麵主食全部售完, 但員工是完全不知情, 要顧客詢問樓面員工再代為詢問廚房員工才能得到確認, 而所有在外面排隊的顧客也全不知情. 作為一間餐廳, 是不是應該主動通知在外排隊的顧客主食已售完, 免得白白浪費時間等候呢?

一啲工業中心其實真係有好多人世美食，荔枝角就係其中一個地方，呢一間餐廳都係台灣菜裏面幾出名嘅，店家標榜用咗傳統台式做法👀，滷水汁都係自行調配，小編亦都係因為佢哋嘅招牌芝士吐司而專登過去😋 吐司烤到脆身，再配上美國大草原穀飼豬扒、半熟流心蛋再加自家製醬汁。吐司裏面嘅豬肉餡好淋好入味。飲品仲叫咗羅漢果茶➕古早味冬瓜茶，全部都係真材實料👍🏻完全冇添加任何糖分，甜度適中啱啱好

前兩日去開荔枝角嗰邊，同朋友一齊夜晚一齊食呢間台灣菜。麻辣鬼椒雞腿芝士蛋吐司$55呢個吐司真係好好食！！首先真係爆餡，雞腿肉好嫩滑，個醬汁有少少辣辣地，又唔算太辣，仲有好多香濃嘅芝士，同埋流心嘅雞蛋，好好食。蝦餅+$28有三塊，炸得香脆，配埋泰式辣醬好食。蕃茄紅燒台式牛肉麵$78好大碗麵，麵質彈牙，牛肉係煮得軟淋嘅牛肋條，配埋小棠菜、紅蘿蔔、白蘿蔔同埋滷蛋，加上番茄紅燒湯底，呢碗麵好豐富。芝士蛋餅$35蛋餅好香，入面有香蔥、蛋同埋流心嘅芝士，食落好香濃芝士味。冬瓜茶+$5冬瓜茶味道香甜。桂花雪梨羅漢果茶+$12感覺好健康，好似話冇再添加糖，飲到天然嘅雪梨同羅漢果味。芋頭椰汁三色圓$46有好多芋圓，大大碗夠兩個人share。芋頭椰汁味道香濃。

臨近荔枝角地鐵站， 步行數分鐘就到達餐廳， 算是十分方便。 地方寬闊， 有通明的窗口， 近窗口坐十分舒服。餐廳嘅招牌係蛋吐司，有多款選擇，我地最後選擇咗慢烤雞腿芝士蛋吐司，熱辣辣，香濃嘅芝士味，非常好食，強烈推薦。古早味手工滷肉飯，同街邊嘅滷肉飯唔同，滷肉大大粒大大碗，滿足各大食肉獸👍🏻自家製既冬瓜茶非常有驚喜，甜味適中，比起羅漢果茶好飲👍🏻最後食左一個芋頭椰汁三色丸，又係大大粒大大碗，味道太甜，整體一般。

是日同朋友去開D2，食DINNER去到億利睇下有咩食，見黑布小巷 食台野，就決定去食同朋友點左慢烤雞腿芝士蛋吐司 蕃茄紅燒台式牛肉麵 花枝丸配淮鹽 芋頭椰汁三色圓  桂花雪梨羅漢果茶 (凍)桂花雪梨羅漢果茶 (凍)同朋友點左桂花雪梨羅漢果茶 (凍)，重羅漢果味，凍野幸好唔系有冰，平時飲開熬野，都想間唔中飲下凍野，哩杯真的OK花枝丸配淮鹽花枝丸配淮鹽真的好好食，好香口，剛剛熱咁上來，真的食到花枝粒~~慢烤雞腿芝士蛋吐司 慢烤雞腿芝士蛋吐司 真的好厚身，芝士，雞睥肉，半流心蛋，真的一路食，一路有流蛋汁同埋醬汁，真的好好好味道~~~蕃茄紅燒台式牛肉麵 真的好正，牛肉麵加埋酸酸地的蕃茄，真的好開胃，配料都唔少，真的好滿足的牛肉麵!!芋頭椰汁三色圓芋頭椰汁三色圓真的好好食，煙煙UNUN的三色圓，加埋好CREAMY的芋頭椰汁，真的愈食愈想食!!

偷偷地說呢間小店其實一直喺我bookmark list到🤫🤫佢哋以前仲係喺地下做緊外賣舖嘅時候我已經bookmark咗～見到佢超爆餡嘅肉蛋吐司就好想食！🥹不過未有機會食🤣依家佢哋搬咗去樓上有堂食嘅實體店，空間又大，都戥佢哋開心😛☺️呢日得閒就終於肯去試啦😝店裏面主打食招牌台式肉蛋吐司🥪同蕃茄紅燒牛肉麵🍜依家仲有最新嘅台式便當同蛋餅可以叫😋超多選擇！🌟慢烤雞腿芝士蛋吐司🥪 $53 (4.5/5)想講呢個吐司真係好好好味🥹❤️上枱見到佢爆哂漿咁已經流哂口水🤣第一啖咬落去食到好濃嘅蛋汁🥰雞肉超嫩滑，加埋佢哋自家秘製嘅醬汁，酸酸甜甜咁，好Fresh好夾😍仲要中間有大量嘅芝士，邪惡度爆分🤣每啖食落肚都覺得好幸福好開心😚不過呢個吐司真係好爆餡，所以店員都好細心咁提供左手套，如果唔係真係會食到好狼狽🤣🤣🌟芝士火腿肉鬆蛋餅 $42 (3.5/5)蛋餅係佢哋嘅新產品🥰梗係要食我最愛嘅芝士火腿肉鬆啦😚蛋餅都算大份，分到六大件，裏面塞滿左肉鬆同火腿🤫第一啖食落去好香嘅蔥味，蛋餅皮好薄好煙韌🤤上面淋咗自家製嘅醬汁，鹹鹹地令成個蛋餅好惹味😈雖然芝士味唔算好突出，但食落去滿滿嘅餡料已經好開心😋🌟手工滷肉雞扒便當 $6

呢間人氣台灣菜黃店應該好多人識，最近見佢地出左牛肉麵，就捉左男朋友陪我試下，平日夜晚去客人唔多，慢慢坐好舒服，野食仲要平靚正😋>慢烤雞腿蛋芝士吐司：蜜糖吐司烘到脆脆地，個蛋好流心，一咬落去會流哂蛋汁出黎，雞腿厚身又多汁，好大塊，食完之後都幾飽。>蕃茄紅燒台式牛肉麵：牛肉麵湯底幾濃，加入蕃茄更清甜，但個味又唔會好搶，牛肉煮到軟腍入味，D麵煮到岩岩好，幾滑溜的。>芝士火腿蛋餅：蛋餅幾足料，配上鹹香芝士幾惹味，不過夾果陣要小心d料跌出黎🤣>台式香腸：跟餐加錢有2條，烤到個皮脆脆地，食黎過下口癮。>花枝丸：食到有墨魚粒粒，幾好。>黑糖紅棗薑三色圓：薑味幾重，味道唔太甜，芋圓同番薯圓食得出係自家製，有少少蓉咁樣，幾Q彈。>烏龍茶及冬瓜茶：自家制味道唔錯，冬瓜茶好清甜潤喉。

呢間台式餐廳，之前喺其他分店外賣嘢食，好好食。今次就嚟荔枝角分店堂食，因為呢度食物款式多啲，同埋有芋圓糖水食，另外2間外賣分店無㗎！店內光線充足，雖然要排排坐或面壁坐，但每張枱都好闊落，有間板都唔會覺得好逼，坐得算鬆動。🥪 黑松露焦糖洋蔥日本飛驒牛芝士蛋吐司 (HK$98)．一見到份吐司有好厚一層日本飛驒牛，真係心心眼😍．飛驒牛是日本的和牛之王，油花若霜，口感比一般牛肉鬆軟好多，牛味香濃．烤吐司之間仲有黑松露醬、炒焦糖洋蔥、半熟日本流心蛋、自家秘制醬汁、溶岩芝士，咁多正料，食嘅時候要好溫柔咁食，唔係啲料會流晒出嚟㗎啦！📌提提你：呢款每日限量供應，準備時間要耐啲㗎！只限堂食，親熱食先好食喔。🍜 蕃茄紅燒台式牛肉麵 (HK$78)．湯底濃郁，食得到湯裡有好多鮮番茄蓉和好入味嘅蘿蔔．大大舊秘制牛肋條，軟腍易咬，好好味😋．麵條軟身，有咬口，很掛汁，也好長條呀 (你睇我朋友夾到幾長的麵條😲)🦑 花枝丸配淮鹽(跟餐 +HK$28/5粒)．新鮮炸起，熱辣辣，彈牙爽口，裡面仲有一粒粒花枝肉㗎！☕️ 桂花雪梨羅漢果茶 (跟餐 +HK$12/熱 x 2杯)．呢杯野有好濃嘅羅漢果和雪梨煮在一起的味道，是一種好

Bookmarked咗依間小店勁耐🫶最近去行市集終於順路一試😽好食到食完好快又想再去食！🥪慢烤雞腿芝士蛋吐司 $53勁足料！雞扒大大塊而且醃得好入味。一定要加芝士同流心蛋！芝士仲好似瀑布咁，絕對係個精粹黎🤓一啖咬落去有齊所有口感同芝士蛋香，正！🍅蕃茄紅燒台式牛肉麵 $78未食過咁濃郁嘅蕃茄牛肉湯🤣濃到啖啖都有茄蓉～所有食材都炆得超入味！淋到連牛肉都一夾就散😳而粗麵條都好好食，彈牙又掛汁！另外跟餐仲嗌咗炸花枝丸同台式香腸，新鮮熱辣都唔錯！🍧凍芋頭椰汁三色圓 $46賣相麻麻，但食落有驚喜！就咁睇以為係純椰汁水LL，但入口係會漿住個嘴😳溝咗滿滿芋泥勁濃味，再加上彈牙芋圓～好好食😋值得一提，依到連冷泡茶都好飲，清澈甘醇！

《黑布小巷》▪️▪️▪️▪️▪️▪️▪️▪️▪️▪️▪️去到荔枝角d2除咗入面嘅餐廳之外，都可以去附近嘅-億利工業中心搵嘢食~ 今次就去咗入面嘅台灣美食小店-黑布小巷▪️▪️▪️▪️▪️▪️▪️▪️▪️▪️▪️🔸慢烤雞腿蛋吐司+甜不辣($82)雞腿肉肉質嫩滑，配合爆曬出嚟嘅蛋漿，食落去每一啖都非常有層次感 ！吐司脆而不焦，水準唔錯~ 另外食物本身分量亦都非常實惠 ，好容易就食到個人飽曬 ！ ！ 絕對會再叫 ！甜不辣係三大塊 ，而唔係平時見到細細塊嗰啲甜不辣！食落去口感唔錯~ 算係不錯嘅小食🔸台式肉蛋芝士吐司 +花枝丸 ($89)豬扒肉同雞腿肉相比一定係冇咁嫩滑 ， 不過配合賣爆漿嘅蛋汁同埋芝士 ，絕對唔會有好乾嘅情況出現 ！ 大大啖肉配吐司同醬汁邪惡又好食炸到脆曬嘅花枝丸再點埋淮鹽，香口好食🔸芝士火腿肉鬆蛋餅($42)芝士、火腿、肉鬆一次過加曬入蛋餅入面完全滿足曬所有願望，仲要完全唔使諗蛋餅配料揀啲咩!! 食落去每一啖都係塞到滿滿嘅配料!!好滿足▪️▪️▪️▪️▪️▪️▪️▪️▪️▪️▪️不設加一收費▪️▪️▪️▪️▪️▪️▪️▪️▪️▪️▪️今次幫襯📍荔枝角長沙灣道883號億利工業中心4樓405室北角炮台山電氣道160號木蘭苑地下A號舖葵芳葵富路7號葵涌廣場3樓摩登世界

舊時係旺角嗰陣我哋已經成日食，嗰日咁啱喺荔枝角想食台灣嘢，就醒起佢哋依家喺荔枝角插咗旗，梗係拿拿聲上去食返個吐司先喇🫰🏻慢烤雞腿芝士蛋吐司🥪 $53睇落好似好細份，但用料十足，一拎上手啲蛋汁已經等唔切咁湧哂出嚟，好彩佢哋好貼心咁提供咗手套，選用上雞腿肉，所以肉質好嫩滑啖啖肉，食落有芝士嘅咸香亦有少少嘅甜味，🐨表示除咗好好食同好好食都無咩形容詞🤣🤣蕃茄紅燒台式牛肉麵 $78聞到係極級香濃，湯底主要以蕃茄味為主，都相當濃郁，麵質就比較腍身，份量都幾多，都算幾掛湯，牛肉方面就用上牛腩，肉質中規中矩，配菜仲有紅蘿蔔，滷蛋等等，整體嚟講都算唔錯😆花枝丸配淮鹽 +$28炸衣好薄身，炸到金黃色，熱辣辣即食真係好正，花枝味好濃，亦都好彈牙，食落咸咸地，又係會啪上癮嘅節奏😚芝士火腿蛋餅🍳 $38賣相精緻，蛋味唔算好濃，但就幾足料，見到火腿都纏咗幾圈🤣 仲食到少少火腿嘅燶味😍 而芝士味都唔算好重，調味恰到好處，唔會太膩，食哂成條都唔會話好大負擔👍🏻芋頭椰汁三色圓 $46芋圓偏大粒，口感好煙靭，每隻芋圓嘅味道都好突出，椰汁好稠身，夠濃得嚟又唔算好甜，係兒時回憶嘅椰汁底🤤桂花雪梨羅漢果茶 +$12無添加糖，純

今日中午與朋友來到黑布小巷，初嘗一下台灣風味的午餐麻辣鬼椒雞腿芝士蛋吐司 貼心附送了手套，令到進食過程十分方便，在味道方面，吐司涵料十分充料豐富，流心蛋加上厚厚芝士，鮮味雞肉配上美味鬼椒醬汁🎆清清爽爽不油膩的感覺，十分滋味😋桂圓杞子玫瑰三色圓糖水連同三色圓一啖食落去有清清玫瑰花香，當中芋圓、紫薯圓及地瓜圓粒粒分明，十分煙韌彈牙，食落有原材料味道之餘亦十分舒服清爽。蝦餅一份共有三塊，配上酸辣醬味道不錯，脆度適中。桂花烏龍低溫冷泡的桂花茶，適合無糖人士，清清桂花味適合與吐司一齊享用對所有食物都很滿意☺️細食既朋友叫吐司記得要和朋友開心Share,這樣可以嘗到更多款式的食物喔！